500 കോടി ചിത്രം വിക്രത്തിൽ കമൽ സൂര്യയ്ക്ക് റോളക്സ് വാച്ച് നൽകിയപ്പോൾ 100 കോടി ചിത്രമായ റോഷാക്കിൽ ആസിഫ് അലിക്ക് റോളക്സ് നൽകി മമ്മൂട്ടി

കമലഹാസൻ ചിത്രമായ വിക്രത്തിന്റെ വിജയാഘോഷ വേളയിൽ സൂപ്പർതാരം സൂര്യയ്ക്ക് ഉലകനായകൻ റോളക്സ് വാച്ച് സമ്മാനിച്ചത് ഏറെ വാർത്തകളിൽ നിറഞ്ഞിരുന്നു. ഇപ്പോൾ ബോളിവുഡിലും സമാനമായ രീതിയിൽ മമ്മൂട്ടി ചിത്രം റോഷാക്കിന്റെ വിജയാഘോഷ വേളയിൽ ചിത്രത്തിൽ അതിഥി വേഷത്തിലെത്തിയ ആസിഫലിക്ക് റോളക്സ് വാച്ച് സമ്മാനിച്ചിരിക്കുകയാണ് മലയാളത്തിന്റെ മെഗാസ്റ്റാർ മമ്മൂട്ടി.

ഇന്ന് കൊച്ചിയിൽ വെച്ച് അണിയറ പ്രവർത്തകരെ പങ്കുകൊള്ളിച്ച് നടത്തിയ വിജയാഘോഷ ചടങ്ങിൽ വച്ചായിരുന്നു അപ്രതീക്ഷിതമായി മമ്മൂട്ടി ആസിഫ് അലിക്ക് റോളക്സ് വാച്ച് സമ്മാനിച്ചത്. “സിനിമയുടെ ചിത്രീകരണം പൂർത്തിയായതിനുശേഷം ദുബായിൽ ഇരിക്കുമ്പോൾ ആയിരുന്നു കമലഹാസൻ സൂര്യയ്ക്ക് റോളക്സ് വാച്ച് നൽകി എന്ന വാർത്ത ഞങ്ങൾ കേട്ടിരുന്നത്, 500 കോടി രൂപയോളം നേടിയ ചിത്രത്തിന് 5 ലക്ഷം രൂപയുടെ വാച്ച് നൽകുന്നത് അത്ര സംഭവമല്ല, അന്ന് ആസിഫ് അലി എനിക്കിതുപോലെ റോളക്സ് വാച്ച് ലഭിക്കുമോ എന്ന് ചോദിച്ചിരുന്നു, അദ്ദേഹത്തിന് റോളക്സ് നൽകുന്നു” എന്നുപറഞ്ഞാണ് മമ്മൂട്ടി ആസിഫലിക്ക് വാച്ച് സമ്മാനിച്ചത്. യുവ സൂപ്പർതാരം ദുൽഖർ സൽമാനും വേദിയിൽ സന്നിതനായിരുന്നു.

“ഏറെ സന്തോഷം നൽകുന്ന നിമിഷമാണ് ഇത്, സിനിമയുടെ വിശേഷങ്ങൾ പങ്കുവെക്കുന്ന സമയത്ത് മമ്മൂക്ക എൻറെ പ്രകടനത്തെ കുറിച്ചും, എൻറെ കണ്ണുകളിലൂടെ പ്രേക്ഷകർ തിരിച്ചറിഞ്ഞതിനെക്കുറിച്ചും എല്ലാം പങ്കുവെച്ചത് ഏറെ സന്തോഷം നൽകുന്നതാണ്. കണ്ണുകളിലൂടെ പ്രേക്ഷകർ തിരിച്ചറിയുന്നു എന്നത് തന്നെ വലിയൊരു കാര്യമാണ്, ഇതെല്ലാം ഒരുപക്ഷേ ചെറിയ കാര്യങ്ങൾ ആയിരിക്കും പക്ഷേ അതാണ് എനിക്ക് വലിയ സന്തോഷങ്ങൾ എല്ലായിപ്പോഴും നൽകുന്നത്” മറുപടിയായി ആസിഫ് അലി വേദിയിൽ പങ്കുവെച്ചു.

നിസാമി ഒരുക്കിയ ചിത്രം ഈ വർഷം പുറത്തിറങ്ങിയ ചിത്രങ്ങളിൽ മികച്ച വിജയമായിരുന്നു സ്വന്തമാക്കിയത്. പ്രേക്ഷകരിൽ നിന്നും നിരൂപകരത്തിൽ നിന്നും മികച്ച അഭിപ്രായങ്ങൾ നേടിയെടുത്ത ചിത്രം ബോക്സ് ഓഫീസിലും വമ്പൻ വിജയമായിരുന്നു സ്വന്തമാക്കിയത്. മലയാളികൾ കണ്ടു ശീലിച്ച ആഖ്യാനശൈലികളിൽ നിന്നും തീർത്തും വ്യത്യസ്തമായി ഒരുക്കിയ ത്രില്ലർ ചിത്രം നിർമ്മിച്ചതും മമ്മൂട്ടി തന്നെയാണ്.

View this post on Instagram

A post shared by Jango Space (@jango_space)

ലൂസിഫറിൻ്റെ അഴിഞ്ഞാട്ടത്തിന് ശേഷം ആറാടാൻ ചിരഞ്ജീവി ചിത്രം വാൾട്ടയർ വീരയ്യ ജനുവരി 13ന് തിയറ്ററുകളിൽ

മെഗാസ്റ്റാർ ചിരഞ്ജീവിയുടെയും സംവിധായകൻ ബോബി കൊല്ലിയുടെയും (കെ.എസ്. രവീന്ദ്ര) ക്രേസി മെഗാ മാസ്സ് ആക്ഷൻ എന്റർടെയ്നർ വാൾട്ടയർ വീരയ്യ ജനുവരി 13ന് തിയറ്ററുകളിൽ പ്രദർശനത്തിന് ഒരുങ്ങുന്നു.

മാസ് മഹാരാജ രവി തേജ ചിത്രത്തിൽ ഒരു മികച്ച കഥാപാത്രത്തെ അവതരിപ്പിക്കുന്നുണ്ട്. എല്ലാ കൊമേഴ്‌സ്യൽ ചേരുവകളും ചേർന്ന ഒരു മാസ്സ് ആക്ഷൻ എന്റർടെയ്‌നറായി ഒരുങ്ങുന്ന ചിത്രത്തിൽ ചിരഞ്ജീവിയുടെ നായികയായി ശ്രുതി ഹാസനാണ് നായിക. മൈത്രി മൂവി മേക്കേഴ്സിന്റെ നവീൻ യേർനേനിയും വൈ രവിശങ്കറും ചേർന്നാണ് ചിത്രം നിർമ്മിക്കുന്നത്, ജി കെ മോഹൻ സഹനിർമ്മാതാവാണ്.
ആർതർ എ വിൽസൺ ക്യാമറ ചലിപ്പിക്കുമ്പോൾ നിരഞ്ജൻ ദേവരാമനെ എഡിറ്ററും എ എസ് പ്രകാശ് പ്രൊഡക്ഷൻ ഡിസൈനറുമാണ്. സുസ്മിത കൊനിഡേലയാണ് വസ്ത്രാലങ്കാരം.കഥയും സംഭാഷണവും ബോബി തന്നെ എഴുതിയപ്പോൾ കോന വെങ്കട്ടും കെ ചക്രവർത്തി റെഡ്ഡിയും ചേർന്നാണ് തിരക്കഥ ഒരുക്കിയിരിക്കുന്നത്. എഴുത്ത് വിഭാഗത്തിൽ ഹരി മോഹന കൃഷ്ണ, വിനീത് പോട്ലൂരി എന്നിവരും ഉൾപ്പെടുന്നു.

കഥ, സംഭാഷണം, സംവിധാനം: കെ എസ് രവീന്ദ്ര (ബോബി കൊല്ലി)
നിർമ്മാതാക്കൾ: നവീൻ യേർനേനി, വൈ രവിശങ്കർ
ബാനർ: മൈത്രി മൂവി മേക്കേഴ്സ്
സംഗീത സംവിധായകൻ: ദേവി ശ്രീ പ്രസാദ്
DOP: ആർതർ എ വിൽസൺ
എഡിറ്റർ: നിരഞ്ജൻ ദേവരാമനെ
പ്രൊഡക്ഷൻ ഡിസൈനർ: എ എസ് പ്രകാശ്
സഹനിർമ്മാതാക്കൾ: ജി കെ മോഹൻ, പ്രവീൺ എം
തിരക്കഥ: കോന വെങ്കട്ട്, കെ ചക്രവർത്തി റെഡ്ഡി
രചന: ഹരി മോഹന കൃഷ്ണ, വിനീത് പോട്ലൂരി
സിഇഒ: ചെറി
കോസ്റ്റ്യൂം ഡിസൈനർ: സുസ്മിത കൊനിഡേല
ലൈൻ പ്രൊഡ്യൂസർ: ബാലസുബ്രഹ്മണ്യം കെ.വി.വി
പബ്ലിസിറ്റി : ബാബാ സായി
പിആർഒ: ശബരി

ഒരു സാധാരണക്കാരൻ ആയിരുന്നെങ്കിൽ ഇപ്പോൾ ജയിലിൽ കിടന്നേനെ ! ആനക്കൊമ്പ് കേസിൽ ഹൈക്കോടതി

2012 ഏറെ വിവാദമായ വാർത്തയായിരുന്നു ആദായ നികുതി വകുപ്പിന്റെ റൈഡിൽ സൂപ്പർതാരം മോഹൻലാലിൻറെ വീട്ടിൽ നിന്ന് ആനക്കൊമ്പ് കണ്ടെത്തിയത്.2012 ജൂണിൽ ആദായനികുതി വിഭാഗം മോഹൻലാലിന്‍റെ തേവരയിലുള്ള വീട്ടിൽ നടത്തിയ റെയ്ഡിലായിരുന്നു ആനക്കൊമ്പുകള്‍ കണ്ടെത്തിയത്. നാല് ആനക്കൊമ്പുകളായിരുന്നു ആദായ നികുതി വകുപ്പ് കണ്ടെത്തിയത്. ആനക്കൊമ്പ് കൈവശം വെച്ച പ്രവൃത്തി കുറ്റകരവും ശിക്ഷാര്‍ഹവുമാണെന്ന് വനംവകുപ്പ് സമര്‍പ്പിച്ച കുറ്റപത്രത്തിൽ വ്യക്തമാക്കിയിരുന്നു. കേസ് രജിസ്റ്റര്‍ ചെയ്ത് ഏഴ് വര്‍ഷത്തിന് ശേഷമാണ് മോഹന്‍ലാലിനെ പ്രതി ചേര്‍ത്ത് കുറ്റപത്രം സമര്‍പ്പിച്ചത്.

മോഹന്‍ലാലിനെതിരായ ആനക്കൊമ്പ് കേസില്‍ ഇപ്പൊൾ സംസ്ഥാന സര്‍ക്കാരിന് ഹൈക്കോടതിയുടെ വിമര്‍ശനം.ആനക്കൊമ്പ് കേസില്‍ മോഹന്‍ലാല്‍ നിയമലംഘനം നടത്തിയില്ലെന്ന സര്‍ക്കാര്‍ പ്രതികരണത്തേത്തുടര്‍ന്നാണ് ഹൈക്കോടതിയുടെ വിമര്‍ശനം. ചരിഞ്ഞ നാട്ടാനയുടെ കൊമ്പാണ് കൈവശം ഉണ്ടായിരുന്നതെന്നാണ് സര്‍ക്കാര്‍ കോടതിയെ അറിയിച്ചത്. സാധാരണക്കാരന്‍ ആണെങ്കില്‍ സര്‍ക്കാര്‍ ഇങ്ങനെ ഇളവ് നല്‍കുമോ എന്ന് ഹൈക്കോടതി ചോദിച്ചു.
ജസ്റ്റിസ് എ. ബദറുദ്ദീൻ ആണ് ഹർജി പരിഗണിച്ചത്.

നിയമം എല്ലാവര്‍ക്കും ഒരുപോലെ ബാധകമാണെന്ന് ചൂണ്ടിക്കാട്ടിയ കോടതി, മോഹന്‍ലാലിന്റെ സ്ഥാനത്ത് ഒരു സാധാരണക്കാരന്‍ ആയിരുന്നെങ്കില്‍ ഇപ്പോള്‍ ജയിലില്‍ ആയേനെ എന്നും കൂട്ടിച്ചേര്‍ത്തു. ചരിഞ്ഞ നാട്ടനയുടെ കൊമ്പാണ് കൈവശം ഉണ്ടായിരുന്നതെന്ന് മോഹന്‍ലാലും കോടതിയില്‍ വാദിച്ചു. ഇത് വൈല്‍ഡ് ലൈഫ് ആക്ടിന്റെ പരിധിയില്‍ വരില്ലെന്നായിരുന്നു മോഹന്‍ലാലിന്റെ വാദം. ആനക്കൊമ്പ് കേസ് പിന്‍വലിക്കാനുള്ള പ്രോസിക്യൂഷന്‍ ഹര്‍ജി തള്ളിയത് ചോദ്യം ചെയ്താണ് മോഹന്‍ലാല്‍ കോടതിയെ സമീപിച്ചത്.