നടൻ കൊല്ലം സുധി വാഹനാപകടത്തിൽ മരിച്ചു

സിനിമാതാരവും മിമിക്രി ആര്‍ട്ടിസ്റ്റുമായ കൊല്ലം സുധി വാഹനാപകടത്തില്‍ മരിച്ചു. പുലര്‍ച്ചെ നാലരയോടെ തൃശ്ശൂര്‍ കയ്പ്പമംഗലം പനമ്പിക്കുന്നില്‍ വച്ചായിരുന്നു അപകടം. അദ്ദേഹം സഞ്ചരിച്ച കാര്‍ എതിരെ വന്ന പിക്കപ്പുമായി കൂട്ടിയിടിക്കുകയായിരുന്നു. ഗുരുതരമായി പരിക്കേറ്റ സുധിയെ കൊടുങ്ങല്ലൂര്‍ എ.ആര്‍ ആശുപത്രിയില്‍ എത്തിച്ചുവെങ്കിലും ജീവന്‍രക്ഷിക്കാനായില്ല. നടന്‍ ബിനു അടിമാലി, ഉല്ലാസ് അരൂര്‍, മഹേഷ് എന്നിവരും ഇദ്ദേഹത്തോടൊപ്പം ഉണ്ടായിരുന്നു. പരിക്കേറ്റ ഇവരെ ആശുപത്രിയില്‍ പ്രവേശിപ്പിച്ചു.

കാക്കനാട് ബൈക്കില്‍ പോയിരുന്നു. ഞാനൊരു പുകയും കണ്ടില്ല, തൃപ്പൂണിത്തുറ ഉള്ള എന്റെ അളിയന്‍ വിളിച്ചു. അവരുടെ കണ്ണ് ഇതുവരെ നീറിയില്ല – ആഷിക് അബു

ബ്രഹ്മപുരം മാലിന്യ പ്ലാന്‍റിലെ തീപിടിത്തവും അതിനെ തുടര്‍ന്നുണ്ടായ അന്തരീക്ഷ മലിനീകരണവും ന്യായീകരിക്കുന്നവർക്കെതിരെയും സർക്കാർ എതിരെയും പരോക്ഷമായി വിമർശിച്ചുകൊണ്ട് ഇൻസ്റ്റാഗ്രാമിൽ പോസ്റ്റ് പങ്കുവെച്ച് സംവിധായകൻ ആഷിക് അബു.നോട്ട് നിരോധന സമയത്ത് അതിനെ ന്യായീകരിക്കാന്‍ ഉയര്‍ന്നുവന്ന വാദങ്ങളും മാലിന്യപ്ലാന്റിലെ തീപിടിത്തം ലഘൂകരിക്കുന്ന വാദങ്ങളും ചൂണ്ടിക്കാട്ടിയുള്ള മാനുവല്‍ റോണി എന്നയാളുടെ ആക്ഷേപ ഹാസ്യ  പോസ്റ്റ് പങ്കുവെച്ചാണ് ആഷിക് അബു ബ്രഹ്മപുരം വിഷയത്തില്‍ തന്റെ നിലപാട് അറിയിച്ചത്.

‘ഞാന്‍ ഒരു ദിവസം കാക്കനാട് ബൈക്കില്‍ പോയിരുന്നു. ഞാനൊരു പുകയും കണ്ടില്ല, തൃപ്പൂണിത്തുറ ഉള്ള എന്റെ അളിയന്‍ വിളിച്ചു. അവരുടെ കണ്ണ് ഇതുവരെ നീറിയില്ല , എറണാകുളത്ത് ഉള്ളവര്‍ അരാഷ്ട്രീയര്‍ ആണ്. അവര്‍ സ്വന്തം മാലിന്യങ്ങള്‍ സര്‍ക്കാരിനെ ഏല്‍പ്പിക്കുന്നു, എല്ലാ ആരോപണവും സംസ്ഥാന സര്‍ക്കാരിനെ തകര്‍ക്കാനാണ്’ എന്നിങ്ങനെയുള്ള വാചകങ്ങളാണ് ആഷിക് പങ്കുവച്ച ഇന്‍സ്റ്റഗ്രാം സ്റ്റോറിയില്‍ ഉള്ളത്.

ഇടത് സഹയാത്രികനും ഇടതുപക്ഷ ചിന്താഗതിക്കാരനുമായ ആഷിക് അബുവിൻ്റെ പങ്കുവെച്ച വാക്കുകൾ ഇപ്പോൾ സോഷ്യൽ മീഡിയയിൽ ഏറെ ചർച്ചയാവുകയാണ്.
ബ്രഹ്മപുരം വിഷയത്തില്‍  സിനിമാ താരങ്ങളാരും പ്രതികരിക്കാത്തതിനെതിരെ സമൂഹമാധ്യമങ്ങളിൽ വലിയ വിമർശനം ഉയർന്നിരുന്നു. പിന്നാലെ ചര്‍ച്ച ഗുരുതരമായതോടെ മമ്മൂട്ടി, മോഹൻലാൽ അടക്കമുള്ള സിനിമാ പ്രവര്‍ത്തകര്‍ വിഷയത്തിൽ തങ്ങളുടെ അഭിപ്രായം സമൂഹമാധ്യമങ്ങളിലൂടെ വ്യക്തമാക്കിയിരുന്നു.

മോഹൻലാൽ ആനക്കൊമ്പ് കേസ് സർക്കാർ പിൻവലിക്കുന്നതിനെതിരെയുള്ള ഹർജ്ജി കോടതി തള്ളി

ഇൻകംടാക്സ് ഡിപ്പാർട്ട്മെൻറ് സൂപ്പർതാരം മോഹൻലാലിൻറെ വീട് റൈഡ് ചെയ്യുകയും തുടർന്ന് ആനകൊമ്പ് കണ്ടെത്തുകയും ചെയ്ത സംഭവം കേരളത്തിൽ ഏറെ വിവാദമായിരുന്നു. 2011 ലാണ് സംഭവം നടന്നത്, തുടർന്ന് ഇൻകംടാക്സ് ഡിപ്പാർട്ട്മെൻറ് കേസ് വനംവകുപ്പിന് കൈമാറുകയാണ് ചെയ്തിരുന്നത്, എന്നാൽ പത്തു വർഷങ്ങൾക്കിപ്പുറം സർക്കാർ കേസ് തള്ളാനുള്ള നീക്കങ്ങളുമായി മുന്നോട്ടു പോകുന്നത്.

മുൻ ഫോറസ്റ്റ് ഉദ്യോഗസ്ഥൻ ജെയിസ് മാത്യു, പൊതു പ്രവർത്തകനായ എം.എ പൗലോസ് എന്നിവർ ഇതിനെതിരെ പെരുമ്പാവൂർ ജുഡീഷ്യൽ മജിസ്‌ട്രേറ്റിൽ ഹർജ്ജി സമർപ്പിച്ചിരുന്നു, എന്നാൽ ഹർജിക്കാർക്ക് ഇത്തരമൊരു അവകാശം ഉന്നയിച്ചുകൊണ്ട് കോടതിയെ സമീപിക്കാൻ അവകാശമില്ലെന്നും , പൊതു പണം ഉൾപ്പെടാത്ത കേസായതിനാൽ ഹർജിക്കാർക്ക് ഇടപെടാൻ പറ്റില്ല എന്നും പറഞ്ഞു കൊണ്ടാണ് കോടതി ഹർജി തള്ളിക്കളഞ്ഞത്.

കോടതിവിധിക്കെതിരെ അപ്പീൽ പോകുമെന്ന് ഹർജിക്കാർ അഭിപ്രായപ്പെട്ടു. മോഹൻലാലിൻറെ കൊച്ചിയിലെ വസതിയിൽ വച്ചായിരുന്നു ഒ ഇൻകംടാക്സ് ഉദ്യോഗസ്ഥർ റൈഡ് ചെയ്ത ആനക്കൊമ്പ് പിടിച്ചെടുത്തത്.