Box Office
50 കോടി ക്ലബിൽ ഭീഷ്മ പർവ്വം ! റെക്കോർഡുകൾ തകർന്നടിയുന്നു

50 കോടി ക്ലബിൽ ഭീഷ്മ പർവ്വം ! റെക്കോർഡുകൾ തകർന്നടിയുന്നു
മലയാള സിനിമയുടെ ബോക്സോഫീസിൽ പുതിയ ചരിത്രങ്ങൾ സൃഷ്ടിക്കുകയാണ് മമ്മൂട്ടി ചിത്രം ഭീഷ്മപർവ്വം. സിനിമ റിലീസ് ചെയ്ത അഞ്ചാം ദിവസത്തിലേക്ക് കടക്കുമ്പോൾ ബോക്സ് ഓഫീസിൽ 50 കോടി കളക്ഷൻ എന്ന് സ്വപ്നതുല്യമായ നേട്ടം സ്വന്തമാക്കിയിരിക്കുകയാണ് ചിത്രം.
കേരളത്തിൽ നിന്നും മാത്രമായി ആദ്യത്തെ നാല് ദിവസങ്ങൾ പിന്നിടുമ്പോൾ 23 കോടിക്ക് മുകളിൽ കളക്ഷൻ ചിത്രം സ്വന്തമാക്കി എന്നാണ് റിപ്പോർട്ടുകൾ. ലോകമെമ്പാടുമായി റിലീസ് ചെയ്ത ചിത്രം ജിസിസി ഉൾപ്പെടെയുള്ള രാജ്യങ്ങളിലും റെക്കോർഡ് കളക്ഷൻ ആണ് നേടിയിരിക്കുന്നത്. 1500ന് മുകളിൽ പ്രദർശനങ്ങൾ ആണ് പ്രവർത്തി ദിവസങ്ങളിൽ അടക്കം കേരളത്തിലെ തിയ്യറ്ററുകളിൽ മാത്രമായി കളിക്കുന്നത്. കോവിഡ് നിയന്ത്രണങ്ങൾ ക്ക് ശേഷം 100% പ്രവേശനാനുമതിയും ടിക്കറ്റ് നിരക്കിലെ വ്യത്യാസങ്ങളും ചിത്രത്തിന്റെ കളക്ഷന് സഹായകമായിട്ടുണ്ട്. റിലീസ് ചെയ്ത ആദ്യ ദിവസം ട്രാക്ക് കളക്ഷനിൽ നിന്ന് മാത്രമായി മൂന്ന് കോടി 67 ലക്ഷം രൂപ എന്ന റെക്കോർഡ് കളക്ഷനും നാലാം ദിവസത്തിൽ നാല് കോടി 25 ലക്ഷം രൂപ എന്ന ചരിത്ര ട്രാക്ക് കളക്ഷനും ചിത്രം സ്വന്തമാക്കിയിരുന്നു.
എൺപതുകളിലെ ഫോർട്ടുകൊച്ചിയുടെയും മട്ടാഞ്ചേരിയുടെയും പശ്ചാത്തലത്തിലാണ് ചിത്രത്തിൻറെ കഥ പറയുന്നത്.അമല് നീരദിനൊപ്പം ദേവദത്ത് ഷാജിയും ചേര്ന്നാണ് ചിത്രത്തിന്റെ രചന നിര്വ്വഹിച്ചിരിക്കുന്നത്. അഡീഷണല് സ്ക്രിപ്റ്റ് രവിശങ്കര്, അഡീഷണല് ഡയലോഗ്സ് ആര്ജെ മുരുകന്. ആനന്ദ് സി ചന്ദ്രന് ആണ് ഛായാഗ്രാഹകന്. എഡിറ്റിംഗ് വിവേക് ഹര്ഷന്, സംഗീതം സുഷിന് ശ്യാം, വരികള് റഫീഖ് അഹമ്മദ്, വിനായക് ശശികുമാര്, പ്രൊഡക്ഷന് ഡിസൈന് സുനില് ബാബു, ജോസഫ് നെല്ലിക്കല്, വസ്ത്രാലങ്കാരം സമീറ സനീഷ്, സൗണ്ട് ഡിസൈന് തപസ് നായക്, സ്റ്റണ്ട് ഡയറക്ടര് സുപ്രീം സുന്ദര്, അസോസിയേറ്റ് ഡയറക്ടര് ലിനു ആന്റണി. ഡിസൈന് ഓള്ഡ് മങ്ക്സ്. പിആര്ഒ ആതിര ദില്ജിത്ത്. സൗബിന് ഷാഹിര്, ഷൈന് ടോം ചാക്കോ, ശ്രീനാഥ് ഭാസി, ഫര്ഹാന് ഫാസില്, ദിലീഷ് പോത്തന്, നെടുമുടി വേണു, ജിനു ജോസഫ്, സുദേവ് നായര്, കെപിഎസി ലളിത, നദിയ മൊയ്തു, ലെന, ശ്രിന്ദ, വീണ നന്ദകുമാര് തുടങ്ങി വലിയ താരനിരയാണ് അണിനിരക്കുന്നത്.
Box Office
തകർന്നടിഞ്ഞത് ആദ്യ രണ്ടു മാസത്തിൽ 76 ചിത്രങ്ങൾ ! ആശങ്കയിൽ മോളിവുഡ് ബോക്സ് ഓഫീസ്

തകർന്നടിഞ്ഞത് ആദ്യ രണ്ടു മാസത്തിൽ 76 ചിത്രങ്ങൾ ! ആശങ്കയിൽ മോളിവുഡ് ബോക്സ് ഓഫീസ്
2023 പിറന്നിട്ട് രണ്ടുമാസങ്ങൾ പിന്നിടുമ്പോൾ മലയാളത്തിന്റെ ബോക്സോഫീസിൽ തകർന്നടിഞ്ഞത് 76 ചിത്രങ്ങൾ. ഈ വർഷം റിലീസ് ചെയ്തത് വിതരണക്കാർക്കും തീയറ്റർ ഉടമകൾക്കും ലാഭമുണ്ടാക്കി കൊടുത്തത് ഇതുവരെ രോമാഞ്ചം മാത്രമാണ്. ബോളിവുഡ് ചിത്രമായ പത്താനും റീ റിലീസ് ചിത്രമായ സ്പടികവും ബോക്സ് ഓഫീസിന് ആശ്വാസകരമാണ്. വലുതും ചെറുതുമായ എഴുപത്താറ് ചിത്രങ്ങൾ റിലീസ് ചെയ്തെങ്കിലും ബോക്സ് ഓഫീസിൽ മങ്ങിയ പ്രകടനങ്ങൾ ആയിരുന്നു കാഴ്ചവച്ചത്. പോയ വർഷം റിലീസ് ചെയ്ത ഉണ്ണി മുകുന്ദൻ ചിത്രമായ മാളികപ്പുറവും മികച്ച പ്രകടനം നടത്തിയാണ് ഈ വർഷം പ്രദർശനം അവസാനിപ്പിച്ചത്.
അന്യ ഭാഷകളിൽ നിന്നെത്തിയ പൊങ്കൽ ചിത്രങ്ങൾ തീയറ്റർ ഉടമകൾക്ക് വലിയ പ്രതീക്ഷകൾ നൽകിയെങ്കിലും കാര്യമായ ചലനങ്ങൾ ചിത്രങ്ങൾക്ക് സൃഷ്ടിക്കുവാൻ കഴിഞ്ഞില്ല. പതിവ് വിജയ്ച്ചിത്രങ്ങൾ ബോക്സ് ഓഫീസിൽ ആദ്യ ദിവസങ്ങളിൽ സൃഷ്ടിക്കാനുള്ള വലിയ തരംഗം ഉണ്ടാക്കുവാൻ വാരിസിനും സാധിച്ചില്ല എന്നതും തിയേറ്റർ ഉടമകളെ നിരാശരാക്കി. സൂപ്പർതാര ചിത്രങ്ങളായി മമ്മൂട്ടിയുടെ നൻ പകൽ നേരത്ത് മയക്കവും, ക്രിസ്റ്റഫറും മോഹൻലാലിന്റെ എലോനും റീ റീലീസ് ആയ സ്പടികവും ആണ് തിയേറ്ററുകളിൽ എത്തിയത്. രാജ്യാന്തര ചലച്ചിത്രമേളയിൽ വലിയ തിരക്കുകൾ കൊണ്ട് ശ്രദ്ധേകർഷിച്ച നൻ പകൽ നേരത്ത് മയക്കത്തിന് മികച്ച പ്രേക്ഷക പ്രതികരണങ്ങൾ ഉണ്ടായെങ്കിലും തീയറ്ററുകളിൽ വലിയ തരംഗം സൃഷ്ടിക്കുവാൻ സാധിച്ചില്ല. ബി. ഉണ്ണികൃഷ്ണൻ മമ്മൂട്ടി ചിത്രമായ ക്രിസ്റ്റഫർ പത്തു കോടിക്ക് മുകളിൽ ബോക്സോഫീസിൽ കളക്ഷൻ നേടി നിലവിൽ പ്രദർശനം തുടരുകയാണ്. ഡിജിറ്റൽ റിലീസായി പദ്ധതി ചെയ്ത ഒടുവിൽ തിയേറ്റർ റിലീസായി എത്തിയെങ്കിലും, സമീപകാല മോഹൻലാൽ ചിത്രങ്ങളിൽ വെച്ച് കനത്ത പരാജയം ചിത്രം ഏറ്റുവാങ്ങി. റീ റിലീസ് ചെയ്തു എത്തിയ സ്പടികം എന്നാൽ ബോക്സ് ഓഫീസിൽ മിന്നുന്ന പ്രകടനമാണ് കാഴ്ചവച്ചത്.
ഈ വർഷം പൂർത്തിയാകാൻ പത്തു മാസങ്ങൾ ഇനിയും ഉണ്ടെന്നിരിക്കെ അണിയറയിൽ ഒരുങ്ങുന്ന ചിത്രങ്ങളിൽ പ്രതീക്ഷയർപ്പിച്ച് കാത്തിരിക്കുകയാണ് മലയാള സിനിമ ലോകം.
Box Office
മുടക്ക് മുതൽ 2 കോടിയിൽ താഴെ ബോക്സ് ഓഫീസിൽ 50 കോടി ക്ലബ്ബിലേക്ക് രോമാഞ്ചം

മുടക്ക് മുതൽ 2 കോടിയിൽ താഴെ ബോക്സ് ഓഫീസിൽ 50 കോടി ക്ലബ്ബിലേക്ക് രോമാഞ്ചം
നവാഗതനായ ജിത്തു മാധവൻ സംവിധാനം ചെയ്ത ‘രോമാഞ്ചം’ മലയാള സിനിമയിൽ പുതിയ കളക്ഷൻ റിക്കോർഡുകൾ തിരുത്തിക്കുറിക്കുകയാണ്. 2 കോടിയിൽ താഴെ മുതൽ മുടക്കിൽ പൂർത്തിയായ ചിത്രം 50 കോടി ക്ലബ്ബിലേക്ക് കുതിക്കുകയാണ്. പ്രമുഖ ട്രേഡ് അനലിസ്റ്റ്കളുടെ കണക്കുകൾ അനുസരിച്ച്, ‘രോമാഞ്ചം’ കേരള ബോക്സ് ഓഫീസിൽ നിന്ന് 30 കോടിയോളം രൂപ നേടിയതായിയാണ് കണക്കുകൾ. കൂടാതെ സിനിമയുടെ ആഗോള കളക്ഷൻ കണക്കുകൾ വരും ദിവസങ്ങളിൽ 50 കോടിയിൽ എത്തുമെന്നാണ് റിപ്പോർട്ട്.
ഹൊറർ കോമഡി വിഭാഗത്തിൽ എത്തിയ ‘രോമാഞ്ചം’ ബോക്സ് ഓഫീസിൽ വിസ്മയം തീർക്കുകയാണ്. ഈ വർഷം ഫെബ്രുവരി മൂന്നിന് ആണ് ചിത്രം ബിഗ് സ്ക്രീനുകളിൽ എത്തിയത്. പ്രേക്ഷകരിൽ നിന്ന് മികച്ച പ്രതികരണങ്ങളാണ് റിലീസ് ചെയ്തതിന് ശേഷം ലഭിച്ചത്. മികച്ച കോമഡി ടൈമിംഗ്, നന്നായി നിർവ്വഹിച്ച ഹൊറർ സീക്വൻസുകൾ എന്നിവ ‘രോമാഞ്ച’ത്തിന്റെ പ്രധാന ഹൈലൈറ്റുകളാണെന്ന് പറയപ്പെടുന്നു.
ജോണ്പോള് ജോര്ജ് പ്രൊഡക്ഷന്സ്, ഗപ്പി സിനിമാസ് എന്നീ ബാനറുകളില് ജോണ്പോള് ജോര്ജ് ആണ് നിര്മ്മാണം. അന്നം ജോണ്പോള്, സുഷിന് ശ്യാം എന്നിവരാണ് സഹ നിര്മ്മാതാക്കള്. സൗബിന് ഷാഹിര്, അര്ജുന് അശോകന്, ചെമ്പന് വിനോദ് ജോസ്, സജിന് ഗോപു, സിജു സണ്ണി, അഫ്സല് പി എച്ച്, അബിന് ബിനൊ, ജഗദീഷ് കുമാര്, അനന്തരാമന് അജയ്, ജോമോന് ജ്യോതിര്, ശ്രീജിത്ത് നായര്, ദീപിക ദാസ്, അസിം ജമാല്, ആദിത്യ ഭാസ്കര് തുടങ്ങിയവര് മറ്റു കഥാപാത്രങ്ങളെ അവതരിപ്പിക്കുന്നു. സനു താഹിര് ഛായാഗ്രഹണം നിര്വ്വഹിക്കുന്ന ചിത്രത്തിന്റെ എഡിറ്റിംഗ് കിരണ് ദാസ് ആണ്. സംഗീതം സുഷിന് ശ്യാം.
Box Office
കഴിഞ്ഞ വർഷം മോളിവുഡിൽ ആകെ ബോക്സോഫീസ് കളക്ഷൻ 495 കോടി ! 164 കോടിയുമായി മമ്മൂട്ടി മുന്നിൽ. ഒരേ ഒരു രാജാവ് !

കഴിഞ്ഞ വർഷം മോളിവുഡിൽ ആകെ ബോക്സോഫീസ് കളക്ഷൻ 495 കോടി ! 164 കോടിയുമായി മമ്മൂട്ടി മുന്നിൽ. ഒരേ ഒരു രാജാവ് !
ബോക്സ് ഓഫീസിലെ കോടി കിലുക്കത്തിൻ്റ കണക്കുകളാണ് ഇപ്പോൾ വിജയ ചിത്രങ്ങളുടെ പുതിയ അളവുകോൽ. ഡിജിറ്റൽ റിലീസുകളും ഓ ടി ടി പ്ലാറ്റ്ഫോമുകളും വ്യാപകമായതോടെ തിയേറ്ററുകളിൽ സിനിമയുടെ ദീർഘകാല പ്രദർശന ദിവസങ്ങൾ അവസാനിച്ചു, അതേസമയം എ ക്ലാസ് ബി ക്ലാസ്സ് സി ക്ലാസ് വേർതിരിവുകൾ ഇല്ലാതെ കേരളത്തിലങ്ങോളം ഇങ്ങോളം സിനിമകളും റിലീസ് ചെയ്യുവാൻ ആരംഭിച്ചതും, തിയേറ്റർ നിലവാരം ഉയർന്നു തുടങ്ങിയതും പ്രേക്ഷകരെ ഒരു പരിധി വരെ തിയേറ്ററുകളിലേക്ക് ആകർഷിക്കുന്നുണ്ട്. ഓൺലൈൻ ബുക്കിംഗ് സൈറ്റുകൾ വഴിയുള്ള സൗകര്യം കൂടി ലഭിക്കുന്നതോടെ ചിത്രം മികച്ച അഭിപ്രായങ്ങൾ നേടിയെടുത്താൽ ആദ്യവാരത്തിൽ തന്നെ ബോക്സ് ഓഫീസിൽ നേടിയെടുക്കുന്നത് കോടികൾ ആയിരിക്കും.
കഴിഞ്ഞവർഷം ആകെ മൊത്തം റിലീസ് ചെയ്ത 176 മലയാള ചിത്രങ്ങളിൽ നിന്നും ബോക്സ് ഓഫീസിൽ മാത്രമായി നേടിയെടുത്തത് 495 കോടി രൂപയാണ്. അതിൽ 164 കോടി രൂപയുടെ കളക്ഷനും മമ്മൂട്ടി ചിത്രങ്ങൾ സംഭാവന ചെയ്തതാണ്. 88.10 കോടിയുമായി മമ്മൂട്ടിയുടെ ഭീഷ്മർവ്വമാണ് പോയ വർഷത്തെ ടോപ് ഗ്രോസറായി ഉണ്ടായിരുന്നത്.ടോട്ടൽ ബിസിനസിൽ ചിത്രം 100 കോടി മാർക്കും തോട്ടിരുന്നു.
55 കോടിയുമായി ഹൃദയവും 53 കോടിയുമായി മാളികപ്പുറവുമാണ് തൊട്ടു പുറകിലുള്ള ചിത്രങ്ങൾ.
2022ലേ ടോപ്പ് ഗ്രാസ് ചിത്രങ്ങൾ
1 ഭീഷ്മപർവ്വം : ₹88.10 കോടി
2 ഹൃദയം : ₹55.25 കോടി
3 മാളികപ്പുറം : ₹53.01 കോടി
4 ജനഗണമന : ₹50.8 കോടി
5 തല്ലുമാല : ₹47.3 കോടി
6 കടുവ : ₹46.5 കോടി
7 ജയജയജയഹേ : ₹43 കോടി
8 രോഷാക്ക് : ₹39.5 കോടി
9 CBI5thebrain : ₹36.5 കോടി
10 ന്ന താൻ കേസുകൊട് : ₹34.1 കോടി
Total Cumulative Gross : 495 Cr
#Mammootty : 164 Cr
#Prithviraj : 97 Cr
#Pranav: 55 Cr
#UnniMukundan : 53 Cr
#Tovino: 47 Cr
എന്നാൽ പോയ വർഷം റിലീസ് ചെയ്ത ചിത്രങ്ങളിൽ 80% ചിത്രങ്ങളും വിതരണക്കാർക്ക് നഷ്ടം ഉണ്ടാക്കിയെന്നാണ് കണക്കുകൾ സൂചിപ്പിക്കുന്നത്. ഓവർസീസ് വിതരണം, ഡിജിറ്റൽ റിലീസ്, മ്യൂസിക് റൈറ്റ്സ് വഴി നിർമാതാക്കൾ ഒരു പരിധി വരെ സാമ്പത്തിക പരിപ്പുകൾ ഇല്ലാതെ രക്ഷപ്പെടുന്നു.
-
Film News1 year ago
18 വർഷമായി ലാൽ ഫാൻ, ആറാട്ടിനൊടുവിൽ അവസാനം മോഹൻലാൽ അപമാനിച്ചു- സന്തോഷ് വർക്കി
-
Video1 year ago
ഞാൻ പത്ത് പെണ്ണുങ്ങളുമായി സെക്സ് ചെയ്തിട്ടുണ്ട്,താല്പര്യമുള്ളവരോട് ഇനിയും ചോദിക്കും- വിനായകൻ
-
Film News7 months ago
കലക്കൻ പ്രേമവുമായി നിമിഷയും റോഷനും ! ഞെരിപ്പൻ മാസ്സുമായി ബിജു മേനോനും പത്മപ്രിയയും ! ഈ ഓണം ഒരൊന്നൊന്നര ഓണം ആവും
-
Film News1 year ago
എട്ടു നിലയിൽ പൊട്ടാനുള്ള ഭാഗ്യമുണ്ടാവട്ടെ, നാളെ ഇവിടെത്തന്നെ കാണണം ! മറുപടിയുമായി മാല പാർവ്വതി
-
Film News1 year ago
ഊക്കലും ഉപദേശവും ഒരുമിച്ച് വേണ്ട, നാരദൻ കണ്ട രശ്മി ആഷിക്ക് അബുവിനോട്
-
Trailer and Teaser8 months ago
ഞെട്ടിച്ച് അനശ്വര രാജൻ ! ജോൺ എബ്രഹാം നിർമിക്കുന്ന ആദ്യ ചിത്രം മൈക്ക് ട്രെയ്ലർ പുറത്തിറങ്ങി
-
Film News5 months ago
മാറ്റത്തിൻ്റെ പാതയിൽ മലയാള സിനിമ ! ലിപ് ലോക്ക് കാലം കഴിഞ്ഞു ബോൾഡ് രംഗങ്ങളുമായി പുതിയ സിനിമ കാഴ്ചകൾ !
-
Film News1 year ago
ആദ്യ ദിനം തന്റെ സിനിമ കാണാൻ ക്യൂ നിന്ന് ടിക്കറ്റ് എടുത്ത് ഗായത്രി, പടം സൂപ്പർ എന്ന് താരം