Connect with us

Reviews

സർവ്വം രജനിമയം…. സൂപ്പർ സ്റ്റാർ രജനിയുടെ പേട്ട റിവ്യു വായിക്കാം

Published

on

സർവ്വം രജനിമയം…. സൂപ്പർ സ്റ്റാർ രജനിയുടെ പേട്ട റിവ്യു വായിക്കാം

പൊങ്കൽ റിലീസായി ഇന്ന് പ്രദർശനത്തിന് എത്തിയ ചിത്രമാണ് പേട്ട. 2.0യ്ക്ക് ശേഷം എത്തുന്ന സൂപ്പർ സ്റ്റാർ രജനി ചിത്രം.. പ്രേക്ഷകർ വളരെ ആകാംക്ഷയോടെ കാത്തിരുന്ന ചിത്രത്തെ ഇരുകൈയും നീട്ടിയാണ് പ്രേക്ഷകർ സ്വീകരിച്ചിരിക്കുന്നത്. താരങ്ങൾ ഉൾപ്പെടെ വലിയ ആവേശത്തിലാണ് ചിത്രം കണ്ടത്. വിനീത് ശ്രീനിവാസൻ തന്റെ ഫേസ്ബുക്കിൽ കുറിച്ചത് ഒരുപാട് നാളുകൾക്ക് ശേഷം തീയറ്ററിൽ ഇരുന്ന് കൈയടിക്കുകയും ആർപ്പുവിളിക്കുകയും ചെയ്തെന്നാണ്. അത്രയ്ക്ക് സ്വീകരിയതാണ് ചിത്രത്തിന് കേരളത്തിൽ നിന്നും ലഭിക്കുന്നത്.


90കളിലെ രജനിയെ തിരികെ ലഭിക്കുന്ന പ്രകടനമാണ്. കാർത്തിക് സുബ്ബരാജ് ഒരുക്കിയ ചിത്രത്തിൽ വില്ലനായി മക്കൾ സെൽവൻ വിജയ് സേതുപതി എത്തുന്നു എന്നതും ആവേശം ഇരട്ടിയാക്കി. സംവിധായകൻ തന്നെ രചനയും നിർവഹിചിരിക്കുന്ന ചിത്രം നിർമ്മിച്ചിരിക്കുന്നത് സൺ പിക്‌ചേഴ്‌സിന്റെ ബാനറിൽ കലാനിധി മാരനാണ്. നേരത്തെ പുറത്തിറങ്ങിയ ടീസറിനും ട്രെയിലറും ഗാനങ്ങൾക്കും വലിയ സ്വീകരിയതാണ് ലഭിച്ചത്. ചിത്രം കേരളത്തിൽ വിതരണത്തിന് എത്തിച്ചത് പൃഥ്വിരാജ് പ്രൊഡക്ഷൻസും മാജിക് ഫ്രെയിംസും ചേർന്നാണ്.

ഒരു പക്കാ ആക്ഷൻ എന്റെർറ്റൈനറായാണ് ചിത്രം ഒരുക്കിയിരിക്കുന്നത്. രജനികാന്ത് അവതരിപ്പിക്കുന്ന കഥാപത്രമായ ഹോസ്റ്റൽ വാർഡന്റെ ജീവിതത്തിൽ സംഭവിക്കുന്ന കാര്യങ്ങളാണ് ചിത്രത്തിലൂടെ അവതരിപ്പിക്കുന്നത്. ഹോസ്റ്റൽ വാർഡന്റെ ജീവിതത്തിലേക്ക് ഒരു രാഷ്ട്രീയ നേതാവ് കടന്ന് വരുന്നതോടെ ചിത്രത്തിന്റെ ഗതി മാറുകയാണ്. കാളി എന്ന കഥാപാത്രമായി രജനി നിറഞ്ഞു നിന്നപ്പോൾ രാഷ്ട്രീയകരനായി നവാസുദീൻ സിദ്ദിഖ് എത്തി.


രജനി ആരാധകർക്ക് ആഘോഷമാക്കാനുള്ള ഒരു കംപ്ലീറ്റ് പാക്കേജ് തന്നെയാണ് പേട്ട. കാർത്തിക്ക് സുബ്ബരാജ് എന്ന സംവിധായകൻ ചിത്രത്തെ ഒരുക്കിയിരിക്കുന്ന രീതി വളരെ വ്യത്യസ്തവും മനോഹരവുമാണ്.രജനികാന്ത് ചിത്രങ്ങളിൽ നിന്ന് ആരാധകർ പ്രതീക്ഷിക്കുന്ന കോരിത്തരിപ്പിക്കുന്ന മാസ്സ് ഡയലോഗുകളും ആക്ഷൻ രംഗങ്ങളും ഒരുക്കുന്നതിലും കാർത്തിക് സുബ്ബരാജ് മികവ് കാട്ടി.


കഥാപാത്രങ്ങൾക്ക് എല്ലാം വ്യക്തമായ സ്ഥാനം നൽകി ശക്തമായ രീതിയിൽ തന്നെ ഓരോ കഥാപത്രത്തെയും ഒരുക്കുകയും ചെയ്തു. രജനിയുടെ ഗംഭീര പ്രകടനം ചിത്രത്തെ ആവേശത്തിൽ ആഴ്ത്തുമ്പോൾ മക്കൾ സെൽവൻ വിജയ് സേതുപതി തന്റെ പ്രകടനത്തിൽ കൂടി കൈയടി നേടി. കിടിലൻ പെർഫോമൻസുമായി നവാസുദ്ധീൻ സിദ്ദിഖിയും കളം നിറഞ്ഞു. അതുപോലെ പോലെ തന്നെ മറ്റു കഥാപാത്രങ്ങൾക്ക് ജീവൻ നൽകിയ സിമ്രാൻ, തൃഷ, എം ശശികുമാർ, ബോബി സിംഹ, ജെ മഹേന്ദ്രൻ, മേഖ ആകാശ്, ഗുരു സോമസുന്ദരം, സനന്ത് റെഡ്‌ഡി, മാളവിക മോഹനൻ, രാമദോസ്, മണികന്മദൻ ആചാരി, ഷബീർ കല്ലറക്കൽ എന്നിവരും തങ്ങളുടെ വേഷങ്ങൾ ഭംഗിയാക്കി
അനിരുദ്ധ് ഒരുക്കിയ ഗാനങ്ങൾ ആവേശം നിറക്കുന്നവയാണ്. പശ്ചാത്തല സംഗീതം ചിത്രത്തെ വളരെ മനോഹരമാക്കി.ചുരുക്കി പറഞ്ഞാൽ ഒരു പക്കാ മാസ്സ് എന്റർടൈനർ ആണ് പേട്ട.

Continue Reading

Latest News

കോമഡി വിരുന്നുമായി ‘ജനമൈത്രി’…! റിവ്യൂ വായിക്കാം

Published

on

കോമഡി വിരുന്നുമായി ‘ജനമൈത്രി’…! റിവ്യൂ വായിക്കാം ഫ്രൈഡേ ഫിലിം ഹൗസ് എക്‌സിപിരിമെന്റ്‌സിന്റെ ബാനറില്‍ പുറത്തിറങ്ങുന്ന ആദ്യ ചിത്രമാണ് ജനമൈത്രി. അടി കപ്യാരെ കൂട്ടമണി, മങ്കിപെന്‍, അങ്കമാലി ഡയറീസ്, ആട്, ആട് 2, ജൂണ്‍ എന്നീ ചിത്രങ്ങള്‍ക്ക് ശേഷം ഫ്രൈഡേ ഫിലിം ഹൗസ് പുറത്തിറക്കുന്ന ചിത്രം ജോണ്‍ മന്ത്രിക്കല്‍ ആണ് സംവിധാനം ചെയ്തിരിക്കുന്നത്.ആന്‍ മരിയ കലിപ്പിലാണ്, അലമാര, അര്‍ജന്റീന ഫാന്‍സ് കാട്ടൂര്‍കടവ് എന്നീ ചിത്രങ്ങളുടെ തിരക്കഥയൊരുക്കിയ ജോണ്‍ മന്ത്രിക്കല്‍ ആദ്യമായി സംവിധാനം ചെയ്യുന്ന ചിത്രമാണിത്.സൈജു കറുപ്പ്, സാബുമോന്‍, ഇന്ദ്രന്‍സ്, വിജയ് ബാബു എന്നിവരാണ് ജനമൈത്രിയിലെ കേന്ദ്രകഥാപാത്രങ്ങളെ അവതരിപ്പിക്കുന്നത് പാരമേട് ഉള്ള ഒരു ജനമത്രി പോലീസ് സ്റ്റേഷനെ ചുറ്റിപ്പറ്റിയാണ് ഈ ചിത്രത്തിന്റെ കഥ വികസിക്കുന്നത്. അവിടുത്തെ എസ് ഐ ആയി എത്തുന്ന ഷിബു എന്ന കഥാപാത്രത്തെ അവതരിപ്പിക്കുന്ന ഇന്ദ്രന്സിന്റെയും കോൺസ്റ്റബിൾ ആയി എത്തുന്ന സാബുമോന്റെയും ജീവിതത്തിൽ നടക്കുന്ന ചില സംഭവ വികാസങ്ങളുടെ രസകരമായ ആവിഷ്ക്കാരമാണ് ജനമൈത്രി.വളരെ രസകരമായാണ് ചിത്രത്തിന്റെ കഥയുടെ സഞ്ചാരം,പ്രേക്ഷകനെ ഒരു നിമിഷം പോലും മടുപ്പിക്കാതെ ഹാസ്യത്തിന്റെ അകമ്പടിയോടു കൂടിയാണ് ചിത്രം പോകുന്നത്. വലിയ താര നിരകൾ ഒന്നുമില്ലെങ്കിലും പ്രേക്ഷകനെ മടുപ്പിക്കാത്ത മനോഹര ചിത്രമാണ് ജനമൈത്രി.ഇന്ദ്രൻസ് എന്ന നടന്റെ കഴിവ് എടുത്ത് പറയേണ്ട ഒന്നാണ് വളരെ മികവാർന്ന രീതിയിലാണ് അദ്ദേഹം തന്റെ കഥാപാത്രത്തെ അവതരിപ്പിച്ചിരിക്കുന്നത്.സാബുമോൻ , വിജയ് ബാബു, സൈജു കുറുപ്പ് എന്നിവരും തങ്ങളുടെ രസകരമായ പ്രകടനത്തിലൂടെ പ്രേക്ഷകരുടെ കയ്യടി നേടി.

വിഷ്ണു നാരായണന്‍ നമ്പൂതിരിയാണ് ഛായാഗ്രാഹണം. ഷാന്‍ റഹ്മാന്റെ സംഗീതവും മനു മഞ്ജിത്തിന്റെ വരികളും പതിവു പോലെ തന്നെ മികച്ചു നിന്നു. സംസ്ഥാന അവാര്‍ഡ് ജേതാവായ ലിജോ പോളിന്റെ എഡിറ്റിങ്ങും പ്രത്യേക പരാമര്‍ശം അര്‍ഹിക്കുന്നു.

Continue Reading

Latest News

തിരിച്ചു വരവ് ഗംഭീരമാക്കി സംവൃത സുനിൽ..!സത്യം പറഞ്ഞാൽ വിശ്വസിക്കുവോ റിവ്യൂ വായിക്കാം

Published

on

ഇന്ന് കേരളത്തിൽ പ്രദർശനത്തിന് എത്തിയ മലയാള ചിത്രമാണ് സത്യം പറഞ്ഞാൽ വിശ്വസിക്കുവോ ?. ഒരു വടക്കന്‍ സെല്‍ഫിക്കു ശേഷം ജി.പ്രിജിത്ത് സംവിധാനം ചെയ്യുന്ന ചിത്രം ഗ്രീന്‍ ടിവി എന്റര്‍ടെയിനര്‍, ഉര്‍വ്വശി തിയേറ്റേഴ്സ് എന്നിവയുടെ ബാനറില്‍ രമാദേവി, സന്ദീപ് സേനന്‍, അനീഷ് എം തോമസ് എന്നിവര്‍ ചേര്‍ന്നാണ് നിര്‍മ്മിച്ചിരിക്കുന്നത്.‘തൊണ്ടിമുതലും ദൃക്സാക്ഷിയും’ എന്ന ചിത്രത്തിലൂടെ ദേശീയ, സംസ്ഥാന പുരസ്‌കാരങ്ങള്‍ നേടിയ സജീവ് പാഴൂറാണ് ചിത്രത്തിന്റെ തിരക്കഥ ഒരുക്കിയിരിക്കുന്നത്.ആറ് വര്‍ഷം നീണ്ട ഇടവേളയ്ക്ക് വിരാമമിട്ട് പ്രേക്ഷകരുടെ പ്രിയങ്കരിയായ നടി സംവൃത സുനില്‍ തിരിച്ചെത്തുന്ന ചിത്രം കൂടിയാണ്. ബിജു മേനോന്റെ നായികയായിയാണ് സംവൃത ചിത്രത്തിൽ എത്തുന്നത് .

ഒരു കൂട്ടം കോണ്‍ക്രീറ്റ് തൊഴിലാളികളുടെ പച്ചയായ ജീവിതം പറഞ്ഞുപോവുന്ന ഒരു ചിത്രമാണിത്. സുനിയുടെയും, ഗീതയുടെയും പ്രേമവിവാഹം ആയിരുന്നു. ദാരിദ്ര്യത്തിന്റെ ചെറിയ വിഷമങ്ങളാൽ മുന്നോട്ടു പോയിരുന്ന സുനിയുടെ ജീവിതത്തിലേക്ക് പ്രതീക്ഷിക്കാതെ കടന്ന് വരുന്ന സംഭവവികാസങ്ങളും അതിന്റെ തുടർച്ചയുമാണ് ഈ ചിത്രത്തിന്റെ ഇതിവൃത്തം. സുനി എന്ന കഥാപാത്രമായി ബിജു മേനോനും, ഗീതയായി സംവൃത സുനിലും എത്തുന്നു.അലന്‍സിയര്‍, സൈജു കുറുപ്പ്, സുധി കോപ്പ, സുധീഷ്, ശ്രീകാന്ത് മുരളി, വെട്ടുക്കിളി പ്രകാശ്, വിജയകുമാര്‍, ദിനേശ് പ്രഭാകര്‍, മുസ്തഫ, ബീറ്റോ, ശ്രീലക്ഷ്മി, ശ്രുതി ജയന്‍ തുടങ്ങിയവരും ചിത്രത്തിലുണ്ട്.

വളരെ റിയലിസ്റ്റിക് ആയി ഒരുക്കിയിരിക്കുന്ന ചിത്രം വളരെ മനോഹാരിത നിറഞ്ഞതാണ്. വമ്പൻ ആക്ഷൻ രംഗങ്ങളും മാസ്സ് ഡയലോഗുകളും ഒന്നുമില്ലാത്ത ലളിതമായ കഥയും അപ്രതീക്ഷിത ട്വിസ്റ്റുകളും സ്വാഭാവിക നർമം കൊണ്ടും പ്രേക്ഷകരെ പിടിച്ചിരുത്തുന്ന ഒരു റിയലിസ്റ്റിക് വിരുന്നാണ് സത്യം പറഞ്ഞാൽ വിശ്വസികുവോ. സമൂഹത്തിന് നല്ലൊരു മെസ്സേജ് പാസ്സ് ചെയ്യാനും ചിത്രത്തിന് കഴിയുന്നുണ്ട്.

താരങ്ങളുടെ പ്രകടനത്തെ പറ്റി പറയുകയാണെങ്കിൽ എടുത്ത് പറയേണ്ടത് സംവൃത സുനിലിന്റെ പ്രകടനമാണ്, 6 വർഷങ്ങൾക്ക് ശേഷം വീണ്ടും വെള്ളിത്തിരയിലേക്ക് എത്തുമ്പോൾ പ്രേക്ഷകരെ ഒരിക്കലും നിരാശപെടുത്താതെ കൈയടിപ്പിക്കുന്ന പ്രകടനമാണ് കാഴ്ചവെച്ചത്. ഓരോ ചിത്രത്തിലും തന്റെ അഭിനയം കൊണ്ട് വിസ്മയിപ്പിക്കുന്ന ബിജു മേനോൻ ഒരിക്കൽ കൂടി ഞെട്ടിച്ചു എന്ന് തന്നെ പറയാം.ഓരോ കഥാപത്രങ്ങളും മികവുറ്റതായിരുന്നു..ബംഗാളികളുടെ പ്രകടനം വളരെ മികവിട്ടു തന്നെ നിന്നു .

ഷെഹ്നാദ് ജലാലാണ് ഈ ചിത്രത്തിന് വേണ്ടി ദൃശ്യങ്ങളൊരുക്കിയത്. ചിത്രത്തിന്റെ സാങ്കേതിക നിലവാരവും മികച്ചു നിന്നു എന്ന് പറയാം. കഥക്കാവശ്യമായ അന്തരീക്ഷം ഒരുക്കുന്നതിൽ ദൃശ്യങ്ങളോടൊപ്പം ഷാൻ റഹ്മാന്റെ സംഗീതവും വഹിച്ച പങ്കു വളരെ വലുതാണ്.സത്യം പറഞ്ഞാൽ വിശ്വസിക്കുമോ എന്ന ഈ ചിത്രം സമീപകാല മലയാള സിനിമയിൽ വന്ന ഏറ്റവും നല്ല എന്റെർറ്റൈനെറുകളിൽ ഒന്നാണ് എന്ന് ഒരുവിധ സംശയങ്ങളുമില്ലാതെ പറയാം.

Continue Reading

Latest News

അതി ഗംഭീരം ഈ ശുഭരാത്രി…! ശുഭരാത്രി റിവ്യൂ വായിക്കാം

Published

on

ഇന്ന് കേരളത്തിൽ പ്രദർശനത്തിന് എത്തിയ മലയാള ചിത്രമാണ് ദിലീപ് , സിദ്ദിഖ് എന്നിവരെ പ്രധാന കഥാപാത്രമാക്കി വ്യാസൻ കെ പി ഒരുക്കിയ ശുഭരാത്രി.. സംവിധായകൻ തന്നെ തിരക്കഥ ഒരുക്കിയ ഈ ചിത്രം നിർമ്മിച്ചിരിക്കുന്നത് അബാം മൂവീസിന്റെ ബാനറിൽ എബ്രഹാം മാത്യു ആണ്.ചിത്രത്തിൽ നായിക വേഷത്തിൽ എത്തിയത് അനു സിത്താരയാണ് .ദിലീപ് ,സിദിഖ് ,നാദിർഷ ,അനു സിത്താര ,ശാന്തി കൃഷ്ണ,ആശ ശരത്ത്, ഷീലു അബ്രഹാം തുടങ്ങി 50ഓളം താരങ്ങൾ ചിത്രത്തിൽ അണിനിരക്കുന്നു..അയാൾ ജീവിച്ചിരിപ്പുണ്ട് എന്ന ചിത്രത്തിന് ശേഷം വ്യാസൻ കെ പി സംവിധാനം ചെയ്യുന്ന ചിത്രം കൂടിയാണിത്.ചിത്രത്തിന്റെ ടീസറുകളും ഗാനങ്ങളും എല്ലാം ഏറെ പ്രേക്ഷക ശ്രദ്ധ ആകർഷിച്ചിരുന്നു.ദിലീപ് അവതരിപ്പിക്കുന്ന കൃഷ്ണൻ, സിദ്ദിഖ് അവതരിപ്പിക്കുന്ന മുഹമ്മദ്‌ എന്നീ കഥാപാത്രങ്ങൾക്ക് ചുറ്റുമാണ് ഈ ചിത്രം വികസിക്കുന്നത്. ദിലീപിന്റെ ഭാര്യ വേഷത്തിൽ ആണ് അനു സിതാര എത്തുന്നത്. ഒരു യഥാർത്ഥ സംഭവത്തെ ആസ്പദമാക്കിയാണ് ഈ ചിത്രം ഒരുക്കിയിരിക്കുന്നത്. മുഹമ്മദിന്റെ ജീവിതത്തിൽ കൃഷ്ണൻ എങ്ങനെ ഭാഗമാകുന്നു എന്നതാണ് ഈ ചിത്രം പറയുന്നത്.നന്മ നിറഞ്ഞ 100% ഫാമിലി ഫീൽ ഗുഡ് മൂവി..അതാണ് ശുഭരാത്രി എന്ന് ഒറ്റ വാക്കിൽ പറയാം.

പ്രേക്ഷകനെ മടുപ്പിക്കാതെ വളരെ മനോഹരമായി കഥ പറഞ്ഞു പോകുന്ന രീതിയിലാണ് ചിത്രം മുന്നോട്ട് പോകുന്നത്.വളരെ വ്യത്യസ്‍തമായ ഒരു കഥയെ മികച്ച അവതരണത്തിലൂടെ പ്രേക്ഷകന്റെ മനസ്സിൽ എത്തിക്കാൻ സംവിധയകന് കഴിഞ്ഞു.തീയറ്ററിൽ നിന്ന് ഇറങ്ങുമ്പോളും ഓരോ കഥാപാത്രങ്ങളും പ്രേക്ഷക മനസ്സിൽ നിന്ന് മായാത്ത നിറഞ്ഞു നിൽക്കും..


സിദ്ധിഖ് ഒരിക്കൽ കൂടി പ്രേക്ഷകനെ ഞെട്ടിക്കുക തന്നെ ചെയ്തു.മുഹമ്മദ് ആയി സിദ്ദിഖ് തിരശീലയിൽ ജീവിക്കുകയായിരുന്നു.. ദിലീപിൻ്റെ കരിയറിലെ മറ്റൊരു പൊൻ തൂവലാണ് കൃഷ്ണൻ എന്ന കഥാപാത്രം.വളരെ തന്മയത്തത്തോടെ കൃഷ്ണനെ അവതരിപ്പിക്കാൻ ജനപ്രിയ നായകന് കഴിഞ്ഞു. നായികയായി എത്തിയ അനു സിത്താര തന്റെ കഥാപാത്രത്തെ മനോഹരമാക്കി മാറ്റി.മറ്റു പ്രധാന കഥാപാത്രങ്ങളെ അവതരിപ്പിച്ച നെടുമുടി വേണു, ഇന്ദ്രൻസ്, സായി കുമാർ, ഷീലു അബ്രഹാം ,ശാന്തി കൃഷ്ണ എന്നിവരും മികച്ച പ്രകടനം തന്നെ കാഴ്ച വെച്ചു. ചെറുതും വലുതുമായി വേഷങ്ങളിൽ അമ്പതോളം പ്രമുഖ ആർട്ടിസ്റ്റുകൾ ആണ് ചിത്രത്തിൽ അണിനിരക്കുന്നത് .എല്ലാവരും ഒന്നിനൊന്നു മികച്ചുനിന്നു.

ആൽബി ഒരുക്കിയ ദൃശ്യങ്ങൾ ചിത്രത്തിന് മിഴിവേകിയപ്പോൾ ബിജിപാൽ ഒരുക്കിയ സംഗീതം ചിത്രത്തിന്റെ മൂഡിനോട്ട് ഇണങ്ങി നിന്നു .മികച്ച ഒരു ഫീൽഗുഡ് കുടുംബ ചിത്രമാണ് ശുഭരാത്രി..പ്രേക്ഷകനെ മടുപ്പിക്കാതെ മനോഹരമായി കഥ പറയുന്ന മികച്ച ഒരു ചിത്രം

Continue Reading

Updates

Trending