Connect with us

Reviews

പ്രേക്ഷക പക്ഷം ജനപ്രിയ ഫോർമുലയുമായി ബാലൻവക്കീൽ

Published

on

പ്രേക്ഷക പക്ഷം ജനപ്രിയ ഫോർമുലയുമായി ബാലൻവക്കീൽ

വർഷത്തെ നീണ്ട ഇടവേളയ്ക്ക് ശേഷം വീണ്ടും ഒരു ചിത്രവുമായി മലയാളത്തിലെ ജനപ്രിയ നായകൻ ദിലീപ് എത്തിയിരിക്കുകയാണ്. ഇത്തവണ ത്രില്ലർ ചിത്രങ്ങളുടെ ഹിറ്റ്മേക്കർ ബി ഉണ്ണികൃഷ്ണനും ഒന്നിക്കുന്ന കോടതി സമക്ഷം ബാലൻ വക്കീൽ ആണ് ഇന്ന് റിലീസ് ആയ ദിലീപ് ചിത്രം. മമ്മൂട്ടി മോഹൻലാൽ സുരേഷ് ഗോപി പൃഥ്വിരാജ് തുടങ്ങിയ സൂപ്പർതാരങ്ങൾക്കൊപ്പമെല്ലാം പ്രവർത്തിച്ച ബി ഉണ്ണികൃഷ്ണൻ ആദ്യ ദിലീപ് ചിത്രം കൂടിയാണ് കോടതി സമക്ഷം ബാലൻ വക്കീൽ.

പതിവു ദിലീപ് ചിത്രങ്ങളിൽ എല്ലാ ജനപ്രിയ ഫോർമാറ്റുകളും ഒപ്പം ബി ഉണ്ണികൃഷ്ണനും മാസ്റ്റർപീസായ ത്രില്ലർ ഫാക്ടറും കൂടി അടങ്ങിയതാണ് ചിത്രം. തൊട്ടതെല്ലാം പൊന്നാക്കിയ ദിലീപ് കൂട്ടുകെട്ട് വീണ്ടും ഒന്നിക്കുന്നു എന്ന പ്രത്യേകത കൂടി ഈ സിനിമയ്ക്കുണ്ട്. മമതയെ കൂടാതെ തെന്നിന്ത്യൻ സുന്ദരി പ്രിയ ആനന്ദം ചിത്രത്തിൽ ഒരു പ്രധാന വേഷത്തിലെത്തുന്നു. കൂടാതെ അജു വർഗീസ് സിദ്ദിഖ് ഗണേഷ് കുമാർ രഞ്ജി പണിക്കർ ലെന തുടങ്ങി പ്രമുഖ താരനിരതന്നെ ചിത്രത്തിനൊപ്പം ഉണ്ട്.

വിക്കും അതുമൂലമുള്ള അപകർഷതയും കൊണ്ട് തൻറെ കരിയറിൽ നിരന്തരം പരാജയങ്ങൾ ഏറ്റുവാങ്ങുന്നയാളാണ് ജൂനിയർ
അഡ്വക്കേറ്റായ ബാലൻ വക്കീൽ. ഒരു സാഹചര്യത്തിൽ പിടിച്ചുനിൽക്കാനായി ബാലൻ വക്കീൽ അനുപമ എന്ന ഒരു പെൺകുട്ടിയുടെ ഒരു കേസ് ഏറ്റെടുക്കുന്നു, ആ കേസ് മൂലം നിയമവ്യവസ്ഥ തന്നെ ബാലൻ വക്കീൽ ഭൂമിക്കും എതിരാകുന്നു, തുടർന്നുണ്ടാകുന്ന പ്രതിസന്ധികളും അതിൻറെ അതിജീവനവും ആണ് ചിത്രത്തിലെ ഇതിവൃത്തം.

കോമഡിയും ആക്ഷനും ത്രില്ലറും എല്ലാം കൃത്യമായി ചേർത്തെടുത്ത ഒരു കുടുംബചിത്രം തന്നെയാണ് ബി ഉണ്ണികൃഷ്ണൻ ഒരുക്കിയിരിക്കുന്നത്. സമീപകാല റിയലസ്റ്റിക് ചിത്രങ്ങൾക്കിടയിൽ എല്ലാം മറന്ന് രണ്ടരമണിക്കൂർ പൂർണമായും ആസ്വദിക്കാനുള്ള ഒരു കംപ്ലീറ്റ് എന്റർട്ടണർ തന്നെ ആയിട്ടാണ് ചിത്രം ഒരുക്കിയിരിക്കുന്നത്. കുടുംബപ്രേക്ഷകർക്കായി ഒരുക്കിയ ഒന്നാംപകുത്തിയും ത്രില്ലർ മൂഡിൽ ഒരുക്കിയ രണ്ടാം പകുതിയും അടക്കം കൃത്യമായ ഒരു കൊമേഴ്സ്യൽ ചിത്രത്തിനു വേണ്ടിയുള്ള എല്ലാ ഘടകങ്ങളും പൂർണമായും ചിത്രത്തിലുണ്ട്.

കഥാപാത്രങ്ങളുടെ രൂപത്തിലും ഭാവത്തിലും ശബ്ദത്തിലും എന്നും പ്രേക്ഷകരെ ഞെട്ടിക്കർ ഉള്ള ദിലീപ് ഇത്തവണയും ബാലൻ വക്കീലായി പതിവ് തെറ്റിച്ചില്ല, വിക്കുള്ള കഥാപാത്രത്തെ ദിലീപ് അതിഗംഭീരമായി തന്നെയാണ് അവതരിപ്പിച്ചിരിക്കുന്നത് കൂടാതെ സെന്റിമെന്റൽ രംഗങ്ങളിൽ ദിലീപിൻറെ ബാലൻവക്കീൽ ആയുള്ള ഡയലോഗ് ഡെലിവറി പെർഫോമൻസ് പ്രത്യേകം പരാമർശം അർഹിക്കുന്നതാണ്. ഒരിടവേളക്ക് ശേഷം സൂരജിനെയും സിദ്ദിക്കിനേയും കോമഡി രംഗങ്ങൾ തിയറ്ററുകളിൽ കൂട്ടചിരി പടർത്തുന്നു.

നായികമാരായി എത്തിയ മമ്തയും പ്രിയ ആനന്ദു ചിത്രത്തിൽ ഗംഭീര പ്രകടനമാണ് കാഴ്ചവെച്ചിരിക്കുന്നത്. ബാലൻ വക്കീൽനോടൊപ്പം ഉള്ള അൻസാർ അലി ഖാൻ എന്ന ഗുണ്ടയായി പ്രേക്ഷകരുടെ ഇഷ്ടതാരം അജു വർഗീസും കയ്യടികൾ നേടുന്നു. ബാബുവേട്ടൻ ആയി എത്തിയ ഭീമൻ രഘുവിനെ പെർഫോമൻസ് ആണ് എടുത്തുപറയേണ്ട മറ്റൊരു പ്രകടനം.

മലയാളത്തിലെ പ്രമുഖ മ്യൂസിക് ഡയറക്ടർ
സായ് രാഹുൽ രാജും ഗോപിസുന്ദറും
ആണ് ചിത്രത്തിലെ ഗാനങ്ങൾ ഒരുക്കിയിരിക്കുന്നത്. ചിത്രത്തിലെ ഗാനങ്ങൾ റിലീസിനു മുമ്പുതന്നെ പ്രേക്ഷകരുടെ ചുണ്ടുകളിലേക്ക് എത്തിയിരുന്നു. ഗോപി സുന്ദറിനെ പശ്ചാത്തലസംഗീതവും ചിത്രത്തെ കൂടുതൽ ത്രസിപ്പിക്കുന്നതാകുന്നു. അഖിൽ ജോർജിനെ ഛായാഗ്രഹണവും ഷമീർ മുഹമ്മദിൻറെ എഡിറ്റിംഗ് ചിത്രത്തെ കൂടുതൽ മനോഹരമാക്കിയിരിക്കുന്നു. റാം ലക്ഷ്മൺ സുപ്രീം സുന്ദർ സ്റ്റണ്ട് ശിവ മാഫിയ ശശി എന്നിവർ ഒരുക്കിയ വ്യത്യസ്തങ്ങളായ 4 ആക്ഷൻ ബ്ലോക്കുകളാണ് ചിത്രത്തിലെ മറ്റൊരു ഹൈലൈറ്റ്. വിക്കും പൊട്ടിച്ചിരികളും ഒപ്പം ജനപ്രിയ നായകൻ മാസ് ഡയലോഗുകളും ആക്ഷനും തീയേറ്ററുകളിൽ പ്രേക്ഷകരുടെ കയ്യടി കൊണ്ട് നിറയ്ക്കുന്നു.

എല്ലാത്തരം പ്രേക്ഷകരെയും ഒരുപോലെ തൃപ്തിപ്പെടുത്തുന്ന ഒരു കംപ്ലീറ്റ് എൻറർടെയ്നർ ഫോർമുല തന്നെയാണ് ചിത്രത്തിലുള്ളത്. എല്ലാം മറന്ന് രണ്ടരമണിക്കൂർ ചിരിച്ചും ത്രില്ലടിച്ചു ആസ്വദിക്കാൻ ബാലൻ വക്കീൽ നിങ്ങളുടെ അടുത്ത തീയേറ്ററുകളിൽ തന്നെയുണ്ട്.

Continue Reading

Reviews

റിവ്യൂ വായിക്കാം- കുട്ടിമാമ ! പ്രേക്ഷകർ ഞെട്ടിമാമ ! നിറഞ്ഞ കയ്യടികളുമായി വീണ്ടുമൊരു കുടുംബചിത്രവുമായി ശ്രീനിവാസൻ

Published

on

റിവ്യൂ വായിക്കാം- കുട്ടിമാമ ! പ്രേക്ഷകർ ഞെട്ടിമാമ ! നിറഞ്ഞ കയ്യടികളുമായി വീണ്ടുമൊരു കുടുംബചിത്രവുമായി ശ്രീനിവാസൻ

“പറഞ്ഞാൽ വിശ്വസിക്കില്ല ” ഈ വാചകത്തോടെയാണ് റിട്ടയേർഡ് പട്ടാളക്കാരൻ ശേഖരൻകുട്ടിയുടെ മിക്കവാറും പട്ടാളക്കഥകൾ ആരംഭിക്കാറുള്ളത്. ആദ്യമൊക്കെ നാട്ടുകാർക്ക് ഈ പട്ടാളക്കഥകൾ രസിച്ചുവെങ്കിലും പിന്നീട് അവയുടെ അതിപ്രസരം മൂലം നാട്ടുകാർ ഓടിയൊളിക്കാൻ തുടങ്ങി. എന്തിനേറെ പറയുന്നു നഗരത്തിൽ നിന്നും ഗ്രാമത്തിലേക്ക് ശാന്തി തേടി താമസം മാറിവന്ന ഒരു ബാങ്ക് മാനേജരെ ഒറ്റ രാത്രികൊണ്ട് നാടുവിടാൻ നിർബന്ധിതനാക്കിയിട്ടുണ്ട് ശേഖരൻകുട്ടി.

ഇങ്ങനെ പട്ടാളക്കഥകൾ പടച്ചുവിടുന്ന ശേഖരൻകുട്ടി എന്ന കുട്ടിമാമയുടെ ജീവിതകഥയാണ് വി എം വിനു സംവിധാനം ചെയ്ത കുട്ടിമാമ എന്ന ചിത്രം.

കുട്ടിമാമ എന്ന തള്ളുമാമ പറയുന്ന കഥകൾ സത്യമാണോ അതോ വെറും തള്ളാണോ എന്ന നാട്ടുകാരുടെയും നമ്മൾ പ്രേക്ഷകരുടെയും തിരിച്ചറിവാണ് ബാക്കി കഥ.

തിരശീലയിൽ ശ്രീനിവാസനും മകൻ ധ്യാൻ ശ്രീനിവാസനും ആണ് യഥാക്രമം പ്രായമുള്ളതും ചെറുപ്പക്കാരനായ കുട്ടിമാമയെ അവതരിപ്പിച്ചത്. തന്റെ ഇപ്പോഴത്തെ ശാരീരിക അവശതകൾക്കുള്ളിൽ നിന്ന് ചെയ്യാവുന്ന റോൾ ശ്രീനിവാസൻ മോശമാക്കിയില്ല. ധ്യാൻറെ രൂപവും ഭാവവും കൊണ്ടു ശ്രീനിവാസന്റെ ചെറുപ്പകാലം ഉജ്വലമായി തന്നെ അവതരിപ്പിച്ചു.

നായിക അഞ്ജലിയെ അവതരിപ്പിച്ചത് യഥാക്രമം മീരാ വാസുദേവും ദുർഗാ കൃഷ്ണയുമാണ്, തങ്ങളുടെ റോളുകൾ അവരുടെ കയ്യിൽ ഭദ്രമായിത്തന്നെ നിന്നു.
വിശാഖ് നായർ, നിർമൽ പാലാഴി, മഞ്ജു, പ്രേം കുമാർ, കലിംഗ ശശി, ജനാർദനൻ, ഭീമൻ രഘു തുടങ്ങിയവർ വലുതും ചെറുതുമായ വേഷങ്ങൾ ചെയ്തിട്ടുണ്ട്.

മനാഫിന്റെ കെട്ടുറപോലുള്ള തിരക്കഥ തന്നെയാണ് ചിത്രത്തിന്റെ നട്ടെല്ല് . ഒരു ഇടവേളക്കു ശേഷം വി.എം വിനുവിന്റെ ഉജ്വലമായ അവതരണം തന്നെയാണ് കുട്ടിമാമ.

അച്ചു രാജാമണിയുടെ ഗാനങ്ങളും സംഗീതവും മികച്ചു നിൽക്കുന്നു. അതുപോലെ തന്നെ വരുൻ വിനുവിന്റെ ഛായാഗ്രഹണവും ചിത്രത്തെ കൂടുതൽ പ്രേക്ഷകരോട് അടുപ്പിക്കുന്നു.

കുടുംബ സമേതം പ്രേക്ഷകർക്ക് ഈ അവധിക്കളത്തിന്റെ അവസാന ദിവസങ്ങളിൽ ആസ്വദിച്ചിറങ്ങാവുന്ന മികച്ച ചിത്രം തന്നെയാണ് കുട്ടിമാമ.

Continue Reading

Latest News

ഗംഭീര പ്രകടനവുമായി പാർവതി…! ഉയരത്തിൽ പറന്ന് ഉയരെ…! റിവ്യൂ വായിക്കാം

Published

on

ഇന്ന് പ്രദർശനത്തിന് എത്തിയ മലയാള ചിത്രമാണ് ഉയരെ.ഒരിടവേളക്ക് ശേഷം പാർവതി തിരുവോത്ത് തിരികെ അഭിനയത്തിലേക്ക് എത്തുന്ന ചിത്രം കൂടിയാണിത്.നവാഗതനായ മനു അശോകനാണ് ചിത്രം സംവിധാനം ചെയ്തിരിക്കുന്നത്. പ്രശസ്ത തിരക്കഥാ രചയിതാക്കളായ ബോബി- സഞ്ജയ് ടീം ആണ് ചിത്രത്തിന് വേണ്ടി തിരക്കഥ ഒരുക്കിയിരിക്കുന്നത്.ഈ ചിത്രം നിർമ്മിച്ചിരിക്കുന്നത് നിർമാതാവ് പി.വി ഗംഗാധരന്റെ മക്കളായ ഷെഗ്‌ന വിജില്‍, ഷെര്‍ഗ സന്ദീപ്, ഷെനുഗ ജയ്തിലക്‌ എന്നീ സഹോദരിമാരാണ്.

ഒരു യഥാർത്ഥ സംഭവത്തിൻറെ ദൃശ്യാവിഷ്കാരമാണ് ഈ ചിത്രം.ടോവിനോ തോമസ് , ആസിഫ് അലി , പാർവതി എന്നിവർ ആണ് ചിത്രത്തിൽ പ്രധാന വേഷങ്ങളിൽ എത്തിയിരിക്കുന്നത്. ആസിഡ് ആക്രണത്തിന് ഇരയായ പെൺകുട്ടിയുടെ ജീവിതകഥ പറയുന്ന ചിത്രമാണ് ഉയരെ. പല്ലവി എന്ന കഥാപാത്രത്തെയാണ് പാർവതി അവതരിപ്പിക്കുന്നത്. യഥാർത്ഥ ജീവിതത്തിന്റെ നേർക്കാഴ്ചയാണ് ഉയരെ. പൈലറ്റ് ആകാൻ ആഗ്രഹിക്കുന്ന പെൺകുട്ടി ആസിഡ് അക്രമണത്തിനിരയാവുകയും പിന്നീടുള്ള ജീവിതവുമാണ് ചിത്രം പറയുന്നത്.

കായംകുളം കൊച്ചുണ്ണി എന്ന ബ്ലോക്ക് ബസ്റ്റർ ഹിറ്റിന് ശേഷം ബോബിയും സഞ്ജയും ചേർന്ന് തിരക്കഥ രചിച്ചിരിക്കുന്ന ചിത്രമാണ് ഉയരെ.ചിത്രത്തിന്റെ അടിത്തറ തന്നെ തിരക്കഥയാണെന്നു പറയാം,അതിനെ പ്രേക്ഷകന് ഇഷ്ടമാകും വിധം ദൃശ്യവത്കരിക്കാൻ സംവിധായകന് കഴിഞ്ഞു.. അതിനുപരി ചിത്രത്തിലെ പാർവതിയുടെ പ്രകടനം പറയാതെ വയ്യ, ഗംഭീര പ്രകടനംകൊണ്ട് പ്രേക്ഷക ഹൃദയങ്ങളിലേക്ക് കടന്ന് ചെല്ലാൻ പാർവതിക്ക് കഴിഞ്ഞു. മലയാളത്തിലെ മികച്ച ഒരു അഭിനയത്രി തന്നെയാണ് പാർവതി എന്ന് ഒരിക്കൽ കൂടി തെളിയിച്ചിരിക്കുകയാണ്.പല്ലവി രവീന്ദ്രൻ എന്ന കഥാപാത്രത്തിന് ജീവൻ പകരാൻ പാർവതിക്ക് സാധിച്ചു.വളരെ മനോഹരവും റിയാലിസ്റ്റിക്കുമായ പ്രകടനമാണ് താരം കാഴ്ചവെച്ചത്..ആസിഫ് അലി തൻ്റെ കരിയറിലെ മികച്ച പ്രകടനം കാഴ്ചവെച്ചപ്പോൾ ടോവിനോ തോമസ് മികവാർന്ന പ്രകടനം കാഴ്ചവെച്ചു.രഞ്ജി പണിക്കർ, പ്രേം പ്രകാശ്, പ്രതാപ് പോത്തൻ, സിദ്ദിഖ് തുടങ്ങിയവർ എല്ലാം തന്നെ തങ്ങളുടെ കഥാപാത്രത്തെ മനോഹരമാക്കി.

സംവിധായകൻ മനു അശോകനെ പ്രശംസിക്കാതെ ഇരിക്കാൻ കഴിയില്ല,അത്രക്ക് മികവുറ്റ ഒരു ചിത്രമാണ് അദ്ദേഹം പ്രേക്ഷകന് സമ്മാനിച്ചത്.ഗോപി സുന്ദർ ഈണമിട്ട ഗാനങ്ങളും പശ്ചാത്തല സംഗീതവും ആണ് ചിത്രത്തിന്റെ മറ്റൊരു മേന്മ. പതിവ് പോലെ തൻ്റെ ഭാഗം മനോഹരമാക്കാൻ ഗോപി സുന്ദറിന് സാധിച്ചു.മുകേഷ് മുരളീധരൻ ഒരുക്കിയ ദൃശ്യങ്ങൾ മികച്ചു നിന്നു എന്ന് മാത്രമല്ല ഈ ചിത്രത്തിന്റെ സാങ്കേതിക മേന്മയിലെ ഏറ്റവും നിർണ്ണായകമായ ഘടകവും ഇതിലെ ദൃശ്യങ്ങൾ തന്നെയാണ് എന്ന് പറയാം..

ഈ അടുത്ത കാലത്ത് ഇറങ്ങിയവയിൽ നിന്നും തീർത്തും വ്യത്യസ്‍തവും സാങ്കേതികമായും കലാപരമായും മികവിട്ട് നിൽക്കുന്ന ഒരു ചിത്രം തന്നെയാണ് ഉയരെ. ധൈര്യമായി ടിക്കറ്റ് എടുക്കാവുന്ന ഒരു ചിത്രം തന്നെയാണ് ഉയരെ

Continue Reading

Latest News

തിരിച്ചു വരവ് ചിരിപ്പിച്ച് യമണ്ടനാക്കി കുഞ്ഞിക്ക…! ഒരു യമണ്ടൻ പ്രേമകഥ റിവ്യൂ വായിക്കാം

Published

on

566 ദിവസങ്ങൾക്ക് ശേഷം പ്രദർശനത്തിന് എത്തിയ ദുൽഖർ സൽമാൻ ചിത്രമാണ് ഒരു യമണ്ടൻ പ്രേമകഥ.നവാഗതനായ ബി സി നൗഫല്‍ സംവിധാനം ചെയ്ത ഈ ചിത്രത്തിന്റെ രചന നിര്‍വഹിച്ചിരിക്കുന്നത് അമര്‍ അക്ബര്‍ അന്തോണി, കട്ടപ്പനയിലെ ഋത്വിക് റോഷന്‍ എന്നീ ബ്ലോക്ക്ബസ്റ്ററുകള്‍ സമ്മാനിച്ച വിഷ്ണു ഉണ്ണികൃഷ്ണന്‍ ബിബിന്‍ ജോര്‍ജ് ടീമാണ്.ചിത്രം നിർമ്മിച്ചിരിക്കുന്നത് ആന്റോ ജോസഫ്, സി ആര്‍ സലിം എന്നിവര്‍ ചേര്‍ന്നാണ്.ബിജോയ് നമ്പ്യാര്‍ ഒരുക്കിയ സോളോയാണ് ദുല്‍ഖറിന്റേതായി റിലീസ് ചെയ്ത അവസാന മലയാള ചിത്രം..ഏറെ നാളത്തെ കാത്തിരിപ്പിന് ഒടുവിലെത്തിയ ചിത്രത്തെ വളരെ ആവേശത്തോടെയാണ് ആരാധകർ സ്വീകരിച്ചിരിക്കുന്നത്.ഒരു കംപ്ലീറ്റ് മസാല സ്വഭാവത്തിൽ ഒരുക്കിയിരിക്കുന്ന ചിത്രം കുടുംബ പ്രേക്ഷകരെ കൂടി ലക്ഷ്യം വച്ചാണ് ഒരുക്കിയിരിക്കുന്നത്.ചിത്രത്തിന്റെ ടാഗ് ലൈൻ തന്നെ ഏറെ ശ്രദ്ധ ആകർഷിച്ച ഒന്നാണ്..”ഇത് നിങ്ങൾ ഉദ്ദേശിച്ച കഥ തന്നെ” എന്നായിരുന്നു ചിത്രത്തിന്റെ ടാഗ് ലൈൻ…

ഒരു ഗ്രാമ പശ്ചാത്തലത്തിൽ കഥ പറയുന്ന ചിത്രത്തിൽ കൊമ്പനായിൽ ജോൺ സാറിന് ഒരു മകൻ പിറക്കുന്നത് കൂടിയാണ് ചിത്രം ആരംഭിക്കുന്നത്. വിദ്യാഭ്യാസവും സമ്പത്തും ഉള്ള ആ നാട്ടിലെ ഏക കുടുംബമായ കൊമ്പനയിൽ തറവാട്ടിലെ മൂത്ത മകൻ ലല്ലു (ദുൽഖർ സൽമാൻ! ചിത്രത്തിൽ നായകൻ പേര് അല്പം സസ്പെൻസ് ആണ്) സ്വന്തം ഇഷ്ടപ്രകാരം അല്പം നൊസ്റ്റാൾജിയയുടെ പിൻബലത്തിൽ ജീവിക്കുന്നയാളാണ്. സമ്പന്ന കുടുംബത്തിൽ പിറന്നിട്ടും പെയിൻറിങ് പണി ചെയ്ത് ചാവേറുകൾ( ലല്ലുവിന്റെ സുഹൃത്തുക്കൾ) ഇറങ്ങിനടപ്പ്. നാട്ടിലെ പെൺകുട്ടികൾക്ക് എല്ലാം കല്ലുവിനെ ഇഷ്ടമാണെങ്കിലും തന്നെ മനസ്സിന് ഒരു പെൺകുട്ടിയെ കണ്ടെത്തുകയാണ് ലല്ലുവിന്റെ ലക്ഷ്യം. ആ ലക്ഷ്യത്തിലേക്കുള്ള ലല്ലുവിനെയും സുഹൃത്തുക്കളുടെയും യാത്രയാണ് ചിത്രത്തിലെ കഥാവൃത്തം

.ഒരു ആഘോഷ കോമഡി ചിത്രം , ചിരി കൊണ്ടും നുറുങ്ങ് സെന്റിമെന്സ് കൊണ്ടും കളർ ഫുൾ ആയി ഒരുക്കി എടുത്ത ഒന്ന്..ഒരു സാധാരണ കഥ ആദ്യാവസാനം വരെ പ്രതീക്ഷിക്കുന്ന വഴികളിലൂടെ തന്നെ നീങ്ങുന്ന ഒന്ന്.പക്ഷെ പ്രേക്ഷകർ എവിടെ ചിരിക്കും കരയും വികാരം കൊള്ളും എന്നറിഞ്ഞു പണിയുന്ന ഇവരുടെ തിരക്കഥ മേന്മ തന്നെയാണ്.

ദുൽഖർ ,സലിം കുമാർ ,വിഷ്ണു ഉണ്ണികൃഷ്ണൻ , സൗബിൻ എന്നിവർ ചേർന്നപ്പോൾ ഉണ്ടായ കെമിസ്ട്രി തന്നെയാണ് എടുത്തു പറയേണ്ടത് .4 പേരുടെയും എനിർജറ്റിക്ക് പെർഫോമൻസ് തന്നെയായിരുന്നു ആകർഷക ഘടകം… വിഷ്ണു ഉണ്ണികൃഷ്ണനോട് ഒരു പ്രത്യക ഇഷ്ടം തോന്നിപ്പോകും.നായികമാർക്ക് സ്ക്രീൻ സ്‌പേസ് കുറവാണേലും നല്ല പ്രകടനങ്ങൾ ആയിരുന്നു.കുറഞ്ഞ സമയം കൂടുതൽ സ്‌കോർ ചെയ്തു സൂരജ് വെഞാറൻമൂടും നിറഞ്ഞു നിന്നു.ദിലീഷ് പോത്തനും ഞെട്ടിക്കുന്ന പ്രകടനാം തന്നെ കാഴ്ചവച്ചു .ബിബിൻ ജോർജും നല്ലൊരു പ്രകടനം തന്നെ കാഴ്ചവച്ചു.

നദിർഷയുടെ ഫെസ്റ്റീവ് ഗാനങ്ങൾ കൊണ്ടും ചിരി വിരുന്നുകൾ കൊണ്ടും ആസ്വാദനത്തിന്റെ കൊടു മുടി കയറാവുന്ന ചിത്രം..ചിത്രത്തിന്റെ മൂഡിന് ഇണങ്ങുന്ന ഛായാഗ്രഹണം നിർവഹിച്ചത് പി സുകുമാറാണ്.. ആദ്യാവസാനം പ്രേക്ഷകരെ രസിപ്പിക്കുന്ന ഒരു യമണ്ടൻ ചിത്രാം തന്നെയാണ് ഒരു യമണ്ടൻ പ്രേമകഥ

Continue Reading

Updates

Latest News1 day ago

മഹീന്ദ്ര മാസ്റ്റർ ബ്ലാസ്റ്റേഴ്‌സ് കപ്പ് നാളെ മുതൽ; ഗ്രീൻ ഫീൽഡ് ഇന്റർനാഷണൽ സ്റ്റേഡിയത്തിൽ

Latest News1 day ago

പ്രേക്ഷക ലക്ഷങ്ങൾ കാത്തിരുന്ന ഇഷ്‌കിലെ പറയുവാൻ .. ഫുൾ വീഡിയോ സോങ്ങ് റിലീസായി ! കലക്കൻ വിഷ്വൽസ് വീഡിയോ കാണാം

Latest News3 days ago

തലയിൽ വേണ്ടത്ര മുടിയില്ല എന്ന അപകർഷതാബോധം മൂലം കല്യാണം കഴിക്കാതെ നടക്കുന്ന ശ്രീനിവാസന്റെ കഥ പറയുന്ന തമാശ

Latest News4 days ago

കോടി ക്ലബുകളിലെ അശ്വമേധം തുടരാൻ ആശിർവാദ് സിനിമാസിന്റെ പുതിയ മോഹൻലാൽ ചിത്രം ഇട്ടിമാണിയുടെ ഫസ്റ്റ് ലുക്ക് പോസ്റ്റർ എത്തി

Latest News5 days ago

ഉണ്ടയുടെ കിടിലോൽ കിടിലൻ ടീസർ റിലീസായി…! ലാലേട്ടനും മമ്മൂക്കയും ചേർന്നാണ് ടീസർ ലോഞ്ച് ചെയുന്നത്

Latest News5 days ago

മലയാളത്തിലെ ആദ്യത്തെ 200കോടി! ലോകം കീഴടക്കി ലൂസിഫർ! ഒരേയൊരു രാജാവ്!

More Updates

Trending