Film News
ഖൽബ് നിറച്ച് ഖൽബ് ! റിവ്യൂ വായിക്കാം
ഖൽബ് നിറച്ച് ഖൽബ് ! റിവ്യൂ വായിക്കാം
എന്നും പുതുമയും വ്യത്യസ്ഥതയും ഉള്ള ചിത്രങ്ങൾ മലയാളത്തിന് സമ്മാനിച്ച ബാനർ ആണ് ഫ്രൈഡേ ഫിലിം ഹൗസ്. അങ്കമാലി ഡയറീസിനു ശേഷം ഫ്രൈഡേ ഏതാണ്ട് നാല്പതോളം പുതുമുഖങ്ങളെ അണിനിരത്തി ഒരുക്കിയ ചിത്രം.. ഇടി, മോഹൻലാൽ, തുടങ്ങിയ ചിത്രങ്ങൾക്ക് ശേഷം സാജിദ് യഹിയ സംവിധാനം ചെയ്യുന്ന ചിത്രം.. സോഷ്യൽ മീഡിയ ഇൻഫ്ലുൺസേർസ് ആയ അബു സാലിം, ചൂരൽ, കാർത്തിക് ശങ്കർ തുടങ്ങിയവർ അഭിനേതാക്കളായി എത്തുന്ന ചിത്രം. പിന്നെ വ്യകതിപരമായി പ്രണയ കഥകളോടുള്ള താല്പര്യം അങ്ങനെ ഒരുപാട് പ്രത്യേകതകൾ ഒത്തിണങ്ങിയത് കൊണ്ടാണ് ഖൽബ് എന്ന ചിത്രം ആദ്യദിനം കാണാൻ തിരഞ്ഞെടുത്തത്.
പ്രതീക്ഷിച്ചപോലെ നല്ലൊരു ഫാമിലി റൊമാന്റിക് മൂവി. ആലപ്പുഴയുടെ പശ്ചാത്തലത്തിൽ ഒരുങ്ങിയ സുന്ദരമായൊരു പ്രണയകഥ
സമീപകാലത്ത് ഏറ്റവും വലിയ മുതൽമുടക്കിൽ നിർമ്മിച്ച പ്രണയ ചിത്രമാണ് ‘ഖൽബ്’ അത്രമാത്രം പ്രൊഡക്ഷൻ ക്വാളിറ്റി ചിത്രത്തിന് തോന്നി എന്നതാണ്. ഇതുവരെ കാണാത്ത ആലപ്പുഴയുടെ മറ്റൊരു മുഖവും ചിത്രം കാട്ടിത്തരുന്നു. ഇത്രയധികം പുതുമുഖങ്ങളെ അണിനിരത്തി ഇതുപോലൊരു റിസ്ക് ഏറ്റടുത്ത സംവിധായകനെ അഭിനന്ദിച്ചേ മതിയാകു.. കാരണം അയാളുടെ സാഹസം വിജയമായിരിക്കുന്നു.
കഥയിലേക്ക് വന്നാൽ ലിയനാർഡോ കൽപോ എന്ന ആംഗ്ലോ ഇന്ത്യൻ ചെറുപ്പക്കരന്റെയും ഒരു യാഥാസ്ഥിക മുസ്ലിം കുടുംബത്തിൽപ്പെട്ട തുമ്പി എന്ന പെൺകുട്ടിയുടെ തീവ്ര പ്രണയത്തിന്റെ കഥയാണ് ഖൽബ്.. അവരുടെ പ്രണയത്തിന്റെ എഴുതലങ്ങളിലൂടെ ഉള്ള യാത്ര ആണ് ചിത്രം കാണിക്കുന്നതും. അതിനായി അവർ തിരഞ്ഞെടുത്ത പശ്ചാത്തലം ആലപ്പുഴ ആണ്. എന്നാൽ നമ്മൾ കണ്ടു ശീലിച്ച ആലപ്പുഴ അല്ലതാനും
മൈക്ക് എന്ന ചിത്രത്തിലൂടെ മലയാളി പ്രേക്ഷകർക്ക് സുപരിചിതനായ രഞ്ജിത്ത് സജീവ് ആണ് ലിയനാർഡോ കാൽപോ എന്ന കഥാപാത്രത്തെ ചിത്രത്തിൽ അവതരിപ്പിക്കുന്നത്. ആലപ്പുഴയിൽ വരുന്ന ടൂറിസ്റ്റുകളിൽ നിന്ന് ഒരു മദാമ്മയെ പ്രണയിച്ച് സെറ്റ് ആക്കി. അതുവഴി പുറത്തുപോകാൻ ശ്രമിക്കുന്ന പ്രണയത്തെ അതിനുള്ള ഒരു മാർഗ്ഗമായി കാണുന്ന കാല്പ്പോയുടെ ജീവിതത്തിലേക്ക് അവിചാരിതമായി കടന്നുവരുന്ന തുമ്പി എന്ന പെൺകുട്ടിയും അവർ തമ്മിലുള്ള നിഷ്കളങ്കമായ പ്രണയവും അതേ തുടർന്നുള്ള പ്രശ്നങ്ങളും ഏറ്റവും മനോഹരമാക്കി സിനിമ കാണിക്കുന്നു പുതുമുഖമായ നേഹ നസ്നിന് ആണ് തുമ്പിയെന്ന കഥാപാത്രത്തെ അവതരിപ്പിക്കുന്നത്.
പ്രണയത്തോടൊപ്പം സൗഹൃദവും പറഞ്ഞു പോകുന്നുണ്ട് ചിത്രം. സോഷ്യൽ മീഡിയയിലൂടെ നമുക്ക് എല്ലാവർക്കും പരിചിതമായ കാർത്തിക് ശങ്കർ ചൂരൽ ടീം അംബി ഇവരൊക്കെ ആണ് ചിത്രത്തിൽ സുഹൃത്തുക്കൾ ആയി എത്തുന്നത്. കാല്പയുടെയും തുമ്പിയുടെയും പ്രണയത്തിനും പ്രശ്നങ്ങൾക്കും ഒന്നിച്ച് ഒറ്റക്കെട്ടായി നിൽക്കുന്ന ഇവരുടെ സൗഹൃദം വളരെ തമാശയിലൂടെയും ഇമോഷണൽ ആയും എല്ലാം ചിത്രം പറഞ്ഞു പോകുന്നു. അതുപോലെതന്നെ എടുത്തു പറയേണ്ട മറ്റൊരു റിലേഷൻഷിപ്പ് കാൽപോയുടെയും അയാളുടെ അച്ഛന്റെയുംമാണ്.
കാല്പ്പോയുടെ അച്ഛനായി ചിത്രത്തിൽ എത്തുന്നത് നമ്മുടെ സ്വന്തം സിദ്ദിഖ് ഇക്ക ആണ്. എന്നത്തേയും പോലെ അദ്ദേഹത്തിന്റെ കഥാപാത്രം മനസ്സില് പതിയുമെന്നതില് തര്ക്കമില്ല. സിദ്ദിഖ് എന്ന നടന്റെ ആക്റ്റിങ്ങിനെ കുറിച്ച് കൂടുതലായി എടുത്തു പറയേണ്ടതില്ലെങ്കിൽ കൂടിയും അദ്ദേഹത്തിൻറെ പോലീസ് സ്റ്റേഷനിലെ സീൻ ഒന്നും പരാമർശിക്കാതെ പോകാൻ കഴിയില്ല കാരണം കണ്ടിരിക്കുന്നവരെ കൂടി കരയിക്കുന്ന തരത്തിലുള്ള പ്രകടനമായിരുന്നു അത്.
മറ്റൊന്ന് ചിത്രത്തില് എടുത്തുപറയേണ്ടതും കയ്യടിക്കേണ്ടതും മ്യൂസിക്ക് ഡിപ്പാര്മെന്റിനാണ് മൂന്നു സംഗീത സംവിധായകരുടെ 18 ഓളം പാട്ടുകള് ചിത്രത്തിലുണ്ട്. പ്രകാശ് അലക്സാണ് ചിത്രത്തിന്റെ പശ്ചാത്തല സംഗീതം ഒരുക്കിയത് അവരുടെ പ്രണയത്തിൻറെ ഇന്ഡന്സിറ്റി മുഴുവന് മുഴുവന് ചേര്ത്ത് ഒരുക്കിയ ഗംഭീര സ്കോര്. ക്ലൈമാക്സിലെ ഇമോഷൻസ് എല്ലാം തന്നെ 100% പ്രേക്ഷകരിലേക്ക് എത്തിക്കുന്നത് ആ പശ്ചാത്തല സംഗീതം തന്നെയാണ്. രണ്ടുതരത്തിലുള്ള കുടുംബം അല്ലെങ്കിൽ രണ്ട് തരത്തിലുള്ള പാരന്റിംഗും സിനിമ പറയുന്നു. സ്വതന്ത്രവും സ്വാതന്ത്രമില്ലായ്മയും അനുഭവിക്കുന്ന രണ്ടു പേരെ ആണ് നായകനും നായികയും പ്രതിനിധാനം ചെയ്യുന്നത് സുന്ദരമായ പ്രണയകഥക്കുള്ളിലും ഒട്ടും ഫോഴ്സ്ഡ് അല്ലാത്ത തരത്തിൽ രാഷ്ട്രീയവും പറഞ്ഞു വെക്കുന്നുണ്ട് സംവിധായകൻ.
മൊത്തത്തിൽ ഒരു കൂട്ടം പുതുമുഖങ്ങളെ നമുക്ക് മുന്നിലെത്തിച്ച് ഈ വർഷത്തെ ആദ്യ പ്രണയ ചിത്രം ആയി തീയ്യറിലെത്തിയ ഖൽബ് നൂറു ശതമാനവും സംതൃപ്തി നൽകിയ തീയറ്റർ അനുഭവമാണ്. പ്രായഭേദമന്യേ എല്ലാവര്ക്കും പ്രിയപ്പെട്ടതാവുന്ന മികച്ച സൃഷ്ട്ടി.
Film News
തീയറ്ററുകളിൽ പൊട്ടിച്ചിരിയുടെ പൂത്തിരി തിളക്കത്തിൽ രണ്ടാം വാരത്തിലേക്ക്
തീയറ്ററുകളിൽ പൊട്ടിച്ചിരിയുടെ പൂത്തിരി തിളക്കത്തിൽ രണ്ടാം വാരത്തിലേക്ക്
‘ഒരമ്മ പെറ്റ അളിയന്മാര്!..’ എന്ന് തിളക്കം സിനിമയിലെ ഓമനക്കുട്ടനേയും ഉണ്ണിയേയും, ഓമനക്കുട്ടന്റെ ഭാര്യ വനജ വിശേഷിപ്പിക്കുന്നുണ്ട്. ഈ പ്രയോഗം അക്ഷരാര്ത്ഥത്തില് ശരിവെക്കുന്ന ആത്മബന്ധം കാത്തുസൂക്ഷിക്കുന്ന അളിയന്മാരാണ് വാണംപറമ്പില് ബ്രിഗേഷും കുഴിച്ചാലില് കമലാക്ഷനും. ‘പെങ്ങളെ കെട്ടിയ സ്ത്രീധനത്തുക, തരുമോ അളിയാ’ എന്ന് തമാശയായോ കാര്യമായോ ബ്രിഗേഷിനോട് ചോദിക്കാത്ത പഞ്ചപ്പാവമാണ് കുഴിച്ചാലില് കമലാക്ഷന്. എന്തിനും ഏതിനും അളിയന് ബ്രിഗേഷിന്റെ നന്മയ്ക്കായി ഓടിനടക്കുന്ന അന്പുള്ള അളിയനാണ് കുഴിച്ചാലില് കമലാക്ഷന്!..
പോലിസില് അസിസ്റ്റന്റ് സബ്ബ് ഇന്സ്പെക്ടറാണെങ്കിലും ആളൊരു ശുദ്ധനാണ്. ശുദ്ധന് ചിലപ്പോള് ദുഷ്ടന്റെ ഫലം ചെയ്യും എന്നാണ് അളിയനെ കുറിച്ച് ബ്രിഗേഷിന്റെ വിലയിരുത്തല്. പ്രശാന്ത് മുരളി നായകനായി പപ്പന് ടി നമ്പ്യാര് സംവിധാനം ചെയ്ത ‘വയസ്സ് എത്രയായി? മുപ്പത്തി…’ എന്ന ചിത്രത്തില്, അന്പുള്ള അളിയന് കുഴിച്ചാലില് കമലാക്ഷന് പ്രേക്ഷക ഹൃദയങ്ങള് കീഴടക്കുന്നു!. കുഴിച്ചാലില് കമലാക്ഷനായി വേഷമിട്ടത് ചിത്രത്തിന്റെ നിര്മ്മാതാവും തിരക്കഥാകൃത്തുക്കളില് ഒരാളുമായി ഷിജു യു.സിയാണ്. നവാഗതന്റെ പകപ്പോ പരിഭ്രമോ ഇല്ലാതെ തന്മയത്വത്തോടെയാണ് ഷിജു യു.സി കമലാക്ഷനെ അവതരിപ്പിച്ചിട്ടുള്ളത്.
തലശ്ശേരി-വടകര പ്രദേശങ്ങളില് വിവാഹശേഷം ഭര്ത്താവ് ഭാര്യ വീട്ടില് താമസിക്കുന്ന സമ്പ്രദായം ഇപ്പോളും സര്വ്വസാധാരണമാണ്. വാണംപറമ്പില് ബബിതയെ വിവാഹം ചെയ്ത ശേഷം, ഭാര്യ വീട്ടിലാണ് കമലാക്ഷന്റെ താമസം. ഭാര്യയെ പിരിയാനുള്ള വിഷമമാണെന്ന് കമലാക്ഷന് ആവര്ത്തിച്ച് പറയാറുണ്ടെങ്കിലും യാഥാര്ത്യം മറ്റൊന്നാണ്. ബബിതയുടെ സഹോദരന് ബ്രിഗേഷിനൊപ്പം കറങ്ങി നടക്കാനും വെള്ളമടിക്കാനുമാണ്, അയാള് ഭാര്യ വീട്ടില് തങ്ങുന്നത്. 42 വയസ്സായിട്ടും വിവാഹം നടക്കാത്ത അളിയന് ബ്രിഗേഷിനെ പെണ്ണുകെട്ടിക്കാനുള്ള ശുഷ്കാന്തിയിലും ഓട്ടത്തിലുമാണ് അളിയന്റെ ശ്രദ്ധ മുഴുവനും.
അളിയനും കുടുംബത്തിനും നല്കുന്ന അമിത ശ്രദ്ധമൂലം ആളിപ്പോള് സസ്പെന്ഷനിലാണ്. പെണ്ണുകിട്ടാത്ത അളിയനേയും കൊണ്ട് കുടകിലേക്ക് പെണ്ണിനെ തപ്പിപ്പോകാനും കൗമാര കാലത്തെ പ്രണയിനിയെ വളക്കാനും ഉപദേശം നല്കുന്ന കമലാക്ഷന്റെ പ്രകടം ‘വയസ്സ് എത്രയായി? മുപ്പത്തി…’ എന്ന ചിത്രത്തെ സജീവമാക്കുന്നതില് നിര്ണായക പങ്ക് വഹിക്കുന്നു. ബ്രിഗേഷിന്റെ അളിയനായി മാത്രമല്ല, ബബിതയുടെ സ്നേഹനിധിയായ ഭര്ത്താവായും കമലാക്ഷന് സ്ക്രീനില് നിറഞ്ഞാടുന്നു. ‘ന്നാ താന് കേസ് കൊട്’ ഫെയിം ചിത്രനായര് വേഷമിട്ട ബബിതയും ഷിജു യു.സിയുടെ കമലാക്ഷനും സ്നേഹിച്ചും കലഹിച്ചും ജീവിക്കുന്ന ദമ്പതികളായി ജീവിക്കുകയായിരുന്നെന്ന് പറഞ്ഞാല് അതിശയോക്തിയാവില്ല. ഇരുവരും ഒന്നിച്ചു വരുന്ന രംഗങ്ങളെല്ലാം തിയേറ്ററില് ചിരിയുണര്ത്തുന്നവയാണ്.
കല്ല്യാണ മാര്ക്കറ്റില് വിപണി മൂല്യമോ പറയത്തക്ക യോഗ്യതയോ ഇല്ലാത്തത് കൊണ്ട് 42 വയസ്സായിട്ടും അവിവാഹിതനായി തുടരേണ്ടി വരുന്ന ബ്രിഗേഷിന്റേയും അവന്റെ പ്രിയപ്പെട്ടവരുടേയും കഥയാണ് പപ്പന് ടി നമ്പ്യാര് ഒരുക്കിയ ഈ കോമഡി ചിത്രത്തിന്റെ കേന്ദ്രപ്രമേയം. ബ്രിഗേഷിനെ പെണ്ണുകെട്ടിക്കാന് അളിയന് കമലാക്ഷനും സുഹൃത്തുക്കളും നടത്തുന്ന ശ്രമങ്ങളാണ് സിനിമയുടെ ആദ്യ പകുതിയെ മുന്നോട്ട് നയിക്കുന്നത്. വിവാഹിതനാകാന് ബ്രിഗേഷ് നടത്തുന്ന ശ്രമങ്ങളും, ആ ശ്രമങ്ങള്ക്ക് കൊഴുപ്പേകുന്ന അളിയന്റെ സാന്നിദ്ധ്യവും ചിത്രത്തെ ചിരിമയമാക്കുന്നു. വിവാഹം കഴിക്കാന് പതിനെട്ട് അടവും പയറ്റി പരാജയപ്പെടുന്ന ബ്രിഗേഷിന്റെ ജീവിതത്തിലേക്ക് അപ്രതീക്ഷിതമായൊരു യുവതി കടന്നു വരുന്നതും തുടര്ന്നുണ്ടാകുന്ന സംഭവങ്ങളുമാണ്, ചിത്രത്തിന്റെ രണ്ടാംപകുതിയെ ചടുലമാക്കുന്നത്. അപരിചിതയായ ആ യുവതി ബ്രിഗേഷിന്റെ ജീവിതത്തില് നടത്തുന്ന ഇടപെടലുകള് സിനിമയെ ഗൗരവമുള്ളതും സാമൂഹ്യ പ്രസക്തവുമായ വിഷയത്തിലേക്ക് വെളിച്ചം വീശുകയും ചെയ്യുന്നു. സന്യാസത്തിന്റെ പേരില് സ്ത്രികളെ ചൂഷണം ചെയ്യുന്നതിനെ ഗൗരവത്തോടെ ചിത്രം വിമര്ശിക്കുന്നു. ഗൗരവമുള്ള വിഷയങ്ങള് തമാശയുടെ മേമ്പൊടിയോടെയാണ് അവതരിപ്പിച്ചിട്ടുള്ളത്. ഗൗരവമുള്ള വിഷയം കൈകാര്യം ചെയ്യുമ്പോളും തമാശ ഈ സിനിമയുടെ മുഖമുദ്രയാണ്. നിരവധി നര്മ്മ മുഹൂര്ത്തങ്ങളിലൂടെ ചിത്രത്തെ കൊണ്ടുപോകുന്നത് ബ്രിഗേഷിന്റെ അന്പുള്ള അളിയന് കുഴിച്ചാലില് കമലാക്ഷനാണ്.
അളിയനെ പെണ്ണുകെട്ടിക്കുക എന്നത് തന്റെ ലക്ഷ്യമായി കണക്കാക്കുന്ന കമലാക്ഷന്റെ ആത്മാര്ത്ഥത മൂലം ബ്രിഗേഷ് ചെന്നുവീഴുന്ന കുരുക്കുകള് സ്രഷ്ടിക്കുന്ന നര്മ്മമാണ് ‘വയസ്സ് എത്രയായി? മുപ്പത്തി…’ എന്ന സിനിമയുടെ നട്ടെല്ല്. സര്ക്കാര് ജോലിയില്ലാത്തതിനാലും പ്രായക്കൂടുതലും കഷണ്ടിയും കാരണം വിവാഹാലോചനകള് മുടങ്ങി നിരാശനാകുന്ന ബ്രിഗേഷിന്റെ താങ്ങും തണലും അന്പുള്ള അളിയന് കമലാക്ഷനാണ്. ഇണയെ കിട്ടാത്തതിന്റെ ഏകാന്തതയും അരക്ഷിതത്വവും ബ്രിഗേഷ് മറക്കുന്നത്, അളിയന്റെ കരുതലും സ്നേഹവും കൊണ്ടാണ്. സ്നേഹനിധിയായ അളിയന് കമലാക്ഷനെ ഒടുക്കം ബ്രിഗേഷ് തള്ളിപ്പറയുകയും വീട്ടില് നിന്ന് ഇറക്കി വിടുകയും ചെയ്യുമ്പോള്, കമലാക്ഷനൊപ്പം പ്രേക്ഷകന്റേയും കണ്ണ് നിറയും. കോമഡി മാത്രമല്ല ഗൗരവവും തനിക്ക് ചേരുമെന്ന് കമലാക്ഷനിലൂടെ ഷിജു യു.സി തെളിയിക്കുന്നു.
Film News
മീര ജാസ്മിനും നരേനും ഒന്നിച്ചെത്തിയ ‘ക്യൂൻ എലിസബത്ത്’ ഫെബ്രുവരി 14 മുതൽ ‘Zee5’ൽ !
മീര ജാസ്മിനും നരേനും ഒന്നിച്ചെത്തിയ ‘ക്യൂൻ എലിസബത്ത്’ ഫെബ്രുവരി 14 മുതൽ ‘Zee5’ൽ !
മീരാ ജാസ്മിൻ, നരേൻ എന്നിവരെ കേന്ദ്ര കഥാപാത്രങ്ങളാക്കി എം പത്മകുമാർ സംവിധാനം ചെയ്ത ‘ക്യൂൻ എലിസബത്ത്’ ഒടിടി റിലീസിനൊരുങ്ങുന്നു. ജന മനസ്സുകളിൽ സ്വീകാര്യത നേടിയെടുത്ത ഒടിടി പ്ലാറ്റ് ഫോമായ ‘Zee5’ലൂടെ പ്രേക്ഷകരുടെ സ്വീകരണ മുറിയിലേക്ക് ‘ക്യൂൻ എലിസബത്ത്’ എത്തുന്നു. ഫെബ്രുവരി 14ന് സ്രീമിങ്ങ് ആരംഭിക്കുന്ന ചിത്രത്തിന്റെ ഒടിടി അവകാശം ‘Zee5’ആണ് സ്വന്തമാക്കിയിരിക്കുന്നത്.
ട്രൈലെർ :
https://f.io/VIfLg-ng
കുടുംബ പ്രേക്ഷകരെ ആകർഷിക്കുന്ന വിധത്തിൽ റൊമാൻറിക് കോമഡി എന്റർടെയിനറായ് ഒരുക്കിയ ചിത്രം ഡിസംബർ 29നാണ് തിയറ്റർ റിലീസ് ചെയ്തത്. ‘വെള്ളം’, ‘അപ്പൻ’, ‘പടച്ചോനെ ഇങ്ങള് കാത്തോളി’ എന്നീ ചിത്രങ്ങളുടെ നിർമ്മാതാവായ രഞ്ജിത്ത് മണമ്പ്രക്കാട്ട്, ബ്ലൂ മൗണ്ട് പ്രൊഡക്ഷൻസിൻറെ ബാനറിൽ എം പത്മകുമാർ, ശ്രീറാം മണമ്പ്രക്കാട്ട് എന്നിവരുമായ് ചേർന്ന് നിർമ്മിച്ച ചിത്രത്തിന് അർജുൻ ടി സത്യന്റെതാണ് തയ്യാറാക്കിയത്.
ശ്വേതാ മേനോൻ, രമേശ് പിഷാരടി, വി കെ പ്രകാശ്, രഞ്ജി പണിക്കർ, ജോണി ആന്റണി, മല്ലികാ സുകുമാരൻ, ജൂഡ് ആന്റണി ജോസഫ്, ആര്യ ബഡായി ബംഗ്ലാവ്, ശ്രുതി രജനികാന്ത്, പേളി മാണി, സാനിയ ബാബു, നീനാ കുറുപ്പ്, മഞ്ജു പത്രോസ്, വിനീത് വിശ്വം, രഞ്ജി കാങ്കോൽ, ചിത്രാ നായർ തുടങ്ങി ഒട്ടനവധി താരങ്ങളാണ് ചിത്രത്തിൽ അണിനിരന്നിരിക്കുന്നത്. കൊച്ചി, കുട്ടിക്കാനം, കോയമ്പത്തൂർ എന്നിവിടങ്ങളായിരുന്നു പ്രധാന ലൊക്കേഷനുകൾ.
ഛായാഗ്രഹണം: ജിത്തു ദാമോദർ, ചിത്രസംയോജനം: അഖിലേഷ് മോഹൻ, സംഗീതം: രഞ്ജിൻ രാജ്, ഗാനരചന: ഷിബു ചക്രവർത്തി, അൻവർ അലി, സന്തോഷ് വർമ്മ, ജോ പോൾ, കലാസംവിധാനം: എം ബാവ, ചീഫ് അസ്സോസിയേറ്റ് ഡയറക്ടർ: ഉല്ലാസ് കൃഷ്ണ, വസ്ത്രാലങ്കാരം: ആയീഷാ ഷഫീർ സേട്ട്, മേക്കപ്പ്: ജിത്തു പയ്യന്നൂർ, പ്രൊഡക്ഷൻ കൺട്രോളർ: ശിഹാബ് വെണ്ണല, സ്റ്റിൽസ്: ഷാജി കുറ്റികണ്ടത്തിൽ, പ്രൊമോ സ്റ്റിൽസ്: ഷിജിൻ പി രാജ്, പോസ്റ്റർ ഡിസൈൻ: മനു, ഡിജിറ്റൽ മാർക്കറ്റിങ്ങ്: വിഷ്ണു സുഗതൻ, പിആർഒ: ശബരി.
Film News
കേരളത്തിൽ തരംഗമായ് പ്രശാന്ത് വർമ്മ-തേജ സജ്ജ ചിത്രം ‘ഹനു-മാൻ’ !
കേരളത്തിൽ തരംഗമായ് പ്രശാന്ത് വർമ്മ-തേജ സജ്ജ ചിത്രം ‘ഹനു-മാൻ’ !
തേജ സജ്ജയെ നായകനാക്കി പ്രശാന്ത് വർമ്മ തിരക്കഥയെഴുതി സംവിധാനം ചെയ്ത പാൻ ഇന്ത്യ ചിത്രം ‘ഹനു-മാൻ’ കേരളത്തിൽ തരംഗം സൃഷ്ടിച്ച്, മികച്ച അഭിപ്രായങ്ങളോടെ പ്രദർശനം തുടരുകയാണ്. 40 തിയറ്ററുകളിലൂടെ റിലീസ് ചെയ്ത ചിത്രത്തിന് പ്രേക്ഷകരിൽ നിന്നും ഗംഭീര റെസ്പോൺസ് ലഭിച്ചതോടെ വരുന്ന വെള്ളിയാഴ്ച മുതൽ 40ൽ നിന്ന് മാറി 100 സെന്ററുകളിലൂടെ ചിത്രം പ്രദർശനത്തിനെത്തും. മുതിർന്നവർക്കും കുട്ടികൾക്കും ഒരുപോലെ ആസ്വദിക്കാവുന്ന വിധത്തിൽ ഒരുക്കിയ ഈ ചിത്രം തെലുങ്ക്, ഹിന്ദി, മറാത്തി, കന്നഡ, തമിഴ്, മലയാളം, ഇംഗ്ലീഷ്, സ്പാനിഷ്, കൊറിയൻ, ചൈനീസ്, ജാപ്പനീസ് തുടങ്ങി നിരവധി ഇന്ത്യൻ ഭാഷകളിലായ് ജനുവരി 12നാണ് തിയറ്റർ റിലീസ് ചെയതത്. ചിത്രത്തിന്റെ കേരളത്തിലെ പ്രദർശനാവകാശം ശ്രീ ഗോകുലം മൂവീസിന്റെ ബാനറിൽ ശ്രീ ഗോകുലം ഗോപാലനാണ് സ്വന്തമാക്കിയത്. ഡിസ്ട്രിബ്യൂഷൻ പാർട്ണർ ഡ്രീം ബിഗ് ഫിലിംസ്. അമൃത അയ്യർ നായികയായും വിനയ് റായ് പ്രതിനായകനായും എത്തിയ ചിത്രത്തിലെ മറ്റൊരു സുപ്രധാന കഥാപാത്രത്തെ അവതരിപ്പിച്ചത് വരലക്ഷ്മി ശരത്കുമാറാണ്. ഗെറ്റപ്പ് ശ്രീനു, സത്യ, രാജ് ദീപക് ഷെട്ടി തുടങ്ങിയവരും ചിത്രത്തിലുണ്ട്.
ഇന്ത്യൻ പുരാണങ്ങളിലെ ശക്തമായ കഥാപാത്രങ്ങളിലൂടെ പ്രചോദനം ഉൾക്കൊണ്ട് സൂപ്പർഹീറോകളെക്കുറിച്ച് ഒരു സിനിമാറ്റിക് വേൾഡ് നിർമ്മിക്കാനുള്ള ശ്രമത്തിലാണ് ക്രിയേറ്റീവ് ഡയറക്ടർ പ്രശാന്ത് വർമ്മ. അതിലെ ആദ്യഭാഗമായ ‘ഹനു-മാൻ’ സൂപ്പർഹീറോ ഹനുമാനെ കേന്ദ്രീകരിച്ച്, ‘അഞ്ജനാദ്രി’ എന്ന സാങ്കൽപ്പിക സ്ഥലത്താണ് പ്രധാനമായും സജ്ജീകരിച്ചത്. ട്രെയിലറിന് മികച്ച പ്രതികരണം ലഭിച്ചതോടെ പ്രേക്ഷകർ പ്രതീക്ഷയോടെ കാത്തിരുന്ന സിനിമയാണിത്. ‘ശ്രീരാമദൂത സ്തോത്രം’, ‘ആവക്കായ ആഞ്ജനേയ’, ‘പവർഫുൾ ഹനുമാൻ’, ‘സൂപ്പർ ഹീറോ ഹനുമാൻ’ തുടങ്ങി ചിത്രത്തിലെ നാല് ഗാനങ്ങൾ ഇതിനോടകം പുറത്തുവിട്ടിട്ടുണ്ട്.
ശ്രീമതി ചൈതന്യ അവതരിപ്പിക്കുന്ന ഈ ചിത്രം പ്രൈംഷോ എന്റർടെയ്ൻമെന്റിന്റെ ബാനറിൽ കെ നിരഞ്ജൻ റെഡ്ഡിയാണ് നിർമ്മിക്കുന്നത്. അസ്രിൻ റെഡ്ഡി എക്സിക്യൂട്ടീവ് പ്രൊഡ്യൂസറും വെങ്കട്ട് കുമാർ ജെട്ടി ലൈൻ പ്രൊഡ്യൂസറും കുശാൽ റെഡ്ഡി അസോസിയേറ്റ് പ്രൊഡ്യൂസറുമായ് എത്തുന്ന ചിത്രത്തിന്റെ പ്രൊഡക്ഷൻ ഡിസൈനർ ശ്രീനാഗേന്ദ്ര തങ്കാലയാണ്.
ഛായാഗ്രാഹണം: ദാശരധി ശിവേന്ദ്ര, ചിത്രസംയോജനം: സായിബാബു തലാരി, തിരക്കഥ: സ്ക്രിപ്റ്റ്സ്വില്ലെ, വസ്ത്രാലങ്കാരം: ലങ്ക സന്തോഷി, പിആർഒ: ശബരി.
-
Songs6 months ago
കാവാലയെ വെല്ലുന്ന ഐറ്റം ! ദിലീപും തമന്നയും തകർത്താടിയ ബാന്ദ്രയിലെ രക്ക രക്ക ഗാനം പുറത്തിറങ്ങി ! സൗത്ത് ഇന്ത്യക്കിനി പുതിയ വൈറൽ
-
Film News2 years ago
18 വർഷമായി ലാൽ ഫാൻ, ആറാട്ടിനൊടുവിൽ അവസാനം മോഹൻലാൽ അപമാനിച്ചു- സന്തോഷ് വർക്കി
-
Video2 years ago
ഞാൻ പത്ത് പെണ്ണുങ്ങളുമായി സെക്സ് ചെയ്തിട്ടുണ്ട്,താല്പര്യമുള്ളവരോട് ഇനിയും ചോദിക്കും- വിനായകൻ
-
Film News2 years ago
ഹലോ മായാവി നടാക്കാതെ പോയതിന് കാരണം ഇതായിരുന്നു. ചിത്രത്തിന്റെ വൺലൈൻ ഇങ്ങനെ
-
Film News2 years ago
കലക്കൻ പ്രേമവുമായി നിമിഷയും റോഷനും ! ഞെരിപ്പൻ മാസ്സുമായി ബിജു മേനോനും പത്മപ്രിയയും ! ഈ ഓണം ഒരൊന്നൊന്നര ഓണം ആവും
-
Film News2 years ago
എട്ടു നിലയിൽ പൊട്ടാനുള്ള ഭാഗ്യമുണ്ടാവട്ടെ, നാളെ ഇവിടെത്തന്നെ കാണണം ! മറുപടിയുമായി മാല പാർവ്വതി
-
Film News2 years ago
ഊക്കലും ഉപദേശവും ഒരുമിച്ച് വേണ്ട, നാരദൻ കണ്ട രശ്മി ആഷിക്ക് അബുവിനോട്
-
Trailer and Teaser2 years ago
ഞെട്ടിച്ച് അനശ്വര രാജൻ ! ജോൺ എബ്രഹാം നിർമിക്കുന്ന ആദ്യ ചിത്രം മൈക്ക് ട്രെയ്ലർ പുറത്തിറങ്ങി