Film News
ഇത് വായിച്ച് സിനിമ കണ്ടാൽ വേറെ ലെവൽ അനുഭവം ! പുസ്തകം വായിക്കാത്തവർ വിഷമിക്കണ്ട ! പൊന്നിയിയിൻ സെൽവൻ കഥാപാത്രങ്ങൾ ഇങ്ങനെ
ഇത് വായിച്ച് സിനിമ കണ്ടാൽ വേറെ ലെവൽ അനുഭവം ! പുസ്തകം വായിക്കാത്തവർ വിഷമിക്കണ്ട ! പൊന്നിയിയിൻ സെൽവൻ കഥാപാത്രങ്ങൾ ഇങ്ങനെ
മണിരത്നത്തിന്റെ സംവിധാനത്തിൽ ഒരുങ്ങിയ പൊന്നിയിൻ സെൽവൻ കഴിഞ്ഞ ദിവസമാണ് തിയറ്ററുകളിൽ എത്തിയത്. 1954ൽ കൽകി രചിച്ച ഇതിഹാസ നോവലിനെ അടിസ്ഥാനപ്പെടുത്തിയാണ് ചിത്രം ഒരുങ്ങിയത്. തമിഴ് ജനതക്ക് ഏറെ സുപരിചിതമായ കഥിപരിസരങ്ങൾ മലയാളത്തിൽ പ്രേക്ഷകർക്ക് മുന്നിൽ എത്തിയപ്പോൾ കഥയും കഥാപാത്രങ്ങളും ഉൾക്കൊള്ളുന്നതിൽ പലർക്കും ആശയ കുഴപ്പങ്ങൾ സംഭവിച്ചിരുന്നു. എന്നാൽ ചിത്രത്തിലെ കഥാപാത്രങ്ങളെ കുറിച്ച് ഒരു ഏകദേശ ധാരണ ലഭിച്ചാൽ മികച്ച ഒരു സിനിമ അനുഭവം തന്നെയായിരിക്കും പ്രേക്ഷകർക്ക് ലഭിക്കുക.
പൊനിയിൻ സെൽവൻ കാണാൻ പോകുന്നവർ ഇതൊന്നു മനസിൽ വച്ചോ, ആര് ആരൊക്കെ മുതലായ ചോദ്യങ്ങൾക്ക് ഉത്തരം കിട്ടിയേക്കും. ചെറിയ സ്പോയ്ലർ കണ്ടേക്കാം.
സുന്ദര ചോളർ : (പ്രകാശ് രാജ്): ചോള രാജ്യത്തിൻ്റെ ഇപ്പോഴത്തെ ചക്രവർത്തി. കണ്ഠരാദിത്യ ചോളരുടെ സഹോദരൻ അരിഞ്ജയൻ്റെ പുത്രൻ.കണ്ഠരാദിത്യ ചോളർ മരിക്കുമ്പോൾ മകൻ മധുരാന്തകന് ഒരു വയസ് മാത്രം. അതിനാൽ സഹോദരൻ അരിഞ്ജയൻ ചക്രവർത്തിയായി. അരിഞ്ജയൻ അധികം വൈകാതെ കാലം ചെയ്തതിനാൽ സുന്ദര ചോളൻ സിംഹാസനം ഏറി. ഭാര്യ വാനമാ ദേവി.
മൂന്നു മക്കൾ …
1. അദിത്യകരികാലൻ (വിക്രം) :അടുത്ത കിരീടാവകാശിയായി അഭിഷേകം ചെയ്ത മൂത്ത പുത്രൻ.
2. കുന്ദവൈ (തൃഷ): മകൾ, വന്ദിയതേവനെ പ്രണയിക്കുന്നു. പഴയാറ കൊട്ടാരത്തിൽ വാഴുന്നു.
3. അരുൾമൊഴി വർമൻ (ജയം രവി) : പൊന്നിയിൻ സെൽവൻ എന്നറിയപ്പെടുന്ന ഇളയരാജകുമാരൻ. ലങ്കയിൽ മഹിന്ദ രാജാവിനോട് എതിരിടുന്നു.
സെമ്പിയൻ മഹാദേവി (ജയചിത്ര) : സുന്ദര ചോളരുടെ വലിയച്ഛൻ കണ്ഢരാദിത്യ ചോളരുടെ ഭാര്യ. മകൻ മധുരാന്തക ദേവൻ.
മധുരാന്തകൻ (റഹ്മാൻ) : കണ്ഠര്യദിത്യരുടെയും സെമ്പിയൻ മഹാദേവിയുടെയും മകൻ. അച്ഛൻ്റെ ആഗ്രഹപ്രകാരം ശിവഭക്തനായി വളർന്ന അയാൾക്ക് ഭരണത്തിലോ യുദ്ധത്തിലോ പ്രാവീണ്യമില്ല. പക്ഷേ ശരിക്കും കിരീടാവകാശം അയാൾക്കാണ്. ഇപ്പോൾ സിംഹാസനം കൈവശപ്പെടുത്തണം എന്ന് ആഗ്രഹിക്കുന്നു.
തിരുകോവിലൂർ മലയമാൻ (ലാൽ) : സുന്ദര ചോളരുടെ ഭാര്യ വാനമാ ദേവിയുടെ അച്ഛൻ. കരികാലൻ സിംഹാസനത്തിൽ ഇരിക്കണം എന്ന് ഏറ്റവും ആഗ്രഹിക്കുന്നയാൾ.
ഇത് കൂടാതെ രാജ്യം നിയന്ത്രിക്കുന്ന ഏഴെട്ട് രാജകുടുംബങ്ങൾ കൂടിയുണ്ട്. അതിൽ ഏറ്റവും പ്രധാനം
പഴുവേട്ടരയർ കുടുംബം :
ജ്യേഷ്ഠൻ വലിയ പഴുവേട്ടരയർ (ശരത്കുമാർ): തഞ്ചാവൂർ കോട്ട വാഴും ധനാധികാരി. പ്രായമായെങ്കിലും വീറുള്ള യോദ്ധാവ്. പ്രായമായ കാലത്ത് നന്ദിനിയെ വിവാഹം ചെയ്തു. തഞ്ചൈയിൽ സുന്ദര ചോളനെ വീട്ടുതടങ്കലിൽ എന്നപോലെ പാർപ്പിക്കുന്നതിനാൽ ജനങ്ങൾക്ക് അത്ര പ്രിയങ്കരനല്ല.
ചെറിയ പഴുവേട്ടരയർ (പാർത്ഥിപൻ): തഞ്ചാവൂർ കോട്ടയുടെ രക്ഷാധികാരി. വീരൻ. ജ്യേഷ്ഠൻ പറയുന്നത് വേദവാക്യം. പക്ഷേ നന്ദിനി ജ്യേഷ്ഠനെ വഴിതെറ്റിക്കുന്നു എന്ന് സംശയം. ഇദ്ദേഹത്തിൻ്റെ മകളാണ് മധുരാന്തകൻ്റെ ഭാര്യ.
നന്ദിനി (ഐശ്വര്യ റായ്) : പഴുവൂർ വലിയ റാണി. പഴുവൂർ അരയനെ കൈപ്പാവയാക്കിയവൾ. ബാക്കി കണ്ടറിയുന്നതാണ് ഭംഗി.
കൊടുമ്പാളൂർ കുടുംബം
കൊടുമ്പാളൂർ വലിയ വേളാർ ഭൂതിവിക്രമ കേസരി (പ്രഭു) : ലങ്കയിൽ അരുൾ മൊഴിയോടൊത്ത് യുദ്ധം ചെയ്യുന്നു. അരുൾ മൊഴിക്ക് സിംഹാസനം ആഗ്രഹിക്കുന്നു. കാരണം താഴെ.
വാനതി (ശോഭിത) : വലിയ വേളാരുടെ ലങ്കയിൽ വച്ച് മരണപ്പെട്ട സഹോദരൻ്റെ പുത്രി. കുന്ദവയുടെ തോഴി. അവൾക്കൊപ്പം പഴയാറയിൽ താമസം. അരുൾ മൊഴിയുടെ പ്രണയിനി. ഇവൾ രാജ്ഞിയായാൽ കൊടുമ്പാളൂർ കുടുംബവും വലിയവേളാരും പഴുവേട്ടരയറെക്കാൾ സിംഹാസനത്തോട് അടുക്കും.
ശംഭുവരയർ കുടുംബം.
ശംഭുവരയർ (നിഴൽഗൾ രവി), മകൻ കന്തൽമാരൻ, മകൾ മണിമേഖല.
മണിമേഖല ആദിത്യ കരികാലനെ വിവാഹം കഴിക്കുമെന്നും തങ്ങളുടെ കുടുംബം അധികാരം നേടുമെന്നും ശംഭുവരയൻ കരുതുന്നു. പക്ഷേ ഇപ്പോൾ പഴുവൂർ കുടുംബത്തിനൊപ്പമാണ്.
വാണർ കുലം.
ഇവിടെ വല്ലവരയൻ വന്ദിയതേവൻ (കാർത്തി) മാത്രമേ ബാക്കിയുള്ളൂ. കരികാലൻ്റെയും അരുൾ മൊഴിയുടെയും ആത്മമിത്രം. കുന്ദവൈ യെ പ്രണയിക്കുന്നു.
പല്ലവർ
ഒരു കാലത്ത് ചോളരുടെ ശത്രുക്കളായിരുന്ന പല്ലവകുമാരൻ പാർത്ഥിപേന്ദ്രൻ (വിക്രം പ്രഭു). ഇപ്പോൾ കരികാലൻ്റെ അടുത്ത സുഹൃത്ത്.
ഇതിനിടയിൽ ചരടുവലിക്കുന്ന രണ്ട് പേർ:
അനിരുദ്ധ ബ്രഹ്മരായർ (മോഹൻ രാമൻ): സൂത്രശാലിയായ പ്രഥമ മന്ത്രി.
ആൾവാർ കടിയൻ നമ്പി (ജയറാം): ചാരൻ. നന്ദിനിക്കൊപ്പം വളർന്ന സഹോദര തുല്യൻ.
ചേന്ദൻ അമുദൻ (അശ്വിൻ), പൂങ്കുഴലി (ഐശ്വര്യ ലക്ഷ്മി) എന്നിവർക്ക് രണ്ടാം ഭാഗത്തിലേ പ്രാധാന്യം ഉള്ളൂ. അതുപോലെ രവി ദാസൻ(കിഷോർ) മറ്റ് പാണ്ഡ്യ രാജവംശജരും ചോള സാമ്രാജ്യം എങ്ങിനെയും നശിച്ച് കാണാൻ ആഗ്രഹിക്കുന്നവരാണ്.
Film News
മീര ജാസ്മിനും നരേനും ഒന്നിച്ചെത്തിയ ‘ക്യൂൻ എലിസബത്ത്’ ഫെബ്രുവരി 14 മുതൽ ‘Zee5’ൽ !
മീര ജാസ്മിനും നരേനും ഒന്നിച്ചെത്തിയ ‘ക്യൂൻ എലിസബത്ത്’ ഫെബ്രുവരി 14 മുതൽ ‘Zee5’ൽ !
മീരാ ജാസ്മിൻ, നരേൻ എന്നിവരെ കേന്ദ്ര കഥാപാത്രങ്ങളാക്കി എം പത്മകുമാർ സംവിധാനം ചെയ്ത ‘ക്യൂൻ എലിസബത്ത്’ ഒടിടി റിലീസിനൊരുങ്ങുന്നു. ജന മനസ്സുകളിൽ സ്വീകാര്യത നേടിയെടുത്ത ഒടിടി പ്ലാറ്റ് ഫോമായ ‘Zee5’ലൂടെ പ്രേക്ഷകരുടെ സ്വീകരണ മുറിയിലേക്ക് ‘ക്യൂൻ എലിസബത്ത്’ എത്തുന്നു. ഫെബ്രുവരി 14ന് സ്രീമിങ്ങ് ആരംഭിക്കുന്ന ചിത്രത്തിന്റെ ഒടിടി അവകാശം ‘Zee5’ആണ് സ്വന്തമാക്കിയിരിക്കുന്നത്.
ട്രൈലെർ :
https://f.io/VIfLg-ng
കുടുംബ പ്രേക്ഷകരെ ആകർഷിക്കുന്ന വിധത്തിൽ റൊമാൻറിക് കോമഡി എന്റർടെയിനറായ് ഒരുക്കിയ ചിത്രം ഡിസംബർ 29നാണ് തിയറ്റർ റിലീസ് ചെയ്തത്. ‘വെള്ളം’, ‘അപ്പൻ’, ‘പടച്ചോനെ ഇങ്ങള് കാത്തോളി’ എന്നീ ചിത്രങ്ങളുടെ നിർമ്മാതാവായ രഞ്ജിത്ത് മണമ്പ്രക്കാട്ട്, ബ്ലൂ മൗണ്ട് പ്രൊഡക്ഷൻസിൻറെ ബാനറിൽ എം പത്മകുമാർ, ശ്രീറാം മണമ്പ്രക്കാട്ട് എന്നിവരുമായ് ചേർന്ന് നിർമ്മിച്ച ചിത്രത്തിന് അർജുൻ ടി സത്യന്റെതാണ് തയ്യാറാക്കിയത്.
ശ്വേതാ മേനോൻ, രമേശ് പിഷാരടി, വി കെ പ്രകാശ്, രഞ്ജി പണിക്കർ, ജോണി ആന്റണി, മല്ലികാ സുകുമാരൻ, ജൂഡ് ആന്റണി ജോസഫ്, ആര്യ ബഡായി ബംഗ്ലാവ്, ശ്രുതി രജനികാന്ത്, പേളി മാണി, സാനിയ ബാബു, നീനാ കുറുപ്പ്, മഞ്ജു പത്രോസ്, വിനീത് വിശ്വം, രഞ്ജി കാങ്കോൽ, ചിത്രാ നായർ തുടങ്ങി ഒട്ടനവധി താരങ്ങളാണ് ചിത്രത്തിൽ അണിനിരന്നിരിക്കുന്നത്. കൊച്ചി, കുട്ടിക്കാനം, കോയമ്പത്തൂർ എന്നിവിടങ്ങളായിരുന്നു പ്രധാന ലൊക്കേഷനുകൾ.
ഛായാഗ്രഹണം: ജിത്തു ദാമോദർ, ചിത്രസംയോജനം: അഖിലേഷ് മോഹൻ, സംഗീതം: രഞ്ജിൻ രാജ്, ഗാനരചന: ഷിബു ചക്രവർത്തി, അൻവർ അലി, സന്തോഷ് വർമ്മ, ജോ പോൾ, കലാസംവിധാനം: എം ബാവ, ചീഫ് അസ്സോസിയേറ്റ് ഡയറക്ടർ: ഉല്ലാസ് കൃഷ്ണ, വസ്ത്രാലങ്കാരം: ആയീഷാ ഷഫീർ സേട്ട്, മേക്കപ്പ്: ജിത്തു പയ്യന്നൂർ, പ്രൊഡക്ഷൻ കൺട്രോളർ: ശിഹാബ് വെണ്ണല, സ്റ്റിൽസ്: ഷാജി കുറ്റികണ്ടത്തിൽ, പ്രൊമോ സ്റ്റിൽസ്: ഷിജിൻ പി രാജ്, പോസ്റ്റർ ഡിസൈൻ: മനു, ഡിജിറ്റൽ മാർക്കറ്റിങ്ങ്: വിഷ്ണു സുഗതൻ, പിആർഒ: ശബരി.
Film News
കേരളത്തിൽ തരംഗമായ് പ്രശാന്ത് വർമ്മ-തേജ സജ്ജ ചിത്രം ‘ഹനു-മാൻ’ !
കേരളത്തിൽ തരംഗമായ് പ്രശാന്ത് വർമ്മ-തേജ സജ്ജ ചിത്രം ‘ഹനു-മാൻ’ !
തേജ സജ്ജയെ നായകനാക്കി പ്രശാന്ത് വർമ്മ തിരക്കഥയെഴുതി സംവിധാനം ചെയ്ത പാൻ ഇന്ത്യ ചിത്രം ‘ഹനു-മാൻ’ കേരളത്തിൽ തരംഗം സൃഷ്ടിച്ച്, മികച്ച അഭിപ്രായങ്ങളോടെ പ്രദർശനം തുടരുകയാണ്. 40 തിയറ്ററുകളിലൂടെ റിലീസ് ചെയ്ത ചിത്രത്തിന് പ്രേക്ഷകരിൽ നിന്നും ഗംഭീര റെസ്പോൺസ് ലഭിച്ചതോടെ വരുന്ന വെള്ളിയാഴ്ച മുതൽ 40ൽ നിന്ന് മാറി 100 സെന്ററുകളിലൂടെ ചിത്രം പ്രദർശനത്തിനെത്തും. മുതിർന്നവർക്കും കുട്ടികൾക്കും ഒരുപോലെ ആസ്വദിക്കാവുന്ന വിധത്തിൽ ഒരുക്കിയ ഈ ചിത്രം തെലുങ്ക്, ഹിന്ദി, മറാത്തി, കന്നഡ, തമിഴ്, മലയാളം, ഇംഗ്ലീഷ്, സ്പാനിഷ്, കൊറിയൻ, ചൈനീസ്, ജാപ്പനീസ് തുടങ്ങി നിരവധി ഇന്ത്യൻ ഭാഷകളിലായ് ജനുവരി 12നാണ് തിയറ്റർ റിലീസ് ചെയതത്. ചിത്രത്തിന്റെ കേരളത്തിലെ പ്രദർശനാവകാശം ശ്രീ ഗോകുലം മൂവീസിന്റെ ബാനറിൽ ശ്രീ ഗോകുലം ഗോപാലനാണ് സ്വന്തമാക്കിയത്. ഡിസ്ട്രിബ്യൂഷൻ പാർട്ണർ ഡ്രീം ബിഗ് ഫിലിംസ്. അമൃത അയ്യർ നായികയായും വിനയ് റായ് പ്രതിനായകനായും എത്തിയ ചിത്രത്തിലെ മറ്റൊരു സുപ്രധാന കഥാപാത്രത്തെ അവതരിപ്പിച്ചത് വരലക്ഷ്മി ശരത്കുമാറാണ്. ഗെറ്റപ്പ് ശ്രീനു, സത്യ, രാജ് ദീപക് ഷെട്ടി തുടങ്ങിയവരും ചിത്രത്തിലുണ്ട്.
ഇന്ത്യൻ പുരാണങ്ങളിലെ ശക്തമായ കഥാപാത്രങ്ങളിലൂടെ പ്രചോദനം ഉൾക്കൊണ്ട് സൂപ്പർഹീറോകളെക്കുറിച്ച് ഒരു സിനിമാറ്റിക് വേൾഡ് നിർമ്മിക്കാനുള്ള ശ്രമത്തിലാണ് ക്രിയേറ്റീവ് ഡയറക്ടർ പ്രശാന്ത് വർമ്മ. അതിലെ ആദ്യഭാഗമായ ‘ഹനു-മാൻ’ സൂപ്പർഹീറോ ഹനുമാനെ കേന്ദ്രീകരിച്ച്, ‘അഞ്ജനാദ്രി’ എന്ന സാങ്കൽപ്പിക സ്ഥലത്താണ് പ്രധാനമായും സജ്ജീകരിച്ചത്. ട്രെയിലറിന് മികച്ച പ്രതികരണം ലഭിച്ചതോടെ പ്രേക്ഷകർ പ്രതീക്ഷയോടെ കാത്തിരുന്ന സിനിമയാണിത്. ‘ശ്രീരാമദൂത സ്തോത്രം’, ‘ആവക്കായ ആഞ്ജനേയ’, ‘പവർഫുൾ ഹനുമാൻ’, ‘സൂപ്പർ ഹീറോ ഹനുമാൻ’ തുടങ്ങി ചിത്രത്തിലെ നാല് ഗാനങ്ങൾ ഇതിനോടകം പുറത്തുവിട്ടിട്ടുണ്ട്.
ശ്രീമതി ചൈതന്യ അവതരിപ്പിക്കുന്ന ഈ ചിത്രം പ്രൈംഷോ എന്റർടെയ്ൻമെന്റിന്റെ ബാനറിൽ കെ നിരഞ്ജൻ റെഡ്ഡിയാണ് നിർമ്മിക്കുന്നത്. അസ്രിൻ റെഡ്ഡി എക്സിക്യൂട്ടീവ് പ്രൊഡ്യൂസറും വെങ്കട്ട് കുമാർ ജെട്ടി ലൈൻ പ്രൊഡ്യൂസറും കുശാൽ റെഡ്ഡി അസോസിയേറ്റ് പ്രൊഡ്യൂസറുമായ് എത്തുന്ന ചിത്രത്തിന്റെ പ്രൊഡക്ഷൻ ഡിസൈനർ ശ്രീനാഗേന്ദ്ര തങ്കാലയാണ്.
ഛായാഗ്രാഹണം: ദാശരധി ശിവേന്ദ്ര, ചിത്രസംയോജനം: സായിബാബു തലാരി, തിരക്കഥ: സ്ക്രിപ്റ്റ്സ്വില്ലെ, വസ്ത്രാലങ്കാരം: ലങ്ക സന്തോഷി, പിആർഒ: ശബരി.
Film News
ഗംഭീര അഭിപ്രായങ്ങളുമായി ഖൽബ്
ഗംഭീര അഭിപ്രായങ്ങളുമായി ഖൽബ്
കാലം പറയാത്ത കഥയോ കണ്ടു പഴകിയ കഥയോ അല്ല ഖൽബ്.. കണ്മുന്നിൽ കണ്ട ജീവിതങ്ങളുടെ നമ്മളോരുത്തരും അനുഭവിച്ചറിഞ്ഞ നിമിഷങ്ങളുടെ മികവാർന്ന ആവിഷ്ക്കാരമാണ്. സിനിമ കണ്ട് തീയറ്റർ വിടുന്ന പ്രേക്ഷകർ ഞങ്ങളെ അറിയിക്കുന്നത് അത്തരം മികച്ച അഭിപ്രായങ്ങൾ തന്നെ.. നിരൂപണ സ്വഭാവമല്ലാതെ ആസ്വാദനത്തിനായി സിനിമ തിരഞ്ഞെടുക്കുന്ന സാധാരണ പ്രേക്ഷകരാണ് ഖൽബിന്റെ വിജയം.. അതിലുപരി നിങ്ങൾ പ്രണയിച്ചവരാണെങ്കിൽ പ്രണയം ഉള്ളിൽ തോന്നിയവരാണെങ്കിൽ നിങ്ങളെ ഈ നിരാശരാക്കില്ല എന്നത് ഞങ്ങളുടെ ഉറപ്പാണ്.
-
Songs5 months ago
കാവാലയെ വെല്ലുന്ന ഐറ്റം ! ദിലീപും തമന്നയും തകർത്താടിയ ബാന്ദ്രയിലെ രക്ക രക്ക ഗാനം പുറത്തിറങ്ങി ! സൗത്ത് ഇന്ത്യക്കിനി പുതിയ വൈറൽ
-
Film News2 years ago
18 വർഷമായി ലാൽ ഫാൻ, ആറാട്ടിനൊടുവിൽ അവസാനം മോഹൻലാൽ അപമാനിച്ചു- സന്തോഷ് വർക്കി
-
Video2 years ago
ഞാൻ പത്ത് പെണ്ണുങ്ങളുമായി സെക്സ് ചെയ്തിട്ടുണ്ട്,താല്പര്യമുള്ളവരോട് ഇനിയും ചോദിക്കും- വിനായകൻ
-
Film News2 years ago
ഹലോ മായാവി നടാക്കാതെ പോയതിന് കാരണം ഇതായിരുന്നു. ചിത്രത്തിന്റെ വൺലൈൻ ഇങ്ങനെ
-
Film News2 years ago
കലക്കൻ പ്രേമവുമായി നിമിഷയും റോഷനും ! ഞെരിപ്പൻ മാസ്സുമായി ബിജു മേനോനും പത്മപ്രിയയും ! ഈ ഓണം ഒരൊന്നൊന്നര ഓണം ആവും
-
Film News2 years ago
എട്ടു നിലയിൽ പൊട്ടാനുള്ള ഭാഗ്യമുണ്ടാവട്ടെ, നാളെ ഇവിടെത്തന്നെ കാണണം ! മറുപടിയുമായി മാല പാർവ്വതി
-
Film News2 years ago
ഊക്കലും ഉപദേശവും ഒരുമിച്ച് വേണ്ട, നാരദൻ കണ്ട രശ്മി ആഷിക്ക് അബുവിനോട്
-
Trailer and Teaser2 years ago
ഞെട്ടിച്ച് അനശ്വര രാജൻ ! ജോൺ എബ്രഹാം നിർമിക്കുന്ന ആദ്യ ചിത്രം മൈക്ക് ട്രെയ്ലർ പുറത്തിറങ്ങി