Connect with us

Latest News

മമ്മൂട്ടി മലയാളികളുടെ മാത്രമല്ല, ഞങ്ങളുടേത് കൂടിയാണ്, ഇന്ത്യൻ സിനിമയുടേത് കൂടിയാണ്‌- പേരൻബ്‌ ഗോവ ചാലിച്ചിത്രമേളയിൽ നിന്നും

Published

on

മമ്മൂട്ടി മലയാളികളുടെ മാത്രമല്ല, ഞങ്ങളുടേത് കൂടിയാണ്, ഇന്ത്യൻ സിനിമയുടേത് കൂടിയാണ്‌- പേരൻബ്‌ ഗോവ ചാലിച്ചിത്രമേളയിൽ നിന്നും

പേരൻബ്‌ ഗോവ ചലച്ചിത്ര മേളയിലെ പ്രേക്ഷക സ്രീകാര്യത ഇതിനോടകം തന്നെ സിനിമ പ്രേമികൾക്കിടയിൽ ചർച്ചയായിട്ടുള്ളതാണ്, ചിത്രത്തിൻറെ പ്രദർശ്ശനത്തിനു ശേഷം അതി ഗംഭീരമായ പ്രേക്ഷക പ്രതികരണങ്ങളാണ് ഉണ്ടായിട്ടുള്ളത്, സോഷ്യൽ മീഡിയയിൽ സിനിമ പ്രേമികളെ കൊതിപ്പിക്കുന്ന സ്വാതി ബീന സതീശന്റെ ആസ്വാദന കുറിപ്പ് വായിക്കാം….

പേരൻപ്! Also entitled as “Resurrection” അഥവാ ഉയിർത്തെഴുന്നേൽപ്പ്!❤️

മികച്ച തമിഴ് സിനിമ, മികച്ച വരികൾ, മികച്ച ബാലതാരം എന്നിങ്ങനെ, മൂന്നു ദേശീയ പുരസ്കാരങ്ങൾ സ്വന്തമാക്കിയ “തങ്കമീൻകൾ” എന്ന സിനിമയുടെ സംവിധായകനായ റാമിന്റെ നാലാമത്തെ ചിത്രമാണ് “പേരൻപ്‌”!!! Spacticity ബാധിച്ച പതിന്നാല് വയസ്സുകാരി പാപ്പയുടെയും(സാധന) അവളുടെ അച്ഛനായ അമുദവന്റെയും(മമ്മൂട്ടി) കഥ പറയുന്നു ഈ തമിഴ് ചിത്രം!

ആദ്യത്തെ ചോദ്യം മമ്മൂക്കയോടാണ് “എന്തേ, ഇപ്പൊ വീണ്ടുമൊരു നാഷണൽ അവാർഡൊക്കെ വാങ്ങിയേക്കാമെന്നൊരു തോന്നൽ?”🤔 എവിടെ ആയിരുന്നെടോ മനുഷ്യാ ഇത്രയും നാൾ?❤️ പത്തേമാരിക്ക് ശേഷം മമ്മൂട്ടിയെന്ന അഭിനേതാവിന്റെ ഉജ്ജ്വലമായൊരു തിരിച്ചു വരവിന് വഴിയൊരുക്കിയ, റാം സർ, നിങ്ങൾക്കൊരുപാടൊരുപാട് നന്ദി😘.

IFFI (International Film Festival of India)ക്ക് ടിക്കറ്റ് കാലേക്കൂട്ടി ബുക്കെയ്തിട്ടു പോലും, മണിക്കൂറുകളോളം വരി നിന്നിട്ടാണ് അകത്തു കടക്കാനായത്. സിനിമയുടെ ഭൂരിഭാഗം പ്രേക്ഷകരും തമിഴരായിരുന്നു. ഈയൊരു സിനിമ കാണാൻ വേണ്ടി മാത്രം തമിഴ്‌നാട്ടിൽ നിന്ന് ഗോവക്കു വണ്ടി കേറി വന്നവർ. തമിഴ്മക്കളോടൊപ്പം ഒരു തമിഴ് സിനിമ കാണുന്നത് വേറിട്ടൊരു അനുഭവമാണെന്നത് പറയാതെ വയ്യ. മാസ്സ്-മസാലപ്പടങ്ങൾ മാത്രമല്ല, ജീവിതഗന്ധിയായ, ഒരു പുഴ പോലെ ശാന്തമായൊഴുകുന്ന പേരൻപ് പോലുള്ള ചലച്ചിത്രങ്ങളും അവർ നെഞ്ചോടു ചേർക്കുന്നു എന്നതിന് തെളിവാണ്, തീയേറ്ററിലുടനീളം നീണ്ടു നിന്ന കയ്യടി.

ഡയറക്ടറും, പ്രൊഡ്യൂസറും ഉൾപ്പെടെ, സാധന എന്ന മിടുക്കിക്കുട്ടിയുമുണ്ടായിരുന്നു സിനിമ കാണാൻ പ്രേക്ഷകരോടൊപ്പം.

മമ്മൂട്ടിയുടെ ഉള്ളുതൊടുന്ന ശബ്ദത്തിലൂടെ, പ്രകൃതിയുടെ 12 ഭാവങ്ങളെ, പാപ്പയുടെയും അമുദവന്റെയും ജീവിതവുമായി ഇഴ ചേർത്ത് , 12 അദ്ധ്യായങ്ങളിലായാണ് സിനിമയെ അവതരിപ്പിച്ചിരിക്കുന്നത്. ജീവിതത്തെ, അതിന്റെ അതേ പാരുഷ്യത്തോടെ, നന്മയോടെ, സ്നേഹത്തോടെ, കയ്യൊതുക്കത്തോടെ വരച്ചിട്ടിരിക്കുന്നു സംവിധായകൻ❤️! ഭിന്നശേഷിക്കാരായ കുട്ടികളെ നോക്കി, മാറിനിന്ന് സഹതപിക്കാനേ നമുക്കറിയൂ, അവരുടെ മാതാപിതാക്കൾ കടന്നു പോകുന്ന മാനസികാവസ്ഥയെ കുറിച്ച് ചിന്തിക്കുക പോലുമസാധ്യമാണ്. തുടക്കം മുതലൊടുക്കം വരെ മനസ്സ് നീറിയെങ്കിലും കണ്ണ് നനഞ്ഞത്‌ ഒന്നോ രണ്ടോ തവണ മാത്രമാണ്. ജീവിതത്തിൽ കണ്ണീരിനൊരു സ്ഥാനവുമില്ലെന്ന് തന്നെയാണ് സിനിമ അടിവരയിടുന്നതും😊.
“Nature create everyone differently, but we treat them equally!” എന്ന സംവിധായകന്റെ തന്നെ വാക്കുകളിലൊതുക്കുകയാണ് ഞാൻ സിനിമയെ😑.

എത്ര പുരോഗമനം പറഞ്ഞാലും ചില യാഥാർഥ്യങ്ങൾ നമ്മൾക്കു ദഹിക്കാനിത്തിരി ബുദ്ധിമുട്ടാണ്. അത്തരം വിഷയങ്ങളെ തന്മയത്തത്തോടെ അഭിനയിച്ചു കാണിക്കാൻ തയ്യാറായ മനസ്സുണ്ടല്ലോ, മമ്മൂക്കാ…നിങ്ങളൊരു തികഞ്ഞ അഭിനേതാവാണെന്നതിന് വേറെ തെളിവുകളൊന്നും വേണ്ട❤️. നിറഞ്ഞ കയ്യടികൾക്കു ശേഷമുള്ള ചർച്ചയിൽ, സംവിധായകന്റെ വാക്കുകളിങ്ങനെ “മമ്മൂട്ടിയുടെ അമരം പോലുള്ള ചിത്രങ്ങൾ ഒരുപാട് കണ്ടൊരാളാണ് ഞാൻ. ഈ തിരക്കഥയെഴുതുമ്പോൾ അമുദവനായി മമ്മൂട്ടി മാത്രമായിരുന്നു എന്റെ മനസ്സിൽ.” തുടർന്നുണ്ടായ, “മമ്മൂട്ടി മലയാളികളുടെ മാത്രമല്ല, ഞങ്ങളുടേത് കൂടിയാണ്, ഇന്ത്യൻ സിനിമയുടേത് കൂടിയാണെന്ന” തമിഴ്മക്കളുടെ പൊതുപ്രസ്താവനക്ക് കയ്യടിക്കാതിരിക്കായില്ല☺️.

സാധന, മോളെ…എന്ത് പറയാനാണ്! “തങ്കമീൻകൾ” എന്ന സിനിമയിലെ, മികച്ച ബാലതാരത്തിനുള്ള, നാഷണൽ അവാർഡിന് ശേഷം, ദേ അടുത്തത്😍! “You did it wonderfully” എന്ന് പറഞ്ഞു, ആ കൈ പിടിച്ചു കുലുക്കുമ്പോഴും വാക്കുകളൊന്നും കിട്ടുന്നുണ്ടായില്ല പറയാൻ. ഒരു സീനിൽ പോലും ആ കയ്യോ കാലോ, ചേഷ്ടകളോ മാറി പോയതായി തോന്നിയില്ല. അമുദവന്റെ പാപ്പയായി ജീവിക്കുകയായിരുന്നു സിനിമയിലൂടെ നീളം. സിനിമ കഴിയുമ്പോൾ “സാധന” എന്ന പേര് “മമ്മൂട്ടി” എന്ന പേരിനോളം തന്നെ കയ്യടി ഏറ്റുവാങ്ങുമ്പോഴറിയാം ആ അഭിനയമികവ്❤️. അഭിനേത്രി എന്ന നിലയിൽ അഞ്ജലി അമീറിന്റെ നല്ലൊരു തുടക്കമാണ് “മീര” എന്ന കഥാപാത്രമെന്നതും പറയാതെ വയ്യ😊.

അമുദവനും, അമുദവന്റെ പാപ്പയും മനസ്സിൽ കേറി ഇരിപ്പാണ്. ഇറങ്ങിപ്പോകുന്നേയില്ല. പ്രത്യാശയുടെ തിരിനാളങ്ങൾ തെളിഞ്ഞു നിൽക്കുന്നിടത്താണ് സിനിമ അവസാനിക്കുന്നതെങ്കിലും, എന്നെ സംബന്ധിച്ചിടത്തോളം, സ്നേഹത്തിൽ പൊതിഞ്ഞു പിടിച്ച വലിയൊരു നോവാണ് പേരൻപ്!❤️

Latest News

ബിഗ് ബോസിന് ഇനി മുതൽ പുതിയ സംപ്രേക്ഷണ സമയം

Published

on

ബിഗ് ബോസിന് ഇനി മുതൽ പുതിയ സംപ്രേക്ഷണ സമയം

മലയാളികളുടെ സ്വീകരണമുറിയിൽ ഇതിനോടകം തന്നെ ഒഴിച്ചുകൂടാനാവാത്ത മണിക്കൂറുകൾ സ്വന്തമാക്കി
ബിഗ് ബോസ് മലയാളം സീസണ്‍ രണ്ട് ജനപ്രീതിയില്‍ ഏറെ മുന്നിലാണ്. മത്സരാര്‍ഥികളുടെ കണ്ണിനസുഖവും വൈല്‍ഡ് കാര്‍ഡ് എന്‍ട്രികളും വാശിയേറിയ ടാസ്‌കുകളുമൊക്കെയായി സംഭവബഹുലമായിരുന്നു ഇതുവരെയുള്ള എപ്പിസോഡുകള്‍. എന്നാല്‍ സംപ്രേഷണ സമയത്തില്‍ നേരിയ വ്യത്യാസം വരുത്താന്‍ ഒരുങ്ങുകയാണ് മലയാളികളുടെ പ്രിയങ്കരമായ റിയാലിറ്റി ഷോ. 

തിങ്കള്‍ മുതല്‍ വെള്ളി വരെ രാത്രി 9.30നും ശനി, ഞായര്‍ ദിനങ്ങളില്‍ രാത്രി 9നുമാണ് നിലവില്‍ ബിഗ് ബോസിന്റെ സംപ്രേഷണ സമയം. അതില്‍ തിങ്കള്‍ മുതല്‍ വെള്ളി വരെയുള്ള ദിനങ്ങളിലെ സമയം ഇനി അര മണിക്കൂര്‍ നേരത്തെ ആയിരിക്കും. അതായത് ശനി, ഞായര്‍ ദിനങ്ങളിലെ സമയമായ രാത്രി ഒന്‍പതിന് തന്നെ തിങ്കള്‍ മുതല്‍ വെള്ളി വരെയുള്ള ദിവസങ്ങളിലും ഷോ ആരംഭിക്കും. വരുന്ന തിങ്കളാഴ്ച മുതല്‍ ഈ സമയക്രമം അനുസരിച്ചാവും സംപ്രേഷണം.

അതേസമയം അവതാരകനായി മോഹന്‍ലാല്‍ എത്തുന്ന പുതിയ വാരാന്ത്യ എപ്പിസോഡുകള്‍ക്കായുള്ള കാത്തിരിപ്പിലാണ് ബിഗ് ബോസ് ആരാധകര്‍. ക്യാപ്റ്റന്‍സി ടാസ്‌ക് നടക്കുന്ന ഇന്നത്തെ എപ്പിസോഡിന് ശേഷമുള്ള ശനി, ഞായര്‍ എപ്പിസോഡുകളില്‍ ഇത്തവണത്തെ എലിമിനേഷനും മോഹന്‍ലാല്‍ പ്രഖ്യാപിക്കും. വീണ നായര്‍, പാഷാണം ഷാജി, സുജോ മാത്യു, അലസാന്‍ഡ്ര, അമൃത-അഭിരാമി എന്നിവരാണ് ഇത്തവണ എലിമിനേഷന്‍ ലിസ്റ്റില്‍ ഉള്ളത്. ആര്യയ്ക്കും രഘുവിനും നോമിനേഷന്‍ ലഭിച്ചിരുന്നുവെങ്കിലും അവര്‍ തങ്ങളുടെ പക്കലുള്ള ‘നോമിനേഷന്‍ ഫ്രീ കാര്‍ഡ്’ ഉപയോഗിച്ച് ലിസ്റ്റില്‍നിന്ന് പുറത്തുകടക്കുകയായിരുന്നു. പത്താം ആഴ്ചയ്ക്കുള്ളില്‍ കാര്‍ഡ് ഉപയോഗിക്കാത്തപക്ഷം അത് അസാധു ആകുമെന്ന് മോഹന്‍ലാല്‍ കഴിഞ്ഞ വാരാന്ത്യ എപ്പിസോഡില്‍ പറഞ്ഞിരുന്നു. 

Continue Reading

Latest News

മെഗാ സ്റ്റാർ മമ്മൂട്ടി നായകനായി എത്തുന്ന ONEൻറെ കിടിലൻ ടീസർ റിലീസായി

Published

on

Presenting the Official Teaser Of Malayalam Movie One Directed By Santhosh Viswanath Direction : Santhosh Viswanath Written By : Bobby & Sanjay Producer : Sreelakshmi R Banner : Ichais Productions DOP : Vaidy Somasundaram Project Designer : Badusha Music : Gopi Sundar Co Producers : Bhupen Tacho, Sankar Raj Production Designer : Dileep Nath Sound Design : Renganath Ravee Production Controller : Sanjay Padiyoor Editing : Nishadh Yusuf Chief Associate Director : Sajan R Sarada Makeup : Sreejith Guruvayoor, George Sebastian Costumes : Akshaya Prithvirajan,Abhijith Associate Director : Binu Pappu, Mirash Khan Executive Producer : Dileep Edapatta, Abhishek Ganesh R Production Executive : Harshan Pattazhy Action : Run Ravi Sync Sound : Ajesh Omanakuttan Lyrics : Rafeeq Ahammed VFX : Promice Stills : Sinat Xavier Design : Oldmonks Distribution : Aan Mega Media Trailer Cuts : Donmax

Continue Reading

Latest News

വക്കീല്‍ സാക്ഷിയായി, ജഡ്ജി കുറ്റാരോപിതയായി. കലങ്ങിമറിഞ്ഞ് കലക്കന്‍ ബിഗ് ബോസ് കോര്‍ട്ട് റൂം ടാസ്‌ക്.

Published

on

വക്കീല്‍ സാക്ഷിയായി, ജഡ്ജി കുറ്റാരോപിതയായി.
കലങ്ങിമറിഞ്ഞ് കലക്കന്‍ ബിഗ് ബോസ് കോര്‍ട്ട് റൂം ടാസ്‌ക്.

മലയാള പ്രേക്ഷകര്‍ക്കിടയില്‍ ട്രെന്‍ഡ് സെറ്ററായ ഏഷ്യാനെറ്റ് ബിഗ്ബോസ് സീസണ്‍ 2 പുതിയ സംഭവ വികാസങ്ങളിലൂടെ അറുപതാം ദിവസത്തിലെത്തി നില്‍ക്കുകയാണ്. കഴിഞ്ഞയാഴ്ച അവതാരകനായ ലാലേട്ടന്‍ പറഞ്ഞതുപോലെ, ടീമും ഈ ടാസ്‌കും കൂടിയായപ്പോള്‍ കളികള്‍ ശരിക്കും വേറെ ലെവലായി. ബിഗ് ബോസ് ലക്ഷ്വറി ബഡ്ജറ്റിന്റെ ഭാഗമായി കുടുംബാഗങ്ങള്‍ക്ക് നല്‍കിയത് ചിന്തയും ബുദ്ധിയും വസ്തുതകളും ഒരുപോലെ ഉപയോഗിച്ച് മുന്നേറേണ്ട കോര്‍ട്ട് റൂം ടാസ്‌കാണ്. രണ്ടുദിവസങ്ങള്‍ പിന്നിടുമ്പോള്‍ അത്യന്തം ആവേശകരമാണ്് കോടതി ടാസ്‌കും അതില്‍ വരുന്ന ഓരോ കേസുകളും.

വീട്ടിലെ മറ്റൊരു അംഗത്തോടുള്ള നിങ്ങളുടെ പ്രശ്‌നം അഥവാ നിങ്ങളോട് അവര്‍ ചെയ്ത ഒരു അനീതിയ്‌ക്കെതിരെ ബിഗ് ബോസ് കോടതിയില്‍ ഒരു കേസ് ഫയല്‍ ചെയ്യാവുന്നതാണ്. കുറ്റാരോപിതന് തനിക്കുവേണ്ടി ഒരു വക്കീലിനെയും, വാദം കേള്‍ക്കാന്‍ ജഡ്ജിയെയും തിരഞ്ഞെടുക്കാം. ശേഷം വാദവും മറുവാദവും കേട്ട് മറ്റ് അംഗങ്ങളുടെ അഭിപ്രായം കൂടി പരിഗണിച്ചുള്ള വിധി ജഡ്ജിയ്ക്ക് പ്രസ്താവിക്കാവുന്നതാണ്. വാദി ജയിച്ചാല്‍ അയാള്‍ക്ക് 100 പോയിന്റ് ലഭിക്കും. എന്നാല്‍ പ്രതി ജയിച്ചാല്‍ പ്രതിയ്ക്കും പ്രതിഭാഗം വക്കീലിനും 50 പോയിന്റ് വീതം ലഭിക്കും. ഇത്രയും ക്രിയേറ്റീവായ കോടതി ടാസ്‌കിന് മറ്റൊരു വശം കൂടിയുണ്ട്. രണ്ടുപേര്‍ തമ്മിലുള്ള പ്രശ്‌നം പറഞ്ഞുതീര്‍ത്ത് മുന്നോട്ടുപോകാനുള്ള വേദി കൂടിയാകുന്നുണ്ട് ഈ കോടതി.

അമൃതംഗമയ സിസ്‌റ്റേഴ്‌സ് പാഷാണം ഷാജിയ്‌ക്കെതിരെ ഫയല്‍ ചെയ്ത കേസിന്റെ വാദം അത്യന്തം ത്രില്ലിംഗായിരുന്നു. അധോലോകം പാര്‍ട്ടി എന്ന മറ്റൊരു ടാസ്‌കിനിടെ ഷാജി അശ്ശീലചുവയുള്ള വാക്കുകളിലൂടെ ഇരുവരെയും വ്യക്തിഹത്യ നടത്തിയെന്നതായിരുന്നു ആരോപണം. താനല്ല തന്റെ കഥാപാത്രമാണ് അങ്ങനെ ചെയ്തത് എന്നായിരുന്നു പ്രതിഭാഗം നല്‍കിയ വിശദീകരണം. എന്നാല്‍ വളരെ സമര്‍ത്ഥമായി ഈ കേസിനെ മൊത്തം സ്ത്രീകളെയും അഭിസംബോധന ചെയ്തു പറയാന്‍ കഴിഞ്ഞതിനാല്‍ സഹോദരിമാര്‍ക്ക് അനുകൂലമായ വിധിയും പോയിന്റും ഒരേസമയം ലഭിച്ചു. ടാസ്‌കിനുശേഷം ഇരുവരെയും വിളിച്ച് ക്ഷമ ചോദിക്കാന്‍ കാണിച്ച ഷാജിയുടെ നല്ല മനസും ഏറെ അഭിനന്ദനാര്‍ഹമാണ്.

ഇതുവരെ കണ്ട സകല ജഡ്ജി ക്യാരക്ടറുകളുടെ അച്ചില്‍ വാര്‍പ്പുകളും പൊളിച്ചെഴുതിയായിരുന്നു ഫുക്രു ജഡ്ജിയുടെ എന്‍ട്രി. ‘ഞാന്‍ ഒരു ജഡ്ജിയാണ്, ഇത്തിരി മര്യാദയൊക്കെ ആകാം’ എന്നുപറഞ്ഞാണ് അദ്ദേഹം കോടതി ആരംഭിച്ചതുതന്നെ. ഓര്‍ഡര്‍ കോള്‍ ചെയ്തിട്ടും സംസാരം തുടരുന്ന ആളുകളോട് ‘എന്നാപ്പിന്നെ നിങ്ങള്‍ വന്നിവിടിരി’ എന്ന സ്റ്റൈല്‍ ഡയലോഗുകളുമായി ജഡ്ജി കളംനിറഞ്ഞു. ഇടയ്ക്ക് വാദിച്ചയാള്‍ക്ക് പ്രതിയാകേണ്ടിയും വക്കീലായി സംസാരിച്ച ഷാജിയ്ക്ക് സാക്ഷിയാകേണ്ടിയും ജഡ്ജിയായിരുന്ന വീണ തന്നെ കേസിനവസാനം കുറ്റാരോപിതയാകേണ്ടിയുംവന്നു. കളിയുടെ രസവും അതുതന്നെ, കളി വേറെ ലെവലാകുമെന്നത് കാര്യത്തിലായതും അവിടെത്തന്നെ.

ഏഷ്യാനെറ്റ് സംപ്രേക്ഷണം ചെയ്യുന്ന ബിഗ് ബോസ് ഹൗസിന്റെ ചരിത്രത്തിലെ ഏറ്റവും മികച്ച ടാസ്‌ക്കെന്ന് ഈ മത്സരത്തെ പ്രേക്ഷകര്‍ വിലയിരുത്തുമ്പോള്‍ ഒരുവിഭാഗത്തിന് ഭൂരിപക്ഷത്തിന്റെ തീരുമാനത്തിന് വിട്ട് വിധി നടപ്പാക്കുന്ന രീതിയോട് വിയോജിപ്പുണ്ട്. പക്ഷേ ജഡ്ജി പക്ഷം പിടിക്കുകയാണെങ്കിലും ഇതു തന്നെയല്ലേ അവസ്ഥ, ഇതാകുമ്പോള്‍ ഒരു ജനാധിപത്യ മര്യാദയെങ്കിലുമുണ്ടല്ലോ എന്ന നിലാപാടുള്ളവരും നിരവധിയാണ്. എന്നാല്‍ ബിഗ്‌ബോസിനെ ഏഷ്യാനെറ്റ് ജഡ്ജിയായി കൊണ്ടുവരട്ടെ എന്നാണ് ട്രോളന്മാരുടെ രസകരമായ കമന്റ്. തിങ്കള്‍ മുതല്‍ വെള്ളിവരെ രാത്രി 9.30 മുതല്‍ 10.30 വരെയും ശനി, ഞായര്‍ ദിവസങ്ങളില്‍ രാത്രി 9 മുതല്‍ 10 മണി വരെയുമാണ് ബിഗ് ബോസ് സംപ്രേക്ഷണം ചെയ്യുക. ഒപ്പം സ്റ്റാര്‍ ടീ.വി.യുടെ ആപ്പായ ഹോട്ട്സ്റ്റാറിലും ബിഗ് ബോസ് കാണാന്‍ സാധിക്കും

Continue Reading

Updates

Trending