Connect with us

Reviews

ഈ സൂത്രക്കാരൻ കിടിലൻ ഫാമിലി എന്റെർറ്റൈനെർ തന്നെയാ….. സൂത്രക്കാരൻ റിവ്യൂ വായിക്കാം..

Published

on

ഈ സൂത്രക്കാരൻ കിടിലൻ ഫാമിലി എന്റെർറ്റൈനെർ തന്നെയാ….. സൂത്രക്കാരൻ റിവ്യൂ വായിക്കാം..
സുരേഷ് ഗോപിയുടെ മകൻ ഗോകുൽ സുരേഷും മണിയൻപിള്ള രാജുവിന്റെ മകൻ നിരഞ്ജൻ എന്നിവർ പ്രധാന വേഷങ്ങളിൽ എത്തിയ ചിത്രം സംവിധാനം നിർവഹിച്ചിരിക്കുന്നത് അനിൽ രാജ് ആണ്.. ചിത്രത്തിന്റെ തിരക്കഥയും സംവിധായകൻ തന്നെയാണ്.സ്‌മൃതി ഫിലിമ്സിന്റെ ബാനറിൽ ടോമി കെ വർഗീസ്, വിച്ചുബാലമുരളി എന്നിവർ ചേർന്ന് നിർമ്മിച്ചിരിക്കുന്ന ചിത്രം ഒരു ഫാമിലി ത്രില്ലറായാണ് ഒരുക്കിയിരിക്കുന്നത്… ചിത്രത്തിന്റെ ട്രെയിലറുകളും ഗാനങ്ങളും നേരത്തെ തന്നെ സോഷ്യൽ മീഡിയകളിൽ തരംഗം സൃഷ്ടിക്കുകയൂം ഗോകുൽ സുരേഷിന്റെ ലുക്ക് തരംഗമാകുകയും ചെയ്തതാണ്. മന്ദാരം, 96 തുടങ്ങിയ ചിത്രങ്ങളിൽ കൂടി ശ്രദ്ധേയായ വർഷ ബൊല്ലാമയാണ് ചിത്രത്തിൽ നായികയായി വേഷമിട്ടത്.


തങ്ങളുടെ ഗ്രാമത്തിൽ തൊഴിൽ രഹിതരായ ആൾക്കാർ പാടില്ല എന്ന ഉദ്ദേശത്തോടെ ഒരു സൊസൈറ്റി രൂപീകരിക്കുന്ന ആളുകൾ ആണ് മഠത്തിൽ ശ്രീധരൻ, പറമ്പിൽ പ്രഭാകരൻ, ബാലചന്ദ്രൻ എന്നിവർ. ഇവരോടൊപ്പം ഇവരുടെ മക്കൾ ആയ അരവിന്ദനും ശ്രീജിത്തും കൂടുന്നു. എന്നാൽ ഗോകുൽ സുരേഷ് അവതരിപ്പിക്കുന്ന അരവിന്ദന്റേയും നിരഞ്ജൻ അവതരിപ്പിക്കുന്ന ശ്രീജിത്തിന്റെയും ഇടയിലേക്ക് വർഷ അവതരിപ്പിക്കുന്ന അശ്വതി എന്ന കഥാപാത്രം കടന്നു വരുന്നതോടെ ഈ ചിത്രത്തിന്റെ കഥാഗതി മാറുന്നു. ചിത്രത്തിന്റെ കഥ പറയുന്ന രീതിയും എല്ലാ ചേരുവകളും ചിത്രത്തെ മനോഹരമാക്കി മാറ്റുന്നു.. കോമെഡിയും ആവേശവും ത്രില്ലും വൈകാരിക മുഹൂർത്തങ്ങളും കൃത്യമായി തന്നെ ചേർത്തൊരുക്കിയ മികച്ച ഒരു ചിത്രം തന്നെയാണ് സൂത്രക്കാരൻ.


ഗോകുൽ സുരേഷ്, നിരഞ്ജൻ എന്നിവർ നടത്തിയ മികച്ച പ്രകടനമാണ് ഈ ചിത്രത്തിന്റെ മികവുകളിൽ ഒന്ന്. ഈ രണ്ടു യുവ നടന്മാരും ഭംഗിയായി തന്നെ തങ്ങളുടെ കഥാപാത്രങ്ങൾ ചെയ്തു.ഓരോ ചിത്രം കഴിയും തോറും ഈ യുവ നടൻമാർ അഭിനയ മികവ് വർദ്ധിച്ചു വരുന്നത് വളരെ ശ്രദ്ധേയകരമായ ഒരു കാര്യമാണ്.. മറ്റു പ്രധാന കഥാപാത്രങ്ങളെ അവതരിപ്പിച്ച ലാലു അലക്സ്, വിജയ രാഘവൻ, സന്തോഷ് കീഴാറ്റൂർ, കൈലാഷ്, പദ്മരാജ് രതീഷ്, മീര, ഷമ്മി തിലകൻ, ശ്രീകുമാർ, മാലാ പാർവതി, സരയൂ, ബാലു ആർ നായർ, വിജിലേഷ്, അഞ്ജലി, ബേബി ശ്രേഷ്ഠ, ജോസെഫ്, ശിവദത്, കൃഷ്ണ എന്നിവരും തങ്ങൾക്കു കിട്ടിയ കഥാപാത്രങ്ങളെ ഏറ്റവും മികച്ച രീതിയിൽ തന്നെ പ്രേക്ഷകരുടെ മുന്നിലെത്തിച്ചു


അനിൽ നായർ ഒരുക്കിയ ദൃശ്യങ്ങൾ ചിത്രത്തിനാവശ്യമായ അന്തരീക്ഷം ഒരുക്കിയപ്പോൾ വിച്ചു ബാലമുരളിയുടെ ഗാനങ്ങളും പശ്ചാത്തല സംഗീതവും മികവ് പുലർത്തി..സൂത്രക്കാരൻ ഒരു മികച്ച ഫാമിലി ത്രില്ലർ മൂവി തന്നെയാണ്, ചിരിക്കാനും ആവേശം കൊള്ളാനും എല്ലാ ചേരുവകളും ഉള്ള മികച്ച ഒരു ചിത്രം

Continue Reading

Reviews

റിവ്യൂ വായിക്കാം- കുട്ടിമാമ ! പ്രേക്ഷകർ ഞെട്ടിമാമ ! നിറഞ്ഞ കയ്യടികളുമായി വീണ്ടുമൊരു കുടുംബചിത്രവുമായി ശ്രീനിവാസൻ

Published

on

റിവ്യൂ വായിക്കാം- കുട്ടിമാമ ! പ്രേക്ഷകർ ഞെട്ടിമാമ ! നിറഞ്ഞ കയ്യടികളുമായി വീണ്ടുമൊരു കുടുംബചിത്രവുമായി ശ്രീനിവാസൻ

“പറഞ്ഞാൽ വിശ്വസിക്കില്ല ” ഈ വാചകത്തോടെയാണ് റിട്ടയേർഡ് പട്ടാളക്കാരൻ ശേഖരൻകുട്ടിയുടെ മിക്കവാറും പട്ടാളക്കഥകൾ ആരംഭിക്കാറുള്ളത്. ആദ്യമൊക്കെ നാട്ടുകാർക്ക് ഈ പട്ടാളക്കഥകൾ രസിച്ചുവെങ്കിലും പിന്നീട് അവയുടെ അതിപ്രസരം മൂലം നാട്ടുകാർ ഓടിയൊളിക്കാൻ തുടങ്ങി. എന്തിനേറെ പറയുന്നു നഗരത്തിൽ നിന്നും ഗ്രാമത്തിലേക്ക് ശാന്തി തേടി താമസം മാറിവന്ന ഒരു ബാങ്ക് മാനേജരെ ഒറ്റ രാത്രികൊണ്ട് നാടുവിടാൻ നിർബന്ധിതനാക്കിയിട്ടുണ്ട് ശേഖരൻകുട്ടി.

ഇങ്ങനെ പട്ടാളക്കഥകൾ പടച്ചുവിടുന്ന ശേഖരൻകുട്ടി എന്ന കുട്ടിമാമയുടെ ജീവിതകഥയാണ് വി എം വിനു സംവിധാനം ചെയ്ത കുട്ടിമാമ എന്ന ചിത്രം.

കുട്ടിമാമ എന്ന തള്ളുമാമ പറയുന്ന കഥകൾ സത്യമാണോ അതോ വെറും തള്ളാണോ എന്ന നാട്ടുകാരുടെയും നമ്മൾ പ്രേക്ഷകരുടെയും തിരിച്ചറിവാണ് ബാക്കി കഥ.

തിരശീലയിൽ ശ്രീനിവാസനും മകൻ ധ്യാൻ ശ്രീനിവാസനും ആണ് യഥാക്രമം പ്രായമുള്ളതും ചെറുപ്പക്കാരനായ കുട്ടിമാമയെ അവതരിപ്പിച്ചത്. തന്റെ ഇപ്പോഴത്തെ ശാരീരിക അവശതകൾക്കുള്ളിൽ നിന്ന് ചെയ്യാവുന്ന റോൾ ശ്രീനിവാസൻ മോശമാക്കിയില്ല. ധ്യാൻറെ രൂപവും ഭാവവും കൊണ്ടു ശ്രീനിവാസന്റെ ചെറുപ്പകാലം ഉജ്വലമായി തന്നെ അവതരിപ്പിച്ചു.

നായിക അഞ്ജലിയെ അവതരിപ്പിച്ചത് യഥാക്രമം മീരാ വാസുദേവും ദുർഗാ കൃഷ്ണയുമാണ്, തങ്ങളുടെ റോളുകൾ അവരുടെ കയ്യിൽ ഭദ്രമായിത്തന്നെ നിന്നു.
വിശാഖ് നായർ, നിർമൽ പാലാഴി, മഞ്ജു, പ്രേം കുമാർ, കലിംഗ ശശി, ജനാർദനൻ, ഭീമൻ രഘു തുടങ്ങിയവർ വലുതും ചെറുതുമായ വേഷങ്ങൾ ചെയ്തിട്ടുണ്ട്.

മനാഫിന്റെ കെട്ടുറപോലുള്ള തിരക്കഥ തന്നെയാണ് ചിത്രത്തിന്റെ നട്ടെല്ല് . ഒരു ഇടവേളക്കു ശേഷം വി.എം വിനുവിന്റെ ഉജ്വലമായ അവതരണം തന്നെയാണ് കുട്ടിമാമ.

അച്ചു രാജാമണിയുടെ ഗാനങ്ങളും സംഗീതവും മികച്ചു നിൽക്കുന്നു. അതുപോലെ തന്നെ വരുൻ വിനുവിന്റെ ഛായാഗ്രഹണവും ചിത്രത്തെ കൂടുതൽ പ്രേക്ഷകരോട് അടുപ്പിക്കുന്നു.

കുടുംബ സമേതം പ്രേക്ഷകർക്ക് ഈ അവധിക്കളത്തിന്റെ അവസാന ദിവസങ്ങളിൽ ആസ്വദിച്ചിറങ്ങാവുന്ന മികച്ച ചിത്രം തന്നെയാണ് കുട്ടിമാമ.

Continue Reading

Latest News

ഗംഭീര പ്രകടനവുമായി പാർവതി…! ഉയരത്തിൽ പറന്ന് ഉയരെ…! റിവ്യൂ വായിക്കാം

Published

on

ഇന്ന് പ്രദർശനത്തിന് എത്തിയ മലയാള ചിത്രമാണ് ഉയരെ.ഒരിടവേളക്ക് ശേഷം പാർവതി തിരുവോത്ത് തിരികെ അഭിനയത്തിലേക്ക് എത്തുന്ന ചിത്രം കൂടിയാണിത്.നവാഗതനായ മനു അശോകനാണ് ചിത്രം സംവിധാനം ചെയ്തിരിക്കുന്നത്. പ്രശസ്ത തിരക്കഥാ രചയിതാക്കളായ ബോബി- സഞ്ജയ് ടീം ആണ് ചിത്രത്തിന് വേണ്ടി തിരക്കഥ ഒരുക്കിയിരിക്കുന്നത്.ഈ ചിത്രം നിർമ്മിച്ചിരിക്കുന്നത് നിർമാതാവ് പി.വി ഗംഗാധരന്റെ മക്കളായ ഷെഗ്‌ന വിജില്‍, ഷെര്‍ഗ സന്ദീപ്, ഷെനുഗ ജയ്തിലക്‌ എന്നീ സഹോദരിമാരാണ്.

ഒരു യഥാർത്ഥ സംഭവത്തിൻറെ ദൃശ്യാവിഷ്കാരമാണ് ഈ ചിത്രം.ടോവിനോ തോമസ് , ആസിഫ് അലി , പാർവതി എന്നിവർ ആണ് ചിത്രത്തിൽ പ്രധാന വേഷങ്ങളിൽ എത്തിയിരിക്കുന്നത്. ആസിഡ് ആക്രണത്തിന് ഇരയായ പെൺകുട്ടിയുടെ ജീവിതകഥ പറയുന്ന ചിത്രമാണ് ഉയരെ. പല്ലവി എന്ന കഥാപാത്രത്തെയാണ് പാർവതി അവതരിപ്പിക്കുന്നത്. യഥാർത്ഥ ജീവിതത്തിന്റെ നേർക്കാഴ്ചയാണ് ഉയരെ. പൈലറ്റ് ആകാൻ ആഗ്രഹിക്കുന്ന പെൺകുട്ടി ആസിഡ് അക്രമണത്തിനിരയാവുകയും പിന്നീടുള്ള ജീവിതവുമാണ് ചിത്രം പറയുന്നത്.

കായംകുളം കൊച്ചുണ്ണി എന്ന ബ്ലോക്ക് ബസ്റ്റർ ഹിറ്റിന് ശേഷം ബോബിയും സഞ്ജയും ചേർന്ന് തിരക്കഥ രചിച്ചിരിക്കുന്ന ചിത്രമാണ് ഉയരെ.ചിത്രത്തിന്റെ അടിത്തറ തന്നെ തിരക്കഥയാണെന്നു പറയാം,അതിനെ പ്രേക്ഷകന് ഇഷ്ടമാകും വിധം ദൃശ്യവത്കരിക്കാൻ സംവിധായകന് കഴിഞ്ഞു.. അതിനുപരി ചിത്രത്തിലെ പാർവതിയുടെ പ്രകടനം പറയാതെ വയ്യ, ഗംഭീര പ്രകടനംകൊണ്ട് പ്രേക്ഷക ഹൃദയങ്ങളിലേക്ക് കടന്ന് ചെല്ലാൻ പാർവതിക്ക് കഴിഞ്ഞു. മലയാളത്തിലെ മികച്ച ഒരു അഭിനയത്രി തന്നെയാണ് പാർവതി എന്ന് ഒരിക്കൽ കൂടി തെളിയിച്ചിരിക്കുകയാണ്.പല്ലവി രവീന്ദ്രൻ എന്ന കഥാപാത്രത്തിന് ജീവൻ പകരാൻ പാർവതിക്ക് സാധിച്ചു.വളരെ മനോഹരവും റിയാലിസ്റ്റിക്കുമായ പ്രകടനമാണ് താരം കാഴ്ചവെച്ചത്..ആസിഫ് അലി തൻ്റെ കരിയറിലെ മികച്ച പ്രകടനം കാഴ്ചവെച്ചപ്പോൾ ടോവിനോ തോമസ് മികവാർന്ന പ്രകടനം കാഴ്ചവെച്ചു.രഞ്ജി പണിക്കർ, പ്രേം പ്രകാശ്, പ്രതാപ് പോത്തൻ, സിദ്ദിഖ് തുടങ്ങിയവർ എല്ലാം തന്നെ തങ്ങളുടെ കഥാപാത്രത്തെ മനോഹരമാക്കി.

സംവിധായകൻ മനു അശോകനെ പ്രശംസിക്കാതെ ഇരിക്കാൻ കഴിയില്ല,അത്രക്ക് മികവുറ്റ ഒരു ചിത്രമാണ് അദ്ദേഹം പ്രേക്ഷകന് സമ്മാനിച്ചത്.ഗോപി സുന്ദർ ഈണമിട്ട ഗാനങ്ങളും പശ്ചാത്തല സംഗീതവും ആണ് ചിത്രത്തിന്റെ മറ്റൊരു മേന്മ. പതിവ് പോലെ തൻ്റെ ഭാഗം മനോഹരമാക്കാൻ ഗോപി സുന്ദറിന് സാധിച്ചു.മുകേഷ് മുരളീധരൻ ഒരുക്കിയ ദൃശ്യങ്ങൾ മികച്ചു നിന്നു എന്ന് മാത്രമല്ല ഈ ചിത്രത്തിന്റെ സാങ്കേതിക മേന്മയിലെ ഏറ്റവും നിർണ്ണായകമായ ഘടകവും ഇതിലെ ദൃശ്യങ്ങൾ തന്നെയാണ് എന്ന് പറയാം..

ഈ അടുത്ത കാലത്ത് ഇറങ്ങിയവയിൽ നിന്നും തീർത്തും വ്യത്യസ്‍തവും സാങ്കേതികമായും കലാപരമായും മികവിട്ട് നിൽക്കുന്ന ഒരു ചിത്രം തന്നെയാണ് ഉയരെ. ധൈര്യമായി ടിക്കറ്റ് എടുക്കാവുന്ന ഒരു ചിത്രം തന്നെയാണ് ഉയരെ

Continue Reading

Latest News

തിരിച്ചു വരവ് ചിരിപ്പിച്ച് യമണ്ടനാക്കി കുഞ്ഞിക്ക…! ഒരു യമണ്ടൻ പ്രേമകഥ റിവ്യൂ വായിക്കാം

Published

on

566 ദിവസങ്ങൾക്ക് ശേഷം പ്രദർശനത്തിന് എത്തിയ ദുൽഖർ സൽമാൻ ചിത്രമാണ് ഒരു യമണ്ടൻ പ്രേമകഥ.നവാഗതനായ ബി സി നൗഫല്‍ സംവിധാനം ചെയ്ത ഈ ചിത്രത്തിന്റെ രചന നിര്‍വഹിച്ചിരിക്കുന്നത് അമര്‍ അക്ബര്‍ അന്തോണി, കട്ടപ്പനയിലെ ഋത്വിക് റോഷന്‍ എന്നീ ബ്ലോക്ക്ബസ്റ്ററുകള്‍ സമ്മാനിച്ച വിഷ്ണു ഉണ്ണികൃഷ്ണന്‍ ബിബിന്‍ ജോര്‍ജ് ടീമാണ്.ചിത്രം നിർമ്മിച്ചിരിക്കുന്നത് ആന്റോ ജോസഫ്, സി ആര്‍ സലിം എന്നിവര്‍ ചേര്‍ന്നാണ്.ബിജോയ് നമ്പ്യാര്‍ ഒരുക്കിയ സോളോയാണ് ദുല്‍ഖറിന്റേതായി റിലീസ് ചെയ്ത അവസാന മലയാള ചിത്രം..ഏറെ നാളത്തെ കാത്തിരിപ്പിന് ഒടുവിലെത്തിയ ചിത്രത്തെ വളരെ ആവേശത്തോടെയാണ് ആരാധകർ സ്വീകരിച്ചിരിക്കുന്നത്.ഒരു കംപ്ലീറ്റ് മസാല സ്വഭാവത്തിൽ ഒരുക്കിയിരിക്കുന്ന ചിത്രം കുടുംബ പ്രേക്ഷകരെ കൂടി ലക്ഷ്യം വച്ചാണ് ഒരുക്കിയിരിക്കുന്നത്.ചിത്രത്തിന്റെ ടാഗ് ലൈൻ തന്നെ ഏറെ ശ്രദ്ധ ആകർഷിച്ച ഒന്നാണ്..”ഇത് നിങ്ങൾ ഉദ്ദേശിച്ച കഥ തന്നെ” എന്നായിരുന്നു ചിത്രത്തിന്റെ ടാഗ് ലൈൻ…

ഒരു ഗ്രാമ പശ്ചാത്തലത്തിൽ കഥ പറയുന്ന ചിത്രത്തിൽ കൊമ്പനായിൽ ജോൺ സാറിന് ഒരു മകൻ പിറക്കുന്നത് കൂടിയാണ് ചിത്രം ആരംഭിക്കുന്നത്. വിദ്യാഭ്യാസവും സമ്പത്തും ഉള്ള ആ നാട്ടിലെ ഏക കുടുംബമായ കൊമ്പനയിൽ തറവാട്ടിലെ മൂത്ത മകൻ ലല്ലു (ദുൽഖർ സൽമാൻ! ചിത്രത്തിൽ നായകൻ പേര് അല്പം സസ്പെൻസ് ആണ്) സ്വന്തം ഇഷ്ടപ്രകാരം അല്പം നൊസ്റ്റാൾജിയയുടെ പിൻബലത്തിൽ ജീവിക്കുന്നയാളാണ്. സമ്പന്ന കുടുംബത്തിൽ പിറന്നിട്ടും പെയിൻറിങ് പണി ചെയ്ത് ചാവേറുകൾ( ലല്ലുവിന്റെ സുഹൃത്തുക്കൾ) ഇറങ്ങിനടപ്പ്. നാട്ടിലെ പെൺകുട്ടികൾക്ക് എല്ലാം കല്ലുവിനെ ഇഷ്ടമാണെങ്കിലും തന്നെ മനസ്സിന് ഒരു പെൺകുട്ടിയെ കണ്ടെത്തുകയാണ് ലല്ലുവിന്റെ ലക്ഷ്യം. ആ ലക്ഷ്യത്തിലേക്കുള്ള ലല്ലുവിനെയും സുഹൃത്തുക്കളുടെയും യാത്രയാണ് ചിത്രത്തിലെ കഥാവൃത്തം

.ഒരു ആഘോഷ കോമഡി ചിത്രം , ചിരി കൊണ്ടും നുറുങ്ങ് സെന്റിമെന്സ് കൊണ്ടും കളർ ഫുൾ ആയി ഒരുക്കി എടുത്ത ഒന്ന്..ഒരു സാധാരണ കഥ ആദ്യാവസാനം വരെ പ്രതീക്ഷിക്കുന്ന വഴികളിലൂടെ തന്നെ നീങ്ങുന്ന ഒന്ന്.പക്ഷെ പ്രേക്ഷകർ എവിടെ ചിരിക്കും കരയും വികാരം കൊള്ളും എന്നറിഞ്ഞു പണിയുന്ന ഇവരുടെ തിരക്കഥ മേന്മ തന്നെയാണ്.

ദുൽഖർ ,സലിം കുമാർ ,വിഷ്ണു ഉണ്ണികൃഷ്ണൻ , സൗബിൻ എന്നിവർ ചേർന്നപ്പോൾ ഉണ്ടായ കെമിസ്ട്രി തന്നെയാണ് എടുത്തു പറയേണ്ടത് .4 പേരുടെയും എനിർജറ്റിക്ക് പെർഫോമൻസ് തന്നെയായിരുന്നു ആകർഷക ഘടകം… വിഷ്ണു ഉണ്ണികൃഷ്ണനോട് ഒരു പ്രത്യക ഇഷ്ടം തോന്നിപ്പോകും.നായികമാർക്ക് സ്ക്രീൻ സ്‌പേസ് കുറവാണേലും നല്ല പ്രകടനങ്ങൾ ആയിരുന്നു.കുറഞ്ഞ സമയം കൂടുതൽ സ്‌കോർ ചെയ്തു സൂരജ് വെഞാറൻമൂടും നിറഞ്ഞു നിന്നു.ദിലീഷ് പോത്തനും ഞെട്ടിക്കുന്ന പ്രകടനാം തന്നെ കാഴ്ചവച്ചു .ബിബിൻ ജോർജും നല്ലൊരു പ്രകടനം തന്നെ കാഴ്ചവച്ചു.

നദിർഷയുടെ ഫെസ്റ്റീവ് ഗാനങ്ങൾ കൊണ്ടും ചിരി വിരുന്നുകൾ കൊണ്ടും ആസ്വാദനത്തിന്റെ കൊടു മുടി കയറാവുന്ന ചിത്രം..ചിത്രത്തിന്റെ മൂഡിന് ഇണങ്ങുന്ന ഛായാഗ്രഹണം നിർവഹിച്ചത് പി സുകുമാറാണ്.. ആദ്യാവസാനം പ്രേക്ഷകരെ രസിപ്പിക്കുന്ന ഒരു യമണ്ടൻ ചിത്രാം തന്നെയാണ് ഒരു യമണ്ടൻ പ്രേമകഥ

Continue Reading

Updates

Latest News3 days ago

ശ്രേയ ആലപിച്ച വിശുദ്ധ പുസ്തകത്തിലെ മുല്ലക്കൽ എന്ന് തുടങ്ങുന്ന കലക്കൻ വീഡിയോ ഗാനം കാണാം….

Latest News5 days ago

മോഹന്‍ലാലിന്റെ ജീവചരിത്രം ഒരുങ്ങുന്നു..!

Latest News5 days ago

മരണത്തിലേക്കുള്ള ദൂരം കുറയുന്നു, നിന്റെ സമയം തീരാറാവുന്നു എന്ന് ആരോ ഓര്‍മ്മപ്പെടുത്തുന്ന പോലെ: മോഹന്‍ലാല്‍

Latest News5 days ago

ഗോകുൽ സുരേഷ് ധ്യാൻ ശ്രീനിവാസൻ എന്നിവർ പ്രധാന വേഷത്തിൽ എത്തുന്ന സായന വാർത്തകളുടെ കിടിലൻ ടീസർ കാണാം

Latest News5 days ago

ആദ്യ സംവിധാന ചിത്രം ബറോസിന്റെ ലൊക്കേഷനിൽ ജന്മദിനം ആഘോഷിച്ച് മോഹൻലാൽ..!

Latest News5 days ago

സ്റ്റേജിൽ താരങ്ങളായി ആസിഫ് അലിയുടെ കുട്ടികൾ, വിജയ് സൂപ്പറും പൗർണമിയും നൂറാം ദിന ആഘോഷ വീഡിയോ കാണാം

More Updates

Trending