Connect with us

Latest News

മാസ്സ് എന്റർട്ടൈനറുമായി തൃശൂർ പൂരം ക്രിസ്തുമസിന് ! പാപ്പന്റെ മൂന്നാം വരവ് ആട് 3 ഓണത്തിന്

Published

on

മാസ്സ് എന്റർട്ടൈനറുമായി തൃശൂർ പൂരം ക്രിസ്തുമസിന് ! പാപ്പന്റെ മൂന്നാം വരവ് ആട് 3 ഓണത്തിന്

മാസ്സ് എന്റർട്ടൈനറുമായി തൃശൂർ പൂരം ക്രിസ്തുമസിന് ! പാപ്പന്റെ മൂന്നാം വരവ് ആട് 3 ഓണത്തിന്

ആട് 2 എന്ന സൂപ്പർഹിറ്റിനു ശേഷം ജയസൂര്യ–വിജയ് ബാബു കൂട്ടുകെട്ടിൽ ഒരുങ്ങുന്ന ‘തൃശൂർ പൂരം’ എന്ന സിനിമയുടെ ചിത്രീകരണം ഇന്ന് പൂർത്തിയായി.

ചിത്രത്തിൻറെ പാക്കപ്പ് നിർമ്മാതാവു കൂടിയായ വിജയ് ബാബു തന്റെ ഒഫീഷ്യൽ ഫേസ്ബുക്ക് പേജിലൂടെ വന്ന് അറിയിച്ചത്. ഈ വർഷം തൃശൂർ പൂരം വേളയിൽ പൂരപ്പറമ്പിൽ വച്ച് തന്നെയായിരുന്നു ചിത്രത്തിൻറെ ഔദ്യോഗിക പ്രഖ്യാപനം നടന്നിരുന്നത്. അതുപോലെതന്നെ ചിത്രീകരണം അവസാനിച്ചപ്പോഴും അല്പം കൗതുകമുണർത്തി ആട് ബിരിയാണി വെച്ച് പ്രേക്ഷകർക്ക് ഒരു സസ്പെൻസ് ഒരുക്കി തൻറെ ഫേസ്ബുക്ക് പേജിൽ ലൈവിൽ വന്നതാണ് ചിത്രത്തിൻറെ പാക്കപ്പ് നിർമാതാവ് പ്രഖ്യാപിച്ചത്.

Thrissur Pooram Packup

Gepostet von Vijay Babu am Dienstag, 5. November 2019

ഒരു മാസ്സ് എന്റർട്ടനേർ ആയി ഒരുങ്ങുന്ന തൃശൂർപൂരം ഡിസംബർ 20 ക്രിസ്മസ് റിലീസായി തീയേറ്ററുകളിലെത്തും. ചിത്രത്തിൻറെ ഡബ്ബിംഗും പോസ്റ്റ് പ്രൊഡക്ഷൻ വർക്കുകളും പുരോഗമിക്കുന്നു. ചിത്രത്തിലെ പാക്കപ്പ് വേളയിൽ തന്നെ സ്പെഷ്യൽ ആട് ബിരിയാണി വെച്ചതിന്റെ പിന്നിലുള്ള സസ്പെന്സും നിർമാതാവ് വെളിപ്പെടുത്തിയിരുന്നു. ജനപ്രിയ ചിത്രമായ ആടിൻറെ മൂന്നാംഭാഗം ഓണത്തിന് തിയേറ്ററുകളിലെത്തും. ഏപ്രിൽ മാസങ്ങളിൽ ചിത്രീകരണം തുടങ്ങും. പ്രഖ്യാപന വേളയിൽ ആടിൻറെ സംവിധായകൻ മിഥുൻ മാനുവൽ തോമസും പങ്കെടുത്തിരുന്നു.

ഒരു ഇടവേളയ്ക്ക് ശേഷം ജയസൂര്യ നായകനായി എത്തുന്ന ഒരു മാസ് ചിത്രമാണ് തൃശ്ശൂർ പൂരം.
കാക്ക കാക്ക, ഗജിനി, ഇരുമുഖൻ, ഇമൈയ്ക്ക നൊടികൾ തുടങ്ങിയ സൂപ്പർഹിറ്റ് ചിത്രങ്ങളുടെ ക്യാമറ ചെയ്ത ആർ.ഡി. രാജശേഖർ ആണ് ഛായാഗ്രാഹകൻ. ജയസൂര്യയ്ക്ക് ഒപ്പമുള്ള ഫ്രൈഡേ ഫിലിം ഹൗസിന്റെ നാലാമത്തെ ചിത്രമാണ് തൃശൂർ പൂരം. പുണ്യാളൻ അഗർബത്തീസിനു ശേഷം വീണ്ടും തൃശൂരിന്റെ പശ്ചാത്തലത്തിലുള്ള ഒരു ചിത്രത്തിൽ കൂടി ജയസൂര്യ അഭിനയിക്കുന്നു എന്ന പ്രത്യേകതയുമുണ്ട്.

Continue Reading

Latest News

ബിഗ് ബോസിലെ ആദ്യ എലിമിനേഷൻ രാജിനി ചാണ്ടി

Published

on

ബിഗ് ബോസ് മലയാളം രണ്ടാം സീസണിലെ ആദ്യ എലിമിനേഷൻ റൌണ്ടാണ് ഇന്നലെ (19 ജനുവരി 2020) ഞായറാഴ്ച്ച നടന്നത്. ആദ്യ എലിമിനേഷനിലെ സാധ്യത പട്ടികയും ചർച്ചകളും പോയവാരം പ്രേക്ഷകരുടെ സ്വരീകരണ മുറിക്കപ്പുറം വരെ സജീവ ചർച്ച ആയിരുന്നു. ആകെ ആറു പേരായിരുന്നു എലിമിനേഷനിലുണ്ടായിരുന്നത്. സുജോ മാത്യു, രാജിനി ചാണ്ടി, രജിത് കുമാർ, എലീന പടിക്കൽ, സോമുദാസ്, അലസാൻഡ്ര എന്നിവരാണ് ആദ്യഘട്ട എലിമിനേഷനെ നേരിട്ടത്.ഇവരിൽ നിന്ന് രാജിനി ചാണ്ടി പുറത്തു പോകുമെന്ന് ഒരു വിഭാഗം പ്രവചിക്കുമ്പോൾ ഡോ. രജിത് കുമാറിനാണ് സാധ്യത കൂടുതൽ എന്ന് വാദിക്കുന്നവരുമുണ്ടായിരുന്നു. എന്നാൽ ഈ തീരുമാനം അറിയാനുള്ള അവസാന നിമിഷങ്ങളിലും പ്രേക്ഷകരുടെ പ്രവചനത്തെ കവച്ചുവെക്കുന്ന ഒന്നും തന്നെ ഉണ്ടായിരുന്നില്ലെന്ന് പറയാം. കഴിഞ്ഞ ആഴ്ചയിലെ പ്രകടനം പ്രേക്ഷകർ വിലയിരുത്തിയപ്പോൾ രാജിനി ചാണ്ടിയും രജിത് കുമാറും മാനസികമായി പിരിമുറുക്കങ്ങൾ നേരിട്ടിരുന്നതായി ചൂണ്ടിക്കാട്ടിയിരുന്നു.

ഒരുവേള വീട്ടിലെ പ്രായമേറിയ മത്സരാർത്ഥിയായ രാജിനി ചാണ്ടിയുടെ മാനസിക അവസ്ഥ കരച്ചിലായി പുറത്തു വരികയും ചെയ്തിരുന്നുവെന്നും അവർ ചൂണ്ടിക്കാട്ടിയിരുന്നു. ഇന്നലെ മുതൽ എലിമിനേഷനിലുള്ള എല്ലാവരും പുറത്തേയ്ക്ക് പോകാനായി പെട്ടിയൊക്കെ പായ്ക്ക് ചെയ്തുള്ള ഇരിപ്പിലായിരുന്നു. സുജോയും അലസാൻഡ്രയും കളിയിൽ തുടരട്ടെ എന്നായിരുന്നു ബിഗ് ബോസിൻ്റെ ആദ്യ തീരുമാനം. ഇരുവരും എലിമിനേഷനിൽ നിന്ന് ആദ്യം വീട്ടിനുള്ളിൽ തുടരാൻ അകത്തേയ്ക്ക് പ്രവേശിച്ചതിന് പിന്നാലെ എലിമിനേഷനിൽ നിന്ന് രക്ഷപെട്ടത് എലീന പടിക്കലാണ്. വീട്ടിലെ പാട്ടുകാരനായ സോമദാസും എലിമിനേഷനിൽ നിന്ന് രക്ഷപെട്ട് വീട്ടിനുള്ളിലേക്ക് കയറി. ഒടുവിഷ പ്രേക്ഷകരുടെ ഹൃദയതാളത്തിൻ്റെ ആക്കം കൂട്ടിക്കൊണ്ടാണ് രജിത് കുമാറും രാജിനി ചാണ്ടിയും വിധിയറിയാനായി കാത്തു നിന്നത്. ഒടുവിൽ വിധി വന്നു, രജിത് കുമാറിന് വീട്ടിൽ തുടരാം.ആദ്യം ബിഗ്ബോസ്സ് വീട്ടിൽ നിന്നും പുറത്തായിരിക്കുന്നത് വീട്ടിലെ ഏവരുടെയും സ്നേഹനിധിയായ അമ്മിച്ചി രാജിനി ചാണ്ടിയാണ്. രാജിനിയുടെ ആഗ്രഹവും അത് തന്നെയായിരുന്നുവെന്ന് വേണം കഴിഞ്ഞ ആഴ്ചത്തെ എപ്പിസോഡുകളിൽ നിന്ന് മനസിലാക്കാൻ. ഏതായാലും ബിഗ് ബോസ് വീട്ടിൽ നിന്ന് ആദ്യം പുറത്തു പോകുന്ന മത്സരാർത്ഥി രാജിനി ചാണ്ടിയായി മാറിക്കഴിഞ്ഞു. മറ്റു മത്സരാർത്ഥികളെയെല്ലാം ആശ്ലേഷിച്ച് യാത്ര പറഞ്ഞ ശേഷമാണ് രാജിനി ചാണ്ടി ബിഗ് ബോസ് വീട് വിട്ടത്.

Continue Reading

Exclusive

ആകാംക്ഷകൾക്ക് വിരാമം..! മരക്കാർ അറബിക്കടലിന്റെ സിംഹത്തിലെ ക്യാരക്ടർ പോസ്റ്റർ റിലീസായി

Published

on

ആകാംക്ഷകൾക്ക് വിരാമം..! മരക്കാർ അറബിക്കടലിന്റെ സിംഹത്തിലെ ക്യാരക്ടർ പോസ്റ്റർ റിലീസായി സാമൂതിരി രാജവംശത്തിന്റെ നാവികമേധാവിയായിരുന്ന കുഞ്ഞാലി മരക്കാറുടെ കഥ പറയുന്ന ചിത്രമാണ് ‘മരക്കാർ- അറബിക്കടലിന്റെ സിംഹം’. മലയാളികൾ എന്നും നെഞ്ചിലേറ്റിയ ഒരുപിടി മനോഹര ചിത്രങ്ങൾ സമ്മാനിച്ച മോഹൻലാൽ – പ്രിയദർശൻ കൂട്ടുകെട്ടിലെ 45-ആമത്തെ സിനിമ കൂടിയാണ് കുഞ്ഞാലി മരക്കാർ. . ചിത്രത്തിന്റെ ചിത്രീകരണം പൂർത്തിയാക്കി പോസ്റ്റ് പ്രൊഡക്ഷൻ വർക്കുകളിലേക്ക് കടന്നിരിക്കുകയാണ് ചിത്രമിപ്പോൾ. ചിത്രത്തിലെ ആദ്യ ക്യാരക്ടർ പോസ്റ്റർ റിലീസായി.,കീർത്തി സുരേഷിന്റെ ക്യാരക്ടർ പോസ്റ്ററാണ് റിലീസ് ആയിരിക്കുന്നത്. ആർച്ച എന്ന കഥാപാത്രമായാണ് കീർത്തി എത്തുന്നത്.

മധു, പ്രണവ് മോഹന്‍ലാല്‍, അര്‍ജുന്‍ സാര്‍ജ, സുനില്‍ ഷെട്ടി, മഞ്ജു വാര്യര്‍‍, കീര്‍ത്തി സുരേഷ്, കല്യാണി പ്രിയദര്‍ശന്‍ തുടങ്ങി വന്‍ താരനിര തന്നെ ചിത്രത്തിലുണ്ട്. സംവിധായകൻ ഫാസിലിനും ചിത്രത്തിൽ പ്രധാന വേഷത്തിൽ എത്തുന്നുണ്ട്.സൗത്ത് ഇന്ത്യയിലെയും ബോളിവുഡിലെയും താരങ്ങളും ബ്രിട്ടീഷ്, ചൈനീസ് നടീനടന്മാരും ചിത്രത്തിലുണ്ടാവും. മലയാളത്തോടൊപ്പം തമിഴ്, തെലുങ്ക്, ഹിന്ദി ഭാഷകളിലും ചിത്രം മൊഴിമാറ്റി പ്രദര്‍ശനത്തിനെത്തിക്കും. ചരിത്രം രേഖപ്പെടുത്തുന്ന നാല് മരയ്ക്കാര്‍മാരില്‍ നാലാമന്‍റെ കഥയാണ്‌ ‘മരക്കാര്‍ അറബിക്കടലിന്‍റെ സിംഹം’ എന്ന ചിത്രത്തിന്‍റെ പ്രമേയം.

Continue Reading

Latest News

പൃഥ്വിരാജ് – ബിജുമേനോൻ കോമ്പൊയിൽ എത്തുന്ന അയ്യപ്പനും കോശിയുടേം കലക്കൻ ടീസർ റിലീസായി

Published

on

അനാര്‍ക്കലിക്കു ശേഷം സച്ചി തിരക്കഥയെഴുതി സംവിധാനം ചെയ്യുന്ന ചിത്രമാണ് അയ്യപ്പനും കോശിയും.ചിത്രത്തിന്റെ ഫസ്റ്റ് ലുക്ക് മുതൽ തന്നെ പ്രേക്ഷകർ ഏറെ ആകാംക്ഷയോട് കൂടി കാത്തിരിക്കുന്ന ചിത്രമാണിത്.പ്രധാന കാരണം അനാർക്കലിയിലെ പൃഥ്വിരാജ് ബിജുമേനോൻ കോംബോ പ്രേക്ഷകരെ ഏറെ ചിരിപ്പിച്ച ഒന്നാണ്.പൃഥ്വിരാജ്, ബിജു മേനോന്‍ എന്നിവരാണ് ഈ ചിത്രത്തിലും ടൈറ്റില്‍ കഥാപാത്രങ്ങളെ അവതരിപ്പിക്കുന്നത്. അട്ടപ്പാടിയുടെ പശ്ചാത്തലത്തിലൊരുങ്ങുന്ന ചിത്രത്തില്‍ 17 വര്‍ഷം സേവനമനുഷ്ഠിച്ച ഒരു റിട്ടയര്‍ഡ് ഹവില്‍ദാറായി പൃഥ്വിരാജ് വേഷമിടുമ്പോള്‍, ബിജു മേനോന്‍ നാട്ടിലേക്ക് സ്ഥലം മാറ്റം ലഭിച്ചെത്തുന്ന വിരമിയ്ക്കാറായ പൊലീസ് കോണ്‍സ്റ്റബിളായി വേഷമിടുന്നു. ഇരുവരും തമ്മിലുള്ള ഈഗോയുടെ കഥയാണ് ചിത്രം കൈകാര്യം ചെയ്യുന്നത്.ചിത്രത്തിന്റെ ടീസർ ദുൽഖർ സൽമാൻ റിലീസ് ചെയ്തു.. ടീസർ കാണാംഗോള്‍ഡ് കൊയിന്‍ മോഷന്‍ പിക്‌ചേഴ്‌സിന്റെ ബാനറില്‍ രഞ്ജിത്, പി.എം. ശശിധരന്‍ എന്നിവരാണ് സിനിമ നിര്‍മിക്കുന്ന ചിത്രത്തിൽ അന്ന രാജന്‍, സിദ്ധിഖ്, അനു മോഹന്‍, ജോണി ആന്റണി, അനില്‍ നെടുമങ്ങാട്, സാബു മോന്‍, ഷാജു ശ്രീധര്‍, ഗൗരി നന്ദ എന്നിവരും മറ്റ് പ്രധാനകഥാപാത്രങ്ങലെ അവതരിപ്പിക്കുന്നു.

Continue Reading

Updates

Trending