Film News
“ലുലു മാൾ അങ്ങു എടുത്തു” സുരേഷ് ഗോപിയുടെ അഴിഞ്ഞാട്ടം ! ഇനി പാപ്പാന് വേണ്ടിയു ള്ള കാത്തിരിപ്പിന്റെ നാളുകൾ

“ലുലു മാൾ അങ്ങു എടുത്തു” സുരേഷ് ഗോപിയുടെ അഴിഞ്ഞാട്ടം ! ഇനി പാപ്പാന് വേണ്ടിയു ള്ള കാത്തിരിപ്പിന്റെ നാളുകൾ
സുരേഷ് ഗോപിയെ നായകനാക്കി ജോഷി ഒരുക്കുന്ന പുതിയ ചിത്രമായ പാപ്പന്റെ ഗ്രാൻഡ് ട്രെയിലർ റിലീസ് കഴിഞ്ഞ ദിവസമാണ് കൊച്ചി ലുലുമാളിൽ വച്ച് നടന്നത്. ജനങ്ങളെ ഉൾക്കൊള്ളിച്ച് നടന്ന പൊതുപരിപാടികൾ വേദിയിലെത്തിയ സുരേഷ് ഗോപി വാക്കുകൾ കൊണ്ടും അദ്ദേഹത്തിൻറെ ചില മാനസങ്ങൾ കാണിച്ചും ലുലു മാളിനെ ഇളക്കിമറിച്ചിരുന്നു.
സുരേഷ് ഗോപിയുടെ ഓരോ വാക്കുകൾക്കും ആരാധകർ ആവേശത്തോടെയാണ് കയ്യടിച്ചിരുന്നത്, അദ്ദേഹത്തിൻറെ വാക്കുകളിലൂടെ…
“സിനിമയിലൂടെ താൻ സമ്പാദിച്ച സ്നേഹത്തിന്റെയും ആദരത്തിന്റെയും കാര്യം ഓർക്കുമ്പോൾ അവിടെ പ്രഥമ സ്ഥാനത്ത് പറയേണ്ട വ്യക്തിയാണ് ജോഷി. കോളേജിൽ പഠിക്കുമ്പോൾ തൊട്ടുള്ള ബന്ധമാണ് ജോഷിയുമായി, അദ്ദേഹത്തിൻറെ ചേട്ടനായിരുന്നു അന്നത്തെ എൻറെ ലോക്കൽ ഗാർഡിയൻ. 1992 എൻറെ ജീവിതത്തിലെ തന്നെ ഏറ്റവും മോശപ്പെട്ട സമയത്ത് ജോസ് നരിമാന് എന്ന വേഷം തന്നത് ജോഷിയായിരുന്നു, ആ വേഷത്തിലൂടെയാണ് മാസ് സിനിമകളിലേക്ക് എൻറെ കാൽവെപ്പ് ഉണ്ടായിരുന്നത്. സിനിമ ജീവിതത്തിലെ പല സന്ദർഭങ്ങളിലും ഇതുപോലെ വലിയ വിജയങ്ങൾ നൽകാൻ തല തൊട്ടപ്പനായി ജോഷിയേട്ടൻ ഉണ്ടായിരുന്നു. വർഷങ്ങൾക്കുശേഷം ഞങ്ങൾ വീണ്ടും ഒരുമിക്കുമ്പോൾ ഒരു ഇടവേളക്കുശേഷം ഞാൻ സിനിമയിൽ എത്തുമ്പോൾ ഒരു പുതിയ നടനെ അവതരിപ്പിക്കുന്ന പോലെയാണ് ജോഷി ഈ ചിത്രത്തിൽ എന്നെ അവതരിപ്പിച്ചിരിക്കുന്നത്. അത്രയ്ക്കും സാധ്യതകൾ ഉള്ള കഥാപാത്രമാണ് ഈ ചിത്രത്തിലേത്. 29 ആം തീയതി ഈ സിനിമ തിയേറ്ററുകളിൽ എത്തുമ്പോൾ നിങ്ങൾ സത്യസന്ധമായി കണ്ട് വിലയിരുത്തുക. ശേഷം ചിത്രം വലിയ വിജയമാവുകയാണെങ്കിൽ ഒരിക്കൽ കൂടി ഞാൻ ഇതുപോലെ നിങ്ങളുടെ മുന്നിൽ വരും” സുരേഷ് ഗോപി കൂട്ടിച്ചേർത്തു.
തൻറെ സൂപ്പർ ഹിറ്റ് ചിത്രങ്ങളായ പത്രത്തിലെയും കമ്മീഷണറിലെയും തീ പാറുന്ന ഡയലോഗുകൾ പ്രേക്ഷകർക്ക് മുമ്പിൽ നേരിട്ട് അവതരിപ്പിച്ചു കൊണ്ടും അദ്ദേഹത്തിൻറെ സ്വസിദ്ധമായ മാനറിസം കാണിച്ചും ആരാധകരെ ആവേശം കൊള്ളിച്ചുമാണ് സുരേഷ് ഗോപി വേദിയിൽ നിന്നും മടങ്ങിയത്.
പൊറിഞ്ചു മറിയം ജോസിന് ശേഷം ജോഷി ഒരുക്കുന്ന പാപ്പൻ സുരേഷ്ഗോപിയുടെ കരിയറിലെ 252-ാമത്തെ ചിത്രംകൂടിയാണ്. ലേലം, പത്രം എന്നീ ബമ്പർ ഹിറ്റുകൾ സമ്മാനിച്ച സുരേഷ് ഗോപി- ജോഷി കൂട്ട്കെട്ടിൽ, സുരേഷ് ഗോപിയെ സോളോ ഹീറോ ആക്കി 22 വർഷത്തെ ഇടവേളക്ക് ശേഷം ജോഷി ഒരുക്കുന്ന ചിത്രം എന്ന പ്രത്യേകത കൂടി ഈ ചിത്രത്തിനുണ്ട്.ഡേവിഡ് കാച്ചപ്പിള്ളി പ്രൊഡക്ഷൻസിന്റെയും ഇഫാർ മീഡിയയുടെയും ബാനറിൽ ഒരുങ്ങുന്ന ചിത്രം ഡേവിഡ് കാച്ചപ്പിള്ളിയും റാഫി മതിരയും ചേർന്ന് നിർമ്മിക്കുന്നു. ആർജെ ഷാനാണ് ചിത്രത്തിന്റെ തിരക്കഥ ഒരുക്കുന്നത്. ഛായാഗ്രഹണം അജയ് ഡേവിഡ് കാച്ചപ്പിള്ളി, സഹനിർമ്മാണം – സുജിത് ജെ നായർ, ഷാജി.
Film News
ദുൽക്കർ ടിനു പാപ്പച്ചൻ ചിത്രത്തിൽ വമ്പൻ താരനിര ! ഒരുങ്ങുന്നത് മലയാള സിനിമയിലെ ഏറ്റവും വലിയ ആക്ഷൻ മാമാങ്കം

ദുൽക്കർ ടിനു പാപ്പച്ചൻ ചിത്രത്തിൽ വമ്പൻ താരനിര ! ഒരുങ്ങുന്നത് മലയാള സിനിമയിലെ ഏറ്റവും വലിയ ആക്ഷൻ മാമാങ്കം
മലയാളി സിനിമ പ്രേക്ഷകർ ഏറെ ആവേശത്തോടെ കൂടി സ്വീകരിച്ച വാർത്തയാണ് ദുൽഖർ സൽമാൻ ടിനു പാപ്പച്ചൻ പാപ്പച്ചൻ ചിത്രത്തിന്റെ പ്രഖ്യാപനം. ദുൽഖറിന്റെ ഉടമസ്ഥതയിലുള്ള വേഫറർ ഫിലിംസ് ആണ് ചിത്രം നിർമ്മിക്കുന്നത്. തന്റെ സമൂഹ മാധ്യമ പേജിലൂടെയാണ് ടിനു പ്രേക്ഷകരെ ഈ വിവരം അറിയിച്ചത്. പാൻ ഇന്ത്യൻ ചിത്രമായി റിലീസ് ചെയ്യുന്ന സിനിമയുടെ ചിത്രീകരണം അടുത്ത വർഷം ആരംഭിക്കും.
പുറത്തുവരുന്ന പുതിയ റിപ്പോർട്ടുകൾ പ്രകാരം ചിത്രം ഒരു മൾട്ടി സ്റ്റാർ സിനിമയായിരിക്കും ഒരുങ്ങുക. ദുൽഖറിനൊപ്പം മലയാളത്തിലെ യുവതാര നിരയിലെ സൂപ്പർസ്റ്റാറായ ടോവിനോ തോമസും എത്തും. ചിത്രത്തിൽ മലയാളത്തിൽ നിന്നും തമിഴിൽ നിന്നും അടക്കമുള്ള വമ്പൻ താരനിര തന്നെ അണിനിരക്കും എന്നാണ് സൂചനകൾ. ആൻറണി വർഗീസ് തമിഴ് താരം ആര്യ എന്നിവർ ചിത്രത്തിൽ ഭാഗമായി എത്തും എന്നും റിപ്പോർട്ടുകൾ ഉണ്ട്.
‘ചാവേർ’ ആണ് അടുത്തതായി റിലീസിന് ഒരുങ്ങുന്ന ടിനു പാപ്പച്ചൻ ചിത്രം. കുഞ്ചാക്കോ ബോബൻ നായകനാവുന്ന ചിത്രത്തിൽ ആന്റണി വര്ഗീസും അര്ജുന് അശോകനുമാണ് പ്രധാന കഥാപാത്രങ്ങളായി എത്തുന്നത്. ജോയ് മാത്യുവിന്റേതാണ് രചന. അരുണ് നാരായണ്, വേണു കുന്നപ്പിള്ളി എന്നിവര് ചേര്ന്നാണ് ചിത്രത്തിന്റെ നിര്മ്മാണം.
അതേസമയം, ദുൽഖർ സൽമാൻ നായകനാകുന്ന ബ്രഹ്മാണ്ഡ ചിത്രം ‘കിംഗ് ഓഫ് കൊത്ത’ ഓണം റിലീസായി എത്തും. പ്രശസ്ത സംവിധായകനായ ജോഷിയുടെ മകൻ അഭിലാഷ് ജോഷി ആദ്യമായി സംവിധാനം ചെയ്യുന്ന ചിത്രമാണിത്. ജേക്സ് ബിജോയ്, ഷാൻ റഹ്മാൻ എന്നിവരാണ് സംഗീതസംവിധാനം നിർവഹിക്കുന്നത്. ഛായാഗ്രഹണം – നിമീഷ് രവി, സ്ക്രിപ്റ്റ് – അഭിലാഷ് എൻ ചന്ദ്രൻ, എഡിറ്റർ – ശ്യാം ശശിധരൻ, മേക്കപ്പ് – റോണെക്സ് സേവിയർ, വസ്ത്രാലങ്കാരം – പ്രവീൺ വർമ്മ, സ്റ്റിൽ – ഷുഹൈബ് എസ് ബി കെ, പ്രൊഡക്ഷൻ കൺട്രോളർ – ദീപക് പരമേശ്വരൻ.
Film News
മലയാളത്തിലെ ആദ്യ 200 കോടി ചിത്രത്തിന് ഇന്നേക്ക് നാല് വർഷങ്ങൾ !

മലയാളത്തിലെ ആദ്യ 200 കോടി ചിത്രത്തിന് ഇന്നേക്ക് നാല് വർഷങ്ങൾ !
മലയാള സിനിമ ചരിത്രത്തിൽ ആദ്യ 200 കോടി ക്ലബ്ബ് എന്ന നേട്ടം കൈവരിച്ച മോഹൻലാൽ ചിത്രം ലൂസിഫർ റിലീസ് ചെയ്തിട്ട് ഇന്നേക്ക് നാല് വർഷങ്ങൾ. മലയാളത്തിലെ യുവ സൂപ്പർതാരം പൃഥ്വിരാജ് സുകുമാരൻ ആദ്യമായി സംവിധാനം ചെയ്ത ചിത്രം റിലീസ് ആയത് 2019 മാർച്ച് 28ന് ആണ്. 400 ൽ പരം തിയേറ്ററുകളിൽ കേരളത്തിൽ മാത്രമായി റിലീസ് ചെയ്ത ചിത്രത്തിന് ഗംഭീര വരവേൽപ്പാണ് പ്രേക്ഷകർ നൽകിയത്. മലയാള സിനിമയിലെ തന്നെ അതിവേഗ 100 കോടി ക്ലബ്ബ് 150 കോടി ക്ലബ്ബും ഇപ്പോഴും ലൂസിഫറിന് തന്നെ സ്വന്തമാണ്. ചിത്രം 100 കോടി ക്ലബ്ബില് എത്തിയത് വെറും എട്ട് ദിവസങ്ങള് കൊണ്ടാണെങ്കില് 150 കോടി ക്ലബ്ബില് പ്രവേശിച്ചത് വെറും 21 കൊണ്ടുമാണ്.
നിലവിൽ ചിത്രത്തിൻറെ രണ്ടാം ഭാഗമായ എമ്പുരാന്റെ തയ്യാറെടുപ്പിലാണ് അണിയറ പ്രവർത്തകർ. ഈ വർഷം പകുതിയോടെ ചിത്രത്തിൻറെ ചിത്രീകരണം ആരംഭിക്കുവാൻ സാധിക്കും എന്നാണ് അറിയാൻ കഴിയുന്നത്. മുരളി ഗോപിയാണ് ചിത്രത്തിനുവേണ്ടി തിരക്കഥ ഒരുക്കുന്നത്. ചിത്രം മൂന്ന് ഇൻസ്റ്റാൾമെന്റുകൾ ആയാണ് പുറത്തു വരിക എന്ന് അണിയറ പ്രവർത്തകർ നേരത്തെ തന്നെ പുറത്തുവിട്ടിരുന്നു. ആശിർവാദ് സിനിമാസിന്റെ ബാനറിൽ ആൻറണി പെരുമ്പാവൂർ നിർമ്മിച്ച ചിത്രത്തിൽ മലയാളത്തിലെ തന്നെ വമ്പൻ താരനിരയായിരുന്നു അണിനിരന്നിരുന്നത്. മോഹൻലാലിന് പുറമേ മഞ്ജു വാര്യർ, ടോവിനോ തോമസ്, ഇന്ദ്രജിത്ത് സുകുമാരൻ, പൃഥ്വിരാജ് സുകുമാരൻ, സാനിയ ഇയപ്പൻ, നൈല ഉഷ, വിവേക് ഒബ്രോയ് തുടങ്ങിയവർ അണിനിരന്നിരുന്നു. ചിത്രം റിലീസ് ആയതിന്റെ നാലാം വർഷം സാമൂഹ്യ മാധ്യമങ്ങളിൽ ഏറെ ആഘോഷത്തോടുകൂടി കൊണ്ടാടുകയാണ് ആരാധകർ.
Film News
ആസിഫ് അലി ഷറഫുദ്ദീൻ അമലപോൾ ജീത്തു ജോസഫ് അർഫാസ് അയൂബ് ചിത്രം ചിത്രീകരണം ആരംഭിച്ചു

ആസിഫ് അലി ഷറഫുദ്ദീൻ അമലപോൾ ജീത്തു ജോസഫ് അർഫാസ് അയൂബ് ചിത്രം ചിത്രീകരണം ആരംഭിച്ചു
ജിത്തു ജോസഫ് അവതരിപ്പിക്കുന്ന പുതിയ ചിത്രത്തില് ആസിഫ് അലി, ഷറഫുദ്ദീൻ – അമൽ പോൾ എന്നിവർ പ്രധാന വേഷത്തിൽ എത്തുന്നു.. ജീത്തു ജോസഫിന്റെ സഹ സംവിധായകൻ അർഫാസ് അയൂബ് ഒരുക്കുന്ന ചിത്രം ഇന്ന് ടുണീഷ്യയിൽ ഷൂട്ടിംഗ് ആരംഭിച്ചു.
ജീത്തു ജോസഫിന്റെ സംവിധാന സഹായിമാരിൽ ഒരാളാണ് അർഫാസ് അയൂബ്. ചിത്രത്തിന്റെ അനൗൺസ്മെന്റ് പോസ്റ്റർ വേറിട്ട രീതിയിലാണ് ഒരുക്കിയിരിക്കുന്നത്. രമേശ് പിള്ളയും സുധൻ സുന്ദരവുമാണ് നിർമ്മാണം. പാഷാൻ സ്റ്റുഡിയോസിന്റെയും അഭിഷേക് ഫിലിംസ്സിന്റെയും ബാനറിലാണ് ചിത്രം ഒരുങ്ങുന്നത്. റാം എന്ന ബിഗ് ബഡ്ജറ്റ് മോഹൻലാൽ സിനിമയുടെ നിർമ്മാതാക്കളാണ് പാഷൻ സ്റ്റുഡിയോസും അഭിഷേക് ഫിലിംസും.
അപ്പു പ്രഭാകർ ആണ് ചായാഗ്രഹണം നിർവഹിക്കുന്നത്. ആദം അയൂബ് സംഭാഷണം ഒരുക്കുന്നു. പ്രേം നവാസ് ആണ് പ്രൊഡക്ഷൻ ഡിസൈനെർ.
എഡിറ്റർ -ദീപു ജോസഫ്, കോസ്റ്റും ഡിസൈനെർ – ലിന്റാ ജീത്തു, ഗാനരചന – വിനായക് ശശികുമാർ, അസോസിയേറ്റ് ഡയറക്ടർ – തൃപ്തി മെഹ്താ, കോർഡിനേറ്റർ – സോണി ജി സോളമൻ, മേക്കപ്പ് – റോണക്സ് സേവ്യർ, സൗണ്ട് ഡിസൈൻ – ജയദേവൻ ചക്കാടത്ത്, എക്സിക്യൂട്ടീവ് പ്രൊഡ്യൂസർ – എം കൃഷ്ണകുമാർ, ലൈൻ പ്രൊഡ്യൂസർ -അലക്സാണ്ടർ നാസ്, പ്രൊഡക്ഷൻ കൺട്രോളർ – പ്രണവ് മോഹൻ, ഫിനാൻസ് മാനേജർ – ജീവൻ റാം,ആക്ഷൻ – രാംകുമാർ പെരിയസ്വാമി, സ്റ്റിൽസ് – നന്ദു ഗോപാലകൃഷ്ണൻ, വി എഫ് എക്സ് – ലവ കുശ, ഡിസൈൻ – തോട്ട് സ്റ്റേഷൻ, വാർത്താ പ്രചരണം – വൈശാഖ് വടക്കേവീട്, ജിനു അനിൽകുമാർ.
-
Film News1 year ago
18 വർഷമായി ലാൽ ഫാൻ, ആറാട്ടിനൊടുവിൽ അവസാനം മോഹൻലാൽ അപമാനിച്ചു- സന്തോഷ് വർക്കി
-
Video1 year ago
ഞാൻ പത്ത് പെണ്ണുങ്ങളുമായി സെക്സ് ചെയ്തിട്ടുണ്ട്,താല്പര്യമുള്ളവരോട് ഇനിയും ചോദിക്കും- വിനായകൻ
-
Film News7 months ago
കലക്കൻ പ്രേമവുമായി നിമിഷയും റോഷനും ! ഞെരിപ്പൻ മാസ്സുമായി ബിജു മേനോനും പത്മപ്രിയയും ! ഈ ഓണം ഒരൊന്നൊന്നര ഓണം ആവും
-
Film News1 year ago
എട്ടു നിലയിൽ പൊട്ടാനുള്ള ഭാഗ്യമുണ്ടാവട്ടെ, നാളെ ഇവിടെത്തന്നെ കാണണം ! മറുപടിയുമായി മാല പാർവ്വതി
-
Film News1 year ago
ഊക്കലും ഉപദേശവും ഒരുമിച്ച് വേണ്ട, നാരദൻ കണ്ട രശ്മി ആഷിക്ക് അബുവിനോട്
-
Trailer and Teaser8 months ago
ഞെട്ടിച്ച് അനശ്വര രാജൻ ! ജോൺ എബ്രഹാം നിർമിക്കുന്ന ആദ്യ ചിത്രം മൈക്ക് ട്രെയ്ലർ പുറത്തിറങ്ങി
-
Film News5 months ago
മാറ്റത്തിൻ്റെ പാതയിൽ മലയാള സിനിമ ! ലിപ് ലോക്ക് കാലം കഴിഞ്ഞു ബോൾഡ് രംഗങ്ങളുമായി പുതിയ സിനിമ കാഴ്ചകൾ !
-
Film News1 year ago
ആദ്യ ദിനം തന്റെ സിനിമ കാണാൻ ക്യൂ നിന്ന് ടിക്കറ്റ് എടുത്ത് ഗായത്രി, പടം സൂപ്പർ എന്ന് താരം