സന്തോഷത്തിലും സങ്കടത്തിലും കൂടെ നിന്ന ഏട്ടൻ ! സുരേഷ് ഗോപിക്ക് പിറന്നാൾ ആശംസയുമായി ദിലീപ്

മലയാളികളുടെ ഏറെ പ്രിയങ്കരനായ താരമായ സുരേഷ് ഗോപിയുടെ അറുപത്തിനാലാമത് ജന്മദിന ആഘോഷം ആയിരുന്നു ഇന്ന്. അമ്മയുടെ വാർഷിക മീറ്റിങ്ങിൽ വച്ച് സിനിമാതാരങ്ങൾ എല്ലാം വളരെ ആഘോഷപൂർവ്വം ആയിത്തന്നെ സുരേഷ് ഗോപിയുടെ ജന്മദിനം ആഘോഷിച്ചിരുന്നു. മമ്മൂട്ടിയും മോഹൻലാലും ഉൾപ്പെടെ താരനിബിഡമായ വേദിയിൽ വച്ചായിരുന്നു ജന്മദിനാഘോഷം.

അതേസമയം സുരേഷ് ഗോപിക്ക് ജന്മദിനാശംസകളും ആയി മലയാളികളുടെ പ്രിയപ്പെട്ട മറ്റൊരു താരം ദിലീപ് തന്റെ ഇൻസ്റ്റാഗ്രാം അക്കൗണ്ട് വഴി ആശംസകൾ പങ്കുവച്ചിരുന്നു. സിനിമാമേഖലയിൽ തന്നെ തനിക്ക് ഏറെ അടുത്ത ബന്ധമുള്ള ഒരു സഹോദര തുല്യനായ ജേഷ്ഠൻ ആണ് സുരേഷ് ഗോപി എന്ന ദിലീപ് പറഞ്ഞിരുന്നു. മിമിക്രി ആർട്ടിസ്റ്റ് അസോസിയേഷൻ സംഘടിപ്പിച്ച ടെലിവിഷൻ പരിപാടികളിലും ഇരുതാരങ്ങളും മുൻപ് ഒരുമിച്ച് എത്തിയിരുന്നു.

ട്വൻറി 20 ക്രിസ്ത്യൻ ബ്രദേഴ്‌സ് എന്നീ ചിത്രങ്ങളിലും ദിലീപും സുരേഷ് ഗോപിയും ഒരുമിച്ച് അഭിനയിച്ചിരുന്നു.

വൈദ്യതി നിരക്ക് വർധന, സംസ്ഥാനത്ത് സിനിമ ടിക്കറ്റ് നിരക്കും വർധിക്കും

കഴിഞ്ഞ ദിവസം സംസ്ഥാനത്തെ വൈദ്യുതി നിരക്ക് കേരള സംസ്ഥാന ഇലക്ട്രിസിറ്റി ബോർഡ് വർധിപ്പിച്ചിരുന്ന സാഹചര്യത്തിൽ കേരളത്തിലെ തിയേറ്ററുകളിൽ ടിക്കറ്റ് നിരക്ക് വർദ്ധിച്ചേക്കും എന്നാണ് സൂചനകൾ.
സംസ്ഥാനത്ത് വൈദ്യുതി നിരക്കിൽ 6.6% വർധന വരുത്തി 2022–23 വർഷത്തെ വൈദ്യുതി നിരക്കുകൾക്കു റഗുലേറ്ററി കമ്മിഷൻ അംഗീകാരം നൽകി. നിരക്കു വർധന ഇന്ന് അർധരാത്രി പ്രാബല്യത്തിൽവരും.

നിലവിലുള്ള ടിക്കറ്റ് നിരക്കിൽ നിന്ന് അഞ്ചു രൂപ മുതൽ 10 രൂപ വരെ വർദ്ധനവ് ഉണ്ടാവാനാണ് സാധ്യത. വിനോദ് നികുതിയും യും വിവിധ ടിക്കറ്റ് ബുക്കിംഗ് ആപ്പുകളുടെ സർവീസ് ചാർജുമടക്കം ശരാശരി ടിക്കറ്റ് നിരക്ക് 150 മുതൽ 180 രൂപ വരെ ആയിരിക്കും. ഒ.ടി.ടി പ്ലാറ്റ്‌ഫോമുകൾ വ്യാപകമാകുന്ന സാഹചര്യത്തിൽ തീയേറ്റർ വ്യവസായം വലിയ വെല്ലുവിളി ഇതോടെ നേരിട്ടേക്കാം. നിലവിൽ തീയേറ്റർ ഉടമകളുടെ അസോസിയേഷൻ ഇതിനെക്കുറിച്ച് ഔദ്യോഗികമായി പ്രഖ്യാപനങ്ങൾ ഒന്നും തന്നെ നടത്തിയിട്ടില്ല.

ഒരു ഇടവേളക്ക് ശേഷം വേദി പങ്കിട്ട് മലയാളത്തിന്റെ താര രാജാക്കൻമാർ

വലിയ ഒരു ഇടവേളയ്ക്കു ശേഷം വീണ്ടും ഒരേവേദിയിൽ ഒത്തുകൂടിയിരിക്കുകയാണ് മലയാളത്തിലെ സൂപ്പർ താരങ്ങളായ മമ്മൂട്ടിയും മോഹൻലാലും സുരേഷ്ഗോപിയും. ചലച്ചിത്ര അഭിനേതാക്കളുടെ സംഘടനയായ അമ്മയുടെ ജനറൽ ബോഡി മീറ്റിംഗ് വച്ചാണ് ഈ താര സംഗമം നടന്നത്. കുറേക്കാലമായി അമ്മയിൽ നിന്നും വിട്ടുനിന്ന സുരേഷ് ഗോപി ഗോപി അടുത്തിടെയാണ് അമ്മയുടെ മീറ്റിംഗിൽ പങ്കെടുക്കുവാൻ തുടങ്ങിയത്.

സുരേഷ് ഗോപിയുടെ അറുപത്തിനാലാം ജന്മദിനം കൂടിയായ ഇന്ന് മീറ്റിങ്ങിന് ഇടയിൽ ചലച്ചിത്രപ്രവർത്തകർ എല്ലാംകൂടി ചേർന്ന് കേക്ക് മുറിച്ച് പിറന്നാൾ ആഘോഷമാക്കുകയുണ്ടായി. മമ്മൂട്ടിയും മോഹൻലാലും ചേർന്ന് കേക്ക് മുറിക്കുന്ന ചിത്രം സുരേഷ്ഗോപി തൻറെ ഔദ്യോഗിക ഫേസ്ബുക്ക് അക്കൗണ്ട് വഴി പങ്കുവെച്ചിരുന്നു. കുടുംബസമേതമാണ് സുരേഷ് ഗോപി യോഗത്തില്‍ പങ്കെടുത്തത്.

ഒരു വലിയ ഇടവേളയ്ക്ക് ശേഷം തങ്ങളുടെ പ്രിയ താരങ്ങളുടെ ഒരുമിച്ചുള്ള ചിത്രങ്ങൾ ആരാധകർ ഇതിനോടകം തന്നെ സോഷ്യൽ മീഡിയയിൽ ആഘോഷമാക്കുകയാണ്.