കായംകുളം കൊച്ചുണ്ണിയുടെ രക്ഷകനായി മോഹൻലാൽ എത്തുന്നു…..

0

നിവിൻപോളി നായകനാകുന്ന റോഷൻ ആൻഡ്രൂസ് ചിത്രമായ കായംകുളം കൊച്ചുണ്ണിയിൽ ലാലേട്ടനും എത്തുന്നു. ഇത് സംബന്ധിച്ച് നേരത്തെ പല വാർത്തകൾ വന്നിരുന്നെങ്കിലും ഇന്നലെയാണ് സംവിധായകൻ റോഷൻ ആൻഡ്രൂസ് , കൊച്ചുണ്ണിയിലെ നായകൻ നിവിൻപോളി എന്നിവർ വാർത്തകൾ പുറത്ത് വിട്ടത്.

കള്ളന്‍ കൊച്ചുണ്ണിയുടെ സഹവര്‍ത്തിയായ ഇത്തിക്കരപ്പക്കിയായിട്ടായിരിക്കും മോഹന്‍ലാല്‍ കായംകുളം കൊച്ചുണ്ണിയില്‍ അവതരിക്കുക.

ഈ വേഷത്തിനായി മറ്റാരെയും തങ്ങള്‍ക്ക് ചിന്തിക്കാനാവുമായിരുന്നില്ല എന്നും ഈ കഥാപാത്രം സ്വീകരിച്ചതിന് മോഹന്‍ലാലിനോട് നന്ദി പറയുന്നുവെന്നും റോഷന്‍ ആന്‍ഡ്രൂസ് ഫേയ്‌സ് ബുക്കില്‍ വ്യക്തമാക്കി. ഗോകുലം ഗോപാലന്‍ നിര്‍മ്മിക്കുന്ന ചിത്രത്തില്‍ സണ്ണി വെയ്ന്‍, ബാബു ആന്റണി, പ്രിയ ആനന്ദ് എന്നിവരും അഭിനയിക്കുന്നു. ചിത്രീകരണം പുരാഗമിക്കുകയാണ്. റിലീസ് തിയതി തീരുമാനിച്ചിട്ടില്ല.

Share.

Comments are closed.