Connect with us

Reviews

ഒരൽപം കണ്ണീരില്ലാതെ ഈ ചിത്രം കണ്ടിറങ്ങാനാകില്ല ! ചാലക്കുടിക്കാരൻ ചങ്ങാതി റിവ്യൂ വായിക്കാം

Published

on

ഒരൽപം കണ്ണീരില്ലാതെ ഈ ചിത്രം കണ്ടിറങ്ങാനാകില്ല ! ചാലക്കുടിക്കാരൻ ചങ്ങാതി റിവ്യൂ വായിക്കാം

സിനിമയെ വെല്ലുന്ന ജീവിതമാണ് മലയാളികളുടെ പ്രിയപ്പെട്ട കലാഭവൻ മണിയുടെ ജീവിതം. നിറഞ്ഞ ചിരിയും ഉള്ളിലെ നന്മയെയും ഓരോ മലയാളികൾക്ക് ഏറെ പ്രിയപ്പെട്ടതാണ്.ആ ചിരി മാഞ്ഞ് രണ്ട് വർഷം തികയുമ്പോളാണ് കലാഭവൻ മണിയുടെ ഗുരു വിനയൻ ശിഷ്യന് ആദരവായി ചാലക്കുടിക്കാരൻ ചങ്ങാതി ഒരുക്കുന്നത്.

മലയാളികൾക്ക് ഏറെ പ്രീയപ്പെട്ട നടനും അതുപോലെ മനുഷ്യ സ്നേഹിയുമായിരുന്നു കലാഭവൻ മണി. ഒരുപാട് കഷ്ടപാടുകൾക്കിടയിൽ നിന്നും നാടൻ പാട്ടും മിമിക്രിയുമായി സിനിമയിൽ എത്തുകയും ദേശീയ തലത്തിൽ വരെ ശ്രദ്ധ നേടിയ പ്രകടനകളുമായി തെന്നിന്ത്യൻ സിനിമയിലെ എണ്ണം പറഞ്ഞ നടൻമാരിൽ ഒരാളുമായി തീർന്ന കലാഭവൻ മണി ഇന്ന് മലയാളികളുടെ മനസ്സിൽ ഒരു വിങ്ങലായി നിൽക്കുന്നുണ്ട്. അദ്ദേഹത്തിന്റെ ജീവിത കഥയാണ് ഈ ചിത്രം നമ്മുടെ മുന്നിൽ അവതരിപ്പിക്കുന്നത്. സിനിമാ നടൻ ആകുന്നതിന് മുൻപും ശേഷവും ഉള്ള കലാഭവൻ മണിയുടെ ജീവിതം ആണ് ഈ ചിത്രത്തിലൂടെ നമ്മുടെ മുന്നിൽ എത്തിച്ചിരിക്കുന്നത്. അദ്ദേഹത്തിന്റെ മരണം വരെയുള്ള കാര്യങ്ങൾ ഈ ചിത്രത്തിലൂടെ നമ്മുടെ മുന്നിൽ അവതരിപ്പിച്ചിട്ടുണ്ട്..

കലാഭവൻ മണിയായി രാജാമണി എന്ന നടൻ നൽകിയത് അവിസ്മരണീയ പ്രകടനം ആണ്. രാജാമണി എന്ന നടന്റെ പ്രതിഭ മുഴുവൻ ഓരോ പ്രേക്ഷകനും മനസ്സിലാക്കി കൊടുത്ത തരത്തിലുള്ള ഒരു പ്രകടനമായിരുന്നു അദ്ദേഹം കാഴ്ച വെച്ചത്. ശരീര ഭാഷ കൊണ്ട് അദ്ദേഹം കലാഭവൻ മണിക്ക് പകർന്നു കൊടുത്ത പൂർണ്ണത ഞെട്ടിക്കുന്നതായിരുന്നു. വളരെ പക്വതയോടെയും, എന്നാൽ പ്രേക്ഷകരുടെ മനസ്സിൽ തിളങ്ങി നിൽക്കുന്ന കലാഭവൻ മണിയുടെ രൂപവും ഭാവവും ചലനവുമെല്ലാം വിസ്മയിപ്പിക്കുന്ന സ്വാഭാവികതയോടെയും അവതരിപ്പിച്ചു രാജാമണി. മറ്റു കഥാപാത്രങ്ങളെ അവതരിപ്പിച്ച ധർമജൻ ബോൾഗാട്ടി, വിഷ്ണു , ശ്രീകുമാർ, കലാഭവൻ സിനാജ്, രമേശ് പിഷാരടി, ജോജു ജോർജ്, സലിം കുമാർ, കോട്ടയം നസീർ, ഹണി റോസ്, സുധീർ കരമന എന്നിവരും മറ്റു നടീനടന്മാരും തങ്ങളുടെ ഭാഗങ്ങൾ ഏറ്റവും നന്നായി തന്നെ ചെയ്തു.

പ്രകാശ് കുട്ടി ഒരുക്കിയ ദൃശ്യങ്ങൾ ആയിരുന്നു ഈ ചിത്രത്തിന്റെ മികവുകളിലൊന്ന്. വളരെയധികം മികച്ചു നിൽക്കുന്ന ദൃശ്യങ്ങളാണ് ഈ ക്യാമറാമാൻ ഒരുക്കിയത്. ചിത്രത്തിന്റെ മൂഡ് മുഴുവൻ പ്രേക്ഷകരിലേക്ക് എത്തിക്കുന്നതിൽ അദ്ദേഹമൊരുക്കിയ ദൃശ്യങ്ങളും അതോടൊപ്പം ബിജിപാൽ, സതീഷ് എന്നിവർ ചേർന്നൊരുക്കിയ സംഗീതവും വളരെയധികം സഹായിച്ചു എന്ന് പറയാം. കലാഭവൻ മണിയുടെ ഗാനങ്ങളും ഈ ചിത്രത്തിൽ ഉൾപ്പെടുത്തിയിട്ടുണ്ട് . അഭിലാഷ് വിശ്വനാഥ് കൈകാര്യം ചെയ്ത എഡിറ്റിംഗ് വിഭാഗവും മികച്ചു നിന്നു. ഒരിക്കലും പ്രേക്ഷകനെ മുഷിപ്പിക്കാതെ രീതിയിൽ ചിത്രത്തിന്റെ ഒഴുക്കിനെ നിയന്ത്രിക്കാൻ സംവിധായകനെ സഹായിച്ചത് എഡിറ്റിംഗ് മികവാണ്.

മണിയെ സ്നേഹിക്കുന്ന സിനിമയെ സ്നേഹിക്കുന്ന ആർക്കും ഒരൽപം കണ്ണീരില്ലാതെ മണിയെ സ്നേഹിച്ച പ്രേക്ഷകർക്ക് ഈ ചിത്രം കണ്ടിറങ്ങാനാകില്ല….

Continue Reading

Latest News

കോമഡി വിരുന്നുമായി ‘ജനമൈത്രി’…! റിവ്യൂ വായിക്കാം

Published

on

കോമഡി വിരുന്നുമായി ‘ജനമൈത്രി’…! റിവ്യൂ വായിക്കാം ഫ്രൈഡേ ഫിലിം ഹൗസ് എക്‌സിപിരിമെന്റ്‌സിന്റെ ബാനറില്‍ പുറത്തിറങ്ങുന്ന ആദ്യ ചിത്രമാണ് ജനമൈത്രി. അടി കപ്യാരെ കൂട്ടമണി, മങ്കിപെന്‍, അങ്കമാലി ഡയറീസ്, ആട്, ആട് 2, ജൂണ്‍ എന്നീ ചിത്രങ്ങള്‍ക്ക് ശേഷം ഫ്രൈഡേ ഫിലിം ഹൗസ് പുറത്തിറക്കുന്ന ചിത്രം ജോണ്‍ മന്ത്രിക്കല്‍ ആണ് സംവിധാനം ചെയ്തിരിക്കുന്നത്.ആന്‍ മരിയ കലിപ്പിലാണ്, അലമാര, അര്‍ജന്റീന ഫാന്‍സ് കാട്ടൂര്‍കടവ് എന്നീ ചിത്രങ്ങളുടെ തിരക്കഥയൊരുക്കിയ ജോണ്‍ മന്ത്രിക്കല്‍ ആദ്യമായി സംവിധാനം ചെയ്യുന്ന ചിത്രമാണിത്.സൈജു കറുപ്പ്, സാബുമോന്‍, ഇന്ദ്രന്‍സ്, വിജയ് ബാബു എന്നിവരാണ് ജനമൈത്രിയിലെ കേന്ദ്രകഥാപാത്രങ്ങളെ അവതരിപ്പിക്കുന്നത് പാരമേട് ഉള്ള ഒരു ജനമത്രി പോലീസ് സ്റ്റേഷനെ ചുറ്റിപ്പറ്റിയാണ് ഈ ചിത്രത്തിന്റെ കഥ വികസിക്കുന്നത്. അവിടുത്തെ എസ് ഐ ആയി എത്തുന്ന ഷിബു എന്ന കഥാപാത്രത്തെ അവതരിപ്പിക്കുന്ന ഇന്ദ്രന്സിന്റെയും കോൺസ്റ്റബിൾ ആയി എത്തുന്ന സാബുമോന്റെയും ജീവിതത്തിൽ നടക്കുന്ന ചില സംഭവ വികാസങ്ങളുടെ രസകരമായ ആവിഷ്ക്കാരമാണ് ജനമൈത്രി.വളരെ രസകരമായാണ് ചിത്രത്തിന്റെ കഥയുടെ സഞ്ചാരം,പ്രേക്ഷകനെ ഒരു നിമിഷം പോലും മടുപ്പിക്കാതെ ഹാസ്യത്തിന്റെ അകമ്പടിയോടു കൂടിയാണ് ചിത്രം പോകുന്നത്. വലിയ താര നിരകൾ ഒന്നുമില്ലെങ്കിലും പ്രേക്ഷകനെ മടുപ്പിക്കാത്ത മനോഹര ചിത്രമാണ് ജനമൈത്രി.ഇന്ദ്രൻസ് എന്ന നടന്റെ കഴിവ് എടുത്ത് പറയേണ്ട ഒന്നാണ് വളരെ മികവാർന്ന രീതിയിലാണ് അദ്ദേഹം തന്റെ കഥാപാത്രത്തെ അവതരിപ്പിച്ചിരിക്കുന്നത്.സാബുമോൻ , വിജയ് ബാബു, സൈജു കുറുപ്പ് എന്നിവരും തങ്ങളുടെ രസകരമായ പ്രകടനത്തിലൂടെ പ്രേക്ഷകരുടെ കയ്യടി നേടി.

വിഷ്ണു നാരായണന്‍ നമ്പൂതിരിയാണ് ഛായാഗ്രാഹണം. ഷാന്‍ റഹ്മാന്റെ സംഗീതവും മനു മഞ്ജിത്തിന്റെ വരികളും പതിവു പോലെ തന്നെ മികച്ചു നിന്നു. സംസ്ഥാന അവാര്‍ഡ് ജേതാവായ ലിജോ പോളിന്റെ എഡിറ്റിങ്ങും പ്രത്യേക പരാമര്‍ശം അര്‍ഹിക്കുന്നു.

Continue Reading

Latest News

തിരിച്ചു വരവ് ഗംഭീരമാക്കി സംവൃത സുനിൽ..!സത്യം പറഞ്ഞാൽ വിശ്വസിക്കുവോ റിവ്യൂ വായിക്കാം

Published

on

ഇന്ന് കേരളത്തിൽ പ്രദർശനത്തിന് എത്തിയ മലയാള ചിത്രമാണ് സത്യം പറഞ്ഞാൽ വിശ്വസിക്കുവോ ?. ഒരു വടക്കന്‍ സെല്‍ഫിക്കു ശേഷം ജി.പ്രിജിത്ത് സംവിധാനം ചെയ്യുന്ന ചിത്രം ഗ്രീന്‍ ടിവി എന്റര്‍ടെയിനര്‍, ഉര്‍വ്വശി തിയേറ്റേഴ്സ് എന്നിവയുടെ ബാനറില്‍ രമാദേവി, സന്ദീപ് സേനന്‍, അനീഷ് എം തോമസ് എന്നിവര്‍ ചേര്‍ന്നാണ് നിര്‍മ്മിച്ചിരിക്കുന്നത്.‘തൊണ്ടിമുതലും ദൃക്സാക്ഷിയും’ എന്ന ചിത്രത്തിലൂടെ ദേശീയ, സംസ്ഥാന പുരസ്‌കാരങ്ങള്‍ നേടിയ സജീവ് പാഴൂറാണ് ചിത്രത്തിന്റെ തിരക്കഥ ഒരുക്കിയിരിക്കുന്നത്.ആറ് വര്‍ഷം നീണ്ട ഇടവേളയ്ക്ക് വിരാമമിട്ട് പ്രേക്ഷകരുടെ പ്രിയങ്കരിയായ നടി സംവൃത സുനില്‍ തിരിച്ചെത്തുന്ന ചിത്രം കൂടിയാണ്. ബിജു മേനോന്റെ നായികയായിയാണ് സംവൃത ചിത്രത്തിൽ എത്തുന്നത് .

ഒരു കൂട്ടം കോണ്‍ക്രീറ്റ് തൊഴിലാളികളുടെ പച്ചയായ ജീവിതം പറഞ്ഞുപോവുന്ന ഒരു ചിത്രമാണിത്. സുനിയുടെയും, ഗീതയുടെയും പ്രേമവിവാഹം ആയിരുന്നു. ദാരിദ്ര്യത്തിന്റെ ചെറിയ വിഷമങ്ങളാൽ മുന്നോട്ടു പോയിരുന്ന സുനിയുടെ ജീവിതത്തിലേക്ക് പ്രതീക്ഷിക്കാതെ കടന്ന് വരുന്ന സംഭവവികാസങ്ങളും അതിന്റെ തുടർച്ചയുമാണ് ഈ ചിത്രത്തിന്റെ ഇതിവൃത്തം. സുനി എന്ന കഥാപാത്രമായി ബിജു മേനോനും, ഗീതയായി സംവൃത സുനിലും എത്തുന്നു.അലന്‍സിയര്‍, സൈജു കുറുപ്പ്, സുധി കോപ്പ, സുധീഷ്, ശ്രീകാന്ത് മുരളി, വെട്ടുക്കിളി പ്രകാശ്, വിജയകുമാര്‍, ദിനേശ് പ്രഭാകര്‍, മുസ്തഫ, ബീറ്റോ, ശ്രീലക്ഷ്മി, ശ്രുതി ജയന്‍ തുടങ്ങിയവരും ചിത്രത്തിലുണ്ട്.

വളരെ റിയലിസ്റ്റിക് ആയി ഒരുക്കിയിരിക്കുന്ന ചിത്രം വളരെ മനോഹാരിത നിറഞ്ഞതാണ്. വമ്പൻ ആക്ഷൻ രംഗങ്ങളും മാസ്സ് ഡയലോഗുകളും ഒന്നുമില്ലാത്ത ലളിതമായ കഥയും അപ്രതീക്ഷിത ട്വിസ്റ്റുകളും സ്വാഭാവിക നർമം കൊണ്ടും പ്രേക്ഷകരെ പിടിച്ചിരുത്തുന്ന ഒരു റിയലിസ്റ്റിക് വിരുന്നാണ് സത്യം പറഞ്ഞാൽ വിശ്വസികുവോ. സമൂഹത്തിന് നല്ലൊരു മെസ്സേജ് പാസ്സ് ചെയ്യാനും ചിത്രത്തിന് കഴിയുന്നുണ്ട്.

താരങ്ങളുടെ പ്രകടനത്തെ പറ്റി പറയുകയാണെങ്കിൽ എടുത്ത് പറയേണ്ടത് സംവൃത സുനിലിന്റെ പ്രകടനമാണ്, 6 വർഷങ്ങൾക്ക് ശേഷം വീണ്ടും വെള്ളിത്തിരയിലേക്ക് എത്തുമ്പോൾ പ്രേക്ഷകരെ ഒരിക്കലും നിരാശപെടുത്താതെ കൈയടിപ്പിക്കുന്ന പ്രകടനമാണ് കാഴ്ചവെച്ചത്. ഓരോ ചിത്രത്തിലും തന്റെ അഭിനയം കൊണ്ട് വിസ്മയിപ്പിക്കുന്ന ബിജു മേനോൻ ഒരിക്കൽ കൂടി ഞെട്ടിച്ചു എന്ന് തന്നെ പറയാം.ഓരോ കഥാപത്രങ്ങളും മികവുറ്റതായിരുന്നു..ബംഗാളികളുടെ പ്രകടനം വളരെ മികവിട്ടു തന്നെ നിന്നു .

ഷെഹ്നാദ് ജലാലാണ് ഈ ചിത്രത്തിന് വേണ്ടി ദൃശ്യങ്ങളൊരുക്കിയത്. ചിത്രത്തിന്റെ സാങ്കേതിക നിലവാരവും മികച്ചു നിന്നു എന്ന് പറയാം. കഥക്കാവശ്യമായ അന്തരീക്ഷം ഒരുക്കുന്നതിൽ ദൃശ്യങ്ങളോടൊപ്പം ഷാൻ റഹ്മാന്റെ സംഗീതവും വഹിച്ച പങ്കു വളരെ വലുതാണ്.സത്യം പറഞ്ഞാൽ വിശ്വസിക്കുമോ എന്ന ഈ ചിത്രം സമീപകാല മലയാള സിനിമയിൽ വന്ന ഏറ്റവും നല്ല എന്റെർറ്റൈനെറുകളിൽ ഒന്നാണ് എന്ന് ഒരുവിധ സംശയങ്ങളുമില്ലാതെ പറയാം.

Continue Reading

Latest News

അതി ഗംഭീരം ഈ ശുഭരാത്രി…! ശുഭരാത്രി റിവ്യൂ വായിക്കാം

Published

on

ഇന്ന് കേരളത്തിൽ പ്രദർശനത്തിന് എത്തിയ മലയാള ചിത്രമാണ് ദിലീപ് , സിദ്ദിഖ് എന്നിവരെ പ്രധാന കഥാപാത്രമാക്കി വ്യാസൻ കെ പി ഒരുക്കിയ ശുഭരാത്രി.. സംവിധായകൻ തന്നെ തിരക്കഥ ഒരുക്കിയ ഈ ചിത്രം നിർമ്മിച്ചിരിക്കുന്നത് അബാം മൂവീസിന്റെ ബാനറിൽ എബ്രഹാം മാത്യു ആണ്.ചിത്രത്തിൽ നായിക വേഷത്തിൽ എത്തിയത് അനു സിത്താരയാണ് .ദിലീപ് ,സിദിഖ് ,നാദിർഷ ,അനു സിത്താര ,ശാന്തി കൃഷ്ണ,ആശ ശരത്ത്, ഷീലു അബ്രഹാം തുടങ്ങി 50ഓളം താരങ്ങൾ ചിത്രത്തിൽ അണിനിരക്കുന്നു..അയാൾ ജീവിച്ചിരിപ്പുണ്ട് എന്ന ചിത്രത്തിന് ശേഷം വ്യാസൻ കെ പി സംവിധാനം ചെയ്യുന്ന ചിത്രം കൂടിയാണിത്.ചിത്രത്തിന്റെ ടീസറുകളും ഗാനങ്ങളും എല്ലാം ഏറെ പ്രേക്ഷക ശ്രദ്ധ ആകർഷിച്ചിരുന്നു.ദിലീപ് അവതരിപ്പിക്കുന്ന കൃഷ്ണൻ, സിദ്ദിഖ് അവതരിപ്പിക്കുന്ന മുഹമ്മദ്‌ എന്നീ കഥാപാത്രങ്ങൾക്ക് ചുറ്റുമാണ് ഈ ചിത്രം വികസിക്കുന്നത്. ദിലീപിന്റെ ഭാര്യ വേഷത്തിൽ ആണ് അനു സിതാര എത്തുന്നത്. ഒരു യഥാർത്ഥ സംഭവത്തെ ആസ്പദമാക്കിയാണ് ഈ ചിത്രം ഒരുക്കിയിരിക്കുന്നത്. മുഹമ്മദിന്റെ ജീവിതത്തിൽ കൃഷ്ണൻ എങ്ങനെ ഭാഗമാകുന്നു എന്നതാണ് ഈ ചിത്രം പറയുന്നത്.നന്മ നിറഞ്ഞ 100% ഫാമിലി ഫീൽ ഗുഡ് മൂവി..അതാണ് ശുഭരാത്രി എന്ന് ഒറ്റ വാക്കിൽ പറയാം.

പ്രേക്ഷകനെ മടുപ്പിക്കാതെ വളരെ മനോഹരമായി കഥ പറഞ്ഞു പോകുന്ന രീതിയിലാണ് ചിത്രം മുന്നോട്ട് പോകുന്നത്.വളരെ വ്യത്യസ്‍തമായ ഒരു കഥയെ മികച്ച അവതരണത്തിലൂടെ പ്രേക്ഷകന്റെ മനസ്സിൽ എത്തിക്കാൻ സംവിധയകന് കഴിഞ്ഞു.തീയറ്ററിൽ നിന്ന് ഇറങ്ങുമ്പോളും ഓരോ കഥാപാത്രങ്ങളും പ്രേക്ഷക മനസ്സിൽ നിന്ന് മായാത്ത നിറഞ്ഞു നിൽക്കും..


സിദ്ധിഖ് ഒരിക്കൽ കൂടി പ്രേക്ഷകനെ ഞെട്ടിക്കുക തന്നെ ചെയ്തു.മുഹമ്മദ് ആയി സിദ്ദിഖ് തിരശീലയിൽ ജീവിക്കുകയായിരുന്നു.. ദിലീപിൻ്റെ കരിയറിലെ മറ്റൊരു പൊൻ തൂവലാണ് കൃഷ്ണൻ എന്ന കഥാപാത്രം.വളരെ തന്മയത്തത്തോടെ കൃഷ്ണനെ അവതരിപ്പിക്കാൻ ജനപ്രിയ നായകന് കഴിഞ്ഞു. നായികയായി എത്തിയ അനു സിത്താര തന്റെ കഥാപാത്രത്തെ മനോഹരമാക്കി മാറ്റി.മറ്റു പ്രധാന കഥാപാത്രങ്ങളെ അവതരിപ്പിച്ച നെടുമുടി വേണു, ഇന്ദ്രൻസ്, സായി കുമാർ, ഷീലു അബ്രഹാം ,ശാന്തി കൃഷ്ണ എന്നിവരും മികച്ച പ്രകടനം തന്നെ കാഴ്ച വെച്ചു. ചെറുതും വലുതുമായി വേഷങ്ങളിൽ അമ്പതോളം പ്രമുഖ ആർട്ടിസ്റ്റുകൾ ആണ് ചിത്രത്തിൽ അണിനിരക്കുന്നത് .എല്ലാവരും ഒന്നിനൊന്നു മികച്ചുനിന്നു.

ആൽബി ഒരുക്കിയ ദൃശ്യങ്ങൾ ചിത്രത്തിന് മിഴിവേകിയപ്പോൾ ബിജിപാൽ ഒരുക്കിയ സംഗീതം ചിത്രത്തിന്റെ മൂഡിനോട്ട് ഇണങ്ങി നിന്നു .മികച്ച ഒരു ഫീൽഗുഡ് കുടുംബ ചിത്രമാണ് ശുഭരാത്രി..പ്രേക്ഷകനെ മടുപ്പിക്കാതെ മനോഹരമായി കഥ പറയുന്ന മികച്ച ഒരു ചിത്രം

Continue Reading

Updates

Trending