യുവരാജ് സിംഗിനൊപ്പം ദുൽഖർ ! സാനിയ മിർസയുടെ ഫെയർവെൽ മത്സരത്തിൽ താരമായി കുഞ്ഞിക്ക

ഇന്ത്യൻ ടെന്നീസ് രാജ്ഞി സാനിയ മിർസയുടെ സ്വന്തം നഗരമായ ഹൈദരാബാദിൽ നടന്ന വിടവാങ്ങൽ മത്സരത്തിൽ മലയാളികളുടെ പ്രിയ താരം ദുൽഖർ പങ്കെടുത്തു. മാർച്ച് 5 ന് ഹൈദരാബാദിലെ ലാൽ ബഹാദൂർ സ്റ്റേഡിയത്തിൽ നടന്ന വിടവാങ്ങൽ മത്സരമായിരുന്നു ഇന്ന്. ദുബായ് ടെന്നീസ് ചാമ്പ്യൻഷിപ്പിൽ സാനിയ ടെന്നീസിൽ നിന്ന് വിരമിക്കൽ പ്രഖ്യാപിച്ചിരുന്നു. മുൻ ഇന്ത്യൻ ക്രിക്കറ്റ് താരം യുവരാജ് സിങും മത്സരവേദിയിൽ എത്തിയിരുന്നു. ഏറെ ആരാധകരുള്ള യുവരാജിന്റെയും ദുൽഖറിന്റെയും കണ്ടുമുട്ടൽ ആരാധകരും ഏറെ കൗതുകം ഉളവാക്കി. ഇരുവരും ഒന്നിച്ചുള്ള ചിത്രങ്ങൾ ഇപ്പോൾ സോഷ്യൽ മീഡിയയിൽ ഏറെ വൈറൽ ആവുകയാണ്.റിട്രോ-സ്റ്റൈൽ സൺഗ്ലാസുകൾ ഘടിപ്പിച്ച നീല വസ്ത്രത്തിൽ അൾട്രാ സ്റ്റൈലിഷ് ആയിയാണ് ദുൽഖർ വേദിയിലെത്തിയത്.

ദുൽഖർ സൽമാൻ നായകനായി എത്തുന്ന വരാനിരിക്കുന്ന ചിത്രമായ കിംഗ് ഓഫ് കോത്തയുടെ ഷൂട്ടിംഗ് പോയ വാരമാണ് പാക്കപ്പ് ആയത്. അഭിലാഷ് ജോഷി ആദ്യമായി സംവിധാനം ചെയ്ത കിംഗ് ഓഫ് കോത്ത 2023 ഓഗസ്റ്റിൽ ലോകമെമ്പാടും റിലീസ് ചെയ്യും. ഗ്യാങ്സ്റ്റർ ഡ്രാമ ആയി ഒരുങ്ങുന്ന ചിത്രത്തിൽ ഐശ്വര്യ ലക്ഷ്മി അണ് നായിക വേഷത്തിൽ എത്തുന്നത്

‘വിവാഹത്തിന് മുന്നേ ഗർഭിണിയായതിനെ പറ്റി നിരവധി ചോദ്യങ്ങളാണ്’- വിശദീകരണവുമായി ഷംന

മലയാളികൾക്കും തെന്നിന്ത്യൻ സിനിമ പ്രേമികൾക്കും ഏറെ പ്രിയങ്കരിയായ നടിയാണ് ഷംന കാസിം. അടുക്കുകയാണ് ഷംന ഗർഭിണിയാണ് എന്നുള്ള വിവരം പ്രേക്ഷകരെ അറിയിച്ചത്. വിവാഹത്തിന് മുൻപ് ഗർഭിണിയാകുന്നത് മോശം കാര്യമല്ലേ എന്ന് പറഞ്ഞുകൊണ്ട് നിരവധി ആളുകൾ ആണ് ഷംനയുടെ സോഷ്യൽ മീഡിയ അക്കൗണ്ടുകളുടെ താഴെ കമൻറ് ആയി എത്തിയത്, ഇപ്പൊൾ ഇതിന് മറുപടിയുമായി എത്തിയിരിക്കുകയാണ് ഷംന തൻറെ ഔദ്യോഗിക യൂട്യൂബ് ചാനലിലൂടെ. ഷംനയുടെ വാക്കുകളിലേക്ക്

“കുറേ യുട്യൂബ് ചാനലുകളിലും മറ്റും പല തലക്കെട്ടുകളും കണ്ടു. എന്‍റെ നിക്കാഹ് നടന്നത് ജൂണ്‍ 12 ആയിരുന്നു. അത് വളരെ സ്വകാര്യമായ ഒരു ചടങ്ങ് ആയിരുന്നു. കുടുംബാംഗങ്ങള്‍ മാത്രമാണ് പങ്കെടുത്തത്. നിക്കാഹ് കഴിഞ്ഞാല്‍ ചില ആളുകള്‍ രണ്ടായി താമസിക്കും. ചിലര്‍ ഒരുമിച്ച് ആവും കഴിയുക. ഞങ്ങള്‍ നിക്കാഹിനു ശേഷം ലിവിംഗ് ടുഗെതര്‍ ആയിരുന്നു. നിക്കാഹ് കഴിഞ്ഞ് ഒന്ന്, രണ്ട് മാസത്തിനു ശേഷം വിവാഹ ചടങ്ങ് നടത്താമെന്നാണ് കരുതിയിരുന്നത്. ഞാന്‍ ഷൂട്ടിംഗ് തിരക്കുകളില്‍ ആയിരുന്നു. 3-4 സിനിമകള്‍ ചെയ്തുകൊണ്ടിരിക്കുകയായിരുന്നു. എനിക്ക് കുറച്ച് സമയം ആവശ്യമായിരുന്നു. അതിനാല്‍ത്തന്നെ വിവാഹ ചടങ്ങ് നടത്തിയത് ഒക്ടോബറില്‍ ആണ്. അതുകൊണ്ടാണ് നിങ്ങളുടെ ഒരു ആശയക്കുഴപ്പം. കല്യാണം കഴിഞ്ഞ് മൂന്ന് മാസം ആയപ്പോള്‍ ഏഴാം മാസം നടത്തേണ്ട ബേബി ഷവറോ എന്ന സംശയത്തിന് കാരണം അതാണ്. ഞാനിപ്പോള്‍ വളരെ സന്തോഷവതിയാണ്. ഞാനെന്‍റെ ജീവിതം ആസ്വദിക്കുന്നു. ജീവിതത്തിലെ ഏറ്റവും സന്തോഷകരമായ നിമിഷത്തിനു വേണ്ടി കാത്തിരിക്കുകയാണ്.

പ്രഗ്നന്‍സി സമയത്ത് വര്‍ക്ക് ചെയ്ത സിനിമകളിലൊന്നാണ് മാര്‍ച്ച് 30 ന് വരാനിരിക്കുന്ന ദസറ. മറ്റൊന്ന് തമിഴ് ചിത്രം ഡെവിള്‍. ചിത്രത്തിലെ ഒരു ഗാനം ചിത്രീകരിക്കുന്ന സമയത്ത് ഞാന്‍ നാല് മാസം ഗര്‍ഭിണി ആയിരുന്നു. ഡി 14, ശ്രീദേവി ഡ്രാമ കമ്പനി എന്നീ ടെലിവിഷന്‍ പരിപാടികളുടെ ഷൂട്ടിംഗും ആ സമയത്ത് ചെയ്തു.”

ചിരിക്കുമ്പോൾ ആ വശം അനക്കാൻ പറ്റില്ല… രോഗ വിവരം പങ്കുവെച്ചു മിഥുൻ

മലയാളികളുടെ പ്രിയങ്കരനായ
നടനും അവതാരകനുമായ മിഥുൻ രമേശ് ആശുപത്രിയിൽ. ബെൽസ് പാൾസി എന്ന അസുഖത്തെ തുടർന്നാണ് താരത്തെ തിരുവന്തപുരത്തെ ആശുപത്രിയിൽ പ്രവേശിപ്പിച്ചിരിക്കുന്നത്.ശരീരത്തിലെ പേശികൾക്കുണ്ടാകുന്ന ബലക്ഷയമാണ് ബെൽസ് പാൾസി. മുഖത്തിന്റെ ഒരു വശത്തെ ബാധിക്കുന്ന ഈ അസുഖം മൂലം കണ്ണുകൾ ബലമായി അടയ്‌ക്കേണ്ടതായും വായുടെ ഒരുവശം താഴ്ഭാഗത്തേക്കായും ഇരിക്കും.മിഥുൻ രമേശ് തന്നെയാണ് തന്റെ അസുഖവിവരം ഇൻസ്റ്റഗ്രാമിലൂടെ അറിയിച്ചിരിക്കുന്നത്.

‘വിജയകരമായി അങ്ങനെ ആശുപത്രിയിൽ കയറി. എനിക്ക് ബെൽ പാൾസി എന്ന അസുഖം വന്നിട്ടുണ്ട്. ചിരിക്കുമ്പോൾ ഒരു ഭാഗം മാത്രമേ അനങ്ങൂ, ഒരു കണ്ണും ബലം പ്രയോഗിച്ച് മാത്രമേ അടയ്ക്കാൻ സാധിക്കൂ. പാർഷ്യൽ പരാലിസിസ് എന്ന രീതിയിലാണ്. മാറും എന്നാണ് പറയുന്നത്. നിലവിൽ തിരുവനന്തപുരത്തെ ആശുപത്രിയിലാണ്’- മിഖുൻ പറഞ്ഞു.