Connect with us

Reviews

പ്രേക്ഷക മനസ്സുകൾ കൊള്ളയടിച്ചു കൊണ്ട് പക്കിയും കൊച്ചുണ്ണിയും… കായംകുളം കൊച്ചുണ്ണി റിവ്യൂ വായിക്കാം….

Published

on

പ്രേക്ഷക മനസ്സുകൾ കൊള്ളയടിച്ചു കൊണ്ട് പക്കിയും കൊച്ചുണ്ണിയും… കായംകുളം കൊച്ചുണ്ണി റിവ്യൂ വായിക്കാം….

പ്രേക്ഷകരുടെ നീണ്ട കാത്തിരിപ്പിന് ഒടുവിൽ ഇന്ന് പ്രദർശനത്തിന് എത്തിയ റോഷൻ ആൻഡ്രൂസ് ചിത്രമാണ് കായംകുളം കൊച്ചുണ്ണി.ചിത്രീകരണം തുടങ്ങിയ കാലം മുതലേ പ്രേക്ഷക ശ്രദ്ധ ആകർഷിച്ച ചിത്രമാണിത്. നിവിൻ പോളി കായംകുളം കൊച്ചുണ്ണിയായി എത്തിയപ്പോൾ ഇത്തിക്കര പക്കിയായി മോഹൻലാൽ വേഷമിട്ടു. ടീസർ, ട്രെയിലർ, ഗാനങ്ങൾ എന്തിന് ഏറെ പറയുന്നു ഇത്തിക്കര പക്കിയുടെ ഓരോ ചിത്രങ്ങൾ വരെ സോഷ്യൽ മീഡിയകളിൽ തരംഗം സൃഷ്ടിച്ചവയാണ്.

ബിഗ് ബഡ്ജറ്റ് ചിത്രം മലയാള സിനിമ ചരിത്രത്തിൽ ആദ്യമായി 351ൽ പരം തീയറ്ററുകളിൽ 1700 പ്രദർശനങ്ങളുമായി ആണ് എത്തിയത്.ബോബി സഞ്ജയ് ടീമിന്റെ തിരക്കഥയിൽ ഒരുങ്ങിയ ചിത്രം നിർമ്മിച്ചിരിക്കുന്നത് ഗോകുലം ഗോപാലനാണ്. പതിനായിരത്തോളം ജൂനിയർ ആർട്ടിസ്റ്റുകൾ ചിത്രത്തിൽ അണി നിരന്നപ്പോൾ മലയാളത്തിലെ മുൻ നിര താരങ്ങളും പ്രധാന വേഷങ്ങളിൽ എത്തി. താര സമ്പൂർണമായ ചിത്രത്തിന് എങ്ങും മികച്ച റിപ്പോർട്ടുകൾ ആണ് ലഭിക്കുന്നത്. തീയറ്ററുകളിൽ ആവേശത്തിന്റെ ആർപ്പുവിളികൾ മാത്രമാണ് കേൾക്കാൻ ഉള്ളത്.


മലയാള സിനിമയിൽ ഇത്രയും സാങ്കേതിക പൂർണ്ണതയിൽ എത്തിയ മറ്റൊരു ചിത്രവും ഉണ്ടാകുകയില്ല, അത്രയ്ക്കും ഗംഭീര മേക്കിങ് ആണ് ചിത്രത്തിന് ഉള്ളത്. മികച്ച രീതിയിൽ ചിത്രത്തെ പ്രേക്ഷകന് മുൻപിൽ എത്തിക്കാൻ സംവിധായകന് സാധിച്ചു. മാത്രമല്ല ആദ്യം മുതൽ അവസാനം വരെ പ്രേക്ഷകനെ പിടിച്ചു ഇരുത്തുന്ന തരത്തിലുള്ള ആവേശകരമായ തിരക്കഥ ഒരുക്കി ബോബി സഞ്ജയ് ടീം കൈയടി നേടിയെടുത്തു. പലപ്പോൾ ആയി ഓരോ മലയാളിയും കേട്ട കഥയാണ് കായംകുളം കൊച്ചുണ്ണിയുടെ കഥ. കൊച്ചുണ്ണിയുടെ ജീവിതത്തോട് പൂർണമായും സത്യസന്ധത പുലർത്തിയ ചിത്രം ബോളിവുഡ് ചിത്രങ്ങളെ അനുസ്മരിപ്പിക്കുന്ന തരത്തിൽ ഉള്ള സാങ്കേതിക മികവ് അവകാശപ്പെടാം.


നിവിൻ പോളി എന്ന നടന്റെയും താരത്തിന്റെയും കരിയർ ബെസ്റ്റ് പ്രകടനത്തിനാണ് കൊച്ചുണ്ണിയിലൂടെ പ്രേക്ഷകർ സാക്ഷ്യം വഹിച്ചത്. ആദ്യ പകുതിയിലെ സാധാരണക്കാരനായ കൊച്ചുണ്ണി ആയും രണ്ടാം പകുതിയിലെ കായംകുളം കൊച്ചുണ്ണി ആയും നിവിൻ നടത്തിയത് അത്ര മികച്ച പ്രകടനമാണ്. ലുക്ക് കൊണ്ട് മാത്രമല്ല ശരീര ഭാഷ കൊണ്ടും നിവിൻ എന്ന നടൻ ഞെട്ടിച്ചിട്ടുണ്ട്. കഥാപാത്രത്തിനായി ഈ നടൻ നടത്തിയ മുഴുവൻ പരിശ്രമത്തിന്റെയും ഫലം സ്‌ക്രീനിൽ നമ്മുക്ക് കാണാൻ കഴിയും…


ഇത്തിക്കര പക്കിയായി മോഹൻലാൽ ഞെട്ടിച്ചു. മോഹൻലാൽ തന്റെ പ്രകടന മികവ് കൊണ്ട് പതിവ് പോലെ തീയറ്ററുകളെ ഇളക്കി മറിച്ചു. ഇത് വരെ ഉള്ള രീതികളിൽ നിന്ന് വ്യത്യസ്തമായ പ്രകടനമാണ് മോഹൻലാൽ കാഴ്ചവെച്ചത്. ഇരുപത് മിനിറ്റ് കൊണ്ട് ചിത്രത്തിലെ മുഴുവൻ ക്രെഡിറ്റും മോഹൻലാൽ സ്വന്തമാക്കും. അത്രയ്ക്ക് മികവുറ്റ പ്രകടനമാണ് പക്കിയിൽ നിന്നും പ്രേക്ഷകന് ലഭിച്ചത്.

ചിത്രത്തിലെ മറ്റ് കഥാപത്രങ്ങളെ അവതരിപ്പിച്ചവരും മികവാർന്ന പ്രകടനം കാഴ്ചവെച്ചു.ബാബു ആന്റണി, സണ്ണി വെയിൻ, മണികണ്ഠൻ, ഷൈൻ ടോം, സുധീർ കരമന, അമിത് ചക്കാലക്കൽ നായികയായി എത്തിയ പ്രിയ ആനന്ദ് തുടങ്ങി ഓരോ താരങ്ങളും മികവുറ്റ പ്രകടനം കൊണ്ട് ചിത്രത്തെ ഗംഭീരമാക്കി.ബാഹുബലിയുടെയും തലാഷിന്റെയും സൗണ്ട് ഡിസൈനറായ സതീഷാണു കൊച്ചുണ്ണിക്കും ശബ്ദം ഒരുക്കിയിരിക്കുന്നത്.ക്യാമറക്കണ്ണുകളിലൂടെ അതി മനോഹരമായി പക്കിയെയും കൊച്ചുണ്ണിയേയും ഒപ്പിയെടുത്ത് ബിനോദ് പ്രധാൻ, നീരവ് ഷാ, സുധീർ പൽസാനേ എന്നിവരും കായംകുളം കൊച്ചുണ്ണിയെ ഒരു അനുഭവമാക്കി തീർത്തു. ഗോപി സുന്ദർ ഒരുക്കിയ ഗാനങ്ങളും BGMഉം കൊച്ചുണ്ണിയെ മറ്റൊരു തലത്തിൽ തന്നെ എത്തിച്ചിട്ടുണ്ട്.


ഏതൊരു പ്രേക്ഷകനും ആവേഷത്തോടെയും മടുപ്പ് കൂടാതെയും കാണാൻ സാധിക്കുന്ന ഒരു ദൃശ്യ വിസ്മയം തന്നെയാണ് കായംകുളം കൊച്ചുണ്ണി എന്നത് ഉറപ്പ്..

Continue Reading

Reviews

കണ്ണ് നനയിക്കുന്ന പ്രകടനവുമായി ഗിന്നസ് പക്രു….! ഇളയരാജ റിവ്യൂ വായിക്കാം

Published

on

അവധിക്കാല റിലീസുകൾക്ക് തുടക്കം കുറിച്ച് ഇന്ന് കേരളത്തിൽ പ്രദർശനത്തിന് എത്തിയ ചിത്രമാണ് ഇളയരാജ. മേല്‍വിലാസം, അപ്പോത്തിക്കിരി, എന്നീ സിനിമയുടെ സംവിധായകനായ മാധവ്‌ രാംദാസ് സംവിധാനം ചെയ്ത ചിത്രമാണ് ഇളയരാജ.ഗിന്നസ് പക്രു ചിത്രത്തിൽ പ്രധാന വേഷത്തിൽ എത്തി. മൂവി മ്യൂസിക്കല്‍ കട്ട്‌സിന്റെ ബാനറില്‍ സജിത് കൃഷ്ണ, ജയരാജ് ടി കൃഷ്ണന്‍, ബിനീഷ് ബാബു എന്നിവര്‍ ചേര്‍ന്നാണ് ചിത്രം നിര്‍മ്മിച്ചിരിക്കുന്നത്. സുദീപ് ടി ജോര്‍ജിന്റേതാണ് തിരക്കഥ. ഗിന്നസ് പക്രു നായകനാകുന്ന ചിത്രത്തില്‍ ഇന്ദ്രന്‍സ്, ഗോകുല്‍ സുരേഷ്, ദീപക്, അജു വര്‍ഗ്ഗീസ്, ഹരിശ്രീ അശോകന്‍ എന്നിവരും പ്രധാന കഥാപാത്രങ്ങളായെത്തി..ചിത്രത്തിലെ ഗാനങ്ങളും ട്രെയിലറും എല്ലാം ഏറെ ശ്രദ്ധ നേടിയവയാണ്. സുരേഷ് ഗോപി, ജയസൂര്യ എന്നിവർ ചിത്രത്തിൽ ഓരോ ഗാനങ്ങൾ ആലപിച്ചിട്ടുണ്ട്. സുരേഷ് ഗോപിയുടെ മകൻ ഗോകുൽ സുരേഷും ഒരു പ്രധാന വേഷത്തിൽ ചിത്രത്തിൽ എത്തുന്നുണ്ട്. പ്രിവ്യു ഷോ കണ്ട ദിലീപ് ചിത്രത്തെ പറ്റി തൻ്റെ ഒഫീഷ്യൽ അക്കൗണ്ടിൽ കുറിച്ചിരുന്നു..

സ്വന്തം കുടുംബത്തിനെ പോറ്റുവാൻ വേണ്ടി കപ്പലണ്ടി കച്ചവടം നടത്തുന്ന വനജൻ എന്ന കഥാപാത്രത്തെയാണ് ഗിന്നസ് പക്രു ചിത്രത്തിൽ അവതരിപ്പിക്കുന്നത്. അച്ഛൻ വേഷം കൈകാര്യം ചെയ്തിരിക്കുന്ന ഹരിശ്രീ അശോകന്റെ കരിയർ ബെസ്റ്റ് പ്രകടനത്തിന് തന്നെയാണ് സാക്ഷിയായത്. ഒരു ചതുരംഗ കളിയെ ആസ്പദമാക്കിയാണ് സംവിധായകൻ ചിത്രത്തെ അണിയിച്ചൊരുക്കിയിരിക്കുന്നത്.

കുടുംബ പ്രേക്ഷകരും കുട്ടികളും കണ്ടിരിക്കേണ്ട ഒരു ചിത്രമാണിത്, പരിമിതികളിൽ നിന്നും വിജയം കൈവരിക്കാമെന്ന സന്ദേശം നൽകുന്ന ഒരു കുഞ്ഞു ചിത്രമാണിത്.ഗിന്നസ് പക്രുവിന്റെ പ്രകടനം തന്നെയാണ് ചിത്രത്തിന്റെ ഹൈ ലൈറ്റ്. കരിയർ ബെസ്റ്റ് പ്രകടനം തന്നെയാണ് അദ്ദേഹം നടത്തിയിരിക്കുന്നത്. വനജനിൽ പ്രേക്ഷകർക്ക് സ്വന്തം ജീവിതത്തെ കാണുവാൻ തക്ക ഒരു അഭിനയമാണ് പക്രുവിന്റേത്. മാസ്റ്റർ ആദിത്തും ബേബി ആർദ്രയുമാണ് എടുത്തു പറയത്തക്ക പ്രകടനം നടത്തിയ മറ്റു രണ്ടുപേർ. ആദ്യചിത്രമെന്ന യാതൊരു സങ്കോചവും ഇരുവരും കാണിച്ചിട്ടില്ല. ഹരിശ്രീ അശോകന്റെ ഗണപതിയും സിജി എസ് നായരുടെ ഭാര്യാവേഷവും അനിൽ നായരുടെ മത്തായിയുമെല്ലാം ഏറെ മനോഹരമായിട്ടുണ്ട്. ബ്രയാൻ എന്ന കഥാപാത്രവുമായി ഗോകുൽ സുരേഷും ഓർമയിൽ നിൽക്കുന്ന ഒരു പ്രകടനം കാഴ്‌ച വെച്ചിട്ടുണ്ട്.

മികച്ച ദൃശ്യങ്ങൾ നൽകിയ പാപ്പിനു ചിത്രത്തിന് നൽകിയ സംഭാവന വളരെ വലുതാണ്. ഇളയരാജയുടെ ആത്മ്മാവ് തന്നെയാണ് അദ്ദേഹം ഒരുക്കിയ കരുത്തുറ്റ ദൃശ്യങ്ങൾ എന്ന് പറയാൻ സാധിക്കും . അത് പോലെ തന്നെ രതീഷ് വേഗ ഒരുക്കിയ സംഗീതവും വളരെയധികം മികച്ചു നിന്നു. പശ്ചാത്തല സംഗീതം മനസ്സിനെ സ്പർശിക്കുന്ന തരത്തിലുള്ളതായിരുന്നു എന്ന് പറയാതെ വയ്യ. ശ്രീനിവാസൻ കൃഷ്ണയാണ് ഈ ചിത്രത്തിന്റെ എഡിറ്റിംഗ് നിർവഹിച്ചത് .

Continue Reading

Reviews

ആവേശം നിറയ്ക്കുന്ന ഫുട്‌ബോൾ കാഴ്ചകളുമായി അർജന്റീന ഫാൻസ് കാട്ടൂർക്കടവ്…റിവ്യൂ വായിക്കാം

Published

on

ഇന്ന് കേരളത്തിൽ പ്രദർശനത്തിന് എത്തിയ മലയാള ചിത്രമാണ് അർജന്റീന ഫാൻസ്‌.ആട് 2 വിനു ശേഷം മിഥുന്‍ മാനുവല്‍ തോമസ് സംവിധാനം ചെയ്യുന്ന ചിത്രമാണിത്.ആ്ട് 2വിനു ശേഷം വലിയ പ്രതീക്ഷകളോടെയാണ് മിഥുവന്‍ മാനുവല്‍ ചിത്രത്തിനായി സിനിമാ പ്രേമികള്‍ കാത്തിരുന്നത്..ആ കാത്തിരിപ്പുകൾ വെറുതെ ആയതുമില്ല.കാട്ടൂര്‍ കടവ് ഗ്രാമത്തിലെ അര്‍ജന്റീന ആരാധകരുടെ കഥ പറയുന്ന ചിത്രമാണ് അര്‍ജന്റീന ഫാന്‍സ് കാട്ടൂര്‍കടവ്.കാളിദാസ് ജയറാം നായകനായി എത്തിയപ്പോൾ മായാനദിയിലൂടെ ശ്രദ്ധേയയായ ഐശ്വര്യ ലക്ഷ്മിയാണ് ചിത്രത്തില്‍ നായികാ വേഷത്തില്‍ തിളങ്ങിയത്.ആഷിക് ഉസ്മാൻ നിർമിച്ചിരിക്കുന്ന ചിത്രം വിതരണത്തിന് എത്തിച്ചത് സെൻട്രൽ പിക്ചേഴ്സാണ്.

മിഥുൻ മാനുവൽ തോമസ് സംവിധാനം ചെയ്ത അഞ്ചാമത്തെ ചിത്രമാണ് അർജന്റീന ഫാൻസ്‌ കാട്ടൂർക്കടവ്.മുൻ ചിത്രങ്ങൾ എല്ലാം തന്നെ പ്രേക്ഷകനെ ഏറെ ചിരിപ്പിക്കുകയും ബോക്സോഫിസ് വിജയം നേടുകയും ചെയ്തവയാണ്.അശോകൻ ചെരുവിൽ എഴുതിയ കഥയെ അടിസ്ഥാനമാക്കി മിഥുൻ മാനുവൽ തോമസും ജോൺ മന്ത്രിക്കലും ചേർനാണ് ചിത്രത്തിനായി തിരക്കഥയൊരുക്കിയിരിക്കുന്നത്.മുൻ ചിത്രങ്ങളിലേത് പോലെ തന്നെ പ്രേക്ഷകനെ ഏറെ രസിപ്പിക്കുന്ന മനോഹരമായ ചിത്രമായാണ് അർജന്റീന ഫാൻസ്‌ കാട്ടൂർക്കടവ് ഒരുക്കിയിരിക്കുന്നത്

കാട്ടൂർക്കടവ് എന്ന ഗ്രാമത്തിലെ ഒരു സംഘം ഫുട്ബോൾ പ്രേമികളും അർജന്റീന ഫുട്ബോൾ ടീം ആരാധകരുമായി ചെറുപ്പക്കാരുടെ ജീവിതത്തിൽ നടക്കുന്ന സംഭവ വികാസങ്ങൾ ആണ് ഈ ചിത്രം നമ്മുടെ മുന്നിൽ എത്തിക്കുന്നത്. മിസ്റ്റർ ആൻഡ് മിസ് റൗഡിക്ക് ശേഷം എത്തുന്ന കാളിദാസ് ജയറാം ചിത്രമാണിത് നായികയായി തിളങ്ങിയ ഐശ്വര്യ ലക്ഷ്മി വിജയ് സൂപ്പറും പൗര്ണമിക്കും ശേഷം നായികയാകുന്ന ചിത്രവും ആണിത്.വിപിനൻ എന്ന കഥാപാത്രമായി കാളിദാസും മെഹ്രു ആയി ഐശ്വര്യ ലക്ഷ്മിയും വേഷമിട്ടു. സൗഹൃദവും പ്രണയവും ഫുട്‌ബോൾ ആരാധനയും നാട്ടിൻ പുറത്തിന്റെ നിഷ്കളങ്കതയും നർമ്മവും എല്ലാം ചേർത്ത ഒരു മികച്ച ചിത്രമാണിത്

പ്രേക്ഷകനെ മടുപ്പിക്കാത്ത അവതരണവും കഥ പറച്ചിലും, സന്ദർഭോചിത തമാശകളും എല്ലാം കൂടി ആകുമ്പോൾ ചിത്രം കളറായി എന്ന് തന്നെ പറയാം.ഓരോ ഫുട്‌ബോൾ പ്രേമിക്കും റിലേറ്റ് ചെയ്യാൻ കഴിയുന്ന ഒരുപാട് മുഹൂർത്തങ്ങൾ ചിത്രത്തിലുണ്ട്.കാളിദാസ് ജയറാം തൻ്റെ പ്രകടനം കൊണ്ട് ഏവരുടെയും ശ്രദ്ധ ആകർഷിച്ചു,ഐശ്വര്യ പതിവ് പോലെ തന്റെ കഥാപാത്രത്തിന് ജീവൻ പകർന്നു നൽകി. അനു, അനീഷ് ഗോപാൽ, അസിം ജമാൽ എന്നിവർ ശ്രദ്ധ നേടുന്ന പ്രകടനം കാഴ്ച വെച്ചിട്ടുണ്ട്.ഓരോ താരങ്ങളും പ്രകടനങ്ങൾ കൊണ്ട് ചിത്രത്തെ മനോഹരമാക്കുക തന്നെ ചെയ്തു

പതിവ് പോലെ തന്നെ തന്റെ മാജിക്കൽ മ്യൂസിക് കൊണ്ട് ചിത്രത്തിലേക്ക് പ്രേക്ഷകനെ കൂട്ടികൊണ്ടു പോകുവാൻ ഗോപി സുന്ദറിന് സാധിച്ചു.റെനഡിവേ ഒരുക്കിയ ദൃശ്യങ്ങൾ വളരെ മികവുറ്റു നിന്നു.ഒരു കിടിലൻ എന്റെർറ്റൈനെർ ആണ് അർജന്റീന ഫാൻസ്‌ കാട്ടൂർക്കടവ്. തീർച്ചയായും തീയറ്ററിൽ പോയി കാണേണ്ട ഒരു ചിത്രം

Continue Reading

Reviews

ഹൃദയങ്ങൾ കീഴടക്കി ഒരു ചെറിയ സിനിമയുടെ വലിയ വിജയത്തിലേക്കുള്ള ഓട്ടം ! റിവ്യൂ വായിക്കാം

Published

on

ഹൃദയങ്ങൾ കീഴടക്കി ഒരു ചെറിയ സിനിമയുടെ വലിയ വിജയത്തിലേക്കുള്ള ഓട്ടം ! റിവ്യൂ വായിക്കാം

ഏറെ പ്രേക്ഷകശ്രദ്ധ ശ്രദ്ധനേടിയ കളിമണ്ണ് എന്ന ചിത്രത്തിനുശേഷം തോമസ് തിരുവല്ല നിർമ്മിച്ച് നവാഗതനായ സാം സംവിധാനം ചെയ്ത ചിത്രമാണ് ഓട്ടം. ചിത്രീകരണ വേളയിൽ തന്നെ പ്രേക്ഷക ശ്രദ്ധ ആകർഷിച്ച ചിത്രം ഇന്നാണ് കേരളത്തിലെമ്പാടും പ്രദർശനത്തിനെത്തിയത്. ലാൽജോസ് ഷോയിലൂടെ പ്രേക്ഷകരുടെ ശ്രദ്ധയാകർഷിച്ച നന്ദു ആനന്ദു ഉല്ലാസ് എന്നിവരാണ് ചിത്രത്തിലെ പ്രധാന വേഷങ്ങളിലെത്തുന്നത്.
ഓട്ടം വിജയകരമായി ഓടി തുടങ്ങി നവാഗതർ….. ഓട്ടം റിവ്യൂ വായിക്കാം..

ഒരിക്കൽ കൂടി നവാഗത വിപ്ലവം സംഭവിച്ചിരിക്കുകയാണ്, മികച്ച ഒരു റിയലിസ്റ്റിക്കായി ആണ് ചിത്രം ഒരുക്കിയിരിക്കുന്നത്.രാജേഷ് കെ നാരായണന്‍ എന്ന തിരക്കഥാകൃത്ത് ജീവിതത്തിന്റെ വിവിധ ഭാവങ്ങളാണ് ചിത്രത്തിലൂടെ വരച്ച് കാട്ടിയിരിക്കുന്നത്.

ജീവിതത്തിൽ തുടർച്ചയായി നേരിടേണ്ടിവന്ന തോൽവികൾ മൂലം ഒരു യുവാവ് ആത്മഹത്യയ്ക്ക് ആയി ഇറങ്ങിത്തിരിക്കുകയും തുടർന്നു നടക്കുന്ന സംഭവവികാസങ്ങൾ അയാളെ ജീവിതത്തിലേക്ക് കൊണ്ടുവരികയും ജീവിതത്തിലെ ഓട്ടം തുടങ്ങുന്നതും ആണ് ചിത്രത്തിലെ പ്രധാന ഇതിവൃത്തം. ആദ്യമായി ക്യാമറയ്ക്ക് മുന്നിലെത്തിയ നന്ദു ആനന്ദം ഉല്ലാസും പുതുമുഖതാരങ്ങളുടെ യാതൊരു പരിഭ്രമവും ഇല്ലാതെ തങ്ങളുടെ വേഷങ്ങൾ ഭംഗിയായി തന്നെ അവതരിപ്പിച്ചിട്ടുണ്ട് ചിത്രത്തിൽ. നിസാർ ബ്ലസി സുരേഷ് ഉണ്ണിത്താൻ ലെനിൻ രാജേന്ദ്രൻ എന്നിവരോടൊപ്പം അസോസിയേറ്റ് ഡയറക്ടറായി പ്രവർത്തിച്ചിട്ടുള്ള തന്നെ ആദ്യ ചിത്രം തന്നെ തൻറെ നീണ്ട പരിചയസമ്പത്ത് ഉപയോഗിച്ച് മനോഹരമായി തന്നെ പ്രേക്ഷകർക്ക് മുന്നിലേക്ക് എത്തിച്ചിട്ടുണ്ട്.

ജോൺപോൾ വർക്ക് ഫോർ മ്യൂസിക് എന്നിവർ നൽകിയ സംഗീതം ചിത്രത്തിൻറെ ആസ്വാദനത്തിന് കൂടുതൽ മനോഹാരിത നൽകുന്നു. ശ്രീകുമാരൻതമ്പി ബി കെ ഹരിനാരായണൻ എന്നിവരാണ് ഗാനങ്ങൾക്ക് വലിയ എഴുതിയിരിക്കുന്നത്. പപ്പുവിനെ ഛായാഗ്രഹണ മികവ് ചിത്രത്തിലെ ദൃശ്യങ്ങൾക്ക് കൂടുതൽ മിഴിവേകുന്നു. വിശാലാണ് ചിത്രസംയോജനം നടത്തിയിരിക്കുന്നത്. ഏറെ ഏച്ചുകെട്ടലുകൾ ഒന്നും തന്നെയില്ലാതെ ജീവിതത്തോടെ വളരെയധികം അടുത്തുനിൽക്കുന്ന ഒരു മികച്ച സിനിമ തന്നെയാണ് ഓട്ടം.

Continue Reading

Updates

Trending