മനപൂര്‍വ്വമായ ഒരു മാറ്റത്തിന്റെ പാതയിൽ സഞ്ചരിച്ചു പ്രേക്ഷകരെ അത്ഭുതപെടുത്തുന്ന നടൻ

രണ്ട് വർഷങ്ങൾക്കു മുൻപ് ഒരു അഭിമുഖത്തിൽ കുഞ്ചാക്കോ ബോബൻ ഇങ്ങനെ പറയുകയുണ്ടായി..

“മാറ്റങ്ങൾ വേണം എന്ന് എനിക്ക് നിർബന്ധം ആയിരുന്നു.. ഇല്ലെങ്കിൽ വന്നതിനെക്കാൾ സ്പീഡിൽ തിരിച്ചു പോകുമെന്ന് ഉറപ്പായിരുന്നു..അന്ന് എനിക്ക് ചെയ്യാനായി പറ്റാത്തിരുന്ന കാര്യങ്ങൾ ആൾക്കാർ പറഞ്ഞിരുന്നത് ഹ്യൂമർ അല്ലെങ്കിൽ നെഗറ്റീവ് ആയിട്ടുള്ള സംഭവങ്ങൾ ഇപ്പൊ അതെല്ലാം ഒന്നുങ്കിൽ എൽസമ്മയിലെ പാലുണ്ണിയിലൂടെ ട്രാഫിക്കിലെ എബലിലുടെയുമൊക്കെ എനിക്ക് മാറ്റാൻ സാധിച്ചു. പുള്ളിപുലി ആട്ടും കുട്ടിയും റൊമൻസുമെല്ലാം ഹ്യൂമറിന്റെ എലമെന്റ് ഭയങ്കരമായിട്ടുണ്ട്..ഞാൻ പറയുന്ന തമാശകൾക്കൊക്കെ ആളുകൾ ചിരിച്ചിട്ടുണ്ട്.അത്യാവശ്യം ആളുകളെ ഞെട്ടിക്കുന്ന തരത്തിലുള്ള ട്വിസ്റ്റുകളും കാര്യങ്ങളുമുളള ട്രാഫിക്, സീനിയേഴ്‌സ്, വേട്ട പോലുളള സിനിമകളും സംഭവിക്കുന്നുണ്ട്. കുഞ്ചാക്കോബോബന്‍ ഇതിനുമുന്‍പ് ചെയ്തിട്ടില്ലാത്ത ചലഞ്ചിങ് ആയിട്ടുളള കഥാപാത്രങ്ങളും സിനിമകളും ചെയ്യാന്‍ സാധിച്ചു. അത് മനപൂര്‍വ്വമായ ഒരു മാറ്റത്തിന്റെ ഭാഗമായിട്ടുളളത് തന്നെയാണ്”

അതെ കുഞ്ചക്കോ ബോബൻ അക്ഷരർത്ഥത്തിൽ മാറ്റത്തിന്റെ പാതയിലൂടെ സഞ്ചരിക്കുന്ന നടൻ തന്നെ ആണ്..അനിയത്തി പ്രാവ് എന്നൊരു ഒറ്റ സിനിമ കൊണ്ട് കേരളത്തിലെ ചോക്ലേറ്റ് നായകനായി മാറിയ നടൻ ആണ് കുഞ്ചക്കോ ബോബൻ.. പിന്നീട് ചോക്ലേറ്റ് നായകൻ എന്ന ടാഗ് ലൈനിൽ ഒരുപിടി സിനിമകൾ.. ചിലതൊക്കെ പിന്നീട് വിജയം ആയി മാറിയപ്പോൾ.. പതുക്കെ പതുക്കെ എല്ലാ സിനിമകളും അദ്ദേഹത്തിന്റെ ഒരേ ട്രാക്കിൽ ഉള്ളവ ആകുകയും വമ്പൻ പരാജയങ്ങൾ ഏറ്റുവാങ്ങുകയും ചെയ്തു ഒരു സമയത്തു മലയാള സിനിമയിൽ നിന്നും അപ്രതീക്ഷനായ നടൻ..രണ്ടാം വരവിൽ 2008ൽ തുടങ്ങി 2022ൽ എത്തി നിൽക്കുമ്പോൾ 63സിനിമകൾ ആണ് അദ്ദേഹം നായകനായും യും സഹനടനും ഒക്കെ ആയി വന്നത്.

ഞാൻ എന്ന പ്രേക്ഷകനെ അത്ഭുതപെടുത്തുന്ന വല്ലാത്ത ഒരു ട്രാൻസ്‌ഫോർമേഷൻ ആണ് കുഞ്ചാക്കോ ബോബൻ എന്ന നടനിൽ സംഭവിച്ചിട്ടുള്ളത്.ട്രാഫിക് ലെ ഡോക്ടർ എബൽ സീനിയർലെ റെക്സ് മനുവൽ സ്പാനിഷ് മസാലയിലെ രാഹുൽ ഗോഡ് ഫോർ സെയിലിലെ പ്രസന്നൻ വിശുദ്ധനിലെ ഫാദർ സണ്ണി വേട്ടയിലെ മെൽവിൻ നായാട്ടിലെ പ്രവീൺ അഞ്ചാം പാതിരായിലെ അൻവർ ഹുസൈൻ വർണ്യത്തിൽ ആശങ്കയിലെ കൗട്ട ശിവൻ അങ്ങനെ വ്യത്യസ്തങ്ങളായ നായക പ്രതി നായക വേഷങ്ങൾ.തിരിച്ചു വരവിൽ അദ്ദേഹത്തിന് താരാ മൂല്യം കുറവായതിനാൽ കൂടെ അഭിനയിക്കാൻ നായികമാരെ കിട്ടാത്ത അവസ്ഥ വരെ നേരിട്ടുണ്ട്.. എന്നിട്ടു പോലും ചോക്ലേറ്റ് ഹീറോ എന്ന ടാഗ് ലൈൻ ഉപേക്ഷിച്ചു വ്യത്യസ്തങ്ങളായ കഥാപാത്രങ്ങൾ കൊണ്ട് അദ്ദേഹം പുതിയ പുതിയ പരീക്ഷണങ്ങളിലൂടെ തന്നിലെ നടനെ രാകി മിനുക്കുകയാണ് ചെയ്യുന്നത്.

നോട്ടത്തിലും രൂപത്തിലും ഭാവത്തിലും വ്യത്യസ്തത കൊണ്ടുവരാൻ ആത്മാർഥമായി ശ്രമിക്കുന്ന നടൻ.. അതിനുള്ള ഏറ്റവും അവസാനത്തെ ഉദാഹരണം ആണ് ഇന്ന് പുറത്തിറങ്ങിയ അദ്ദേഹത്തിന്റെ പുതിയ സിനിമ ആയ ‘ന്നാ താൻ കേസ് കൊട് ‘എന്ന സിനിമയുടെ ടീസർ.വരും കാലങ്ങളിൽ അദ്ദേഹത്തിന്റെ സിനിമകളിലൂടെ എല്ലാം തന്നെ ഇനിയും ഞെട്ടിക്കും പ്രേക്ഷകരെ അത് ഉറപ്പാണ്…

മനപൂര്‍വ്വമായ ഒരു മാറ്റത്തിന്റെ പാതയിൽ സഞ്ചരിച്ചു പ്രേക്ഷകരെ അത്ഭുതപെടുത്തുന്ന നടൻ..

→- രാഗീത് ആർ ബാലൻ