ടോവിനോയിസത്തിന് 10 വർഷങ്ങൾ ! അജയൻ്റെ രണ്ടാം മോഷണം ലൊക്കേഷനിൽ അണിയറപ്രവർത്തകർക്കൊപ്പം ആഘോഷമാക്കി ടോവിനോ.

വളരെ ചുരുങ്ങിയ കാലം കൊണ്ട് തന്നെ മലയാള സിനിമയിലെ യുവതാരങ്ങൾക്കിടയിൽ തന്റേതായ സ്ഥാനം പടുത്തുയർത്തിയ താരമാണ് ടോവിനോ തോമസ്. 2012-ൽ സജീവൻ അന്തിക്കാട് സംവിധാനം ചെയ്ത പ്രഭുവിന്റെ മക്കൾ എന്ന ചിത്രത്തിലൂടെ ചലച്ചിത്ര അഭിനയ രംഗത്തേക്ക് വന്ന താരം തൻ്റെ അഭിനയ ജീവിതത്തിൻ്റെ 10 വർഷങ്ങൾ ആഘോഷിക്കുകയാണ്. ദുൽഖർ ചിത്രം എ.ബി.സി. ഡി പൃഥ്വിരാജ് ചിത്രം സെവൻത് ഡെ എന്നീ സിനിമകളിൽ വില്ലൻ വേഷങ്ങൾ ചെയ്ത ടോവിനോ പൃഥ്വിരാജിൻ്റെ തന്നെ എന്ന് നിൻ്റെ മൊയ്തീൻ എന്ന ചിത്രത്തിലൂടെയാണ് പ്രേക്ഷക ശ്രദ്ധ ആകർഷിച്ചത്. പിന്നീട് ഗപ്പി എന്ന ചിത്രത്തിലെ നായക വേഷത്തിലൂടെ മലയാള സിനിമയിലെ യുവ താര നിരയിലേക്ക് ഉയർന്നു വന്ന ടോവിനോവിന് പിന്നീട് തിരിഞ്ഞു നോക്കേണ്ടി വന്നിട്ടില്ല.

കഠിനാധ്വാനവും ആത്മസമർപ്പണവും മാത്രം കൈമുതലായി എത്തിയ ഈ ഇരിഞ്ഞാലക്കുടക്കാരൻ ഏതൊരു സിനിമ മോഹിക്കും പ്രചോദനമായ വളർച്ചയാണ് ഇന്ന് കൈവരിച്ചിരിക്കുന്നത്ത്. അടുത്തിടെ പുറത്തിറങ്ങിയ പാൻ ഇന്ത്യൻ സൂപ്പർ ഹീറോ ചിത്രം മിന്നൽ മുരളിയും ബോക്സോഫീസിൽ തരംഗമായ തല്ലുമാലയും താരത്തിൻ്റെ പ്രേക്ഷക സ്വീകാര്യതയെ അടിയറവിട്ട് ഉറപ്പിക്കുന്നു.തൻ്റെ കരിയറിലെ ആദ്യ ട്രിപ്പിൾ റോളിംന് വേണ്ടി തായ്യാറെടുക്കയാണ് ഇപ്പൊൾ ടോവിനോ. നവാഗതനായ ജിതിൻ ലാൽ ഒരുക്കുന്ന അജയൻ്റെ രണ്ടാം മോഷണത്തിലൂടെയാണ് താരം ട്രിപ്പിൾ റോളിൽ എത്തുന്നത്. സിനിമയുടെ ചിത്രീകരണ വേളയിൽ വെച്ച് ടോവിനോയുടെ അഭിനയ ജീവിതത്തിലെ 10 വർഷങ്ങൾ അണിയറ പ്രവർത്തകർ ആഘോഷമാക്കി.

നവാഗതനായ ജിതിൻ ലാലാണ് ചിത്രം സംവിധാനം ചെയ്യുന്നത്. മൂന്നു കാലഘട്ടങ്ങളിലുടെ കഥ പറയുന്ന ചിത്രത്തില്‍ മണിയന്‍, അജയന്‍, കുഞ്ഞികേളു എന്നിങ്ങനെ മൂന്ന് കഥാപാത്രങ്ങളെയാകും ടൊവിനോ അവതരിപ്പിക്കുന്നത്. സുജിത് നമ്പ്യാരാണ് ചിത്രത്തിന്റെ കഥയും തിരക്കഥയും ഒരുക്കിയിരിക്കുന്നത്.

ഒരു പാൻ ഇന്ത്യൻ ചിത്രമായി ആണ് അജയന്റെ രണ്ടാം മോഷണം ഒരുങ്ങുന്നത്. 3 ഡി യിലാണ് ചിത്രം പ്രേക്ഷകർക്ക് മുന്നിലെത്തുക. കൃതി ഷെട്ടി, ഐശ്വര്യ രാജേഷ്, സുരഭി ലക്ഷ്മി എന്നിവരാണ് നായികാ വേഷങ്ങളിൽ. തെന്നിന്ധ്യൻ സെൻസേഷൻ കൃതി ഷെട്ടിയുടെ ആദ്യ മലയാള ചിത്രമാണ് അജയന്റെ രണ്ടാം മോഷണം. ബേസിൽ ജോസഫ്, കിഷോർ, ഹരീഷ് ഉത്തമൻ, ഹരീഷ് പേരടി, ജഗദീഷ് എന്നിവരാണ് മറ്റുള്ള പ്രധാന വേഷങ്ങളിൽ. വമ്പൻ ബഡ്ജറ്റിൽ ഒരുങ്ങുന്ന ചിത്രം യു.ജി.എം പ്രൊഡക്ഷൻസാണ് നിർമിക്കുന്നത്. മാജിക്ക് ഫ്രെയിംസും നിർമ്മാണത്തിൽ പങ്കാളികളാണ്. കളരി എന്ന കേരളത്തിന്റെ അയോദ്ധന കലക്ക് ഏറെ പ്രാധാന്യം നൽകിയാണ് ചിത്രം ഒരുക്കുന്നത്. തമിഴിലെ ഹിറ്റ് മ്യൂസിക് ഡയറക്ടർ ദീപു നൈനാൻ തോമസാണ് സംഗീത സംവിധാനം.

സംഘട്ടന രംഗങ്ങൾക്ക് ഏറെ പ്രാധാന്യമുള്ള ചിത്രത്തിന് വേണ്ടി അടുത്തിടെ ടോവിനോ കളരി അഭ്യസിച്ചിരുന്നു. പ്രൊജക്റ്റ് ഡിസൈനർ : ബാദുഷ ഐൻ എം , പ്രൊഡക്ഷൻ ഡിസൈനർ ഗോകുൽ ദാസാണ്, പ്രൊഡക്ഷൻ കൺട്രോളർ : പ്രിൻസ്, കോസ്റ്റും ഡിസൈനർ – പ്രവീൺ വർമ്മ,മേക്ക് അപ് – റോണെക്സ് സേവിയർ, പ്രൊഡക്ഷൻ കണ്ട്രോളർ – ബാദുഷാ എഡിറ്റിംഗ് – ഷമീർ മുഹമ്മദ്‌, ചായാഗ്രഹണം- ജോമോൻ ടി ജോൺ, മാർക്കറ്റിങ് ഡിസൈൻ – പപ്പറ്റ് മീഡിയ, വാർത്താപ്രചരണം – വൈശാഖ് വടക്കേവീട്, ജിനു അനിൽകുമാർ.