Film News
ചെങ്കോലേന്തിന് രാജാ ചുറ്റും ഉണ്ട് കോടി പ്രജാ ! എക്സ്ട്രാ ഷോകളും സ്പെഷൽ ഷോകളുമായി തിയറ്ററുകളിൽ ജനത്തിരക്കിന്റെ ആറാട്ട്
ചെങ്കോലേന്തിന് രാജാ ചുറ്റും ഉണ്ട് കോടി പ്രജാ ! എക്സ്ട്രാ ഷോകളും സ്പെഷൽ ഷോകളുമായി തിയറ്ററുകളിൽ ജനത്തിരക്കിന്റെ ആറാട്ട്
![](https://moviesmatinee.in/wp-content/uploads/2022/02/20220219_095904_0000.png)
ചെങ്കോലേന്തിന് രാജാ ചുറ്റും ഉണ്ട് കോടി പ്രജാ ! എക്സ്ട്രാ ഷോകളും സ്പെഷൽ ഷോകളുമായി തിയറ്ററുകളിൽ ജനത്തിരക്കിന്റെ ആറാട്ട്
മോഹൻലാൽ ബി ഉണ്ണികൃഷ്ണൻ ചിത്രം ആറാട്ട് തിയറ്ററുകളിൽ പ്രകമ്പനം സൃഷ്ടിക്കുകയാണ്. 2700 ഓളം സ്ക്രീനുകളിൽ ആയി ലോകമെമ്പാടും ചിത്രം ഇന്നലെയാണ് തിയേറ്ററുകളിൽ പ്രദർശനത്തിനെത്തിയത്. ചിത്രത്തിന് ഏറെ പ്രദർശനശാലകളിലും സെക്കൻഡ് ഷോയ്ക്ക് പുറമേ രാത്രി ഏറെ വൈകി തേഡ് ഷോകളും സ്പെഷ്യൽ ഷോകളും നടക്കുകയുണ്ടായി.
കേരളത്തിൽ മാത്രമായി 534 സ്ക്രീനുകളിൽ ആണ് ചിത്രം റിലീസ് ചെയ്തത്. ട്രാക്കേഴ്സിന്റെ കണക്കുപ്രകാരം 2327 പ്രദർശനങ്ങൾ ഇന്നലെ നടന്നു. കോവിഡ് മൂന്നാം തരംഗത്തിന് ശേഷം ഇത് തിയറ്ററുകൾക്ക് ലഭിച്ച പുത്തൻ ഉണർവാണ്. ഇന്നും നാളെയുമായി വീക്കന്റും ഞായറാഴ്ചയും ആയതിനാൽ മികച്ച പ്രതികരണങ്ങൾ ലഭിച്ച ചിത്രത്തിന് വമ്പൻ കളക്ഷൻ പ്രതീക്ഷിക്കുന്നു.
ടൈറ്റിൽ തീം സോങ് സൂചിപ്പിച്ചത്
തലയുടെ വിളയാട്ടം എന്നായിരുന്നെങ്കിൽ
സിനിമ കഴിഞ്ഞിറങ്ങുമ്പോൾ അനുഭവപ്പെടുന്നത് ആറാട്ട് ഒരു മോഹൻലാൽ വിളയാട്ടമായാണ്
മലയാളി മോഹൻലാൽ എന്ന താരത്തെ എങ്ങനെയൊക്കെ കാണാൻ ആഗ്രഹിക്കുന്നുവോ അവരുടെ അത്തരം ഉത്സവ ആഘോഷങ്ങൾക്ക് കൂടുതൽ തീ പിടിപ്പിക്കുക്കയാണ് ബി. ഉണ്ണികൃഷ്ണൻ ഉദയകൃഷ്ണ ഒരുക്കിയ നെയ്യാറ്റിൻകര ഗോപന്റെ ആറാട്ട്.
റിലീസിനു മുൻപ് തന്നെ സംവിധായകനും നിർമ്മാതാവും കൂടിയായ ബി.ഉണ്ണികൃഷ്ണൻ
പറഞ്ഞൊരു വസ്തുതയുണ്ട്
“ഇതൊരു unrealistic joyride ആണ്…
യാതൊരു പൊളിറ്റിക്കൽ മുൻവിധികളും ലോജിക്കും ഇല്ലാതെ പൂർണമായി തിയേറ്ററിൽ കൈ അടിച്ചു ആഘോഷിക്കേണ്ടൊരു വാണിജ്യ ചിത്രമാണ് ആറാട്ട്….”
സത്യത്തിൽ ഇത് തന്നെയാണ് ആറാട്ട്.
മറ്റൊന്നും പ്രതീക്ഷിക്കാതെ ഒരു മാസ്സ് മസാല ആക്ഷൻ ചിത്രം കാണാൻ വരുന്നവരെ തൃപ്തിപ്പെടുത്താൻ പോന്ന എല്ലാം ആറാട്ടിലുണ്ട്.
രാഹുൽ രാജ് ഒരുക്കിയ നാല് ഗാനങ്ങളും
ഫെജോയുടെ റാപ്പും എംജി ശ്രീകുമാറിന്റെയൊരു പാട്ടും,
കൂടെ നാലു തകർപ്പൻ ആക്ഷൻ രംഗങ്ങളും,
എ.ആർ റഹ്മാന്റെ കമിയോ വരവും.
ആറാട്ടൊരു പൈസ വസൂൽ പടമാകാൻ
മറ്റെന്തു വേണം…
ഉദയകൃഷ്ണ ഒരുക്കിയ തിരക്കഥ
അത്രയ്ക്കൊരു ഫൺ മൂഡിൽ തന്നെയാണ് കഥ പറഞ്ഞു പോകുന്നത്. ബി. ഉണ്ണികൃഷ്ണൻ എന്ന
സംവിധായകൻ സത്യത്തിൽ തന്റെ പതിവ് ട്രാക്ക് മാറ്റി കുറച്ചു കൂടി മികച്ചതാക്കുന്നുണ്ട് ആറാട്ടിൽ.
മുതലാക്കോട്ട എന്ന ഗ്രാമവും അവിടേക്ക് എത്തുന്ന നെയ്യാറ്റിൻകര ഗോപൻ എന്ന ആളും പിന്നീട് അയാളിലൂടെ നടക്കുന്ന സംഭവങ്ങളുമൊക്കെയായി
ആറാട്ട് ഒരു ആഘോഷം തന്നെയാണ്.
വമ്പൻ താരനിരയുടെ ആറാട്ട്
മോഹൻലാലിനോപ്പം ശ്രദ്ധ ശ്രീനാഥ്,ഗരുഡ രാമചന്ദ്ര രാജു,സിദ്ധിക്ക്,
നെടുമുടി വേണു, വിജയ രാഘവൻ, സായി കുമാർ,ഷീല, ഗണേഷ് കുമാർ,ജോണി ആന്റണി, ദ്രുവൻ,സമ്പത്,രചന നാരായൻകുട്ടി, നേഹ സക്സേന,സ്വാസിക,ശ്രീജിത്ത് രവി അന്തരിച്ച പ്രദീപ് കോട്ടയം എന്നിവരും മികച്ച പ്രകടനവുമായി ആറാട്ടിലുണ്ട്.
എ. ആർ റഹ്മാനും ശിവമണിയും കമിയോ
അപ്പിയറൻസായി ചിത്രത്തിലുണ്ട്.
കലാമണ്ഡലം ഗോപി ആശാനും ഒരു രംഗത്തിൽ
ആറാട്ടിന്റെ ഭാഗമാകുന്നുണ്ട്.
വളരെ എനെർജെറ്റിക് ആയ തമാശ മട്ടിലുള്ളൊരു വിന്റജ് മോഹൻലാൽ ഷോ നൽകുന്നതിൽ ആറാട്ട് വിജയിക്കുന്നുണ്ട്.
ഷമീർ മുഹമ്മദാണ് ചിത്രത്തിന്റെ എഡിറ്റിങ്.
ആറാട്ടിന്റെ കളർഫുൾ ദൃശ്യങ്ങൾക്ക് പിന്നിൽ വിജയ് ഉലഗനാഥാണ്.
കോവിഡ് കാലത്തിനു ശേഷം തീയേറ്ററുകൾ ഉണർന്നു തുടങ്ങിയ ഈ അവസരത്തിൽ ആറാട്ട് പോലുള്ള വമ്പൻ ആഘോഷങ്ങൾ ഒരു തരത്തിൽ ഒരു ആശ്വാസം കൂടിയാണ്.
ടിക്കറ്റ് എടുക്കുന്ന സാധാരണ പ്രേക്ഷകർക്ക് ആഘോഷിക്കാനും ആവേശം കൊള്ളാനും വേണ്ടതെന്തോ അതെല്ലാ അളവിലും പാകത്തിലും ആറാട്ടിലുണ്ട്…
Film News
‘ദ പ്രീസ്റ്റ്’ന് ശേഷം ജോഫിൻ ടി ചാക്കോ സംവിധാനം ചെയ്യുന്ന സിനിമയുടെ പൂജ കൊച്ചിയിൽ നടന്നു!! ചിത്രം നിർമ്മിക്കുന്നത് കാവ്യ ഫിലിം കമ്പനിയും ആൻ മെഗാ മീഡിയയും ചേർന്ന്
![](https://moviesmatinee.in/wp-content/uploads/2024/05/Compress_20240503_172522_2533.jpg)
‘ദ പ്രീസ്റ്റ്’ന് ശേഷം ജോഫിൻ ടി ചാക്കോ സംവിധാനം ചെയ്യുന്ന സിനിമയുടെ പൂജ കൊച്ചിയിൽ നടന്നു!! ചിത്രം നിർമ്മിക്കുന്നത് കാവ്യ ഫിലിം കമ്പനിയും ആൻ മെഗാ മീഡിയയും ചേർന്ന്
മെഗാസ്റ്റാർ മമ്മൂട്ടിയുടെ സൂപ്പർ ഹിറ്റ് ചിത്രം ‘ദ പ്രീസ്റ്റ്’ന് ശേഷം ജോഫിൻ ടി ചാക്കോ സംവിധാനം ചെയ്യുന്ന പുതിയ ചിത്രത്തിന്റെ പൂജ എറണാകുളം ഫോർട്ട് കൊച്ചി സിഎസ്ഐ ഹെറിറ്റേജ് ബംഗളോയിൽ വെച്ച് രാവിലെ 8 മണിക്ക് നടന്നു. കാവ്യ ഫിലിം കമ്പനി, ആൻ മെഗാ മീഡിയ എന്നീ ബാനറുകളിലായി വേണു കുന്നപ്പിള്ളിയും ആന്റോ ജോസഫും ചേർന്നാണ് ആസിഫ് അലി നായകനാകുന്ന ഈ ബിഗ് ബജറ്റ് ചിത്രം നിർമ്മിക്കുന്നത്. നൈറ്റ് ഡ്രൈവ്, മാളികപ്പുറം, 2018 എന്നീ വൻ വിജയ ചിത്രങ്ങൾക്കും, റീലീസിന് തയ്യാറെടുക്കുന്ന ആനന്ദ് ശ്രീബാലയ്ക്കും ശേഷം കാവ്യ ഫിലിം കമ്പനിയും ആൻ മെഗാ മീഡിയയും ഒന്നിക്കുന്ന സിനിമയാണിത്. ജോഫിൻ ടി ചാക്കോ, രാമു സുനിൽ എന്നിവരുടെ കഥയ്ക്ക് ജോൺ മന്ത്രിക്കൽ തിരക്കഥ രചിച്ച ചിത്രത്തിൽ കേന്ദ്ര കഥാപാത്രങ്ങളായി ആസിഫ് അലി, അനശ്വര രാജൻ, മനോജ് കെ ജയൻ എന്നിവർ എത്തുന്നു.
ഛായാഗ്രഹണം: അപ്പു പ്രഭാകർ, ചിത്രസംയോജനം: ഷമീർ മുഹമ്മദ്, സംഗീതം: രാഹുൽ രാജ്, കലാസംവിധാനം: ഷാജി നടുവിൽ, വസ്ത്രാലങ്കാരം: സമീറ സനീഷ്, മേക്കപ്പ്: റോണക്സ് സേവ്യർ,
ലൈൻ പ്രൊഡ്യൂസർ: ഗോപകുമാർ ജി കെ , പ്രൊഡക്ഷൻ കൺട്രോളർ: ഷിബു ജി സുശീലൻ, ചീഫ് അസോസിയേറ്റ് ഡയറക്ടർ: ബേബി പണിക്കർ, പ്രേംനാഥ്, അസോസിയേറ്റ് ഡയറക്ടർ: ആസിഫ് കുറ്റിപ്പുറം, അസിസ്റ്റന്റ് ഡയറക്ടേർസ്: സുമേഷ് കെ സുരേശൻ, Fr വിനീഷ് മാത്യു, രോഹൻ മിഥ്വിഷ്, ആദർശ് എ നായർ, സംഘട്ടനം: ഫീനിക്സ് പ്രഭു, സ്റ്റിൽസ്: ബിജിത് ധർമ്മടം, ഡിസൈൻ: ഓൾഡ്മങ്ക്, പിആർഒ & മാർക്കറ്റിംഗ്: വൈശാഖ് വടക്കേവീട്, ജിനു അനിൽകുമാർ.
Film News
തീയറ്ററുകളിൽ പൊട്ടിച്ചിരിയുടെ പൂത്തിരി തിളക്കത്തിൽ രണ്ടാം വാരത്തിലേക്ക്
![](https://moviesmatinee.in/wp-content/uploads/2024/04/Compress_20240403_194436_6317.jpg)
തീയറ്ററുകളിൽ പൊട്ടിച്ചിരിയുടെ പൂത്തിരി തിളക്കത്തിൽ രണ്ടാം വാരത്തിലേക്ക്
‘ഒരമ്മ പെറ്റ അളിയന്മാര്!..’ എന്ന് തിളക്കം സിനിമയിലെ ഓമനക്കുട്ടനേയും ഉണ്ണിയേയും, ഓമനക്കുട്ടന്റെ ഭാര്യ വനജ വിശേഷിപ്പിക്കുന്നുണ്ട്. ഈ പ്രയോഗം അക്ഷരാര്ത്ഥത്തില് ശരിവെക്കുന്ന ആത്മബന്ധം കാത്തുസൂക്ഷിക്കുന്ന അളിയന്മാരാണ് വാണംപറമ്പില് ബ്രിഗേഷും കുഴിച്ചാലില് കമലാക്ഷനും. ‘പെങ്ങളെ കെട്ടിയ സ്ത്രീധനത്തുക, തരുമോ അളിയാ’ എന്ന് തമാശയായോ കാര്യമായോ ബ്രിഗേഷിനോട് ചോദിക്കാത്ത പഞ്ചപ്പാവമാണ് കുഴിച്ചാലില് കമലാക്ഷന്. എന്തിനും ഏതിനും അളിയന് ബ്രിഗേഷിന്റെ നന്മയ്ക്കായി ഓടിനടക്കുന്ന അന്പുള്ള അളിയനാണ് കുഴിച്ചാലില് കമലാക്ഷന്!..
പോലിസില് അസിസ്റ്റന്റ് സബ്ബ് ഇന്സ്പെക്ടറാണെങ്കിലും ആളൊരു ശുദ്ധനാണ്. ശുദ്ധന് ചിലപ്പോള് ദുഷ്ടന്റെ ഫലം ചെയ്യും എന്നാണ് അളിയനെ കുറിച്ച് ബ്രിഗേഷിന്റെ വിലയിരുത്തല്. പ്രശാന്ത് മുരളി നായകനായി പപ്പന് ടി നമ്പ്യാര് സംവിധാനം ചെയ്ത ‘വയസ്സ് എത്രയായി? മുപ്പത്തി…’ എന്ന ചിത്രത്തില്, അന്പുള്ള അളിയന് കുഴിച്ചാലില് കമലാക്ഷന് പ്രേക്ഷക ഹൃദയങ്ങള് കീഴടക്കുന്നു!. കുഴിച്ചാലില് കമലാക്ഷനായി വേഷമിട്ടത് ചിത്രത്തിന്റെ നിര്മ്മാതാവും തിരക്കഥാകൃത്തുക്കളില് ഒരാളുമായി ഷിജു യു.സിയാണ്. നവാഗതന്റെ പകപ്പോ പരിഭ്രമോ ഇല്ലാതെ തന്മയത്വത്തോടെയാണ് ഷിജു യു.സി കമലാക്ഷനെ അവതരിപ്പിച്ചിട്ടുള്ളത്.
തലശ്ശേരി-വടകര പ്രദേശങ്ങളില് വിവാഹശേഷം ഭര്ത്താവ് ഭാര്യ വീട്ടില് താമസിക്കുന്ന സമ്പ്രദായം ഇപ്പോളും സര്വ്വസാധാരണമാണ്. വാണംപറമ്പില് ബബിതയെ വിവാഹം ചെയ്ത ശേഷം, ഭാര്യ വീട്ടിലാണ് കമലാക്ഷന്റെ താമസം. ഭാര്യയെ പിരിയാനുള്ള വിഷമമാണെന്ന് കമലാക്ഷന് ആവര്ത്തിച്ച് പറയാറുണ്ടെങ്കിലും യാഥാര്ത്യം മറ്റൊന്നാണ്. ബബിതയുടെ സഹോദരന് ബ്രിഗേഷിനൊപ്പം കറങ്ങി നടക്കാനും വെള്ളമടിക്കാനുമാണ്, അയാള് ഭാര്യ വീട്ടില് തങ്ങുന്നത്. 42 വയസ്സായിട്ടും വിവാഹം നടക്കാത്ത അളിയന് ബ്രിഗേഷിനെ പെണ്ണുകെട്ടിക്കാനുള്ള ശുഷ്കാന്തിയിലും ഓട്ടത്തിലുമാണ് അളിയന്റെ ശ്രദ്ധ മുഴുവനും.
അളിയനും കുടുംബത്തിനും നല്കുന്ന അമിത ശ്രദ്ധമൂലം ആളിപ്പോള് സസ്പെന്ഷനിലാണ്. പെണ്ണുകിട്ടാത്ത അളിയനേയും കൊണ്ട് കുടകിലേക്ക് പെണ്ണിനെ തപ്പിപ്പോകാനും കൗമാര കാലത്തെ പ്രണയിനിയെ വളക്കാനും ഉപദേശം നല്കുന്ന കമലാക്ഷന്റെ പ്രകടം ‘വയസ്സ് എത്രയായി? മുപ്പത്തി…’ എന്ന ചിത്രത്തെ സജീവമാക്കുന്നതില് നിര്ണായക പങ്ക് വഹിക്കുന്നു. ബ്രിഗേഷിന്റെ അളിയനായി മാത്രമല്ല, ബബിതയുടെ സ്നേഹനിധിയായ ഭര്ത്താവായും കമലാക്ഷന് സ്ക്രീനില് നിറഞ്ഞാടുന്നു. ‘ന്നാ താന് കേസ് കൊട്’ ഫെയിം ചിത്രനായര് വേഷമിട്ട ബബിതയും ഷിജു യു.സിയുടെ കമലാക്ഷനും സ്നേഹിച്ചും കലഹിച്ചും ജീവിക്കുന്ന ദമ്പതികളായി ജീവിക്കുകയായിരുന്നെന്ന് പറഞ്ഞാല് അതിശയോക്തിയാവില്ല. ഇരുവരും ഒന്നിച്ചു വരുന്ന രംഗങ്ങളെല്ലാം തിയേറ്ററില് ചിരിയുണര്ത്തുന്നവയാണ്.
കല്ല്യാണ മാര്ക്കറ്റില് വിപണി മൂല്യമോ പറയത്തക്ക യോഗ്യതയോ ഇല്ലാത്തത് കൊണ്ട് 42 വയസ്സായിട്ടും അവിവാഹിതനായി തുടരേണ്ടി വരുന്ന ബ്രിഗേഷിന്റേയും അവന്റെ പ്രിയപ്പെട്ടവരുടേയും കഥയാണ് പപ്പന് ടി നമ്പ്യാര് ഒരുക്കിയ ഈ കോമഡി ചിത്രത്തിന്റെ കേന്ദ്രപ്രമേയം. ബ്രിഗേഷിനെ പെണ്ണുകെട്ടിക്കാന് അളിയന് കമലാക്ഷനും സുഹൃത്തുക്കളും നടത്തുന്ന ശ്രമങ്ങളാണ് സിനിമയുടെ ആദ്യ പകുതിയെ മുന്നോട്ട് നയിക്കുന്നത്. വിവാഹിതനാകാന് ബ്രിഗേഷ് നടത്തുന്ന ശ്രമങ്ങളും, ആ ശ്രമങ്ങള്ക്ക് കൊഴുപ്പേകുന്ന അളിയന്റെ സാന്നിദ്ധ്യവും ചിത്രത്തെ ചിരിമയമാക്കുന്നു. വിവാഹം കഴിക്കാന് പതിനെട്ട് അടവും പയറ്റി പരാജയപ്പെടുന്ന ബ്രിഗേഷിന്റെ ജീവിതത്തിലേക്ക് അപ്രതീക്ഷിതമായൊരു യുവതി കടന്നു വരുന്നതും തുടര്ന്നുണ്ടാകുന്ന സംഭവങ്ങളുമാണ്, ചിത്രത്തിന്റെ രണ്ടാംപകുതിയെ ചടുലമാക്കുന്നത്. അപരിചിതയായ ആ യുവതി ബ്രിഗേഷിന്റെ ജീവിതത്തില് നടത്തുന്ന ഇടപെടലുകള് സിനിമയെ ഗൗരവമുള്ളതും സാമൂഹ്യ പ്രസക്തവുമായ വിഷയത്തിലേക്ക് വെളിച്ചം വീശുകയും ചെയ്യുന്നു. സന്യാസത്തിന്റെ പേരില് സ്ത്രികളെ ചൂഷണം ചെയ്യുന്നതിനെ ഗൗരവത്തോടെ ചിത്രം വിമര്ശിക്കുന്നു. ഗൗരവമുള്ള വിഷയങ്ങള് തമാശയുടെ മേമ്പൊടിയോടെയാണ് അവതരിപ്പിച്ചിട്ടുള്ളത്. ഗൗരവമുള്ള വിഷയം കൈകാര്യം ചെയ്യുമ്പോളും തമാശ ഈ സിനിമയുടെ മുഖമുദ്രയാണ്. നിരവധി നര്മ്മ മുഹൂര്ത്തങ്ങളിലൂടെ ചിത്രത്തെ കൊണ്ടുപോകുന്നത് ബ്രിഗേഷിന്റെ അന്പുള്ള അളിയന് കുഴിച്ചാലില് കമലാക്ഷനാണ്.
അളിയനെ പെണ്ണുകെട്ടിക്കുക എന്നത് തന്റെ ലക്ഷ്യമായി കണക്കാക്കുന്ന കമലാക്ഷന്റെ ആത്മാര്ത്ഥത മൂലം ബ്രിഗേഷ് ചെന്നുവീഴുന്ന കുരുക്കുകള് സ്രഷ്ടിക്കുന്ന നര്മ്മമാണ് ‘വയസ്സ് എത്രയായി? മുപ്പത്തി…’ എന്ന സിനിമയുടെ നട്ടെല്ല്. സര്ക്കാര് ജോലിയില്ലാത്തതിനാലും പ്രായക്കൂടുതലും കഷണ്ടിയും കാരണം വിവാഹാലോചനകള് മുടങ്ങി നിരാശനാകുന്ന ബ്രിഗേഷിന്റെ താങ്ങും തണലും അന്പുള്ള അളിയന് കമലാക്ഷനാണ്. ഇണയെ കിട്ടാത്തതിന്റെ ഏകാന്തതയും അരക്ഷിതത്വവും ബ്രിഗേഷ് മറക്കുന്നത്, അളിയന്റെ കരുതലും സ്നേഹവും കൊണ്ടാണ്. സ്നേഹനിധിയായ അളിയന് കമലാക്ഷനെ ഒടുക്കം ബ്രിഗേഷ് തള്ളിപ്പറയുകയും വീട്ടില് നിന്ന് ഇറക്കി വിടുകയും ചെയ്യുമ്പോള്, കമലാക്ഷനൊപ്പം പ്രേക്ഷകന്റേയും കണ്ണ് നിറയും. കോമഡി മാത്രമല്ല ഗൗരവവും തനിക്ക് ചേരുമെന്ന് കമലാക്ഷനിലൂടെ ഷിജു യു.സി തെളിയിക്കുന്നു.
Film News
മീര ജാസ്മിനും നരേനും ഒന്നിച്ചെത്തിയ ‘ക്യൂൻ എലിസബത്ത്’ ഫെബ്രുവരി 14 മുതൽ ‘Zee5’ൽ !
![](https://moviesmatinee.in/wp-content/uploads/2024/02/Compress_20240206_113838_8324.jpg)
മീര ജാസ്മിനും നരേനും ഒന്നിച്ചെത്തിയ ‘ക്യൂൻ എലിസബത്ത്’ ഫെബ്രുവരി 14 മുതൽ ‘Zee5’ൽ !
മീരാ ജാസ്മിൻ, നരേൻ എന്നിവരെ കേന്ദ്ര കഥാപാത്രങ്ങളാക്കി എം പത്മകുമാർ സംവിധാനം ചെയ്ത ‘ക്യൂൻ എലിസബത്ത്’ ഒടിടി റിലീസിനൊരുങ്ങുന്നു. ജന മനസ്സുകളിൽ സ്വീകാര്യത നേടിയെടുത്ത ഒടിടി പ്ലാറ്റ് ഫോമായ ‘Zee5’ലൂടെ പ്രേക്ഷകരുടെ സ്വീകരണ മുറിയിലേക്ക് ‘ക്യൂൻ എലിസബത്ത്’ എത്തുന്നു. ഫെബ്രുവരി 14ന് സ്രീമിങ്ങ് ആരംഭിക്കുന്ന ചിത്രത്തിന്റെ ഒടിടി അവകാശം ‘Zee5’ആണ് സ്വന്തമാക്കിയിരിക്കുന്നത്.
ട്രൈലെർ :
https://f.io/VIfLg-ng
കുടുംബ പ്രേക്ഷകരെ ആകർഷിക്കുന്ന വിധത്തിൽ റൊമാൻറിക് കോമഡി എന്റർടെയിനറായ് ഒരുക്കിയ ചിത്രം ഡിസംബർ 29നാണ് തിയറ്റർ റിലീസ് ചെയ്തത്. ‘വെള്ളം’, ‘അപ്പൻ’, ‘പടച്ചോനെ ഇങ്ങള് കാത്തോളി’ എന്നീ ചിത്രങ്ങളുടെ നിർമ്മാതാവായ രഞ്ജിത്ത് മണമ്പ്രക്കാട്ട്, ബ്ലൂ മൗണ്ട് പ്രൊഡക്ഷൻസിൻറെ ബാനറിൽ എം പത്മകുമാർ, ശ്രീറാം മണമ്പ്രക്കാട്ട് എന്നിവരുമായ് ചേർന്ന് നിർമ്മിച്ച ചിത്രത്തിന് അർജുൻ ടി സത്യന്റെതാണ് തയ്യാറാക്കിയത്.
ശ്വേതാ മേനോൻ, രമേശ് പിഷാരടി, വി കെ പ്രകാശ്, രഞ്ജി പണിക്കർ, ജോണി ആന്റണി, മല്ലികാ സുകുമാരൻ, ജൂഡ് ആന്റണി ജോസഫ്, ആര്യ ബഡായി ബംഗ്ലാവ്, ശ്രുതി രജനികാന്ത്, പേളി മാണി, സാനിയ ബാബു, നീനാ കുറുപ്പ്, മഞ്ജു പത്രോസ്, വിനീത് വിശ്വം, രഞ്ജി കാങ്കോൽ, ചിത്രാ നായർ തുടങ്ങി ഒട്ടനവധി താരങ്ങളാണ് ചിത്രത്തിൽ അണിനിരന്നിരിക്കുന്നത്. കൊച്ചി, കുട്ടിക്കാനം, കോയമ്പത്തൂർ എന്നിവിടങ്ങളായിരുന്നു പ്രധാന ലൊക്കേഷനുകൾ.
ഛായാഗ്രഹണം: ജിത്തു ദാമോദർ, ചിത്രസംയോജനം: അഖിലേഷ് മോഹൻ, സംഗീതം: രഞ്ജിൻ രാജ്, ഗാനരചന: ഷിബു ചക്രവർത്തി, അൻവർ അലി, സന്തോഷ് വർമ്മ, ജോ പോൾ, കലാസംവിധാനം: എം ബാവ, ചീഫ് അസ്സോസിയേറ്റ് ഡയറക്ടർ: ഉല്ലാസ് കൃഷ്ണ, വസ്ത്രാലങ്കാരം: ആയീഷാ ഷഫീർ സേട്ട്, മേക്കപ്പ്: ജിത്തു പയ്യന്നൂർ, പ്രൊഡക്ഷൻ കൺട്രോളർ: ശിഹാബ് വെണ്ണല, സ്റ്റിൽസ്: ഷാജി കുറ്റികണ്ടത്തിൽ, പ്രൊമോ സ്റ്റിൽസ്: ഷിജിൻ പി രാജ്, പോസ്റ്റർ ഡിസൈൻ: മനു, ഡിജിറ്റൽ മാർക്കറ്റിങ്ങ്: വിഷ്ണു സുഗതൻ, പിആർഒ: ശബരി.
-
Songs9 months ago
കാവാലയെ വെല്ലുന്ന ഐറ്റം ! ദിലീപും തമന്നയും തകർത്താടിയ ബാന്ദ്രയിലെ രക്ക രക്ക ഗാനം പുറത്തിറങ്ങി ! സൗത്ത് ഇന്ത്യക്കിനി പുതിയ വൈറൽ
-
Film News2 years ago
18 വർഷമായി ലാൽ ഫാൻ, ആറാട്ടിനൊടുവിൽ അവസാനം മോഹൻലാൽ അപമാനിച്ചു- സന്തോഷ് വർക്കി
-
Video2 years ago
ഞാൻ പത്ത് പെണ്ണുങ്ങളുമായി സെക്സ് ചെയ്തിട്ടുണ്ട്,താല്പര്യമുള്ളവരോട് ഇനിയും ചോദിക്കും- വിനായകൻ
-
Film News2 years ago
ഹലോ മായാവി നടാക്കാതെ പോയതിന് കാരണം ഇതായിരുന്നു. ചിത്രത്തിന്റെ വൺലൈൻ ഇങ്ങനെ
-
Film News2 years ago
കലക്കൻ പ്രേമവുമായി നിമിഷയും റോഷനും ! ഞെരിപ്പൻ മാസ്സുമായി ബിജു മേനോനും പത്മപ്രിയയും ! ഈ ഓണം ഒരൊന്നൊന്നര ഓണം ആവും
-
Film News2 years ago
എട്ടു നിലയിൽ പൊട്ടാനുള്ള ഭാഗ്യമുണ്ടാവട്ടെ, നാളെ ഇവിടെത്തന്നെ കാണണം ! മറുപടിയുമായി മാല പാർവ്വതി
-
Film News2 years ago
ഊക്കലും ഉപദേശവും ഒരുമിച്ച് വേണ്ട, നാരദൻ കണ്ട രശ്മി ആഷിക്ക് അബുവിനോട്
-
Trailer and Teaser2 years ago
ഞെട്ടിച്ച് അനശ്വര രാജൻ ! ജോൺ എബ്രഹാം നിർമിക്കുന്ന ആദ്യ ചിത്രം മൈക്ക് ട്രെയ്ലർ പുറത്തിറങ്ങി