Connect with us

Reviews

പത്തര മാറ്റ് തിളക്കത്തിൽ ഉരുക്കിയെടുത്ത, ഒരു നിമിഷം പോലും മടുപ്പിക്കാത്ത എൻ്റെർടൈനർ ! തട്ടാശ്ശേരി കൂട്ടം റിവ്യൂ വായിക്കാം

Published

on

പത്തര മാറ്റ് തിളക്കത്തിൽ ഉരുക്കിയെടുത്ത, ഒരു നിമിഷം പോലും മടുപ്പിക്കാത്ത എൻ്റെർടൈനർ ! തട്ടാശ്ശേരി കൂട്ടം റിവ്യൂ വായിക്കാം

സൗഹൃദത്തിൻറെ ആഘോഷക്കാഴ്ചകളായി എത്തുന്ന ചിത്രങ്ങൾ എന്നും മലയാളി പ്രേക്ഷകർ ഇരുകൈയും നീട്ടിയാണ് സ്വീകരിച്ചിരിക്കുന്നത്, അത്തരത്തിൽ വീണ്ടും സൗഹൃദത്തിൻറെ കഥ പറയുന്ന ഒരു ചിത്രമാണ് നവാഗതനായ അനൂപ് പത്മനാഭൻ ഒരുക്കിയ തട്ടാശ്ശേരി കൂട്ടം.

തട്ടാശ്ശേരി എന്ന നാടിന്റെയും തട്ടാശ്ശേരി എന്ന കുടുംബത്തിന്റെയും പശ്ചാത്തലത്തിലാണ് ചിത്രത്തിൻറെ കഥ വികസിക്കുന്നത്. ചിത്രത്തിലെ പ്രധാന കഥാപാത്രമായ സഞ്ജയ്യുടെ അമ്മാവനായ കൃഷ്ണൻ ഒരു കഴിവുള്ള ഒരു സ്വർണ്ണപ്പണിക്കാരനാണ്. ഹമീദ് അലി എന്ന വമ്പൻ വ്യവസായിയുടെ ആവശ്യപ്രകാരം അദ്ദേഹത്തിൻറെ മകൾക്ക് വേണ്ടി ഇതുവരെ ആരും പണിയാത്ത തരത്തിലുള്ള ഒരു മാല അയാൾ പണിയുവാനായി കൃഷ്ണൻ തട്ടാൻ്റെ പക്കൽ എത്തുന്നു, നാളെ ഈ മാല ഒരു വാർത്തയാവണം അത്തരത്തിൽ ഒരു മാലയാണ് ഹമീദലി ആവശ്യപ്പെട്ടിരുന്നത്. എന്നാൽ അത് പണിയാൻ സഹായിക്കുന്ന സഞ്ജയ് താൻ സ്നേഹിക്കുന്ന ആതിര എന്ന പെണ്കുട്ടിയുടെ ഫാഷൻ ഷോക്ക് വേണ്ടി ആ മാല കൊടുക്കുന്നതോടെ കഥാഗതി മാറുന്നു. തുടർന്ന് ഉണ്ടാകുന്ന ത്രസിപ്പിക്കുന്ന സംഭാവികാസങ്ങളിലൂടെയാണ് ചിത്രത്തിന്റെ കഥ മുന്നോട്ട് പോകുന്നത്.


തീയറ്ററുകളിൽ ടിക്കറ്റ് എടുത്ത കയറുന്ന പ്രേക്ഷകനെ പൂർണ്ണമായും രസിപ്പിക്കണം എന്ന് നിർബന്ധ ബുദ്ധിയോട് കൂടിയാണ് അനൂപ് പത്മനാഭൻ തന്റെ ആദ്യ സംവിധാന സംരംഭം ഒരുക്കിയിരിക്കുന്നത്, അതിൽ 100% വിജയം കണ്ടുവെന്ന് അടിവരയിട്ട് പറയാം. രണ്ടുമണിക്കൂർ പ്രേക്ഷകരെ ഒരുതരത്തിലും മടുപ്പിക്കാതെ കൃത്യമായ ഗ്രാഫിലാണ് ചിത്രം സഞ്ചരിച്ച് അവസാനിച്ചത്. അതിമനോഹരമായ ആണ് സഞ്ജയ് എന്ന കേന്ദ്ര കഥാപാത്രത്തെ അർജുൻ അശോകൻ ഉൾക്കൊണ്ടിരിക്കുന്നത്.
ഗണപതി, ഉണ്ണി പി. ദേവ്, അനീഷ് ഗോപാൽ, അപ്പു തുടങ്ങിയവർ സുഹൃത്തുക്കളുടെ വേഷത്തിൽ ശോഭിച്ചപ്പോൾ, അമ്മയായി വേഷമിട്ട ശ്രീലക്ഷ്മിയും, ആതിരയായി വന്ന പ്രിയംവദയും ഒപ്പത്തിനൊപ്പം അഭിനയിച്ചു തകർത്തു. സഞ്ജയ്യുടെ അമ്മായിയായി അഭിനയിച്ച ഷൈനി. ടി. രാജന്റെ പ്രകടനം എടുത്തുപറയേണ്ടതാണ്.ജിതിൻ സ്റ്റാൻസിലോവ്സ് ഒരുക്കിയ ഛായാഗ്രഹണവും രാം ശരത് ഒരുക്കിയ സംഗീതവും ചിത്രത്തിന് ഏറെ മാറ്റ് കൂട്ടുന്നു. സാധാരണക്കാരന്റെ പൾസറിഞ്ഞ് സന്തോഷ് ഏച്ചിക്കാനം ഒരുക്കിയ തിരക്കഥയും ഡയലോഗുകളും എല്ലാം കയ്യടി അർഹിക്കുന്നുണ്ട്. മുൻപ് പറഞ്ഞതുപോലെ തിയേറ്ററിൽ ടിക്കറ്റ് എടുത്ത് കയറുന്ന പ്രേക്ഷകനെ ഒട്ടും മടിപ്പിക്കാതെ രണ്ടു മണിക്കൂറിന്റെ ഒരു ഫുൾ ഓൺ എന്റർടൈനർ തന്നെയാണ് തട്ടാശ്ശേരി കൂട്ടം.

 

Reviews

സംഹാരമൂർത്തിയായി തീയറ്ററുകളെ പ്രകമ്പനം കൊള്ളിപ്പിച്ചു ക്രിസ്റ്റഫർ. മമ്മൂട്ടി ഉണ്ണികൃഷ്ണൻ ഉദയകൃഷ്ണ കൂട്ടുകെട്ടിൽ ബ്ലോക്ക് ബസ്റ്റർ

Published

on

സംഹാരമൂർത്തിയായി തീയറ്ററുകളെ പ്രകമ്പനം കൊള്ളിപ്പിച്ചു ക്രിസ്റ്റഫർ. മമ്മൂട്ടി ഉണ്ണികൃഷ്ണൻ ഉദയകൃഷ്ണ കൂട്ടുകെട്ടിൽ ബ്ലോക്ക് ബസ്റ്റർ

ഏറെ ആകാംക്ഷയോടെ സിനിമ പ്രേമികൾ കാത്തിരുന്ന ചിത്രമാണ് മമ്മൂട്ടി ഉണ്ണികൃഷ്ണൻ ഉദയകൃഷ്ണ കൂട്ടുകെട്ടിൽ ഒരുങ്ങിയ ക്രിസ്റ്റഫർ. കാത്തിരിപ്പുകൾക്കൊടുവിൽ ലോകമെമ്പാടുമായി ഇന്നാണ് ചിത്രം പ്രദർശനത്തിന് എത്തിയത്. ഇതിനോടകം തന്നെ പുറത്തുവന്ന ടീസറുകളും പ്രമോഷൻ പോസ്റ്ററുകളും എല്ലാം തന്നെ പ്രേക്ഷകർക്കിടയിൽ ചിത്രത്തെക്കുറിച്ച് ഏറെ പ്രതീക്ഷകളെയിരുന്നു. പ്രമാണിക്ക് ശേഷം മമ്മൂട്ടി ബി ഉണ്ണികൃഷ്ണൻ കൂട്ടുകെട്ടിൽ ഒരുങ്ങുന്ന രണ്ടാമത്തെ ചിത്രം കൂടിയാണ് ക്രിസ്റ്റഫർ.

“Biography of Vigilante Cop” എന്ന ചിത്രത്തിൻറെ ടാഗ് ലൈൻ സൂചിപ്പിക്കുന്ന പോലെ സ്വന്തമായി നീതി നടപ്പാക്കുന്ന ഒരു പോലീസുകാരന്റെ കഥയാണ് ചിത്രം പറയുന്നത്. ഒരു ബലാത്സംഗ കേസിന്റെ അന്വേഷണത്തിന് ഒടുവിൽ എൻകൗണ്ടർ ചെയ്ത പോലീസ് ഉദ്യോഗസ്ഥനായ ക്രിസ്റ്റഫറിന് പുറകെയുള്ള പോലീസ് ഉദ്യോഗസ്ഥയായ സുലേഖയുടെ അന്വേഷണങ്ങളിലൂടെയാണ് ചിത്രത്തിൻറെ കഥ പറഞ്ഞു പോകുന്നത്. പലയിടത്തും നോൺലീനിയറായി പറഞ്ഞു പോകുന്ന കഥ ക്രിസ്റ്റഫറിൻറെ ജീവിതവും അന്വേഷണങ്ങളും നീതി നടപ്പാക്കലുകളും ആണ്. ആരാധകരെയും പ്രേക്ഷകരെയും ഒരുപോലെ സംതൃപ്തിപ്പെടുത്തുന്ന ഒരു ഡീസന്റ് ത്രില്ലർ ഒരുക്കുവാൻ സംവിധായകൻ ബി ഉണ്ണികൃഷ്ണന് സാധിച്ചിട്ടുണ്ട്. മാത്രവുമല്ല അതീവ സ്റ്റൈലിഷായാണ് സംവിധായകൻ ചിത്രം ഒരുക്കിയിരിക്കുന്നത്. ത്രില്ലർ പശ്ചാത്തലത്തിലുള്ള ചിത്രങ്ങളിൽ ബി ഉണ്ണികൃഷ്ണൻ പ്രേക്ഷകരെ ഒരിക്കലും നിരാശപ്പെടുത്തിയിട്ടില്ല, ആ പതിവ് ഇത്തവണയും സംവിധായകൻ തെറ്റിക്കുന്നില്ല.

ക്രിസ്റ്റഫറായി എത്തുന്ന മമ്മൂട്ടി തന്നെയാണ് ചിത്രത്തിൻറെ മുഖ്യ ആകർഷണം. 54 വയസ്സുള്ള പോലീസ് ഉദ്യോഗസ്ഥനായി അതിഗംഭീര പ്രകടനമാണ് മമ്മൂട്ടി കാഴ്ചവെച്ചിരിക്കുന്നത്. രൂപംകൊണ്ടും പ്രകടനം കൊണ്ടും പ്രേക്ഷകർക്കും ആരാധകർക്കും തീർത്തും പുതിയൊരു മമ്മൂട്ടിയെ ചിത്രത്തിൽ കാണുവാൻ സാധിക്കും. ത്രില്ലർ സ്വഭാവമുള്ള ചിത്രത്തിൽ ആരാധകരെ ആവേശം കൊള്ളിക്കുന്ന നിരവധി രംഗങ്ങളും ഡയലോഗുകളും കടന്നുപോകുന്നുണ്ട്. ഐശ്വര്യ ലക്ഷ്മി അമലാപോൾ സ്നേഹ വിനൈയ് റാം ഷൈൻ ടോം ചാക്കോ തുടങ്ങിയ വമ്പൻ താരനിര തന്നെ ചിത്രത്തിൽ അണിനിരന്നിട്ടുണ്ട്. എല്ലാ കഥാപാത്രങ്ങൾക്കും ചിത്രത്തിൽ അർഹിക്കുന്ന പ്രാധാന്യവും ഇടവും നൽകിയാണ് ചിത്രം ഒരുക്കിയിരിക്കുന്നത്. പല കാലത്തിൽ നടക്കുന്ന കഥാസന്ദർഭങ്ങളെ പ്രേക്ഷകരെ ആശയക്കുഴപ്പത്തിൽ ആക്കാതെ മികച്ച രീതിയിൽ പറഞ്ഞുപോകുവാൻ ഉദയ കൃഷ്ണയുടെ തിരക്കഥയ്ക്ക് കഴിഞ്ഞിട്ടുണ്ട്.
ചിത്രത്തിൽ അതിഥി വേഷത്തിൽ തമിഴ് സൂപ്പർതാരം ശരത് കുമാറും എത്തുന്നുണ്ട്.

ഫായിസ് സിദ്ധിഖ് ഒരുക്കിയ ചിത്രത്തിൻറെ ഛായാഗ്രഹണം ആണ് ചിത്രത്തിൽ എടുത്തുപറയേണ്ട മറ്റൊരു മുഖ്യഘടകം. കഥാസന്ദർഭങ്ങളെ സ്ക്രീനിൽ ത്രസിപ്പിക്കുന്ന രീതിയിൽ എത്തിക്കുവാൻ ഫായിസിന്റെ ക്യാമറ മികവിന് സാധിച്ചിട്ടുണ്ട്.അനമോർഫിക് വൈഡ് സ്‌ക്രീൻ ആസ്പെക്ട് റേഷ്യൂവിലാണ് ചിത്രം പ്രേക്ഷകർക്ക് മുന്നിൽ എത്തിയിരിക്കുന്നത്. ജസ്റ്റിൻ വർഗീസ് ഒരുക്കിയ ചിത്രത്തിലെ പശ്ചാത്തല സംഗീതം തിയേറ്ററുകളിൽ ഏറെ പ്രകമ്പനം സൃഷ്ടിക്കുന്നുണ്ട്. അതുപോലെതന്നെ സുപ്രീം സുന്ദർ ഒരുക്കിയ ചിത്രത്തിലെ ആക്ഷൻ രംഗങ്ങൾ ഏറെ മികച്ചുനിൽക്കുന്നു, പ്രത്യേകിച്ചും മനോജിന്റെ എഡിറ്റിംഗ് മികവിൽ മമ്മൂട്ടിയുടെ ത്രസിപ്പിക്കുന്ന സംഘട്ടന കാഴ്ചകളാണ് പ്രേക്ഷകർക്ക് വെള്ളിത്തിരയിൽ നൽകുന്നത്. ചിത്രത്തിൻറെ ലോഞ്ചിങ് വേദിയിൽ മമ്മൂട്ടി പറഞ്ഞതുപോലെ വരുംദിവസങ്ങളിലും ഈ ചിത്രം തീയറ്ററുകളിൽ കാണും, അതും നിറഞ്ഞ സദസ്സുകളിൽ.

Continue Reading

Reviews

പഠാന് ആരാധകരുടെ പട്ടാഭിഷേകം ! ഇന്ത്യൻ സിനിമയുടെ സിംഹാസനത്തിൽ വീണ്ടും രാജാവ് ! പഠാന് ഗംഭീര പ്രതികരണങ്ങൾ

Published

on

പഠാന് ആരാധകരുടെ പട്ടാഭിഷേകം ! ഇന്ത്യൻ സിനിമയുടെ സിംഹാസനത്തിൽ വീണ്ടും രാജാവ് ! പഠാന് ഗംഭീര പ്രതികരണങ്ങൾ

ഇന്ത്യൻ സിനിമ ലോകം ഏറെ പ്രതീക്ഷകളോടെ കാത്തിരുന്ന ഷാരൂഖ് ഖാൻ ചിത്രമായ പത്താൻ ഇന്ന് ലോകമെമ്പാടും പ്രദർശനത്തിന് എത്തി.
ന്യൂസിലാൻഡിൽ ആണ് ചിത്രത്തിൻ്റെ ആദ്യ പ്രദർശനം ആരംഭിച്ചത്.രാവിലെ ആറ് മണി മുതലാണ് ഇന്ത്യയിലെ പത്താന്‍റെ പ്രദര്‍ശനം ആരംഭിച്ചത്. ഹിന്ദി, തമിഴ്, തെലുങ്ക് ഭാഷകളിലായി 5200 സ്‌ക്രീനുകളിലാണ് പത്താൻ റിലീസ് ചെയ്യുന്നതെന്ന് ട്രേഡ് അനലിസ്റ്റായ  തരൺ ആദർശ് വെളിപ്പെടുത്തി. ഇന്ത്യയ്ക്ക് പുറത്ത് 2500 സ്ക്രീനുകളിലാണ് സിനിമയ്ക്ക് ലഭിച്ചത്. ആഗോള തലത്തില്‍ 7700 സ്ക്രീനുകളില്‍ പ്രദര്‍ശനം നടത്തുമെന്നാണ് കണക്കുകള്‍ സൂചിപ്പിക്കുന്നത്.
നാല് വര്‍ഷത്തിന് ശേഷമുള്ള ഷാരൂഖ് ഖാന്‍റെ ശക്തമായ തിരിച്ചുവരവാണ് പത്താനിലൂടെ ഉണ്ടായതെന്ന് സിനിമ കണ്ടിറങ്ങിയ ആരാധകര്‍ സമൂഹമാധ്യമങ്ങളിലൂടെ പ്രതികരിച്ചു. തുടരെ പരാജയങ്ങള്‍ നേരിട്ട ബോളിവുഡ് ബോക്സ് ഓഫീസില്‍ പത്താന്‍ വലിയ മാറ്റം ഉണ്ടാക്കുമെന്നാണ് വിലയിരുത്തല്‍.

 

Continue Reading

Reviews

ആക്ഷൻ, സെന്റിമെൻസ്, പാട്ട്, ഇമോഷൻസ് എല്ലാം ഒത്തുചേർന്ന ഒരു വ്യത്യസ്ത വിജയ് ചിത്രം ! വാരിസ് റിവ്യൂ വായിക്കാം

Published

on

ആക്ഷൻ, സെന്റിമെൻസ്, പാട്ട്, ഇമോഷൻസ് എല്ലാം ഒത്തുചേർന്ന ഒരു വ്യത്യസ്ത വിജയ് ചിത്രം ! വാരിസ് റിവ്യൂ വായിക്കാം

കാത്തിരിപ്പുകൾക്കൊടുവിൽ ദളപതി വിജയ് നായകനായ വാരിസ് പൊങ്കൽ റിലീസായി ഇന്ന് തിയേറ്ററുകളിൽ പ്രദർശനത്തിന് എത്തി. ചിത്രം ഒരു പൂർണ്ണ ഫാമിലി എന്റർടൈനർ ആയിരിക്കുമെന്ന് അണിയറ പ്രവർത്തകർ നേരത്തെ തന്നെ പുറത്തുവിട്ടിരുന്നു. ചിത്രത്തിൻറെതായി പുറത്തുവന്ന ട്രെയിലർ പ്രേക്ഷകരിൽ എത്രത്തോളം സ്വാധീനം ചെലുത്തിയോ അതുതന്നെയാണ് മൂന്നുമണിക്കൂറോളം വെള്ളിത്തിരയിലും വാരിസ് കാത്തിരിക്കുന്നത്. തെലുങ്കിൽ പ്രമുഖ സംവിധായകനായ വംശി പൈടിപ്പള്ളിയാണ് ചിത്രം ഒരുക്കിയിരിക്കുന്നത്. തെലുങ്ക് മഹേഷ് ബാബു ചിത്രങ്ങളുടെ സ്ഥിരം ടെമ്പ്ലേറ്റിൽ ഒരുക്കിയ ഒരു വിജയ് ചിത്രമാണ് വാരിസ്.

വിജയ് രാജേന്ദ്രൻ (വിജയ്) രാജേന്ദ്രന്റെ (ശരത്കുമാർ) മൂന്നാമത്തെ മകനാണ്, കൂടാതെ തന്റെ ജീവിതത്തിന്റെ അവസാന കുറച്ച് വർഷങ്ങൾ കുടുംബത്തിൽ നിന്ന് അകന്ന് ജീവിച്ച ഒരാളാണ്. അപ്രതീക്ഷിതമായ ഒരു വഴിത്തിരിവ് കുടുംബത്തെ ബാധിക്കുമ്പോൾ, വിജയ്ക്ക് തിരിച്ചുവരേണ്ട സാഹചര്യം ഉണ്ടാവുന്നു
, തുടർന്ന് കുടുംബ പ്രശ്‌നങ്ങൾ പരിഹരിക്കുന്നതിനൊപ്പം ബിസിനസ്സ് വെല്ലുവിളികൾ ഏറ്റെടുക്കുകയും തുടർന്ന് ഉണ്ടാകുന്ന യാത്രകളുമാണ് ചിത്രത്തിൻറെ പ്രമേയം. കാലങ്ങളായി പ്രേക്ഷകർ കണ്ടു ശീലിച്ച കഥയും കഥാപാശ്ചാത്തലവുമാണ് ചിത്രത്തിന്റെത്. അതുകൊണ്ടുതന്നെ അടുത്ത സംഭവിക്കാൻ പോകുന്ന ഓരോ രംഗങ്ങളും വളരെ പ്രവചനാത്മകമാണ്. വളരെയധികം വൈകാരിക രംഗങ്ങൾ ഉൾക്കൊള്ളിച്ച് തിരക്കഥയാണ് ചിത്രത്തിന്റെത്. ഒരു ഹൈ ക്ലാസ് ഫാമിലിയുടെ കുടുംബ ദുഃഖങ്ങളും പ്രശ്നങ്ങളും പ്രേക്ഷകനെ എത്രത്തോളം വൈകാരികമായി കണക്ട് ചെയ്യാൻ ആകുമെന്നകാര്യത്തിൽ സംശയമുണ്ട്.

വിജയ് രാജേന്ദ്രൻ എന്ന കഥാപാത്രമായി ദളപതി വിജയ് ആരാധകരെ സംതൃപ്തിപ്പെടുത്തുന്ന തരത്തിലുള്ള പ്രകടനമാണ് കാഴ്ചവച്ചിരിക്കുന്നത്. ഒപ്പം
വിജയ്‌യുടെ കഥാപാത്രത്തിന് അദ്ദേഹത്തിന്റെ ജനപ്രിയ ബ്ലോക്ക്ബസ്റ്ററുകളിലേക്ക് നിരവധി ത്രോബാക്കുകൾ ഉണ്ട്, അവയെല്ലാം തിയേറ്ററുകളിൽ ആരാധകരുടെ കയ്യടികൾ നേടിയെടുക്കുന്നുമുണ്ട്. ദുർബലമായ കഥയും തിരക്കഥയും വിജയുടെ പ്രകടനം ഒന്നുകൊണ്ടുമാത്രമാണ് മൂന്നു മണിക്കൂറോളം തിയറ്ററുകളിൽ പ്രേക്ഷകരെ പിടിച്ചിരിക്കുന്നത്.
ശരത്കുമാറിന്റെയും ജയസുധയുടെയും ശ്രദ്ധേയമായ പ്രകടനങ്ങളും ചിത്രത്തിൽ ഉണ്ട്. പ്രകാശ് രാജ്, ശ്രീകാന്ത്, ഷാം തുടങ്ങി അഭിനേതാക്കൾ മികച്ച പിന്തുണ നൽകുന്നു. ചിത്രത്തിലെ ഗാനങ്ങൾക്ക് വേണ്ടി മാത്രം എത്തുന്ന നായികയായി രശ്മികയും ചിത്രത്തിൽ ഉണ്ട്. കാർത്തിക് പളനിയുടെ മികച്ച ക്യാമറ വർക്കിന് തടസ്സമായത് സിനിമയിലെ സിജിയുടെയും ഗ്രീൻ മാറ്റ് ഷോട്ടുകളുടെയും അതിപ്രസരമായിരുന്നു. തമനൊരുക്കിയ ഗാനങ്ങളും പശ്ചാത്തല സംഗീതവും തിയറ്ററുകളിൽ ആരാധകരെ ത്രസിപ്പിക്കുന്നുണ്ട്. മൊത്തത്തിൽ ടെലിവിഷൻ സീരിയലുകളെ ഓർമ്മിപ്പിക്കുന്ന ഒരു വിജയ് ചിത്രമായി ഒതുങ്ങുകയാണ് വാരിസ്.

Continue Reading

Recent

General4 days ago

നടൻ കൊല്ലം സുധി വാഹനാപകടത്തിൽ മരിച്ചു

നടൻ കൊല്ലം സുധി വാഹനാപകടത്തിൽ മരിച്ചു സിനിമാതാരവും മിമിക്രി ആര്‍ട്ടിസ്റ്റുമായ കൊല്ലം സുധി വാഹനാപകടത്തില്‍ മരിച്ചു. പുലര്‍ച്ചെ നാലരയോടെ തൃശ്ശൂര്‍ കയ്പ്പമംഗലം പനമ്പിക്കുന്നില്‍ വച്ചായിരുന്നു അപകടം. അദ്ദേഹം...

Film News6 days ago

വിജയ് ചിത്രം ലിയോ കേരളത്തിലെ വിതരണവകാശം 16 കോടി രൂപയ്ക്ക് സ്വന്തമാക്കി ഗോകുലം മൂവീസ്

വിജയ് ചിത്രം ലിയോ കേരളത്തിലെ വിതരണവകാശം 16 കോടി രൂപയ്ക്ക് സ്വന്തമാക്കി ഗോകുലം മൂവീസ് കേരളത്തിൽ ഏറ്റവും അധികം ആരാധകരുള്ള അന്യഭാഷാ നടനാണ് ദളപതി വിജയ്. ചുരുങ്ങിയ...

Video6 days ago

റിവ്യൂ പറയുന്നതിനിടെ ക്യാമറയുടെ മുൻപിൽ നിന്ന് വലിച്ചിറക്കി ആറാട്ട് അണ്ണന് ക്രൂര മർദ്ദനം

റിവ്യൂ പറയുന്നതിനിടെ ക്യാമറയുടെ മുൻപിൽ നിന്ന് വലിച്ചിറക്കി ആറാട്ട് അണ്ണന് ക്രൂര മർദ്ദനം മോഹൻലാലിന്റെ ആറാട്ട് എന്ന സിനിമയുടെ റിവ്യൂ പറഞ്ഞുകൊണ്ട് സോഷ്യൽ മീഡിയകളിൽ സുപരിചിതനായ സന്തോഷ്...

Film News6 days ago

അടാർ! മമ്മുട്ടി ചിത്രം ബസൂക്ക; ഫസ്റ്റ് ലുക്ക് പോസ്റ്റർ പുറത്ത്

അടാർ! മമ്മുട്ടി ചിത്രം ബസൂക്ക; ഫസ്റ്റ് ലുക്ക് പോസ്റ്റർ പുറത്ത് സരിഗമയുടെ ഫിലിം സ്റ്റുഡിയോ യൂഡ്ലീ ഫിലിംസും തിയേറ്റർ ഓഫ് ഡ്രീംസും ചേർന്ന് ബസൂക്കയുടെ ഫസ്റ്റ് ലുക്ക്...

Film News6 days ago

ദളപതി വിജയ് – ലോകേഷ് കനകരാജ് ചിത്രം “ലിയോ”; കേരള വിതരണാവകാശം സ്വന്തമാക്കാൻ ഗോകുലം ഗോപാലൻ

ദളപതി വിജയ് – ലോകേഷ് കനകരാജ് ചിത്രം “ലിയോ”; കേരള വിതരണാവകാശം സ്വന്തമാക്കാൻ ഗോകുലം ഗോപാലൻ കേരളത്തിൽ ഏറ്റവും അധികം ആരാധകരുള്ള അന്യഭാഷാ നടനാണ് ദളപതി വിജയ്....

Film News7 days ago

നിവിൻ പോളി ഹനീഫ് അദേനി ചിത്രത്തിന് പേര് “കൊള്ളക്കാരൻ” !

നിവിൻ പോളി ഹനീഫ് അദേനി ചിത്രത്തിന് പേര് “കൊള്ളക്കാരൻ” ! നിവിൻ പോളിയെ നായകനാക്കി ഹനീഫ് അദേനി തിരക്കഥയും സംവിധാനവും നിർവഹിക്കുന്ന ചിത്രത്തിൻ്റെ ചിത്രീകരണം അടുത്തിടെ പൂർത്തിയായിരുന്നു....

Songs7 days ago

ശേഷം മൈക്കിൽ ഫാത്തിമയിലെ അനിരുദ്ധ് ആലപിച്ച “ടട്ട ടട്ടര” ഗാനത്തിന്റെ ലിറിക്‌ വീഡിയോ റിലീസായി

ശേഷം മൈക്കിൽ ഫാത്തിമയിലെ അനിരുദ്ധ് ആലപിച്ച “ടട്ട ടട്ടര” ഗാനത്തിന്റെ ലിറിക്‌ വീഡിയോ റിലീസായി കല്യാണി പ്രിയദർശൻ ഫുട്ബോൾ അന്നൗൺസറായ ഫാത്തിമയായെത്തുന്ന ശേഷം മൈക്കിൽ ഫാത്തിമയിലെ ആദ്യ...

Film News7 days ago

ആടിത്തകർക്കാൻ ‘പേട്ട റാപ്’, പ്രഭുദേവ – എസ് ജെ സിനു ചിത്രം തുടങ്ങി

ആടിത്തകർക്കാൻ ‘പേട്ട റാപ്’, പ്രഭുദേവ – എസ് ജെ സിനു ചിത്രം തുടങ്ങി ബ്ലൂഹിൽ ഫിലിംസിന്റെ ബാനറിൽ ജോബി പി സാം നിർമ്മിച്ച് എസ് ജെ സിനു...

Film News7 days ago

മോഹൻലാലിൻ്റെ മെഗാ ഹിറ്റ് ചിത്രം ആറാട്ടിനു ശേഷം പുതുമുഖ താരനിരയുമായി ഹിപ്പോ പ്രൈം നെറ്റ്‌വർക്കിന്റെ പുതിയ ചിത്രം

മോഹൻലാലിൻ്റെ മെഗാ ഹിറ്റ് ചിത്രം ആറാട്ടിനു ശേഷം പുതുമുഖ താരനിരയുമായി ഹിപ്പോ പ്രൈം നെറ്റ്‌വർക്കിന്റെ പുതിയ ചിത്രം   ആറാട്ട് എന്ന ഹിറ്റ് ചിത്രത്തിന് ശേഷം Hippo...

Video1 week ago

സോഷ്യൽ മീഡിയകളെ ഇളക്കിമറിച്ച് സൂപ്പർസ്റ്റാർ എൻട്രി !മഹേഷ് ബാബു – ത്രിവിക്രം ചിത്രം “ഗുണ്ടുർ കാരം”; ഗ്ലിമ്പ്സ് വീഡിയോ പുറത്ത്

സോഷ്യൽ മീഡിയകളെ ഇളക്കിമറിച്ച് സൂപ്പർസ്റ്റാർ എൻട്രി !മഹേഷ് ബാബു – ത്രിവിക്രം ചിത്രം “ഗുണ്ടുർ കാരം”; ഗ്ലിമ്പ്സ് വീഡിയോ പുറത്ത് സൂപ്പർസ്റ്റാർ മഹേഷ് ബാബുവിന്റെ പുതിയ ചിത്രത്തിന്റെ...

Trending