Connect with us

Reviews

പ്രേക്ഷകമനസ്സിലേക്ക് ഇടിച്ചു കയറി ഈ ഓട്ടർഷ….

Published

on

കേരളത്തിൽ ഇന്ന് പ്രദർശനത്തിന് എത്തിയ മലയാള ചിത്രമാണ് ഓട്ടർഷ. ജെയിംസ് ആൻഡ് ആലീസിന് ശേഷം സുജിത് വാസുദേവ് സംവിധാനവും ഛായാഗ്രഹണവും നിർവഹിക്കുന്ന ചിത്രമാണിത്. അനുശ്രീ കേന്ദകഥാപാത്രത്തെ അവതരിപ്പിച്ചിരിക്കുന്ന ചിത്രം ഒരു സ്ത്രീകേന്ദ്രീകൃത ചിത്രം എന്ന് വിശേഷിപ്പിക്കാം.


ഓട്ടോർഷ കഥകൾ എന്നും മലയാളികൾക്ക് പ്രിയപ്പെട്ടവയാണ് ആ കൂട്ടത്തിലേക്ക് ഇതാ മറ്റൊരു മനോഹര ചിത്രം കൂടി. കണ്ണൂരിൽ ഓട്ടോ ഓടിക്കുന്ന അനിതയുടെ കഥയാണിത്. ആദ്യ പകുതിയിൽ മനോഹരമായ തമാശകളിലൂടെ കടന്ന് പോകുന്ന ചിത്രം രണ്ടാം പകുതി ആകുമ്പോളേക്ക് സീരിയസ് ആയി മാറുന്നു. അനിതയായി അനുശ്രീ ചിത്രത്തിൽ നിറഞ്ഞ് നിൽക്കുകയാണ്..


മനോഹരമായ നർമ്മ മുഹൂർത്തങ്ങൾ കൊണ്ട് സമ്പന്നമാണ് ചിത്രം.അനുശ്രീ അനിത എന്ന കഥാപാത്രത്തിനോട് നൂറ് ശതമാനവും നീതി പുലർത്തി. മറ്റ് കഥാപാത്രങ്ങളെ അവതരിപ്പിച്ച താരങ്ങളും വളരെ മനോഹരമായി തന്നെ അവതരിപ്പിച്ചു. സുജിത് വാസുദേവിന്റെ ക്യാമറയും സംവിധാനവും മികവുറ്റതാണ്. ശരത്ത് ഒരുക്കിയ ഗാനങ്ങളും മനോഹരമായി. കുടുംബത്തോട് ഒപ്പം ആസ്വദിക്കാൻ കഴിയുന്ന മികച്ച ഒരു ചിത്രമാണ് ഓട്ടോർഷ.

Continue Reading

Reviews

ഹൃദയങ്ങൾ കീഴടക്കി ഒരു ചെറിയ സിനിമയുടെ വലിയ വിജയത്തിലേക്കുള്ള ഓട്ടം ! റിവ്യൂ വായിക്കാം

Published

on

ഹൃദയങ്ങൾ കീഴടക്കി ഒരു ചെറിയ സിനിമയുടെ വലിയ വിജയത്തിലേക്കുള്ള ഓട്ടം ! റിവ്യൂ വായിക്കാം

ഏറെ പ്രേക്ഷകശ്രദ്ധ ശ്രദ്ധനേടിയ കളിമണ്ണ് എന്ന ചിത്രത്തിനുശേഷം തോമസ് തിരുവല്ല നിർമ്മിച്ച് നവാഗതനായ സാം സംവിധാനം ചെയ്ത ചിത്രമാണ് ഓട്ടം. ചിത്രീകരണ വേളയിൽ തന്നെ പ്രേക്ഷക ശ്രദ്ധ ആകർഷിച്ച ചിത്രം ഇന്നാണ് കേരളത്തിലെമ്പാടും പ്രദർശനത്തിനെത്തിയത്. ലാൽജോസ് ഷോയിലൂടെ പ്രേക്ഷകരുടെ ശ്രദ്ധയാകർഷിച്ച നന്ദു ആനന്ദു ഉല്ലാസ് എന്നിവരാണ് ചിത്രത്തിലെ പ്രധാന വേഷങ്ങളിലെത്തുന്നത്.
ഓട്ടം വിജയകരമായി ഓടി തുടങ്ങി നവാഗതർ….. ഓട്ടം റിവ്യൂ വായിക്കാം..

ഒരിക്കൽ കൂടി നവാഗത വിപ്ലവം സംഭവിച്ചിരിക്കുകയാണ്, മികച്ച ഒരു റിയലിസ്റ്റിക്കായി ആണ് ചിത്രം ഒരുക്കിയിരിക്കുന്നത്.രാജേഷ് കെ നാരായണന്‍ എന്ന തിരക്കഥാകൃത്ത് ജീവിതത്തിന്റെ വിവിധ ഭാവങ്ങളാണ് ചിത്രത്തിലൂടെ വരച്ച് കാട്ടിയിരിക്കുന്നത്.

ജീവിതത്തിൽ തുടർച്ചയായി നേരിടേണ്ടിവന്ന തോൽവികൾ മൂലം ഒരു യുവാവ് ആത്മഹത്യയ്ക്ക് ആയി ഇറങ്ങിത്തിരിക്കുകയും തുടർന്നു നടക്കുന്ന സംഭവവികാസങ്ങൾ അയാളെ ജീവിതത്തിലേക്ക് കൊണ്ടുവരികയും ജീവിതത്തിലെ ഓട്ടം തുടങ്ങുന്നതും ആണ് ചിത്രത്തിലെ പ്രധാന ഇതിവൃത്തം. ആദ്യമായി ക്യാമറയ്ക്ക് മുന്നിലെത്തിയ നന്ദു ആനന്ദം ഉല്ലാസും പുതുമുഖതാരങ്ങളുടെ യാതൊരു പരിഭ്രമവും ഇല്ലാതെ തങ്ങളുടെ വേഷങ്ങൾ ഭംഗിയായി തന്നെ അവതരിപ്പിച്ചിട്ടുണ്ട് ചിത്രത്തിൽ. നിസാർ ബ്ലസി സുരേഷ് ഉണ്ണിത്താൻ ലെനിൻ രാജേന്ദ്രൻ എന്നിവരോടൊപ്പം അസോസിയേറ്റ് ഡയറക്ടറായി പ്രവർത്തിച്ചിട്ടുള്ള തന്നെ ആദ്യ ചിത്രം തന്നെ തൻറെ നീണ്ട പരിചയസമ്പത്ത് ഉപയോഗിച്ച് മനോഹരമായി തന്നെ പ്രേക്ഷകർക്ക് മുന്നിലേക്ക് എത്തിച്ചിട്ടുണ്ട്.

ജോൺപോൾ വർക്ക് ഫോർ മ്യൂസിക് എന്നിവർ നൽകിയ സംഗീതം ചിത്രത്തിൻറെ ആസ്വാദനത്തിന് കൂടുതൽ മനോഹാരിത നൽകുന്നു. ശ്രീകുമാരൻതമ്പി ബി കെ ഹരിനാരായണൻ എന്നിവരാണ് ഗാനങ്ങൾക്ക് വലിയ എഴുതിയിരിക്കുന്നത്. പപ്പുവിനെ ഛായാഗ്രഹണ മികവ് ചിത്രത്തിലെ ദൃശ്യങ്ങൾക്ക് കൂടുതൽ മിഴിവേകുന്നു. വിശാലാണ് ചിത്രസംയോജനം നടത്തിയിരിക്കുന്നത്. ഏറെ ഏച്ചുകെട്ടലുകൾ ഒന്നും തന്നെയില്ലാതെ ജീവിതത്തോടെ വളരെയധികം അടുത്തുനിൽക്കുന്ന ഒരു മികച്ച സിനിമ തന്നെയാണ് ഓട്ടം.

Continue Reading

Reviews

ഈ സൂത്രക്കാരൻ കിടിലൻ ഫാമിലി എന്റെർറ്റൈനെർ തന്നെയാ….. സൂത്രക്കാരൻ റിവ്യൂ വായിക്കാം..

Published

on

ഈ സൂത്രക്കാരൻ കിടിലൻ ഫാമിലി എന്റെർറ്റൈനെർ തന്നെയാ….. സൂത്രക്കാരൻ റിവ്യൂ വായിക്കാം..
സുരേഷ് ഗോപിയുടെ മകൻ ഗോകുൽ സുരേഷും മണിയൻപിള്ള രാജുവിന്റെ മകൻ നിരഞ്ജൻ എന്നിവർ പ്രധാന വേഷങ്ങളിൽ എത്തിയ ചിത്രം സംവിധാനം നിർവഹിച്ചിരിക്കുന്നത് അനിൽ രാജ് ആണ്.. ചിത്രത്തിന്റെ തിരക്കഥയും സംവിധായകൻ തന്നെയാണ്.സ്‌മൃതി ഫിലിമ്സിന്റെ ബാനറിൽ ടോമി കെ വർഗീസ്, വിച്ചുബാലമുരളി എന്നിവർ ചേർന്ന് നിർമ്മിച്ചിരിക്കുന്ന ചിത്രം ഒരു ഫാമിലി ത്രില്ലറായാണ് ഒരുക്കിയിരിക്കുന്നത്… ചിത്രത്തിന്റെ ട്രെയിലറുകളും ഗാനങ്ങളും നേരത്തെ തന്നെ സോഷ്യൽ മീഡിയകളിൽ തരംഗം സൃഷ്ടിക്കുകയൂം ഗോകുൽ സുരേഷിന്റെ ലുക്ക് തരംഗമാകുകയും ചെയ്തതാണ്. മന്ദാരം, 96 തുടങ്ങിയ ചിത്രങ്ങളിൽ കൂടി ശ്രദ്ധേയായ വർഷ ബൊല്ലാമയാണ് ചിത്രത്തിൽ നായികയായി വേഷമിട്ടത്.


തങ്ങളുടെ ഗ്രാമത്തിൽ തൊഴിൽ രഹിതരായ ആൾക്കാർ പാടില്ല എന്ന ഉദ്ദേശത്തോടെ ഒരു സൊസൈറ്റി രൂപീകരിക്കുന്ന ആളുകൾ ആണ് മഠത്തിൽ ശ്രീധരൻ, പറമ്പിൽ പ്രഭാകരൻ, ബാലചന്ദ്രൻ എന്നിവർ. ഇവരോടൊപ്പം ഇവരുടെ മക്കൾ ആയ അരവിന്ദനും ശ്രീജിത്തും കൂടുന്നു. എന്നാൽ ഗോകുൽ സുരേഷ് അവതരിപ്പിക്കുന്ന അരവിന്ദന്റേയും നിരഞ്ജൻ അവതരിപ്പിക്കുന്ന ശ്രീജിത്തിന്റെയും ഇടയിലേക്ക് വർഷ അവതരിപ്പിക്കുന്ന അശ്വതി എന്ന കഥാപാത്രം കടന്നു വരുന്നതോടെ ഈ ചിത്രത്തിന്റെ കഥാഗതി മാറുന്നു. ചിത്രത്തിന്റെ കഥ പറയുന്ന രീതിയും എല്ലാ ചേരുവകളും ചിത്രത്തെ മനോഹരമാക്കി മാറ്റുന്നു.. കോമെഡിയും ആവേശവും ത്രില്ലും വൈകാരിക മുഹൂർത്തങ്ങളും കൃത്യമായി തന്നെ ചേർത്തൊരുക്കിയ മികച്ച ഒരു ചിത്രം തന്നെയാണ് സൂത്രക്കാരൻ.


ഗോകുൽ സുരേഷ്, നിരഞ്ജൻ എന്നിവർ നടത്തിയ മികച്ച പ്രകടനമാണ് ഈ ചിത്രത്തിന്റെ മികവുകളിൽ ഒന്ന്. ഈ രണ്ടു യുവ നടന്മാരും ഭംഗിയായി തന്നെ തങ്ങളുടെ കഥാപാത്രങ്ങൾ ചെയ്തു.ഓരോ ചിത്രം കഴിയും തോറും ഈ യുവ നടൻമാർ അഭിനയ മികവ് വർദ്ധിച്ചു വരുന്നത് വളരെ ശ്രദ്ധേയകരമായ ഒരു കാര്യമാണ്.. മറ്റു പ്രധാന കഥാപാത്രങ്ങളെ അവതരിപ്പിച്ച ലാലു അലക്സ്, വിജയ രാഘവൻ, സന്തോഷ് കീഴാറ്റൂർ, കൈലാഷ്, പദ്മരാജ് രതീഷ്, മീര, ഷമ്മി തിലകൻ, ശ്രീകുമാർ, മാലാ പാർവതി, സരയൂ, ബാലു ആർ നായർ, വിജിലേഷ്, അഞ്ജലി, ബേബി ശ്രേഷ്ഠ, ജോസെഫ്, ശിവദത്, കൃഷ്ണ എന്നിവരും തങ്ങൾക്കു കിട്ടിയ കഥാപാത്രങ്ങളെ ഏറ്റവും മികച്ച രീതിയിൽ തന്നെ പ്രേക്ഷകരുടെ മുന്നിലെത്തിച്ചു


അനിൽ നായർ ഒരുക്കിയ ദൃശ്യങ്ങൾ ചിത്രത്തിനാവശ്യമായ അന്തരീക്ഷം ഒരുക്കിയപ്പോൾ വിച്ചു ബാലമുരളിയുടെ ഗാനങ്ങളും പശ്ചാത്തല സംഗീതവും മികവ് പുലർത്തി..സൂത്രക്കാരൻ ഒരു മികച്ച ഫാമിലി ത്രില്ലർ മൂവി തന്നെയാണ്, ചിരിക്കാനും ആവേശം കൊള്ളാനും എല്ലാ ചേരുവകളും ഉള്ള മികച്ച ഒരു ചിത്രം

Continue Reading

Latest News

പ്രേക്ഷകനെ ത്രില്ലടിപ്പിച്ചു ഗംബിനോസ്….. ഗംബിനോസ് റിവ്യൂ വായിക്കാം..

Published

on

പ്രേക്ഷകനെ ത്രില്ലടിപ്പിച്ചു ഗംബിനോസ്….. ഗംബിനോസ് റിവ്യൂ വായിക്കാം..
ഇന്ന് പ്രദർശനത്തിന് എത്തിയ മലയാള ചിത്രങ്ങളിൽ ഒന്നാണ് ഗംബിനോസ്.. ക്യാരക്ടർ തീം മ്യൂസിക് കൊണ്ടും ട്രെയിലർ കൊണ്ടും ശ്രദ്ധേയമായ ചിത്രം സംവിധാനം നിർവഹിച്ചിരിക്കുന്നത് ഗിരീഷ് പണിക്കറാണ്.ഓസ്ട്രേലിയൻ ഫിലിം കമ്പനിയായ കങ്കാരൂ ബ്രോഡ്കാസ്റ്റിങ് ആണ് ചിത്രത്തിന്റെ നിർമ്മാണം.സംവിധായകൻ വിനയന്റെ മകൻ വിഷ്ണു വിനയനാണ് ചിത്രത്തിൽ നായകനായി വേഷമിട്ടത്.സക്കീർ മഠത്തിൽ രചന നിർവഹിച്ചിരിക്കുന്ന ഈ ചിത്രത്തിൽ പ്രശസ്ത തമിഴ് നടി രാധിക ശരത് കുമാറും ഒരു നിർണ്ണായക വേഷം അവതരിപ്പിച്ചിട്ടുണ്ട്.

ചിത്രം ഒരു റിവഞ്ച് ത്രില്ലർ ആയാണ് ഒരുക്കിയിട്ടുള്ളത്.അധോലോകമായി അറിയപ്പെടുന്ന ഗാമ്പിനോസ് എന്ന കുടുംബത്തിന്റെ രീതിയിലുള്ള കുറ്റകൃത്യങ്ങൾ പിന്തുടരുന്ന ഒരു മലബാർ ഫാമിലിയുടെ കഥയാണ് ഈ ചിത്രം പറയുന്നത്.മലബാറിന്റെ പശ്ചാത്തലത്തിൽ ആണ് ഈ ചിത്രത്തിന്റെ കഥ അവതരിപ്പിച്ചിരിക്കുന്നത്.. വിഷ്ണു വിനയൻ എന്ന യുവതാരം തൻ്റെ കഥാപാത്രത്തെ വളരെ മികവാർന്ന രീതിയിൽ അവതരിപ്പിക്കാൻ കഴിഞ്ഞിട്ടുണ്ട് എന്നത് തന്നെയാണ് ചിത്രത്തിൽ എടുത്ത് പറയേണ്ട ഒരു കാര്യം. രാമലീലയ്ക്ക് ശേഷം രാധിക ശരത് കുമാർ ഒരു ശക്തമായ കഥാപാത്രത്തെ ചിത്രത്തിൽ അവതരിപ്പിക്കുന്നു. തന്റെ കഥാപാത്രത്തെ പ്രേക്ഷകരുടെ ഹൃദയത്തിൽ എത്തിക്കാൻ ഈ നടിയുടെ ഗംഭീര പ്രകടനത്തിന് സാധിച്ചിട്ടുണ്ട്.സമ്പത്ത്, ശ്രീജിത് രവി, നീരജ , സിജോയ് വർഗീസ്, മുസ്തഫ, സാലു കെ. ജോർജ് എന്നിവരും തങ്ങളുടെ കഥാപാത്രങ്ങളെ വളരെ മനോഹരമായി തന്നെ ചെയ്തു.. ഓരോ അഭിനേതാവും തൻ്റെ കഥാപാത്രത്തിന് ജീവൻ ഏകുക തന്നെ ചെയ്തു.


ഒരു നിമിഷം പോലും പ്രേക്ഷകനെ മടുപ്പിക്കാതെ എല്ലാവിധ ചേരുവകളും ചേർത്താണ് ചിത്രം ഒരുക്കിയിട്ടുള്ളത്. വ്യത്യസ്തമായ അവതരണവും ഒരു റിവഞ്ച് ത്രില്ലർ എന്ന നിലയിൽ പുതുമയേറിയ ഒരു കഥ സാങ്കേതിക തികവോടെ വളരെ സ്റ്റൈലീഷ് ആയിട്ട് പ്രേക്ഷകന്റെ മുന്നിൽ അവതരിപ്പിക്കാൻ കഴിഞ്ഞു എന്നിടത്താണ് ഈ സംവിധായകൻ ശ്രദ്ധേയനാകുന്നത്.


എൽബൻ കൃഷ്ണ ഒരുക്കിയ ദൃശ്യങ്ങൾ മികവിട്ടു നിന്നു വളരെ സ്റ്റൈലിഷായി തന്നെ ചിത്രത്തെ എത്തിക്കാൻ ഛായാഗ്രാഹകന് കഴിഞ്ഞു എന്നത് ചിത്രത്തിന്റെ മേന്മ വർധിപ്പിക്കുന്നു .ജേക്സ് ബിജോയ് ഒരുക്കിയ പശ്ചാത്തല സംഗീതവും ഗാനങ്ങളും നേരത്തെ തന്നെ ശ്രദ്ധ നേടിയവയാണ്, ചിത്രത്തിന്റെ മൂഡിന് യോജിച്ച പശ്ചാത്തല സംഗീതവും ഗാനങ്ങളും തന്നെയാണ് ചിത്രത്തിന്റെ ഒരു പ്ലസ് പോയിന്റ്

ഗാമ്പിനോസ് എന്ന ഈ ചിത്രം സാങ്കേതികമായും അതുപോലെ കഥാപരമായും മികച്ച നിലവാരം പുലർത്തുന്ന ഒരു ചിത്രമാണ്. പ്രേക്ഷകനെ ഒരിക്കലും നിരാശരാക്കാത്ത എല്ലാ വിനോദ ഘടകങ്ങളും നിറഞ്ഞ ഒരു ഫാമിലി റിവഞ്ച് ത്രില്ലറാണ് ഗംബിനോസ്

Continue Reading

Updates

Latest News4 hours ago

രാജയുടെയും പിള്ളേരുടെയും എൻട്രി ട്രിപ്പിൾ സ്ട്രോങ്ങ് തന്നെ….! 13 ലക്ഷം കാഴ്ചക്കാരുമായി ടീസർ തരംഗം തുടരുന്നു

Latest News19 hours ago

റൗഡിബേബിക്ക് ചുവടുവെച്ച് നവ്യാനായരും…! സോഷ്യൽ മീഡിയകളിൽ തരംഗമായി വീഡിയോ…

gallery20 hours ago

വിനീത് ശ്രീനിവാസനും കുമ്പളങ്ങി നൈറ്റ്സിലൂടെ ശ്രദ്ധേയമായ മാത്യു തോമസും ഒന്നിക്കുന്ന തണ്ണീർമത്തൻ ദിനങ്ങൾ ഷൂട്ടിങ് ആരംഭിച്ചു…

gallery22 hours ago

മിയ ഖലീഫയുടെ വിവാഹ നിശ്ചയം കഴിഞ്ഞു…! ചിത്രങ്ങൾ കാണാം…!

gallery1 day ago

മോഹൻലാൽ നായകനായി ‘ദ കോമറേഡ്’ എന്ന ചിത്രം വരുന്നുണ്ടോ ??വൈറലായി ചിത്രങ്ങൾ

Latest News1 day ago

6 മണിക്ക് എത്തുന്ന രാജയോട് ഏറ്റുമുട്ടാൻ സ്റ്റീഫൻ നെടുമ്പള്ളി 9 മണിക്ക് എത്തുന്നു…

More Updates

Trending