മലയാളത്തിലെ സൂപ്പർ താര യുവനടന്മാരിൽ മുൻനിരയിൽ തന്നെയാണ് ദുൽഖർ സൽമാൻ സ്ഥാനം. മെഗാസ്റ്റാർ മമ്മൂട്ടിയുടെ പുത്രൻ എന്ന പരിവേഷത്തിന് അപ്പുറം ദുൽഖർ സൽമാൻ എന്ന നടനെയും താരത്തെയും തൻറെ കഴിവ് കൊണ്ടും പ്രയത്നം കൊണ്ടും പ്രേക്ഷക മനസ്സുകളിലേക്ക് എത്തിച്ചു എന്ന് തന്നെയാണ് ദുൽഖറിനെ വ്യത്യസ്തനാകുന്നത്. മലയാള താരം എന്നതിലുപരി ഒരു പാൻ ഇന്ത്യൻ സ്റ്റാർ എന്ന രീതിയിലേക്ക് ദുൽഖർ വളർന്നത് വളരെപ്പെട്ടെന്നാണ്. പ്രേക്ഷകരുടെ പ്രിയപ്പെട്ട DQ ആയി മാറിയിട്ട് ഇന്നത്തേക്ക് 10 വർഷങ്ങൾ കഴിയുന്നു. 2012 ഫെബ്രുവരി 3ന് ആണ് ആഘോഷങ്ങളും ആരവങ്ങളും ഇല്ലത്തെ ഒരു കൊച്ചു പരീക്ഷണ ചിത്രം എന്ന ലേബലിൽ സെക്കന്റ് ഷോ പുറത്തിറങ്ങിയത്. പിന്നീടുള്ള 10 വർഷങ്ങൾ നടനായും താരമായും പിന്നണി ഗായകൻ ആയും പ്രൊഡ്യൂസർ ആയും ദുൽഖർ മലയാള സിനിമയിൽ നിറഞ്ഞു നിൽക്കുന്നു.

2012-ൽ പുറത്തിറങ്ങിയ സെക്കന്റ് ഷോ എന്ന ചിത്രത്തിലൂടെയാണ് ചലച്ചിത്രരംഗത്തേക്ക് കടന്നുവരുന്നത്. അൻവർ റഷീദ് സംവിധാനം ചെയ്ത ഉസ്താദ് ഹോട്ടൽ ആണ് ദുൽഖറിന്റെ രണ്ടാമത്തെ ചിത്രം. നിത്യ മേനോന്‍,തിലകന്‍,ലെന,മാമുക്കോയ,സിദ്ധിഖ് എന്നിവരായിരുന്നു ചിത്രത്തിലെ മറ്റ് പ്രധാന അഭിനേതാക്കള്‍. അതേ വര്‍ഷ തന്നെ രൂപേഷ് പീതാംബരന്‍ സംവിധാനം ചെയത് തീവ്രം എന്ന ചിത്രത്തില്‍ അഭിനയിച്ചു. 2013ല്‍ എബിസിഡി,5 സുന്ദരികള്‍,നീലാകാശം പച്ചക്കടല്‍ ചുവന്ന ഭൂമി,പട്ടം പോലെ എന്നീ ചിത്രങ്ങളില്‍ അഭിനയിച്ചു.

2014ല്‍ സലാല മൊബൈല്‍സ്, സംസാരം ആരോഗ്യത്തിന് ഹാനികരം,ബാംഗ്ലൂര്‍ ഡെയ്‌സ്,കൂതറ, വിക്രമാദിത്യന്‍,മംഗ്ലീഷ്,ഞാന്‍ തുടങ്ങി നിരവധി ചിത്രങ്ങളില്‍ അഭിനയിച്ചു. അഞ്ജലി മേനോന്‍ സംവിധാനം ചെയ്ത ബാംഗ്ലൂര്‍ ഡെയ്‌സ്, ലാല്‍ ജോസ് സംവിധാനം ചെയ്ത വിക്രമാദിത്യന്‍ എന്നീ ചിത്രങ്ങളിലെ കഥാപാത്രത്തിന് മികച്ച പ്രതികരണമാണ് പ്രേക്ഷകരുടെ ഭാഗത്തുനിന്നും ലഭിച്ചത്. ഈ രണ്ടും ചിത്രങ്ങളും തിയേറ്ററുകളില്‍ നിന്നും മികച്ച വിജയമാണ് നേടിയത്.

2015ല്‍ 100 ഡെയ്‌സ് ഓഫ് ലവ്,കലി എന്നീ ചിത്രങ്ങളില്‍ അഭിനയിച്ചു.ചാർലി എന്ന ചിത്രത്തിലെ അഭിനയത്തിന് മികച്ച നടനുള്ള കേരളസംസ്ഥാന ചലച്ചിത്ര അവാർഡ് ലഭിച്ചു. 2016ല്‍ പുറത്തിറങ്ങിയ കമ്മട്ടിപ്പാടം,2017ല്‍ പുറത്തിറങ്ങിയ പറവ,2018ല്‍ പുറത്തിറങ്ങിയ മഹാനടി,അതേ വര്‍ഷം പുറത്തിറങ്ങിയ (കര്‍വാന്‍ ഹിന്ദി) തുടങ്ങിയ ചിത്രങ്ങള്‍ ദുല്‍ഖര്‍ സല്‍മാന്റെ അഭിനയജീവിതത്തിലെ മികച്ച ചിത്രങ്ങളാണ്. 2019 ഒരു എമണ്ടൻ പ്രേമകഥ, വരനെ ആവശ്യമുണ്ട് എന്നീ മലയാള ചിത്രങ്ങളും കണ്ണും കണ്ണും കൊള്ളയടിത്താൽ എന്ന തമിഴ് ചിത്രവും സോയ ഫാക്ടർ എന്ന ഹിന്ദി ചിത്രവും പുറത്തിറങ്ങി. കണ്ണും കണ്ണും കൊള്ളയടിത്താൽ എന്ന ചിത്രത്തിലൂടെ വമ്പൻ ജനപ്രീതിയാണ് സൗത്ത് ഇന്ത്യയിൽ ദുൽഖറിന് നേടിക്കൊടുത്തത്. മണിയറയിലെ അശോകൻ എന്ന ചിത്രത്തിലൂടെ പ്രൊഡക്ഷൻ രംഗത്തേക്ക് ദുൽഖർ ആ വർഷം തന്നെ തിരിഞ്ഞു. 2021 ദുൽഖർ പുതിയതായി പുറത്തുവന്ന ചിത്രമാണ് കുറുപ്പ്, ആദ്യം ഒ.ടി.ടി റിലീസായി പ്രഖ്യാപിച്ചെങ്കിലും പിന്നീട് ദുൽഖറിൻറെ പ്രത്യേക താൽപര്യാർത്ഥം തീയേറ്ററുകളിൽ ചിത്രം റിലീസ് ചെയ്യുകയായിരുന്നു, അടഞ്ഞുകിടന്ന തീയേറ്ററുകളിൽ വീണ്ടും ജനപ്രളയത്തിൽ ആഴ്ത്തി ആ വർഷത്തെ തന്നെ ഏറ്റവും വലിയ കളക്ഷൻ നേടിയ ചിത്രം എന്ന റെക്കോർഡ് ഇട്ടാണ് ചിത്രത്തിന്റെ പ്രദർശനം അവസാനിപ്പിച്ചത്. മലയാളത്തിലെ തന്നെ ഏറ്റവും വലിയ പണം വാരി ചിത്രങ്ങളുടെ പട്ടികയിലും കുറുപ്പ് ഇടം പിച്ചു. ഹേയ് സേനാമിക, സല്യൂട്ട് എന്നീ ഒരുപിടി ചിത്രങ്ങൾ ദുല്ഖറിന്റേതായി ഈ വർഷം റിലീസ് കാത്തു നിൽപ്പുണ്ട്.

മണി രത്നത്തിന്റെ “ഓ കാതൽ കണ്മണി ” എന്ന സിനിമയിലൂടെ ദുൽഖർ തമിഴ് സിനിമയിലും അരങ്ങേറ്റം നടത്തി.ഈ സിനിമയിലൂടെ ദുൽഖർ കേരളത്തിന്‌ പുറത്തും ശ്രദ്ധയും നിരൂപക പ്രശംസയും നേടിയിരുന്നു. 2012 ഡിസംബർ 22-ന് ചെന്നൈയിലെ വ്യവസായി സെയ്ദ് നിസാമുദ്ദിന്റെ മകൾ അമാൽ സൂഫിയയെ വിഹാഹം ചെയ്തു.

പുരസ്‌ക്കാരങ്ങള്‍

2012-ഏഷ്യാവിഷന്‍ അവാര്‍ഡ്-മികച്ച പുതുമുഖ നടന്‍-സെക്കന്റ് ഷോ
2013-ഏഷ്യാനെറ്റ് ഫിലിം അവാര്‍ഡ്-മികച്ച പുതുമുഖതാരം-സെക്കന്റ് ഷോ
2013-വനിത ഫിലിം അവാര്‍ഡ്-മികച്ച പുതുമുഖതാരം-സെക്കന്റ് ഷോ
2013-അമൃത ഫിലിം അവാര്‍ഡ്-മികച്ച പുതുമുഖതാരം-സെക്കന്റ് ഷോ
2013-ജയ്ഹിന്ദ് ഫിലിം അവാര്‍ഡ്-മികച്ച പുതുമുഖതാരം-സെക്കന്റ് ഷോ
2013-ഫിലിംഫെയര്‍ അവാര്‍ഡ്-മികച്ച നടന്‍-ഉസ്താദ് ഹോട്ടല്‍
2013-ഫിലിംഫെയര്‍ അവാര്‍ഡ്-മികച്ച പുതുമുഖതാരം-ഉസ്താദ് ഹോട്ടല്‍
2013-സൗത്ത് ഇന്ത്യന്‍ ഇന്റര്‍നാഷണല്‍ മൂവി അവാര്‍ഡ്-മികച്ച പുതുമുഖതാരം-സെക്കന്റ് ഷോ
2013-ഏഷ്യാവിഷന്‍ അവാര്‍ഡ്-പെര്‍ഫോമര്‍ ഓഫ് ദി ഇയര്‍-

2014-ഏഷ്യാനെറ്റ് ഫിലിം അവാര്‍ഡ്-സ്റ്റാര്‍ ഓഫ് ദി ഇയര്‍
2014-ഏഷ്യാവിഷന്‍ അവാര്‍ഡ്-യൂത്ത് ഐക്കണ്‍

2015-ഫിലിംഫെയര്‍ അവാര്‍ഡ്-മികച്ച പുതുമുഖം-ഞാന്‍
2015-രാമു കാര്യാട്ട് മൂവി അവാര്‍ഡ്-മികച്ച നടന്‍-ഞാന്‍
2015-സൗത്ത് ഇന്ത്യന്‍ ഇന്റര്‍നാഷണല്‍ മൂവി അവാര്‍ഡ്-മികച്ച പുതുമുഖതാരം
2015-തിക്കുറിശ്ശി അവാര്‍ഡ്-മികച്ച നടന്‍-ഞാന്‍, ബാംഗ്ലൂര്‍ ഡെയ്‌സ്
2015-വനിത ഫിലിം അവാര്‍ഡ്‌-മികച്ച ജോഡി-വിക്രമാദിത്യന്‍
2015-ഏഷ്യാവിഷന്‍ അവാര്‍ഡ്-പെര്‍ഫോമര്‍ ഓഫ് ദി ഇയര്‍

2016-ഏഷ്യാനെറ്റ് ഫിലിം അവാര്‍ഡ്-പെര്‍ഫോമര്‍ ഓഫ് ദി ഇയര്‍
2016-ഫിലിംഫെയര്‍ അവാര്‍ഡ്-ജനപ്രിയ നടന്‍-ചാര്‍ലി
2016-കേരള സംസ്ഥാന ഫിലിം അവാര്‍ഡ്-മികച്ച നടന്‍-ചാര്‍ലി
2016-സൗത്ത് ഇന്ത്യന്‍ ഇന്റര്‍നാഷണല്‍ മൂവി അവാര്‍ഡ്-മികച്ച പിന്നണി ഗായകന്‍-ചാര്‍ലി

2017-ഏഷ്യാനെറ്റ് ഫിലിം അവാര്‍ഡ്-മികച്ച നടന്‍-കമ്മട്ടിപ്പാടം-കലി
2017-64ാമത് ഫിലിംഫെയര്‍ അവാര്‍ഡ് സൗത്ത്-മികച്ച നടന്‍-കമ്മട്ടിപ്പാടം,കലി
2017-സൗത്ത് ഇന്ത്യന്‍ ഇന്റര്‍നാഷണല്‍ മൂവി അവാര്‍ഡ്-മികച്ച നടന്‍-കമ്മട്ടിപ്പാടം
2017-ഏഷ്യാവിഷന്‍ അവാര്‍ഡ്-മികച്ച നടന്‍-സോളോ,സിഐഎ,പറവ

2018-ഏഷ്യാനെറ്റ് ഫിലിം അവാര്‍ഡ്-ഗോള്‍ഡന്‍ സ്റ്റാര്‍-സോളോ,പറവ,ജോമോന്റ് സുവിശേഷങ്ങള്‍
2018-നോര്‍ത്ത് അമേരിക്കന്‍ ഫിലിം അവാര്‍ഡ്-പോപ്പുലര്‍ അവാര്‍ഡ്-സോളോ,പറവ,ജോമോന്റ് സുവിശേഷങ്ങള്‍
2018-വനിത ഫിലിം അവാര്‍ഡ്-ജനപ്രിയ നടന്‍-സോളോ,പറവ,ജോമോന്റ് സുവിശേഷങ്ങള്‍,സിഐഎ