Film News
മാക്ട ഇന്റർനാഷണൽ ഷോർട്ട് മൂവി ഫെസ്റ്റിവൽ അവാർഡുകൾ പ്രഖ്യാപിച്ചു
![](https://moviesmatinee.in/wp-content/uploads/2022/07/IMG-20220708-WA0073.jpg)
മാക്ട ഇന്റർനാഷണൽ ഷോർട്ട് മൂവി ഫെസ്റ്റിവൽ അവാർഡുകൾ പ്രഖ്യാപിച്ചു
MACTA INTERNATIONAL SHORT MOVIE FESTIVAL
MISMF – 2022
RESULTS ANNOUNCEMENT
ഷോർട്ട് മൂവീസ്, മ്യൂസിക് വീഡിയോസ് എന്നീ രണ്ട് വിഭാഗങ്ങളിലാണ് മത്സരം ഉണ്ടായിരുന്നത്. ഷോർട്ട് ഫിലിം വിഭാഗത്തിൽ നൂറിലേറെ എ൯ട്രികൾ ലഭിച്ചു. അവയിൽ തിരഞ്ഞെടുത്ത 85 ചിത്രങ്ങളാണ് മത്സരവിഭാഗത്തിലേക്ക് ഉൾപ്പെടുത്തിയിരുന്നത്. അതുപോലെ മ്യൂസിക് വീഡിയോസിൽ നിന്ന് ലഭിച്ച 25 എ൯ട്രികളിൽനിന്ന് 23 എണ്ണമാണ് മത്സരത്തിനായി തിരഞ്ഞെടുത്തത്. പ്രശസ്ത സംഗീത സംവിധായകനായ ബിജിബാൽ, ഛായാഗ്രാഹക൯ അഴകപ്പ൯, ഗാനരചയിതാവ് സന്തോഷ് വർമ്മ എന്നിവരാണ് മ്യൂസിക് വീഡിയോസ് മത്സരത്തിന്റെ ജൂറി അംഗങ്ങൾ.
അതേസമയം ഷോട്ട് മൂവി മത്സരത്തിന് പ്രിലിമിനറി, സെക്കന്ററി, ഫൈനൽ എന്നിങ്ങനെ മൂന്ന് ഘട്ടങ്ങളിലായി വിധികർത്താക്കളുടെ വലിയ നിരതന്നെ ഉണ്ടായിരുന്നു. മലയാള സിനിമയിലെ പ്രശസ്ത സംവിധായകരും, തിരക്കഥാ-കൃത്തുക്കളും, ക്യാമറാമാ൯മാരും ഉൾപ്പെടുന്നതായിരുന്നു പ്രിലിമിനറി, സെക്ക-ന്ററി ജൂറികൾ. അവർ തിരഞ്ഞെടുത്ത 13 ചിത്രങ്ങൾ ഫൈനൽ ജൂറിയുടെ മുന്നിലേക്കെത്തുകയായിരുന്നു.
ജൂറി ചെയർമാ൯ ശ്രീ. കമൽ ഒപ്പം ശ്രീമതി. വിധുവി൯സെന്റ്, ജൂഡ്ആന്റണി ജോസഫ്, മിഥു൯മാനുവൽതോമസ്, ക്യാമറാമാ൯ വിനോദ് ഇല്ലംപള്ളി, എഡിറ്റർ ഷമീർ മുഹമ്മദ്, ഡിസൈനർ കോളി൯സ് ലിയോഫിൽ എന്നിവരാണ് ഫൈനൽ ജൂറിയിലുണ്ടായിരുന്നത്. ഷോർട്ട് മൂവി വിഭാഗത്തിൽ പത്തും, മ്യൂസിക് വീഡിയോ വിഭാഗത്തിൽ നാലും അവാർഡുകൾ വീതമാണ് ഇന്നിവിടെ പ്രഖ്യാപിക്കുന്നത്.
1: മ്യൂസിക് വീഡിയോ വിഭാഗം
1. ബെസ്റ്റ് മ്യൂസിക് ആൽബം – കണ്ണോരം
(പതിനായിരം രൂപയും, പ്രശസ്തിപത്രവും)
സംവിധായക൯ – രാജീവ് മങ്കൊമ്പ്
നിർമ്മാതാവ് – ഷമീം സൈനുദ്ധീ൯
(ഒരു നല്ല വിഷയം കൃത്യമായ കഥയുടെ രൂപത്തിൽ സാമൂഹ്യ പ്രതിബദ്ധ- തയോടെ അവതരിപ്പിച്ചതിന്)
2. മികച്ച സംവിധായക൯ – മനു ആന്റണി
(പതിനായിരം രൂപയും, പ്രശസ്തിപത്രവും)
ആൽബം – ചെറുപുഞ്ചിരി
നിർമ്മാതാവ് – മഹേഷ് മനോഹർ
(ഹൃദയസ്പർശിയായ ആവിഷ്ക്കാര മികവിന്)
3. ബെസ്റ്റ് മ്യൂസിക് ഡയറക്ടർ – സതീഷ് നായർ
(പതിനായിരം രൂപയും, പ്രശസ്തി പത്രവും)
ആൽബം – എന്നോട് ഞാ൯
(സബ്ജക്ട് ആവശ്യപ്പെടുന്ന സംഗീത സംവിധാനം നിർവ്വഹിച്ചതിന്)
4. മികച്ച ഗാനരചയിതാവ് – പി. കെ. ഗോപി
(പതിനായിരം രൂപയും, പ്രശസ്തി പത്രവും)
നീർമാതളം എന്ന ആൽബത്തിലെ നീർമാതളപ്പൂവേ എന്ന ഗാനത്തിന്. (വിഷയം മനോഹരമായി സംവദിച്ച ഗാനരചനാ പാടവം)
2 : ഷോർട് മൂവി സെക്ഷ൯
ഈ വിഭാഗത്തിൽ പ്രിലിമിനറി, സെക്കന്ററി സ്ക്രീനിംഗിന് ശേഷം 13 ചിത്ര-ങ്ങളാണ് ജൂറിയുടെ മുന്നിലേക്കെത്തിയിരുന്നത്. സമകാലിക പ്രസക്തിയും, രാഷ്ട്രീയ മാനങ്ങളുമുള്ള വിഷയങ്ങളെ ലഘുചിത്രങ്ങളായി പുതിയ കാഴ്ചാ ഭാവുകത്വത്തോടെ ഒരുക്കുന്നതിൽ പുതുതലമുറ സംവിധായകർ അസാധ്യ പാടവമാണ് പ്രകടിപ്പിച്ചിരിക്കുന്നതെന്ന് ഫൈനൽ ജൂറി വിലയിരുത്തി. പുതിയ പ്രമേയങ്ങളുമായി പുതിയ പരീക്ഷണങ്ങൾക്ക് തയ്യാറായ എല്ലാവരേയും ജൂറി അഭിനന്ദിക്കുന്നു.
1. ബെസ്റ്റ് ഷോർട്ട് മൂവി – അശോകവനം നാടകവേദി
(ഒരുലക്ഷം രൂപയും, പ്രശസ്തിപത്രവും)
സംവിധാനം – വിവേക് ചന്ദ്ര൯
നിർമ്മാതാവ് – ലിവ൯ വർഗ്ഗീസ്
(പീവീസ് മീഡിയ)
2. സെക്കന്റ് ബെസ്റ്റ് ഷോർട്ട് മൂവി – ന്യൂ നോർമൽ
(അമ്പതിനായിരം രൂപയും, പ്രശസ്തിപത്രവും)
സംവിധാനം – മോനിഷ മോഹ൯ മേനോ൯
നിർമ്മാതാവ് – വിമൽ ടി. കെ
3. മികച്ച സംവിധായക൯ – മോനിഷ മോഹ൯ മേനോ൯
(ഇരുപത്തയ്യായിരം രൂപയും, പ്രശസ്തിപത്രവും)
ചിത്രം – ന്യൂ നോർമൽ
4. മികച്ച തിരക്കഥ – വിവേക് ചന്ദ്ര൯
(പതിനായിരം രൂപയും, പ്രശസ്തിപത്രവും)
ചിത്രം – അശോകവനം നാടകവേദി
5. മികച്ച ക്യാമറാമാ൯ – ജിതി൯ സ്റ്റാ൯സ് ലാവോസ്
(പതിനായിരം രൂപയും, പ്രശസ്തിപത്രവും)
ചിത്രം – ന്യൂ നോർമൽ
6. മികച്ച എഡിറ്റർ – മുഹസ്സി൯ പി. എം.
(പതിനായിരം രൂപയും, പ്രശസ്തിപത്രവും)
ചിത്രം – അശോകവനം നാടകവേദി
7. മികച്ച നട൯ – സതീഷ് അമ്പാടി
(പതിനായിരം രൂപയും, പ്രശസ്തിപത്രവും)
ചിത്രം – കാക്ക (The Crow)
8. മികച്ച നടി – അനഘ രവി
(പതിനായിരം രൂപയും, പ്രശസ്തിപത്രവും)
ചിത്രം – ന്യൂ നോർമൽ
9. മികച്ച പോസ്റ്റർ ഡിസൈനർ– ഷിബു നാസ
(പതിനായിരം രൂപയും, പ്രശസ്തിപത്രവും)
ഷോർട് മൂവി – സിയ൯സ്
10. സ്പെഷ്യൽ ജൂറി
മെ൯ഷ൯ (Actress) – അർച്ചന അനിൽകുമാർ
(പ്രശസ്തിപത്രം)
അവാർഡ് ജോതാക്കൾക്ക് മാക്ടയുടെ ഹൃദയം നിറഞ്ഞ അഭിനന്ദനങ്ങൾ. അവാർഡ്ദാനച്ചടങ്ങ് സപ്തമ്പർ മാസത്തിൽ എറണാകുളത്ത് വെച്ച് നടത്തും. കൂടുതൽ വിവരങ്ങൾ പിന്നീട് അറിയിക്കുന്നതാണ്.
Film News
‘ദ പ്രീസ്റ്റ്’ന് ശേഷം ജോഫിൻ ടി ചാക്കോ സംവിധാനം ചെയ്യുന്ന സിനിമയുടെ പൂജ കൊച്ചിയിൽ നടന്നു!! ചിത്രം നിർമ്മിക്കുന്നത് കാവ്യ ഫിലിം കമ്പനിയും ആൻ മെഗാ മീഡിയയും ചേർന്ന്
![](https://moviesmatinee.in/wp-content/uploads/2024/05/Compress_20240503_172522_2533.jpg)
‘ദ പ്രീസ്റ്റ്’ന് ശേഷം ജോഫിൻ ടി ചാക്കോ സംവിധാനം ചെയ്യുന്ന സിനിമയുടെ പൂജ കൊച്ചിയിൽ നടന്നു!! ചിത്രം നിർമ്മിക്കുന്നത് കാവ്യ ഫിലിം കമ്പനിയും ആൻ മെഗാ മീഡിയയും ചേർന്ന്
മെഗാസ്റ്റാർ മമ്മൂട്ടിയുടെ സൂപ്പർ ഹിറ്റ് ചിത്രം ‘ദ പ്രീസ്റ്റ്’ന് ശേഷം ജോഫിൻ ടി ചാക്കോ സംവിധാനം ചെയ്യുന്ന പുതിയ ചിത്രത്തിന്റെ പൂജ എറണാകുളം ഫോർട്ട് കൊച്ചി സിഎസ്ഐ ഹെറിറ്റേജ് ബംഗളോയിൽ വെച്ച് രാവിലെ 8 മണിക്ക് നടന്നു. കാവ്യ ഫിലിം കമ്പനി, ആൻ മെഗാ മീഡിയ എന്നീ ബാനറുകളിലായി വേണു കുന്നപ്പിള്ളിയും ആന്റോ ജോസഫും ചേർന്നാണ് ആസിഫ് അലി നായകനാകുന്ന ഈ ബിഗ് ബജറ്റ് ചിത്രം നിർമ്മിക്കുന്നത്. നൈറ്റ് ഡ്രൈവ്, മാളികപ്പുറം, 2018 എന്നീ വൻ വിജയ ചിത്രങ്ങൾക്കും, റീലീസിന് തയ്യാറെടുക്കുന്ന ആനന്ദ് ശ്രീബാലയ്ക്കും ശേഷം കാവ്യ ഫിലിം കമ്പനിയും ആൻ മെഗാ മീഡിയയും ഒന്നിക്കുന്ന സിനിമയാണിത്. ജോഫിൻ ടി ചാക്കോ, രാമു സുനിൽ എന്നിവരുടെ കഥയ്ക്ക് ജോൺ മന്ത്രിക്കൽ തിരക്കഥ രചിച്ച ചിത്രത്തിൽ കേന്ദ്ര കഥാപാത്രങ്ങളായി ആസിഫ് അലി, അനശ്വര രാജൻ, മനോജ് കെ ജയൻ എന്നിവർ എത്തുന്നു.
ഛായാഗ്രഹണം: അപ്പു പ്രഭാകർ, ചിത്രസംയോജനം: ഷമീർ മുഹമ്മദ്, സംഗീതം: രാഹുൽ രാജ്, കലാസംവിധാനം: ഷാജി നടുവിൽ, വസ്ത്രാലങ്കാരം: സമീറ സനീഷ്, മേക്കപ്പ്: റോണക്സ് സേവ്യർ,
ലൈൻ പ്രൊഡ്യൂസർ: ഗോപകുമാർ ജി കെ , പ്രൊഡക്ഷൻ കൺട്രോളർ: ഷിബു ജി സുശീലൻ, ചീഫ് അസോസിയേറ്റ് ഡയറക്ടർ: ബേബി പണിക്കർ, പ്രേംനാഥ്, അസോസിയേറ്റ് ഡയറക്ടർ: ആസിഫ് കുറ്റിപ്പുറം, അസിസ്റ്റന്റ് ഡയറക്ടേർസ്: സുമേഷ് കെ സുരേശൻ, Fr വിനീഷ് മാത്യു, രോഹൻ മിഥ്വിഷ്, ആദർശ് എ നായർ, സംഘട്ടനം: ഫീനിക്സ് പ്രഭു, സ്റ്റിൽസ്: ബിജിത് ധർമ്മടം, ഡിസൈൻ: ഓൾഡ്മങ്ക്, പിആർഒ & മാർക്കറ്റിംഗ്: വൈശാഖ് വടക്കേവീട്, ജിനു അനിൽകുമാർ.
Film News
തീയറ്ററുകളിൽ പൊട്ടിച്ചിരിയുടെ പൂത്തിരി തിളക്കത്തിൽ രണ്ടാം വാരത്തിലേക്ക്
![](https://moviesmatinee.in/wp-content/uploads/2024/04/Compress_20240403_194436_6317.jpg)
തീയറ്ററുകളിൽ പൊട്ടിച്ചിരിയുടെ പൂത്തിരി തിളക്കത്തിൽ രണ്ടാം വാരത്തിലേക്ക്
‘ഒരമ്മ പെറ്റ അളിയന്മാര്!..’ എന്ന് തിളക്കം സിനിമയിലെ ഓമനക്കുട്ടനേയും ഉണ്ണിയേയും, ഓമനക്കുട്ടന്റെ ഭാര്യ വനജ വിശേഷിപ്പിക്കുന്നുണ്ട്. ഈ പ്രയോഗം അക്ഷരാര്ത്ഥത്തില് ശരിവെക്കുന്ന ആത്മബന്ധം കാത്തുസൂക്ഷിക്കുന്ന അളിയന്മാരാണ് വാണംപറമ്പില് ബ്രിഗേഷും കുഴിച്ചാലില് കമലാക്ഷനും. ‘പെങ്ങളെ കെട്ടിയ സ്ത്രീധനത്തുക, തരുമോ അളിയാ’ എന്ന് തമാശയായോ കാര്യമായോ ബ്രിഗേഷിനോട് ചോദിക്കാത്ത പഞ്ചപ്പാവമാണ് കുഴിച്ചാലില് കമലാക്ഷന്. എന്തിനും ഏതിനും അളിയന് ബ്രിഗേഷിന്റെ നന്മയ്ക്കായി ഓടിനടക്കുന്ന അന്പുള്ള അളിയനാണ് കുഴിച്ചാലില് കമലാക്ഷന്!..
പോലിസില് അസിസ്റ്റന്റ് സബ്ബ് ഇന്സ്പെക്ടറാണെങ്കിലും ആളൊരു ശുദ്ധനാണ്. ശുദ്ധന് ചിലപ്പോള് ദുഷ്ടന്റെ ഫലം ചെയ്യും എന്നാണ് അളിയനെ കുറിച്ച് ബ്രിഗേഷിന്റെ വിലയിരുത്തല്. പ്രശാന്ത് മുരളി നായകനായി പപ്പന് ടി നമ്പ്യാര് സംവിധാനം ചെയ്ത ‘വയസ്സ് എത്രയായി? മുപ്പത്തി…’ എന്ന ചിത്രത്തില്, അന്പുള്ള അളിയന് കുഴിച്ചാലില് കമലാക്ഷന് പ്രേക്ഷക ഹൃദയങ്ങള് കീഴടക്കുന്നു!. കുഴിച്ചാലില് കമലാക്ഷനായി വേഷമിട്ടത് ചിത്രത്തിന്റെ നിര്മ്മാതാവും തിരക്കഥാകൃത്തുക്കളില് ഒരാളുമായി ഷിജു യു.സിയാണ്. നവാഗതന്റെ പകപ്പോ പരിഭ്രമോ ഇല്ലാതെ തന്മയത്വത്തോടെയാണ് ഷിജു യു.സി കമലാക്ഷനെ അവതരിപ്പിച്ചിട്ടുള്ളത്.
തലശ്ശേരി-വടകര പ്രദേശങ്ങളില് വിവാഹശേഷം ഭര്ത്താവ് ഭാര്യ വീട്ടില് താമസിക്കുന്ന സമ്പ്രദായം ഇപ്പോളും സര്വ്വസാധാരണമാണ്. വാണംപറമ്പില് ബബിതയെ വിവാഹം ചെയ്ത ശേഷം, ഭാര്യ വീട്ടിലാണ് കമലാക്ഷന്റെ താമസം. ഭാര്യയെ പിരിയാനുള്ള വിഷമമാണെന്ന് കമലാക്ഷന് ആവര്ത്തിച്ച് പറയാറുണ്ടെങ്കിലും യാഥാര്ത്യം മറ്റൊന്നാണ്. ബബിതയുടെ സഹോദരന് ബ്രിഗേഷിനൊപ്പം കറങ്ങി നടക്കാനും വെള്ളമടിക്കാനുമാണ്, അയാള് ഭാര്യ വീട്ടില് തങ്ങുന്നത്. 42 വയസ്സായിട്ടും വിവാഹം നടക്കാത്ത അളിയന് ബ്രിഗേഷിനെ പെണ്ണുകെട്ടിക്കാനുള്ള ശുഷ്കാന്തിയിലും ഓട്ടത്തിലുമാണ് അളിയന്റെ ശ്രദ്ധ മുഴുവനും.
അളിയനും കുടുംബത്തിനും നല്കുന്ന അമിത ശ്രദ്ധമൂലം ആളിപ്പോള് സസ്പെന്ഷനിലാണ്. പെണ്ണുകിട്ടാത്ത അളിയനേയും കൊണ്ട് കുടകിലേക്ക് പെണ്ണിനെ തപ്പിപ്പോകാനും കൗമാര കാലത്തെ പ്രണയിനിയെ വളക്കാനും ഉപദേശം നല്കുന്ന കമലാക്ഷന്റെ പ്രകടം ‘വയസ്സ് എത്രയായി? മുപ്പത്തി…’ എന്ന ചിത്രത്തെ സജീവമാക്കുന്നതില് നിര്ണായക പങ്ക് വഹിക്കുന്നു. ബ്രിഗേഷിന്റെ അളിയനായി മാത്രമല്ല, ബബിതയുടെ സ്നേഹനിധിയായ ഭര്ത്താവായും കമലാക്ഷന് സ്ക്രീനില് നിറഞ്ഞാടുന്നു. ‘ന്നാ താന് കേസ് കൊട്’ ഫെയിം ചിത്രനായര് വേഷമിട്ട ബബിതയും ഷിജു യു.സിയുടെ കമലാക്ഷനും സ്നേഹിച്ചും കലഹിച്ചും ജീവിക്കുന്ന ദമ്പതികളായി ജീവിക്കുകയായിരുന്നെന്ന് പറഞ്ഞാല് അതിശയോക്തിയാവില്ല. ഇരുവരും ഒന്നിച്ചു വരുന്ന രംഗങ്ങളെല്ലാം തിയേറ്ററില് ചിരിയുണര്ത്തുന്നവയാണ്.
കല്ല്യാണ മാര്ക്കറ്റില് വിപണി മൂല്യമോ പറയത്തക്ക യോഗ്യതയോ ഇല്ലാത്തത് കൊണ്ട് 42 വയസ്സായിട്ടും അവിവാഹിതനായി തുടരേണ്ടി വരുന്ന ബ്രിഗേഷിന്റേയും അവന്റെ പ്രിയപ്പെട്ടവരുടേയും കഥയാണ് പപ്പന് ടി നമ്പ്യാര് ഒരുക്കിയ ഈ കോമഡി ചിത്രത്തിന്റെ കേന്ദ്രപ്രമേയം. ബ്രിഗേഷിനെ പെണ്ണുകെട്ടിക്കാന് അളിയന് കമലാക്ഷനും സുഹൃത്തുക്കളും നടത്തുന്ന ശ്രമങ്ങളാണ് സിനിമയുടെ ആദ്യ പകുതിയെ മുന്നോട്ട് നയിക്കുന്നത്. വിവാഹിതനാകാന് ബ്രിഗേഷ് നടത്തുന്ന ശ്രമങ്ങളും, ആ ശ്രമങ്ങള്ക്ക് കൊഴുപ്പേകുന്ന അളിയന്റെ സാന്നിദ്ധ്യവും ചിത്രത്തെ ചിരിമയമാക്കുന്നു. വിവാഹം കഴിക്കാന് പതിനെട്ട് അടവും പയറ്റി പരാജയപ്പെടുന്ന ബ്രിഗേഷിന്റെ ജീവിതത്തിലേക്ക് അപ്രതീക്ഷിതമായൊരു യുവതി കടന്നു വരുന്നതും തുടര്ന്നുണ്ടാകുന്ന സംഭവങ്ങളുമാണ്, ചിത്രത്തിന്റെ രണ്ടാംപകുതിയെ ചടുലമാക്കുന്നത്. അപരിചിതയായ ആ യുവതി ബ്രിഗേഷിന്റെ ജീവിതത്തില് നടത്തുന്ന ഇടപെടലുകള് സിനിമയെ ഗൗരവമുള്ളതും സാമൂഹ്യ പ്രസക്തവുമായ വിഷയത്തിലേക്ക് വെളിച്ചം വീശുകയും ചെയ്യുന്നു. സന്യാസത്തിന്റെ പേരില് സ്ത്രികളെ ചൂഷണം ചെയ്യുന്നതിനെ ഗൗരവത്തോടെ ചിത്രം വിമര്ശിക്കുന്നു. ഗൗരവമുള്ള വിഷയങ്ങള് തമാശയുടെ മേമ്പൊടിയോടെയാണ് അവതരിപ്പിച്ചിട്ടുള്ളത്. ഗൗരവമുള്ള വിഷയം കൈകാര്യം ചെയ്യുമ്പോളും തമാശ ഈ സിനിമയുടെ മുഖമുദ്രയാണ്. നിരവധി നര്മ്മ മുഹൂര്ത്തങ്ങളിലൂടെ ചിത്രത്തെ കൊണ്ടുപോകുന്നത് ബ്രിഗേഷിന്റെ അന്പുള്ള അളിയന് കുഴിച്ചാലില് കമലാക്ഷനാണ്.
അളിയനെ പെണ്ണുകെട്ടിക്കുക എന്നത് തന്റെ ലക്ഷ്യമായി കണക്കാക്കുന്ന കമലാക്ഷന്റെ ആത്മാര്ത്ഥത മൂലം ബ്രിഗേഷ് ചെന്നുവീഴുന്ന കുരുക്കുകള് സ്രഷ്ടിക്കുന്ന നര്മ്മമാണ് ‘വയസ്സ് എത്രയായി? മുപ്പത്തി…’ എന്ന സിനിമയുടെ നട്ടെല്ല്. സര്ക്കാര് ജോലിയില്ലാത്തതിനാലും പ്രായക്കൂടുതലും കഷണ്ടിയും കാരണം വിവാഹാലോചനകള് മുടങ്ങി നിരാശനാകുന്ന ബ്രിഗേഷിന്റെ താങ്ങും തണലും അന്പുള്ള അളിയന് കമലാക്ഷനാണ്. ഇണയെ കിട്ടാത്തതിന്റെ ഏകാന്തതയും അരക്ഷിതത്വവും ബ്രിഗേഷ് മറക്കുന്നത്, അളിയന്റെ കരുതലും സ്നേഹവും കൊണ്ടാണ്. സ്നേഹനിധിയായ അളിയന് കമലാക്ഷനെ ഒടുക്കം ബ്രിഗേഷ് തള്ളിപ്പറയുകയും വീട്ടില് നിന്ന് ഇറക്കി വിടുകയും ചെയ്യുമ്പോള്, കമലാക്ഷനൊപ്പം പ്രേക്ഷകന്റേയും കണ്ണ് നിറയും. കോമഡി മാത്രമല്ല ഗൗരവവും തനിക്ക് ചേരുമെന്ന് കമലാക്ഷനിലൂടെ ഷിജു യു.സി തെളിയിക്കുന്നു.
Film News
മീര ജാസ്മിനും നരേനും ഒന്നിച്ചെത്തിയ ‘ക്യൂൻ എലിസബത്ത്’ ഫെബ്രുവരി 14 മുതൽ ‘Zee5’ൽ !
![](https://moviesmatinee.in/wp-content/uploads/2024/02/Compress_20240206_113838_8324.jpg)
മീര ജാസ്മിനും നരേനും ഒന്നിച്ചെത്തിയ ‘ക്യൂൻ എലിസബത്ത്’ ഫെബ്രുവരി 14 മുതൽ ‘Zee5’ൽ !
മീരാ ജാസ്മിൻ, നരേൻ എന്നിവരെ കേന്ദ്ര കഥാപാത്രങ്ങളാക്കി എം പത്മകുമാർ സംവിധാനം ചെയ്ത ‘ക്യൂൻ എലിസബത്ത്’ ഒടിടി റിലീസിനൊരുങ്ങുന്നു. ജന മനസ്സുകളിൽ സ്വീകാര്യത നേടിയെടുത്ത ഒടിടി പ്ലാറ്റ് ഫോമായ ‘Zee5’ലൂടെ പ്രേക്ഷകരുടെ സ്വീകരണ മുറിയിലേക്ക് ‘ക്യൂൻ എലിസബത്ത്’ എത്തുന്നു. ഫെബ്രുവരി 14ന് സ്രീമിങ്ങ് ആരംഭിക്കുന്ന ചിത്രത്തിന്റെ ഒടിടി അവകാശം ‘Zee5’ആണ് സ്വന്തമാക്കിയിരിക്കുന്നത്.
ട്രൈലെർ :
https://f.io/VIfLg-ng
കുടുംബ പ്രേക്ഷകരെ ആകർഷിക്കുന്ന വിധത്തിൽ റൊമാൻറിക് കോമഡി എന്റർടെയിനറായ് ഒരുക്കിയ ചിത്രം ഡിസംബർ 29നാണ് തിയറ്റർ റിലീസ് ചെയ്തത്. ‘വെള്ളം’, ‘അപ്പൻ’, ‘പടച്ചോനെ ഇങ്ങള് കാത്തോളി’ എന്നീ ചിത്രങ്ങളുടെ നിർമ്മാതാവായ രഞ്ജിത്ത് മണമ്പ്രക്കാട്ട്, ബ്ലൂ മൗണ്ട് പ്രൊഡക്ഷൻസിൻറെ ബാനറിൽ എം പത്മകുമാർ, ശ്രീറാം മണമ്പ്രക്കാട്ട് എന്നിവരുമായ് ചേർന്ന് നിർമ്മിച്ച ചിത്രത്തിന് അർജുൻ ടി സത്യന്റെതാണ് തയ്യാറാക്കിയത്.
ശ്വേതാ മേനോൻ, രമേശ് പിഷാരടി, വി കെ പ്രകാശ്, രഞ്ജി പണിക്കർ, ജോണി ആന്റണി, മല്ലികാ സുകുമാരൻ, ജൂഡ് ആന്റണി ജോസഫ്, ആര്യ ബഡായി ബംഗ്ലാവ്, ശ്രുതി രജനികാന്ത്, പേളി മാണി, സാനിയ ബാബു, നീനാ കുറുപ്പ്, മഞ്ജു പത്രോസ്, വിനീത് വിശ്വം, രഞ്ജി കാങ്കോൽ, ചിത്രാ നായർ തുടങ്ങി ഒട്ടനവധി താരങ്ങളാണ് ചിത്രത്തിൽ അണിനിരന്നിരിക്കുന്നത്. കൊച്ചി, കുട്ടിക്കാനം, കോയമ്പത്തൂർ എന്നിവിടങ്ങളായിരുന്നു പ്രധാന ലൊക്കേഷനുകൾ.
ഛായാഗ്രഹണം: ജിത്തു ദാമോദർ, ചിത്രസംയോജനം: അഖിലേഷ് മോഹൻ, സംഗീതം: രഞ്ജിൻ രാജ്, ഗാനരചന: ഷിബു ചക്രവർത്തി, അൻവർ അലി, സന്തോഷ് വർമ്മ, ജോ പോൾ, കലാസംവിധാനം: എം ബാവ, ചീഫ് അസ്സോസിയേറ്റ് ഡയറക്ടർ: ഉല്ലാസ് കൃഷ്ണ, വസ്ത്രാലങ്കാരം: ആയീഷാ ഷഫീർ സേട്ട്, മേക്കപ്പ്: ജിത്തു പയ്യന്നൂർ, പ്രൊഡക്ഷൻ കൺട്രോളർ: ശിഹാബ് വെണ്ണല, സ്റ്റിൽസ്: ഷാജി കുറ്റികണ്ടത്തിൽ, പ്രൊമോ സ്റ്റിൽസ്: ഷിജിൻ പി രാജ്, പോസ്റ്റർ ഡിസൈൻ: മനു, ഡിജിറ്റൽ മാർക്കറ്റിങ്ങ്: വിഷ്ണു സുഗതൻ, പിആർഒ: ശബരി.
-
Songs9 months ago
കാവാലയെ വെല്ലുന്ന ഐറ്റം ! ദിലീപും തമന്നയും തകർത്താടിയ ബാന്ദ്രയിലെ രക്ക രക്ക ഗാനം പുറത്തിറങ്ങി ! സൗത്ത് ഇന്ത്യക്കിനി പുതിയ വൈറൽ
-
Film News2 years ago
18 വർഷമായി ലാൽ ഫാൻ, ആറാട്ടിനൊടുവിൽ അവസാനം മോഹൻലാൽ അപമാനിച്ചു- സന്തോഷ് വർക്കി
-
Video2 years ago
ഞാൻ പത്ത് പെണ്ണുങ്ങളുമായി സെക്സ് ചെയ്തിട്ടുണ്ട്,താല്പര്യമുള്ളവരോട് ഇനിയും ചോദിക്കും- വിനായകൻ
-
Film News2 years ago
ഹലോ മായാവി നടാക്കാതെ പോയതിന് കാരണം ഇതായിരുന്നു. ചിത്രത്തിന്റെ വൺലൈൻ ഇങ്ങനെ
-
Film News2 years ago
കലക്കൻ പ്രേമവുമായി നിമിഷയും റോഷനും ! ഞെരിപ്പൻ മാസ്സുമായി ബിജു മേനോനും പത്മപ്രിയയും ! ഈ ഓണം ഒരൊന്നൊന്നര ഓണം ആവും
-
Film News2 years ago
എട്ടു നിലയിൽ പൊട്ടാനുള്ള ഭാഗ്യമുണ്ടാവട്ടെ, നാളെ ഇവിടെത്തന്നെ കാണണം ! മറുപടിയുമായി മാല പാർവ്വതി
-
Film News2 years ago
ഊക്കലും ഉപദേശവും ഒരുമിച്ച് വേണ്ട, നാരദൻ കണ്ട രശ്മി ആഷിക്ക് അബുവിനോട്
-
Trailer and Teaser2 years ago
ഞെട്ടിച്ച് അനശ്വര രാജൻ ! ജോൺ എബ്രഹാം നിർമിക്കുന്ന ആദ്യ ചിത്രം മൈക്ക് ട്രെയ്ലർ പുറത്തിറങ്ങി