സുധ കൊങ്കര ചിത്രത്തിൽ ദുൽഖറും സൂര്യയും ഒന്നിക്കുന്നു. ചിത്രം നിർമ്മിക്കുന്നത് കെ.ജി.എഫ് നിർമാതാക്കൾ

മലയാളികളുടെ പ്രിയതാരം ദുൽഖർ സൽമാനും തമിഴകത്തിന്റെ സൂപ്പർ താരം സൂര്യയും സുധാ കൊങ്കര സംവിധാനം ചെയ്യുന്ന അടുത്ത ചിത്രത്തിൽ ഒന്നിക്കുന്നു എന്ന് റിപ്പോർട്ടുകൾ. ഇന്ത്യ ഒട്ടാകെ തരംഗം സൃഷ്ടിച്ച കെജിഎഫിന്റെ നിർമ്മാതാക്കളായ
ഹോംബലെ ഫിലിംസിന്റെ ബാനറിൽ ആണ് ചിത്രം നിർമ്മിക്കുന്നത്. ഹോംബലെ ഫിലിംസ്-സുധ കൊങ്കര ചിത്രം നേരത്തെ തന്നെ ഔദ്യോഗികമായി പ്രഖ്യാപിച്ചിരുന്നു.

മാധവന്‍ നായകനായ ‘ഇരുദ്ധി സുട്ര്’, സൂര്യ നായകനായ ‘സൂരറൈ പോട്ര്’ എന്നീ നിരൂപക പ്രശംസ നേടിയ രണ്ട് ബ്ലോക്ക്ബസ്റ്റര്‍ ഹിറ്റുകള്‍ സമ്മാനിച്ചതിന് ശേഷമാണ് സുധ കൊങ്ങര ഹോംബലെ ഫിലിംസുമായി ഒന്നിക്കുന്നത്. അതേസമയം സൂറയ് പോട്രിന്റെ ഹിന്ദി റീമേക്ക് തിരക്കുകളിൽ ആണ് സംവിധായിക ഇപ്പോൾ.

മലയാളത്തിനു പുറമേ തമിഴ് തെലുങ്ക് ഭാഷകളിലും ദുൽഖർ സൽമാൻ വലിയ ആരാധക വൃന്ദം തന്നെ ഉണ്ട്. ഇന്ത്യയിലെ തന്നെ രണ്ട് വമ്പൻ താരങ്ങൾ ഒന്നിക്കുന്ന ചിത്രം ഇന്ത്യൻ ചിത്രമായായിരിക്കും പ്രേക്ഷകരിലേക്ക് എത്തുക

തലമുറകളുടെ ആവർത്തനം ! സമ്മർ ഇൻ ബത്ലഹേം-2വിൽ കാളിദാസ് ജയറാമും ഗോകുൽ സുരേഷും !

മലയാള സിനിമയിലെ തന്നെ എക്കാലത്തെയും വലിയ വിജയചിത്രമായ സമ്മർ ഇൻ ബത്ലഹേമിന് രണ്ടാം ഭാഗം ഒരുങ്ങുന്നു. ചിത്രത്തിൻറെ നിർമ്മാതാവായ സിയാദ് സിയാദ് കോക്കർ ആണ് ജാങ്കോ സ്പേസിന് നൽകിയ ഓൺലൈൻ അഭിമുഖത്തിൽ ഇക്കാര്യം വെളിപ്പെടുത്തിയത്. സിബി മലയിൽ തന്നെയായിരിക്കും രണ്ടാം ഭാഗവും ഒരുക്കുന്നത്. സിനിമയിൽ കാളിദാസ് ജയറാമും ഗോകുൽ സുരേഷും ഭാഗമാകും.

എന്നാൽ ചിത്രം ആദ്യ ഭാഗത്തിന്റെ തുടർച്ചയായിരിക്കില്ല, സിനിമ നടന്ന ആ പശ്ചാത്തലത്തിലേക്കും കെട്ടിടത്തിലേക്കും പുതിയ അതിഥികൾ എത്തുന്നതാണ് ചിത്രത്തിൻറെ രണ്ടാം ഭാഗം. സിനിമയിലെ ആദ്യഭാഗത്തെ താരങ്ങൾ ഒരു പ്രധാന ഭാഗത്തിൽ അതിഥി വേഷത്തിൽ എത്തുകയും ചെയ്യുന്നുണ്ട്. 2023 ലാണ് ചിത്രം പ്ലാൻ ചെയ്തിരിക്കുന്നത്. സമ്മർ ഇൻ ബത്ലഹേം പുറത്തിറങ്ങി 25 വർഷം പൂർത്തിയാകുന്ന വർഷം കൂടിയാണ് അത്. മാത്രമല്ല തൻറെ 25മത് ചിത്രമായും റിലീസ് ചെയ്യാനാണ് പദ്ധതി, നിർമാതാവായ സിയാദ് കോക്കർ പറയുന്നു.

മമ്മൂട്ടി ചിത്രം റോഷാക്കിൽ അതിഥി വേഷത്തിൽ സൂപ്പർ താരം ആസിഫ് അലിയും !

കെട്ട്യോളാണെന്റെ മാലാഖ എന്ന ചിത്രത്തിന് ശേഷം നിസാം ബഷീര്‍ സംവിധാനം ചെയ്യുന്ന ചിത്രമാണ് റോഷാക്ക്. ഒരു സൈക്കോ ത്രില്ലർ ചിത്രമാണ് റോഷാക്ക് എന്നാണ് റിപ്പോർട്ട്. ചിത്രത്തിൻറെ ഫസ്റ്റ് ലുക്ക് പോസ്റ്ററുകൾ സോഷ്യൽ മീഡിയയിൽ ഏറെ ശ്രദ്ധ നേടിയിരുന്നു. ചിത്രത്തിൻറെ അവസാന ഷെഡ്യൂൾ ഇന്ന് ദുബായിൽ ആരംഭിച്ചിരുന്നു.

സിനിമയിൽ ഒരു പ്രധാന വേഷത്തിൽ അതിഥിതാരമായി മലയാളത്തിലെ യുവനിരയിലെ സൂപ്പർതാരം ആസിഫ് അലിയും എത്തുന്നുണ്ട്. മമ്മൂട്ടിയുടെ നിർമാണക്കമ്പനിയായ പ്ലേഹൗസ് ആദ്യമായി നിർമിച്ച ജവാൻ ഓഫ് വെള്ളിമലയിൽ ആസിഫലി മമ്മൂട്ടിക്കൊപ്പം പ്രത്യക്ഷപ്പെട്ടിരുന്നു. മമ്മൂട്ടിയുടെ തന്നെ പുതിയ നിർമ്മാണ കമ്പനിയായ മമ്മൂട്ടി കമ്പനി ചിത്രം ഒരുക്കുമ്പോൾ ആസിഫലി വീണ്ടും അതിൽ ഭാഗമാകുന്നു എന്ന പ്രത്യേകത കൂടിയുണ്ട്. അഞ്ചുദിവസത്തോളമാണ് ദുബായിൽ ചിത്രീകരണം പ്ലാൻ ചെയ്തിരിക്കുന്നത്.

ഷറഫുദീൻ, ജഗദീഷ് , ഗ്രേസ് ആന്റണി, ബിന്ദു പണിക്കർ, സഞ്ചു ശിവറാം എന്നിവരും ചിത്രത്തിൽ പ്രധാന കഥാപാത്രങ്ങളെ അവതരിപ്പിക്കുന്നുണ്ട്.
മമ്മൂട്ടിയുടെ നിർമ്മാണ സംരംഭമായ മമ്മൂട്ടി കമ്പനി നിർമ്മിക്കുന്ന രണ്ടാമത്തെ ചിത്രമാണിത്.അഡ്വഞ്ചേഴ്സ് ഒഫ് ഓമനക്കുട്ടൻ, ഇബിലീസ് എന്നീ ചിത്രങ്ങളുടെ തിരക്കഥാകൃത്തായ സമീർ അബ്ദുൽ ആണ് രചന നിർവഹിക്കുന്നത്.അഡ്വഞ്ചേഴ്സ് ഒഫ് ഓമനക്കുട്ടൻ, ഇബിലീസ് എന്നീ ചിത്രങ്ങളുടെ തിരക്കഥാകൃത്തായ സമീർ അബ്ദുൽ ആണ് രചന നിർവഹിക്കുന്നത്. ഓണം റിലീസായി ചിത്രം തിയേറ്ററുകളിൽ എത്തിക്കാനാണ് അണിയറ പ്രവർത്തകർ ശ്രമിക്കുന്നത്